Kula ɗa Njeka̰ykulaje 24
24
Pɔl ar no njeko̰ɓe Pilis gə Sejar
1Ndɔ mi nday go-e gə ɗaa buba njekapolo gə ri-a na Ananiyas aw gə ngatɔgəje gə kɛm ngaɓa nje pa tar ta ne dɔ dəwje kara be, ri-a na Tɛrətulusu. ꞌƊe ꞌsəgə Pɔl no njeko̰ ɓe gə.
2Logə ꞌɓar Pɔl ɗaa, Tɛrətulusu un kudu kila tar dɔ-ɛ gə na: Yejeje, Pilis, mbɔr dɔ-i ꞌi ɓa ɗɛgɛgɛ to ne mə ɓe gə lə-si. 3Ngaɓa neɗa mayje lə-i gə dɔ karje tɔ̰y gə loje tɔ̰y le, j-a ɗa-i ne oyo ja. 4Ngaa mba kar m-jɔg-i ɓi-ɓi ang ɗaa m-ɗa-i kɔgərɔ kar-i ꞌtuga mbi-i o ne tar lə-si. 5J-inga dəw gə ar nee le gə dəw gə kṵra̰y gə nje kɔsə gəl ɓɛlɛ horo Jiibije gə tɔ̰y gə dɔ nangə nee, njekɔr no dəwje gə d-unda rɔ-je gangə gə ꞌɓar-je gə dəwje gə Najarɛd, 6ngaɓa n-na mba tuji lo sangə kəy gə lə Luba, be ɓa j-uwa-a ne ɗaa j-a njigi gangə tar dɔ-ɛ gə gə go torondu lə-si. 7Ngaa njekun dɔ lə njeɗɔje gə tɔl-tɔl dɔg gə ri-a na Lijiyias ce t-ɛ gə singa ji-si gə. 8Cibi un ɗəw ar nje gə d-ila tar dɔ-ɛ gə le kar ꞌɗe no-i gə nee. Be ɓa kar ꞌi ja ꞌdəji-e gəl ne gə j-ila ne tar dɔ-ɛ gə le o. 9Jiibije tɔ̰y ꞌnjigi go tar gə nee le ja tɔ, to gə neje nee le to to gə bənəng ja.
10Go-e gə ngaɓa njeko̰ ɓe ɗa ji-a un ne ɗəw ar Pɔl kar-ɛ pa tar ɗaa Pɔl pa na:
M-gərə to gə asə ɓalje bula ja ꞌto nje gangə tar dɔ gəl kuji gə nee gə ɗaa m-ḭya̰ mə-m yag ja mba pa tar ta ne dɔ rɔ-m. 11Kar-i ꞌgərə to gə asə ndɔ nday dɔg gə gir-e gə joo ang ja ɓi m-aw Jerujalɛm mba polo Luba. 12Ɗaa d-inga-m mə kəy gə lə Luba gə ang nəm, mə kəy nendo gə lə Jiibije ang nəm, mə ɓebo gə m-ar m-aw ma̰y tar ose m-ɔsə bula dəwje m-um-je dɔ ngang gə ang. 13Ngaɓa ɓisine d-asə tɔji gəl ne gə d-ila ne tar dɔ-m gə le ang. 14M-pa gə ɗaga no-i gə: M-aw m-polo Luba lə ka-sijee gə ɗəw gə ꞌɓar-ɛ na dəwje gə d-unda rɔ-je ꞌgangə, m-ta kagə torondu tɔ̰y gə tarje tɔ̰y gə Pajambərəje ꞌɗa mə mbede gə, 15ngaɓa m-unda mə-m dɔ Luba gə to to gə ꞌjejee kara d-unda ne mə-je be tɔ, ɗaa nje gə gadə-gadə gə nje gə gadə-gadə ang d-a ce buwa yo gə. 16Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang. 17Go ɓalje gə nday bula ɗaa m-təl m-ɗe gəl kuji gə lə-m, m-un ne m-ar njenekɔyje ngaɓa m-ar nenuji tɔ. 18Logə m-unda ngangə sangə rɔ-m ɗaa, ꞌɗe d-inga-mje mə kəy gə lə Luba, ɓo gə bula dəwje ang nəm ngaɓa gə kunda bula ang nəm. 19Ngaa Jiibije gə kɛm gə dɔ nangə gə Aji, ꞌjejee nee ɓa to gə ɓo d-aw sə-m gə tar nama kəm kar-je ɗe d-ar no-i gə d-ila tar dɔ-m gə. 20Ose logə m-ar no nje gə no ngɔ gangə tar lə Jiibije le, ɓo tar gə uwa dɔ-m ga̰ nama ꞌjejee nee le may kar ꞌpa gə ɗaga. 21Ose ɔji dɔ tar kara baa gə m-uru ne ꞌkuwi horo-je gə na: Tar gə ɔji dɔ ce buwa yo gə lə nje gə d-uy le ɓa ɓogəne m-ar ne no ngɔ gangə tar gə no-si gə!
