Rɔm 14
14
Njesingaje gə njembɔrɛje
1Kɔ 4.3-5; 8.1-13; 10.23-33
1Uwaje njembɔrɛ gə ɗəw takagə gə gə rɔ-si gə maj-ɛ, ꞌpaje sə-a mba kəji lə-a ang.
2Dəw gə nee asə kusa neje tɔ̰y gə go takagə lə-a, dəw gə kən gə takagə lə-a mbɔr-ɛ ɗaa, ye usa kam ne. 3May kar dəw gə njekusa-a le dabə njekusa-a ang dasəra ang, ngaɓa dəw gə usa ang kara may kar ila tar dɔ njekusa-a gə ang tɔ, mba Luba uwa-a gə rɔ-ɛ gə tɔ. 4ꞌI ꞌto na ɓa ꞌgangə tar dɔ ngon lokisi gə lə dəw wa? N-ar taar, ose n-oso kara to tar lə ꞌɓəə-eje. Ngaa n-a kar taar ja, mba singa Mbayɓe asə mba gəd-e.
5Dəw gə nee, na ndɔ gə to ɓəəl unda mar-ɛje ga̰, dəw gə kən na ndɔje d-asə naa tɔ̰y. May kar na-na kara gərə go kəji lə-a gə pa ne le gə maj-ɛ.
6Dəw gə nje kɔr kəm ndɔje, ɔr kəm-je mba Mbayɓe. Dəw gə njekusa ne kara, usa mba Mbayɓe, mba n-ɗa Luba oyo, dəw gə usa ang kara, usa ang mba Mbayɓe tɔ; ꞌne kara n-ɗa Luba oyo tɔ. 7Mba dəw kara ja horo-sijee gə aw kəm baa mba darɔ-ɛ ye ja godo, ngaɓa dəw gə uy mba darɔ-ɛ ye ja le godo tɔ. 8Mba to gə ɓo j-awje kəm baa nama j-awje kəm baa mba Mbayɓe, ngaɓa to gə ɓo j-uyje kara j-uyje mba Mbayɓe, le j-awje ne kəm baa ose j-uyje ne kara j-a toje kar Mbayɓe. 9Mba Kirisi uy ɓa təl aw kəm baa mba to Mbayɓe lə nje gə d-uy gə nje gə d-aw kəm baa. 10Ngaa ꞌi, ꞌi to na ɓa ꞌgangə tar dɔ ngon ko̰-i gə wa? Ose ꞌi, mba ɗi ja ɓa ꞌdabə ne ngon ko̰-i dasəra wa? J-a kar no ngɔ gangə tar gə lə Luba ja tɔ̰y. 11Mba ꞌɗa mə mbede gə na:
M-aw kəm baa, Mbayɓe be,
Takəji gə ɗa-ɗa kara a kɔsə nangə no-m gə,
Ngaɓa ndo̰ tar gə ɗa-ɗa kara a pa tar ɓar ne ri Luba ɓolong. # 14.11
Eja 45.23
.
12Be ɓa na-na kara horo-sijee gə le, a kɔr go kula ɗ-ɛ no Luba gə ɔji dɔ-ɛ ye ja.
13J-a gangəje tar dɔ naa gə gə yo gə nee ang; ngaa may kar j-ar-je gangə tar lə-si təl to jigi no ngon ko̰-si gə ose təl to ɗəw koso lə-a ang.
14M-gərə ngaɓa m-gərə gə maj-ɛ ɗəw gə lə Mbayɓe Jeju, to gə ne kara gə mina gə dɔ rɔ-ɛ le godo; ngaa to gə ɓo dəw o ne gə ne gə mina nama, to ne gə mina ta kəm-e ye gə ja. 15To gə ɓo mba nekusa ɓa kəm ngon ko̰-i ɗa ne ndoo nama njigi godo mə-i gə. Dəw gə Kirisi uy mba tar lə-a le, ar-ɛ tuji mba nekusa baa ang. 16May kar ne gə to gə may lə-sisəy le ɔr ɗəw ar ꞌpa ne gə si ang. 17Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə. 18Dəw gə ɗa kula lə Kirisi to gə be le ta kəm Luba nəm ngaɓa may ta kəm dəwje nəm tɔ. 19Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee. 20ꞌTuji kula lə Luba mba nekusa ang. Tɔgərɔ, ne tɔ̰y arə ngadə ja, ngaa logə dəw usa ɓa ɓo təl to jigi tuga nama may ang. 21May mba kusa da ang nəm kay kodo ang nəm, ngaɓa kɔgə rɔ-i dɔ ne gə a təl to jigi tuga no ngon ko̰-i gə kar oso ne ose mbɔr-ɛ ne. 22Takagə lə-i ꞌi ja, ꞌngom gə kar-i ja no Luba gə. Nokarə to kar dəw gə ila tar dɔ darɔ-ɛ ye gə ja ang, ɔji dɔ ne gə ye ja o gə ne gə may ta kəm-e gə! 23Ngaa dəw gə ɗəgə tar dɔ ne gə usa gə nama ye ja tar uwa dɔ-ɛ, mba n-nja gə go takagə ang. Be ɓa ne tɔ̰y gə ɗe gə go takagə ang le to neɗa gə kṵra̰y.
