Nje gə Epɛs 2
2
Kaji gə gə go mənuji
Kɔl 2.12-13; 3.1-3; Tit 3.3-8
1Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si, 2gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə. 3Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ. 4Ngaa Luba le to gə baw nje ko kəmtondoo, mba njigi gə n-njigi-si le gad-e dum tura. 5Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə. 6N-ar-si ja ndol naa gə kara baa gə Kirisi Jeju, ngaɓa n-ar-si j-isi sə-a naa gə kara baa mə dara gə, 7mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.
8Be ɓa, mbɔr dɔ mənuji ɓa sisəy ajije ne kəbərə ɗəw takagə gə. Sisəy ɓa ngira kaji nee le ḭ rɔ-si gə ang, to nekarə baa lə Luba, 9ɓo ḭ ɗəw kula ɗaje gə lə-sisəy ɓa gə mba kar dəw kara kara unda ne kar-ɛ ang baa. 10Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.
Məsə Kirisi mbo̰ dəwje naa gə
Ebə 10.19-22
11Ar-je mə-si ole dɔ ne gə nee: Sisəy gə kede ləw, ɗəw gə lə darɔ nama ꞌtoje gə Jiibije ang, ngaɓa nje gə d-ɔsə gaji rɔ-je mba bərə-je gə ji dəw ɓa unja, ɗəw gə lə darɔ, ꞌɓar-si gə njekunja bərə angje le, 12sisəy isi dɔ kar-ɛ gə əng lal Kirisi, ꞌtoje dəwje lə Luba ang, ngaɓa ne gə ꞌriya kone d-uwa ne dɔ gɔl-ɛ le kara ɔji dɔ-si ang nəm, cibi ngaɓa ne kunda mə lə-si kara godo, ɗaa aw-je gə dɔ nangə nee lal Luba nəm tɔ. 13Ngaa sisəy gə kede ləw ꞌga̰je əw le, ɗəw gə lə Kirisi Jeju ɗaa, ɓisine ɗaa ꞌga̰je dəb ɗəw məsə Kirisi gə. 14Mba ꞌne gə n-mbo̰ neje gə joo naa gə n-ar təl to kara baa le, n-to gə ɗɛgɛgɛ lə-sijee, n-uwa ne ndogo ba̰a̰ gə kay horo-si le n-unda nangə mburugu, 15n-tuji ne torondu, gə ndu kunje ngaɓa gə tarje gə ꞌtɔ dɔ-ɛ kəne pugudu, mba kar ɗəw gə lə-a ɗaa, gəl dəwje gə joo nee le ꞌtəl d-unda-je to gə sigi gə gəl dəwje gə kara baa, mba kar ɗɛgɛgɛ to ne. 16Ngaɓa gə mba kum neje naa gə gə Luba gə ꞌjejee gə joo gə ꞌtəl ꞌto gə darɔ gə kara nee le, kar ɗəw gə lə kagə dəsə ɗaa, kudu ne buwa ba̰a̰ nee le gə ɗangə. 17N-ɗe n-ila mbərə Tar gə May gə ɔji dɔ ɗɛgɛgɛ n-ar-sisəy gə isije əw, ngaɓa nje gə d-isi dəb kara nəm tɔ; 18Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.
19To gə be ɓa, sisəy ꞌtoje gə mbaje ang nəm, gə dəwje gə d-ḭ dɔ ɓe gə ɗangə ang ngaa; ngaa ꞌtoje gə njebaɓeje lə njerɔsangəje, gə njeməkəyje lə Luba. 20ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ. 21Ɗəw gə lə-a ꞌne ɓa d-unda ne kəy le tɔ̰y d-ar-ɛ uwa naa njid-njid gə maj-ɛ d-ar-ɛ ḭ taar mba kar to kəy gə lə Luba gə to gə losang-ɛ ɗəw gə lə Mbayɓe. 22Ɗəw gə lə Jeju le ja tɔ ɓa, sisəy kara, d-unda si ne naa gə kara baa gə kəy mba kar-si ꞌtoje ne gə kəy kisi Luba ɗəw Njil gə tɔ.
Currently Selected:
Nje gə Epɛs 2: lap
Highlight
Copy
Compare
Share
Want to have your highlights saved across all your devices? Sign up or sign in
© 2020, ATALTRAB. All rights reserved
Nje gə Epɛs 2
2
Kaji gə gə go mənuji
Kɔl 2.12-13; 3.1-3; Tit 3.3-8
1Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si, 2gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə. 3Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ. 4Ngaa Luba le to gə baw nje ko kəmtondoo, mba njigi gə n-njigi-si le gad-e dum tura. 5Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə. 6N-ar-si ja ndol naa gə kara baa gə Kirisi Jeju, ngaɓa n-ar-si j-isi sə-a naa gə kara baa mə dara gə, 7mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.
8Be ɓa, mbɔr dɔ mənuji ɓa sisəy ajije ne kəbərə ɗəw takagə gə. Sisəy ɓa ngira kaji nee le ḭ rɔ-si gə ang, to nekarə baa lə Luba, 9ɓo ḭ ɗəw kula ɗaje gə lə-sisəy ɓa gə mba kar dəw kara kara unda ne kar-ɛ ang baa. 10Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.
Məsə Kirisi mbo̰ dəwje naa gə
Ebə 10.19-22
11Ar-je mə-si ole dɔ ne gə nee: Sisəy gə kede ləw, ɗəw gə lə darɔ nama ꞌtoje gə Jiibije ang, ngaɓa nje gə d-ɔsə gaji rɔ-je mba bərə-je gə ji dəw ɓa unja, ɗəw gə lə darɔ, ꞌɓar-si gə njekunja bərə angje le, 12sisəy isi dɔ kar-ɛ gə əng lal Kirisi, ꞌtoje dəwje lə Luba ang, ngaɓa ne gə ꞌriya kone d-uwa ne dɔ gɔl-ɛ le kara ɔji dɔ-si ang nəm, cibi ngaɓa ne kunda mə lə-si kara godo, ɗaa aw-je gə dɔ nangə nee lal Luba nəm tɔ. 13Ngaa sisəy gə kede ləw ꞌga̰je əw le, ɗəw gə lə Kirisi Jeju ɗaa, ɓisine ɗaa ꞌga̰je dəb ɗəw məsə Kirisi gə. 14Mba ꞌne gə n-mbo̰ neje gə joo naa gə n-ar təl to kara baa le, n-to gə ɗɛgɛgɛ lə-sijee, n-uwa ne ndogo ba̰a̰ gə kay horo-si le n-unda nangə mburugu, 15n-tuji ne torondu, gə ndu kunje ngaɓa gə tarje gə ꞌtɔ dɔ-ɛ kəne pugudu, mba kar ɗəw gə lə-a ɗaa, gəl dəwje gə joo nee le ꞌtəl d-unda-je to gə sigi gə gəl dəwje gə kara baa, mba kar ɗɛgɛgɛ to ne. 16Ngaɓa gə mba kum neje naa gə gə Luba gə ꞌjejee gə joo gə ꞌtəl ꞌto gə darɔ gə kara nee le, kar ɗəw gə lə kagə dəsə ɗaa, kudu ne buwa ba̰a̰ nee le gə ɗangə. 17N-ɗe n-ila mbərə Tar gə May gə ɔji dɔ ɗɛgɛgɛ n-ar-sisəy gə isije əw, ngaɓa nje gə d-isi dəb kara nəm tɔ; 18Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.
19To gə be ɓa, sisəy ꞌtoje gə mbaje ang nəm, gə dəwje gə d-ḭ dɔ ɓe gə ɗangə ang ngaa; ngaa ꞌtoje gə njebaɓeje lə njerɔsangəje, gə njeməkəyje lə Luba. 20ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ. 21Ɗəw gə lə-a ꞌne ɓa d-unda ne kəy le tɔ̰y d-ar-ɛ uwa naa njid-njid gə maj-ɛ d-ar-ɛ ḭ taar mba kar to kəy gə lə Luba gə to gə losang-ɛ ɗəw gə lə Mbayɓe. 22Ɗəw gə lə Jeju le ja tɔ ɓa, sisəy kara, d-unda si ne naa gə kara baa gə kəy mba kar-si ꞌtoje ne gə kəy kisi Luba ɗəw Njil gə tɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, ATALTRAB. All rights reserved