Rɔm 2
2
Tar uwa dɔ nje gangə tar dɔ ngan mar-jejee gə
Mat 7.1-5; Jag 2.12-13
1Gəl-e gə nee ɓa, ɗəw gə tar a kuwa ne dɔ-i ang godo, ꞌi gə ꞌto na-na ja gə ꞌgangə tar, tar gə ꞌgangə dɔ njemar-i gə le, ꞌi ja uwa darɔ-i gə tar, mba ꞌi gə nje gangə tar dɔ ngan mar-ije gə le, ꞌI kara kula ɗa-i to to gə kar-jejee be ja tɔ. 2Ngaa, ja gərə to gə gangə tar lə Luba dɔ nje ɗa neje gə to gə bənəng gə le, to gə go tar gə tɔgərɔ. 3ꞌI le, ꞌi gə nje gangə tar dɔ nje ɗa neje gə to gə benəng gə, neje gə ꞌi kara ꞌto njeɗa-ɛ nəm tɔ le, o to gə a ce ta gangə tar gə lə Luba wa? 4Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa? 5Ngaa gə go məkədərə lə-i ngaɓa ꞌnjigi mbəl kəji lə-i ang, ar ɔsə ne kɔr wungu ɔji dɔ-i, ɔji ne dɔ ndɔ wungu gə gangə tar gadə-gadə lə Luba a kila ne gə ɗaga, 6ꞌne gə n-a kuga na-na kara gə go kula ɗ-ɛje: 7n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang; 8ngaa wungu gə məko̰ lə-a a ɓugu dɔ nje gə ꞌmbadə kila kuji dɔ tar gə tɔgərɔ gə go kəji mə bo ɗaa neɗa gə dɔ buguru ɓa d-ila kuji kəne. 9Neməko̰ gə nekarə gədə a ɗe dɔ dəw ɗa-ɗa gə nje ɗa məyɛr gə, dɔ Jiibi gə ja dɔngɔr, ngaɓa dɔ dəw gə to Jiibi ang gə ɓi! 10Ngaa rɔɓila, ɗɔy gə ɗɛgɛgɛ a to mba dəw gə ɗa-ɗa gə ɗa ne gə may, mba Jiibi ja dɔngɔr ngaɓa mba Dəw gə to Jiibi ang ɓi! 11Mba no Luba gə le kɔr kəm dəw godo.
Neɗa gə kṵra̰y lə nje gə gərə torondu
12Dəwje tɔ̰y gə ꞌɗa neɗa gə kṵra̰y lal torondu le, d-a tuji lal torondu ja tɔ, ɗaa dəwje tɔ̰y gə ꞌgərə ꞌɗa neɗa gə kṵra̰y gəl torondu gə le, d-a gangə tar dɔ-je gə gə go torondu ja tɔ. 13Mba dəwje gə ꞌtuga mbi-je d-o ne torondu ɓa to dəwje gə gadə-gadə ta kəm Luba gə ang ngaa nje gə ꞌɗa ne kula ɓa d-o-je gə dəwje gə gadə-gadə. 14Logə dəwje gə ꞌgərə Luba ang, gə ꞌgərə torondu ang ja, d-ḭ gə dɔ rɔ-je baa ja ꞌɗa ne gə torondu pa, ꞌjejee gə torondu godo ji-je gə nee le, ꞌjejee ja ꞌto torondu gə ɔji dɔ rɔ-jejee ja; 15ꞌtɔji-je ɗəw kula ɗa-je to gə torondu le d-unja dɔ ɓəngərə-je gə kəy; kəji lə-je kara ɗa tar naj-ɛ tɔ, ngaɓa kəji tar lə-je ila tar dɔ-je gə ose ɔr tar dɔ-je gə ore go na-na. 16Ye ɓa to ne gə a ce dɔ ndɔ gə go Tar gə May gə m-ila mbər-e ɗəw gə lə Jeju Kirisi le, Luba a gangə ne tar dɔ neje gə dəwje ꞌɗa lo kiya gə.