Currently Selected:
Rɔm 14: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Rɔm 14
14
Njesingaje gə njembɔrɛje
1Kɔ 4.3-5; 8.1-13; 10.23-33
1Uwaje njembɔrɛ gə ɗəw takagə gə gə rɔ-si gə maj-ɛ, ꞌpaje sə-a mba kəji lə-a ang.
2Dəw gə nee asə kusa neje tɔ̰y gə go takagə lə-a, dəw gə kən gə takagə lə-a mbɔr-ɛ ɗaa, ye usa kam ne. 3May kar dəw gə njekusa-a le dabə njekusa-a ang dasəra ang, ngaɓa dəw gə usa ang kara may kar ila tar dɔ njekusa-a gə ang tɔ, mba Luba uwa-a gə rɔ-ɛ gə tɔ. 4ꞌI ꞌto na ɓa ꞌgangə tar dɔ ngon lokisi gə lə dəw wa? N-ar taar, ose n-oso kara to tar lə ꞌɓəə-eje. Ngaa n-a kar taar ja, mba singa Mbayɓe asə mba gəd-e.
5Dəw gə nee, na ndɔ gə to ɓəəl unda mar-ɛje ga̰, dəw gə kən na ndɔje d-asə naa tɔ̰y. May kar na-na kara gərə go kəji lə-a gə pa ne le gə maj-ɛ.
6Dəw gə nje kɔr kəm ndɔje, ɔr kəm-je mba Mbayɓe. Dəw gə njekusa ne kara, usa mba Mbayɓe, mba n-ɗa Luba oyo, dəw gə usa ang kara, usa ang mba Mbayɓe tɔ; ꞌne kara n-ɗa Luba oyo tɔ. 7Mba dəw kara ja horo-sijee gə aw kəm baa mba darɔ-ɛ ye ja godo, ngaɓa dəw gə uy mba darɔ-ɛ ye ja le godo tɔ. 8Mba to gə ɓo j-awje kəm baa nama j-awje kəm baa mba Mbayɓe, ngaɓa to gə ɓo j-uyje kara j-uyje mba Mbayɓe, le j-awje ne kəm baa ose j-uyje ne kara j-a toje kar Mbayɓe. 9Mba Kirisi uy ɓa təl aw kəm baa mba to Mbayɓe lə nje gə d-uy gə nje gə d-aw kəm baa. 10Ngaa ꞌi, ꞌi to na ɓa ꞌgangə tar dɔ ngon ko̰-i gə wa? Ose ꞌi, mba ɗi ja ɓa ꞌdabə ne ngon ko̰-i dasəra wa? J-a kar no ngɔ gangə tar gə lə Luba ja tɔ̰y. 11Mba ꞌɗa mə mbede gə na:
M-aw kəm baa, Mbayɓe be,
Takəji gə ɗa-ɗa kara a kɔsə nangə no-m gə,
Ngaɓa ndo̰ tar gə ɗa-ɗa kara a pa tar ɓar ne ri Luba ɓolong. # 14.11
Eja 45.23
.
12Be ɓa na-na kara horo-sijee gə le, a kɔr go kula ɗ-ɛ no Luba gə ɔji dɔ-ɛ ye ja.
13J-a gangəje tar dɔ naa gə gə yo gə nee ang; ngaa may kar j-ar-je gangə tar lə-si təl to jigi no ngon ko̰-si gə ose təl to ɗəw koso lə-a ang.
14M-gərə ngaɓa m-gərə gə maj-ɛ ɗəw gə lə Mbayɓe Jeju, to gə ne kara gə mina gə dɔ rɔ-ɛ le godo; ngaa to gə ɓo dəw o ne gə ne gə mina nama, to ne gə mina ta kəm-e ye gə ja. 15To gə ɓo mba nekusa ɓa kəm ngon ko̰-i ɗa ne ndoo nama njigi godo mə-i gə. Dəw gə Kirisi uy mba tar lə-a le, ar-ɛ tuji mba nekusa baa ang. 16May kar ne gə to gə may lə-sisəy le ɔr ɗəw ar ꞌpa ne gə si ang. 17Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə. 18Dəw gə ɗa kula lə Kirisi to gə be le ta kəm Luba nəm ngaɓa may ta kəm dəwje nəm tɔ. 19Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee. 20ꞌTuji kula lə Luba mba nekusa ang. Tɔgərɔ, ne tɔ̰y arə ngadə ja, ngaa logə dəw usa ɓa ɓo təl to jigi tuga nama may ang. 21May mba kusa da ang nəm kay kodo ang nəm, ngaɓa kɔgə rɔ-i dɔ ne gə a təl to jigi tuga no ngon ko̰-i gə kar oso ne ose mbɔr-ɛ ne. 22Takagə lə-i ꞌi ja, ꞌngom gə kar-i ja no Luba gə. Nokarə to kar dəw gə ila tar dɔ darɔ-ɛ ye gə ja ang, ɔji dɔ ne gə ye ja o gə ne gə may ta kəm-e gə! 23Ngaa dəw gə ɗəgə tar dɔ ne gə usa gə nama ye ja tar uwa dɔ-ɛ, mba n-nja gə go takagə ang. Be ɓa ne tɔ̰y gə ɗe gə go takagə ang le to neɗa gə kṵra̰y.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved