Lo kila gəl ne 17

Jene kaya

1Be ɓa kara lə anjije gə siri gə d-uwa ngo nekay gə siri ngɛsə gə kede ɗaa pa tar to gə be ar-m na: ꞌƊe, m-a tɔji-i tar gə ꞌgangə dɔ ko̰ kaya jene gə isi dɔ baboje gə. 2ꞌNe le ɓa mbayje gə dɔ nangə gə d-uwa sə-a ba-ɛ ꞌto ne gə kayaje, ɗaa dəwje gə d-isi dɔ nangə gə d-ula ne rɔ-je lo kay kodo gə aw gə je mɔdə kaya gə. 3Njil ɗe yiil dɔ-m gə ɗaa anji un-m aw sə-m ndag lo gə. Ɗaa m-o jene kara isi dɔ da gə kasə gə uba gaji-ɛ siri ngaɓa dɔ-ɛ dɔg, rije gə ꞌtaji ne Luba ɗusu rɔ-ɛ njḭ. 4Jene nee le d-ula-a kubu gə kasə njir-njir ngaɓa kasə wəd-wəd, ꞌɗ-ɛ mandə gə maa, gə ərje gə gad-e ya̰ ngaɓa gə mərje. N-uwa ngo maa kay ne gə ne kayaje lə-a gə to nekɔbəje gə ne gə mina ɗusu m-e tubu. 5ꞌƊa ri misi kara ɓida no-ɛ gə na: Babilon gə boy ko̰ jene kayaje gə nje ɗa nekɔbəje gə dɔ nangə gə. 6Ɗaa m-o jene gə ay məsə njerɔsangəje gə njetar najije lə Jeju ar ɗ-ɛ to gə kodo be. Logə m-o-e ɗaa lo tar igi-m sɛl.

7Ngaɓa anji pa ar-m na: Mba ɗi ɓa lo tar igi-i sɛl wa? M-a pa tar nemisi lə jene je gə da gə dɔ-ɛ siri gə gaji-ɛ dɔg nee kar-i o.

8Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe. 9Dɔ kar gə nee le, to mba kar dəw gə negərə lə-a ga̰ nama, may kar kəm karə unja kəm-e dɔ-ɛ gə: dɔ da gə siri le, to gə dɔ ərje gə siri gə jene isi kəne, ngaɓa to gə mbayje gə siri tɔ. 10Nje gə mi ꞌgodo ngaa, ye gə kara ga̰ dɔ ɓeko̰ gə ɓi, ye gə kara gə ɗangə n-nay ɓi tɔ, ngaa logə n-a ko̰ ɓe ɗaa, kur-e a kəw ang baa. 11Ngaɓa da gə ga̰ kede ɓa təl godo magə le, ye ja to gə mbay gə njekum gə ji nay joo. N-to kara lə nje gə siri le, ɗaa ꞌne n-aw gə lo tuji gə lə-a.

12Gaji da gə dɔg gə ꞌI o le, to gə mbayje dɔg, gə d-isi dɔ ɓeko̰ gə ang ɓi, ngaa d-inga singa ko̰ dɔ ne mba kar d-o̰ ne ɓe naa gə kara baa gə da le kəm kar kara ja baa. 13Ne kara ja baa ꞌgɔl mba ɗa: kum singamongə lə-je gə tɔgəmbang lə-je naa gə kara baa gə da, mba ɗa ne kula lə-a. 14D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

15Cibi n-pa n-ar-m na: Man bo gə o gə jene kaya isi dɔ-ɛ gə le, to gə dəw mə ɓeje, gə bula dəwje, gə gəl kuji dəwje, gə ndo̰ tarje. 16Ɗaa, gaji da gə dɔg gə o, gə da le, d-a njigi jene kaya le ang gə kɔrɔ, d-a tɔr ne rɔ-ɛ, kḭya̰-a kud-e dum baa. D-a kusa da kas-ɛ ngaɓa d-a ro-e gə pər tulug-tulug. 17Mba Luba ula ta-kəji mə-je gə mba kar ꞌɗa ne gə ꞌne n-gɔl gə mba ɗa, ne kara baa gə n-gɔl le ɓa nee: kum singamongə ɓeko̰ lə-je naa gə kara baa, mba ɗa ne kula lə da kɔr saar kar tar lə Luba aw ne lo-e gə yɛrɛrɛ. 18Ngaɓa jene gə o-e le, to gə ɓebo gə boy gə o̰ dɔ mbayje gə dɔ nangə gə.

Currently Selected:

Lo kila gəl ne 17: lap

Highlight

Copy

Compare