17Ngaa, ꞌi gə un ri Jiibi unda dɔ-i gə, gə unda mə-i dɔ torondu gə, ngaɓa uwa Luba ɔsə ne rɔ-i, 18ꞌi gə ꞌgərə mə njigi lə-a, ꞌi gə torondu ndo-i ne, ꞌgərə kɔr kəm ne gə may, 19ꞌi gə o rɔ-i gə njekila kagə ji nje kəm tɔje gə, gə lokarə lə nje gə d-isi dan cil ciməri gə, 20gə nje siri mbəje, njenetɔji lə nganje, mba ɗəw negərə gə tar gə tɔgərɔ gə inga mə torondu gə; 21ꞌi gə aw tɔji ngan mar-ije ne ngaa darɔ-i ꞌi ja ꞌtɔj-ɛ ne ang! ꞌTo nje pa kar dəwje na ꞌɓogo ang, ngaa ꞌi ꞌɓogo! 22ꞌI gə ꞌpa na dəw ɓogo lo to ang ngaa ꞌi ɓogo lo to, ꞌi gə ꞌyiɛm magəje gə yiɛm, ngaa ɓogo neje gə kəy polo-je gə! 23ꞌI gə uwa torondu gə ne riɓar lə-i, ngaa ꞌɗɔy Luba ang gə go kal dɔ torondu! 24Mba ꞌtaji ri Luba horo dəwje gə ꞌgərə Luba ang gə mba sisəy, to to gə ɗa ne mə mbede gə.
Kunja bərə gə tɔgərɔ
25Tɔgərɔ ja, to gə ɓo ila kuji dɔ torondu gə nama kunja bərə lə-i le to ne gə may ja; ngaa to gə ɓo al dɔ torondu nama kunja bərə lə-i le təl to gə kunja bərə ang baa. 26To gə ɓo dəw gə unja bərə ang ila kuji dɔ torondu gə le se d-a tura-a gə njekunja bərə ang wa? 27ꞌNe gə n-to njekunja bərə ang ja, n-ila kuji dɔ torondu gə le se, n-gangə ne tar dɔ-i ꞌi gə ang wa? ꞌI gə torondu to ji-i gə ngaɓa unja bərə ja cibi ɓa al dɔ torondu le. 28Mba, ne gə kəm o ɓa tɔji dəw gə Jiibi ang nəm, ngaɓa ndaji gə d-o darɔ dəw gə nda̰-nda̰ ɓa to gə kunja bərə ang baa, 29ngaa dəw gə to Jiibi le, to Jiibi m-e gə kəy, ngaɓa kunja bərə gə tɔgərɔ le to dɔ ɓəngərə gə, gə go njil ɓo mbede torondu ang baa. Dəw gə to gə be le Luba ja ɔsə gaji-ɛ ɓo dəwje baa ang.
Currently Selected:
Rɔm 2: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Rɔm 2
2
Tar uwa dɔ nje gangə tar dɔ ngan mar-jejee gə
Mat 7.1-5; Jag 2.12-13
1Gəl-e gə nee ɓa, ɗəw gə tar a kuwa ne dɔ-i ang godo, ꞌi gə ꞌto na-na ja gə ꞌgangə tar, tar gə ꞌgangə dɔ njemar-i gə le, ꞌi ja uwa darɔ-i gə tar, mba ꞌi gə nje gangə tar dɔ ngan mar-ije gə le, ꞌI kara kula ɗa-i to to gə kar-jejee be ja tɔ. 2Ngaa, ja gərə to gə gangə tar lə Luba dɔ nje ɗa neje gə to gə bənəng gə le, to gə go tar gə tɔgərɔ. 3ꞌI le, ꞌi gə nje gangə tar dɔ nje ɗa neje gə to gə benəng gə, neje gə ꞌi kara ꞌto njeɗa-ɛ nəm tɔ le, o to gə a ce ta gangə tar gə lə Luba wa? 4Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa? 5Ngaa gə go məkədərə lə-i ngaɓa ꞌnjigi mbəl kəji lə-i ang, ar ɔsə ne kɔr wungu ɔji dɔ-i, ɔji ne dɔ ndɔ wungu gə gangə tar gadə-gadə lə Luba a kila ne gə ɗaga, 6ꞌne gə n-a kuga na-na kara gə go kula ɗ-ɛje: 7n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang; 8ngaa wungu gə məko̰ lə-a a ɓugu dɔ nje gə ꞌmbadə kila kuji dɔ tar gə tɔgərɔ gə go kəji mə bo ɗaa neɗa gə dɔ buguru ɓa d-ila kuji kəne. 9Neməko̰ gə nekarə gədə a ɗe dɔ dəw ɗa-ɗa gə nje ɗa məyɛr gə, dɔ Jiibi gə ja dɔngɔr, ngaɓa dɔ dəw gə to Jiibi ang gə ɓi! 10Ngaa rɔɓila, ɗɔy gə ɗɛgɛgɛ a to mba dəw gə ɗa-ɗa gə ɗa ne gə may, mba Jiibi ja dɔngɔr ngaɓa mba Dəw gə to Jiibi ang ɓi! 11Mba no Luba gə le kɔr kəm dəw godo.
