Jagə 4
4
Kuwa gədərə dan nenaje gə kar darɔ
1Pi 5.5-9
1Kaw gə naa gə tar, gə tɔsə tarje gə horo-si gə le se, d-ḭ ɗa wa? D-ḭ ɗəw ɓo neje gə kar darɔ, gə d-aw ɗa gə naa ɗɔ bar kəm rɔ-sijee gə le ang wa? 2Kəm-si ə̰y dɔ neje gə, ngaa sisəy ingaje ang; ꞌtoje gə nje tɔl dəwje, gə nje ɗa mal neje, ngaɓa mə-si njinga neɗa ingaje ang; ꞌtɔsəje ta naa, gə ꞌɗɔje naa; ngaɓa ingaje ne ang, mba dəjije ang. 3ꞌDəjije ne nama ingaje ang mba ꞌdəjije gə go ɗəb-e ang, ngaɓa dəjije mba tɔl ne ɓo neje gə uwa-si ɓərə gə ja baa.
4Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba. 5Ose əjije to gə Mbede pa tar gə nee baa wa? Tar gə na: Njil gə Luba njigi kar-ɛ isi mə-si gə le, Luba njigi-e unda-a dan kəm-e gə, a̰y ngang-e kɔrɔrɔ-kɔrɔrɔ le, se ꞌgərəje ang baa wa? 6Ngaa mənuji gə n-ar le, bo unda neje tɔ̰y, to gə be ɓa Mbede pa na:
Luba ɔsə njekunda kar-jeje ngərəng,
Ngaa n-ar mənuji lə-a nay gə nje gə d-ula dɔ-je ngulum.
7Be ɗaa, osoje kul no Luba gə; ar-je gədərə no ꞌsɛ̰ngərɛ̰ gə ɗaa n-a ka̰y kaw əw kḭya̰-si. 8ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje. 9Ar-je kəm-si unja dɔ nekəmandoo gə ɗa si, ɓo ꞌɗa-je rɔ-si ndoo, ꞌnoje rɔ-si; May kar ngangə kogo lə-si təl ngangə no ngaɓa rɔləl lə-si təl to ɗa rɔ ndoo tɔ. 10Ulaje dɔ-si ngulum no Mbayɓe gə nama a kun-si kunda-si taar.
11Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə. 12Dəw gə kar-ɛ baa ja to nje kun torondu gə nje gangə tar, ye gə asə kaji dəw, gə tuj-e nəm tɔ. Ngaa ꞌi ꞌto gə na ɓa ꞌgangə tar dɔ njemar-i gə wa?
Dəw a gərə ndɔ gə bara ang
13Ɓisine ɗaa, nje gə ꞌpa na: Ɓogəne ose bara nama j-a kaw ɓebo gə be, j-a ɗa kəne ɓal kara, ɗaa j-a təl ji-si kəne ɗaa j-a kinga ne ne! 14Sisəy gə ꞌgərəje ne gə a ɗa təbə lə-si mə ndɔ gə bara ang! Mba ꞌtoje gə kundu ne gə lu mbu kur-e əw ɓəl be, a ɓo go-e gə ɗaa sɛ̰rɛ̰ kadə tɔ. 15Tar gə kəm kar-si a paje ɓa nee: To gə ɓo Mbayɓe njigi nama, j-a kaw kəm baa gə mba ɗa ne gə yo ose ne gə nee. 16Ngaa ɓisine ɗaa sisəy ɔsəje gaji rɔ-si undaje ne kar-si. Kɔsə gaji rɔ gə bənəng le kṵra̰y baa. 17Dəw gə gərə ɗa ne gə may, ɓa bo ɗa ang nama, ye ɗa neɗa gə kṵra̰y.
Currently Selected:
Jagə 4: lap
Highlight
Copy
Compare
Share
Want to have your highlights saved across all your devices? Sign up or sign in
© 2020, ATALTRAB. All rights reserved
Jagə 4
4
Kuwa gədərə dan nenaje gə kar darɔ
1Pi 5.5-9
1Kaw gə naa gə tar, gə tɔsə tarje gə horo-si gə le se, d-ḭ ɗa wa? D-ḭ ɗəw ɓo neje gə kar darɔ, gə d-aw ɗa gə naa ɗɔ bar kəm rɔ-sijee gə le ang wa? 2Kəm-si ə̰y dɔ neje gə, ngaa sisəy ingaje ang; ꞌtoje gə nje tɔl dəwje, gə nje ɗa mal neje, ngaɓa mə-si njinga neɗa ingaje ang; ꞌtɔsəje ta naa, gə ꞌɗɔje naa; ngaɓa ingaje ne ang, mba dəjije ang. 3ꞌDəjije ne nama ingaje ang mba ꞌdəjije gə go ɗəb-e ang, ngaɓa dəjije mba tɔl ne ɓo neje gə uwa-si ɓərə gə ja baa.
4Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba. 5Ose əjije to gə Mbede pa tar gə nee baa wa? Tar gə na: Njil gə Luba njigi kar-ɛ isi mə-si gə le, Luba njigi-e unda-a dan kəm-e gə, a̰y ngang-e kɔrɔrɔ-kɔrɔrɔ le, se ꞌgərəje ang baa wa? 6Ngaa mənuji gə n-ar le, bo unda neje tɔ̰y, to gə be ɓa Mbede pa na:
Luba ɔsə njekunda kar-jeje ngərəng,
Ngaa n-ar mənuji lə-a nay gə nje gə d-ula dɔ-je ngulum.
7Be ɗaa, osoje kul no Luba gə; ar-je gədərə no ꞌsɛ̰ngərɛ̰ gə ɗaa n-a ka̰y kaw əw kḭya̰-si. 8ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje. 9Ar-je kəm-si unja dɔ nekəmandoo gə ɗa si, ɓo ꞌɗa-je rɔ-si ndoo, ꞌnoje rɔ-si; May kar ngangə kogo lə-si təl ngangə no ngaɓa rɔləl lə-si təl to ɗa rɔ ndoo tɔ. 10Ulaje dɔ-si ngulum no Mbayɓe gə nama a kun-si kunda-si taar.
11Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə. 12Dəw gə kar-ɛ baa ja to nje kun torondu gə nje gangə tar, ye gə asə kaji dəw, gə tuj-e nəm tɔ. Ngaa ꞌi ꞌto gə na ɓa ꞌgangə tar dɔ njemar-i gə wa?
Dəw a gərə ndɔ gə bara ang
13Ɓisine ɗaa, nje gə ꞌpa na: Ɓogəne ose bara nama j-a kaw ɓebo gə be, j-a ɗa kəne ɓal kara, ɗaa j-a təl ji-si kəne ɗaa j-a kinga ne ne! 14Sisəy gə ꞌgərəje ne gə a ɗa təbə lə-si mə ndɔ gə bara ang! Mba ꞌtoje gə kundu ne gə lu mbu kur-e əw ɓəl be, a ɓo go-e gə ɗaa sɛ̰rɛ̰ kadə tɔ. 15Tar gə kəm kar-si a paje ɓa nee: To gə ɓo Mbayɓe njigi nama, j-a kaw kəm baa gə mba ɗa ne gə yo ose ne gə nee. 16Ngaa ɓisine ɗaa sisəy ɔsəje gaji rɔ-si undaje ne kar-si. Kɔsə gaji rɔ gə bənəng le kṵra̰y baa. 17Dəw gə gərə ɗa ne gə may, ɓa bo ɗa ang nama, ye ɗa neɗa gə kṵra̰y.
© 2020, ATALTRAB. All rights reserved