Ebərəje 1
1
KONE GƏ SIGI TO ƁƏƏL YA̰
Kuma kud-e
Ja̰ 1.1-3; Kɔl 1.15-17; Ebə 10.12-14; Plp 2.6-11
1Kede ləw le, Luba pa tar ar ka-sijee gə ndu pajambərəje gə ɗəwje dang-dang gɔl bula, 2ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje#1.2 Ja̰ 1.3. tɔ̰y ɗəw gə lə-a. 3ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl#1.3 Voir Paj 110.1. Luba gə dara, 4mba n-to ɓəəl n-unda anjije ɗaa n-no ri gə may ya̰ unda ri-je.
Jeju Kirisi to ɓəəl unda anjije
5Anji gə ɗa ɓa Luba pa tar gə nee ar-ɛ ndɔ kara wa? Tar gə na:
ꞌTo ngon-m,
ꞌMa ja m-uji-i ɓogəne.
Cibi
ꞌMa ja m-a to Bɔ-ɛje,
Ɗaa ꞌne n-a to ngon-m. # 1.5
Paj 2.7; 2Sa 7.14.
6Cibi, logə n-a kaw kula ngon-e gə to dəər dɔ nangə nee ɗaa, n-pa na:
May kar anjije lə Luba tɔy ja d-ɔsə takəji-je nangə no-ɛ gə # 1.6
Ttt 32.43
; Paj 96.7
7Ngaɓa n-pa tar dɔ anjije gə na:
N-təl anjije lə-a gə ləl gə ula
Ngaɓa njekulaje lə-a gə ndo̰ pər gə o̰ bilim-bilim. # 1.7
Paj 104.4
8Ngaa kar ngon-e ɗaa n-pa na:
Ngəndəng mbay lə-i, əy Luba, to saar gə no.
Ngaɓa,
Miya̰ ko̰ mbay lə-i kara o̰ ne ɓe gə dɔ gɔl-ɛ.
9 Ne gə dana gadə-gadə ɓa ꞌnjigi, ɗaa ꞌnjigi ne gə dɔ buguru ang gə kɔrɔ;
Gəl-e gə nee ɓa, əy Luba, Luba lə-i um ne ubu dɔ-i gə
Ubu rɔləl gə n-um dɔ-i gə le, n-unda-i ne dang gə njeba-ɛje lə-i. # 1.9
Paj 45.7-8
; Lug 4.18
10Cibi ngaɓa
Mbayɓe, to ꞌi ja ɓa un kud-e unda dɔ nangə,
ngaɓa dara gə neɗa ji-i;
11 D-a tuji ngaa ꞌi le a kisi gə no-i;
D-a ngisi tɔ̰y to to gə kubu be; 12A ɓiri-je ngoməlo̰-ngoməlo̰ to to gə ngon dara be,
Ngaɓa d-a mbəl rɔ-je to gə dəw mbəl ne kubu rɔ-ɛ gə be,
Ngaa ꞌi le, ꞌmbəl rɔ-i ang, ngaɓa isi gə ɓal-i ɓal-i.
13Ngaɓa anji gə ɗa ɓa horo mar-eje gə n-pa n-ar-ɛ ndɔ kara na:
Isi dɔ ji kɔl-m gə nee,
Saar kar m-turu njeba̰a̰je lə-i kar-i n-nja dɔ-je gə. # 1.13
Paj 110.1
.
14Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.
Currently Selected:
Ebərəje 1: lap
Highlight
Copy
Compare
Share
Want to have your highlights saved across all your devices? Sign up or sign in
© 2020, ATALTRAB. All rights reserved