Neɗa gə kṵra̰y lə nje gə gərə torondu
12Dəwje tɔ̰y gə ꞌɗa neɗa gə kṵra̰y lal torondu le, d-a tuji lal torondu ja tɔ, ɗaa dəwje tɔ̰y gə ꞌgərə ꞌɗa neɗa gə kṵra̰y gəl torondu gə le, d-a gangə tar dɔ-je gə gə go torondu ja tɔ. 13Mba dəwje gə ꞌtuga mbi-je d-o ne torondu ɓa to dəwje gə gadə-gadə ta kəm Luba gə ang ngaa nje gə ꞌɗa ne kula ɓa d-o-je gə dəwje gə gadə-gadə. 14Logə dəwje gə ꞌgərə Luba ang, gə ꞌgərə torondu ang ja, d-ḭ gə dɔ rɔ-je baa ja ꞌɗa ne gə torondu pa, ꞌjejee gə torondu godo ji-je gə nee le, ꞌjejee ja ꞌto torondu gə ɔji dɔ rɔ-jejee ja; 15ꞌtɔji-je ɗəw kula ɗa-je to gə torondu le d-unja dɔ ɓəngərə-je gə kəy; kəji lə-je kara ɗa tar naj-ɛ tɔ, ngaɓa kəji tar lə-je ila tar dɔ-je gə ose ɔr tar dɔ-je gə ore go na-na. 16Ye ɓa to ne gə a ce dɔ ndɔ gə go Tar gə May gə m-ila mbər-e ɗəw gə lə Jeju Kirisi le, Luba a gangə ne tar dɔ neje gə dəwje ꞌɗa lo kiya gə.
17Ngaa, ꞌi gə un ri Jiibi unda dɔ-i gə, gə unda mə-i dɔ torondu gə, ngaɓa uwa Luba ɔsə ne rɔ-i, 18ꞌi gə ꞌgərə mə njigi lə-a, ꞌi gə torondu ndo-i ne, ꞌgərə kɔr kəm ne gə may, 19ꞌi gə o rɔ-i gə njekila kagə ji nje kəm tɔje gə, gə lokarə lə nje gə d-isi dan cil ciməri gə, 20gə nje siri mbəje, njenetɔji lə nganje, mba ɗəw negərə gə tar gə tɔgərɔ gə inga mə torondu gə; 21ꞌi gə aw tɔji ngan mar-ije ne ngaa darɔ-i ꞌi ja ꞌtɔj-ɛ ne ang! ꞌTo nje pa kar dəwje na ꞌɓogo ang, ngaa ꞌi ꞌɓogo! 22ꞌI gə ꞌpa na dəw ɓogo lo to ang ngaa ꞌi ɓogo lo to, ꞌi gə ꞌyiɛm magəje gə yiɛm, ngaa ɓogo neje gə kəy polo-je gə! 23ꞌI gə uwa torondu gə ne riɓar lə-i, ngaa ꞌɗɔy Luba ang gə go kal dɔ torondu! 24Mba ꞌtaji ri Luba horo dəwje gə ꞌgərə Luba ang gə mba sisəy, to to gə ɗa ne mə mbede gə.
Kunja bərə gə tɔgərɔ
25Tɔgərɔ ja, to gə ɓo ila kuji dɔ torondu gə nama kunja bərə lə-i le to ne gə may ja; ngaa to gə ɓo al dɔ torondu nama kunja bərə lə-i le təl to gə kunja bərə ang baa. 26To gə ɓo dəw gə unja bərə ang ila kuji dɔ torondu gə le se d-a tura-a gə njekunja bərə ang wa? 27ꞌNe gə n-to njekunja bərə ang ja, n-ila kuji dɔ torondu gə le se, n-gangə ne tar dɔ-i ꞌi gə ang wa? ꞌI gə torondu to ji-i gə ngaɓa unja bərə ja cibi ɓa al dɔ torondu le. 28Mba, ne gə kəm o ɓa tɔji dəw gə Jiibi ang nəm, ngaɓa ndaji gə d-o darɔ dəw gə nda̰-nda̰ ɓa to gə kunja bərə ang baa, 29ngaa dəw gə to Jiibi le, to Jiibi m-e gə kəy, ngaɓa kunja bərə gə tɔgərɔ le to dɔ ɓəngərə gə, gə go njil ɓo mbede torondu ang baa. Dəw gə to gə be le Luba ja ɔsə gaji-ɛ ɓo dəwje baa ang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved