1 കൊരിന്ത്യഗാറാര് ഈ ബൊക്കുന പറ്റി സ്‌ന്ന ഒന്റു സേദി
ഈ ബൊക്കുന പറ്റി സ്‌ന്ന ഒന്റു സേദി
പവുലോസു കൊരിന്ത്യ പട്ടണാത്ത്‌ല് മാഡ്‌ന ഏസ്സ്‌ഗാറാര് കൂട്ടാത്ത്‌ല് ക്‌റ്‌സ്‌ത്ത്‌ന നമ്പുവാദ്‌ന പറ്റിമ് അത്തെ നമ്പി പെ്ളേക്കുവാദ്‌ന പറ്റിമ് പല ദിന്‌സ്‌ല് സൊല്ലുവ തറ്‌ക്കഗാള് ബന്ത്‌ദ്. അയി തറ്‌ക്കഗാള്‌ന തീര്‌ക്ക്യ ബേ്ണ്ടിത്തെ പവുലോസു ഈ എ്ള്‌ത്ത് എ്ള്‌ദ്‌നാദ്. അയി കൊരിന്ത്യ പട്ടണ എവന നാഡ്‌ല പേര്‌കേ്ട്ട ദൊഡ്ഡ പട്ടണ ആയിന്ത്‌ദ്. ഇദ് റോമഗാറാര് കയിലിന്ത അഗായ നാഡ്‌ല മ്‌ഗ്‌ന്ത പട്ടണാമ് ആയിന്ത്‌ദ്. പല ദിന്‌സിലിന്ത മദഗാള്, ആള്‌ഗാള് ഒട്ടുക്കു കണ്ടപഡിക്ക് പെ്ളേക്കുവ പെ്ളേപ്പ്, തമ്മ് പേര്‌കേ്ട്ട സട്ട്‌മെ്ട്ട്‌ഗാള് പഡി പെ്ളേക്കുവ പെ്ളേപ്പ്, ഏവാര ഗേവാദ്‌ഗാള്‌ലെല്ല ഈ പട്ടണ പേര് കേ്ട്ടിന്ത്‌ദ്.
ഏസ്സ്‌ഗാറാര് കൂട്ടാത്ത്‌ല് ആള്‌ഗാള് ആങ്കീങ്ക് കച്ചിപ്‌ഡിക്കുവാദ്‌നാമ്, കണ്ടപഡിക്ക് പെ്ളേക്കുവാദ്‌നാമ്, കല്യണ മുഡിക്കുവാദ്‌നാമ്, മനേസ്സ് സൊല്ലുവ കാര്യഗാള് ഗേവാദ്‌നാമ്, ഏസ്സ്‌ഗാറാര് കൂട്ടാത്ത്‌ല ഒന്റൊന്റു കാര്യഗാള് എത്തെ ഗേഡൊ എന്നുവാദ്‌നാമ്, സാമിനിഗാല് തരുവ ബരഗാള്‌നാമ്, ഉജുര്‌ളാഗുവാദ്‌നാമ് പറ്റിത്തെ പവുലോസു ഈ എ്ള്‌ത്ത്‌ല് മുക്ക്യമായി സൊല്ലുവാദ്. ഇദ്‌ന പറ്റി ബന്ത കേ്ള്‌വിഗാള്‌ന പറ്റി നല്ല സേദി എന്ത് സൊന്റു എന്റ് പവുലോസു നല്ല ബുദ്ദില് സൊല്ലി കൊഡുക്കുന്റാന്.
പദിമൂണാവാദ് അദ്ദ്യായാത്ത്‌ല് സാമി തന്ന് ജനഗാള്‌ക്ക് കൊഡുക്കുവ തന്ന് മ്‌ഗ്‌ന്ത ബര ആന സീവാന്‌ന പറ്റി എ്ള്‌ദിര്‌ക്ക്‌ന്റാന്. ഇദ്‌ത്തെ ഈ എ്ള്‌ത്ത്‌ല പേര്‌കേ്ട്ട സൊല്ലുസുലാക്കഗാള്.
ഈ ബൊക്കുലു അഡാങ്കിര്‌ക്കുവാദ്
ഈ എ്ള്‌ത്ത്‌ന പറ്റി സ്‌ന്ന ഒന്റു സേദി1:1–9
ഏസ്സ്‌ഗാറാര് കൂട്ടാത്ത്‌ല കച്ചിഗാള്1:10—4:21
കണ്ടപഡിക്ക് പെ്ളേക്കുവാദ്‌മ് ആളാന്‌പെ്ണ്ട് ഒന്റായി പെ്ളേക്കുവാദ്‌മ്5:1—7:40
ഏസ്സ്‌ഗാറാര്‌മ് ഏസ്സ്‌ന നമ്പാത്തവാര്‌മ് 8:1—11:1
ഏസ്സ്‌ഗാറാര് കൂട്ടത്ത്‌ലവാര് പെ്ളേപ്പ്‌മ് സാമി കുമ്മുഡുവാദ്‌മ്11:2—14:40
ക്‌റ്‌സ്‌ത്ത്‌മ് ഏസ്സ്‌ഗാറാര്‌മ് ഉജുര്‌ളാഗുവാദ്15:1–58
എഗുദാല് ഏസ്സ്‌ഗാറാര്‌ക്കുള്ള ദറ്‌മ്മ16:1–4
പവുലോസുത്തു സൊന്ത കാര്യഗാള്‌മ് എ്ള്‌ത്ത് മുഡിക്കുവാദ്‌മ്16:5–24
Currently Selected:
1 കൊരിന്ത്യഗാറാര് ഈ ബൊക്കുന പറ്റി സ്‌ന്ന ഒന്റു സേദി: സാമി സേദി
Highlight
Share
Copy
Want to have your highlights saved across all your devices? Sign up or sign in
New Life Computer Institute