22Pilis le ꞌpa tarje gə ɔji dɔ ɗəw nee le d-ar gərə ya̰ ɗaa ɔr ndɔ ɗa tar lə-si ila gə kede pa na: Ndɔ gə njekun dɔ njeɗɔje gə tɔl-tɔl dɔg, gə ri-a na Lijiyias a ɗe ɓa m-a kuru ngira tar lə-si nee gə maj-ɛ ɓi. 23Ngaɓa n-un ɗəw n-ar njekun dɔ njeɗɔje gə tɔl mba kar ngəm Pɔl ngaa kar ḭya̰ ɗəw ar njeka-ɛje mba kar ꞌɗe ꞌla sə-a.
24Ndɔje nday ɓəl go-e gə ɗaa, Pilis ɗe gə jene lə-a Durusil gə to Jiibi ngaɓa ula ɓar Pɔl. N-ɗe n-o tar t-ɛ gə ɔji dɔ ta kagə Kirisi Jeju. 25Ngaa logə Pɔl pa tar gə ɔji dɔ neɗa gə gadə-gadə, gə ko̰ dɔ rɔ ngaɓa gangə tar gə dɔ ndɔ gə bara ɗaa ɓəəl unda Pilis badə gang-e ar pa ar-ɛ na: Dɔ kar gə nee ɗaa, aw mbum ɗaa logə m-inga dɔ kar ɗaa m-a təl ɓar-i ɓi. 26N-unda m-e to gə Pɔl a kar-ɛ lar gəl-e gə nee ɓa n-ula n-ɓar-ɛ ne taar-taar mba pa ne sə-a tar.
27Logə ɓal joo nday ɗaa Pɔrsiyus Pɛsətus ngaɓa a ta toro Pilis. Pilis gə njigi may ta kəm Jiibije le ḭya̰ Pɔl gə kəy kula gə baa.
Currently Selected:
Kula ɗa Njeka̰ykulaje 24: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Kula ɗa Njeka̰ykulaje 24
24
Pɔl ar no njeko̰ɓe Pilis gə Sejar
1Ndɔ mi nday go-e gə ɗaa buba njekapolo gə ri-a na Ananiyas aw gə ngatɔgəje gə kɛm ngaɓa nje pa tar ta ne dɔ dəwje kara be, ri-a na Tɛrətulusu. ꞌƊe ꞌsəgə Pɔl no njeko̰ ɓe gə.
2Logə ꞌɓar Pɔl ɗaa, Tɛrətulusu un kudu kila tar dɔ-ɛ gə na: Yejeje, Pilis, mbɔr dɔ-i ꞌi ɓa ɗɛgɛgɛ to ne mə ɓe gə lə-si. 3Ngaɓa neɗa mayje lə-i gə dɔ karje tɔ̰y gə loje tɔ̰y le, j-a ɗa-i ne oyo ja. 4Ngaa mba kar m-jɔg-i ɓi-ɓi ang ɗaa m-ɗa-i kɔgərɔ kar-i ꞌtuga mbi-i o ne tar lə-si. 5J-inga dəw gə ar nee le gə dəw gə kṵra̰y gə nje kɔsə gəl ɓɛlɛ horo Jiibije gə tɔ̰y gə dɔ nangə nee, njekɔr no dəwje gə d-unda rɔ-je gangə gə ꞌɓar-je gə dəwje gə Najarɛd, 6ngaɓa n-na mba tuji lo sangə kəy gə lə Luba, be ɓa j-uwa-a ne ɗaa j-a njigi gangə tar dɔ-ɛ gə gə go torondu lə-si. 7Ngaa njekun dɔ lə njeɗɔje gə tɔl-tɔl dɔg gə ri-a na Lijiyias ce t-ɛ gə singa ji-si gə. 8Cibi un ɗəw ar nje gə d-ila tar dɔ-ɛ gə le kar ꞌɗe no-i gə nee. Be ɓa kar ꞌi ja ꞌdəji-e gəl ne gə j-ila ne tar dɔ-ɛ gə le o. 9Jiibije tɔ̰y ꞌnjigi go tar gə nee le ja tɔ, to gə neje nee le to to gə bənəng ja.
10Go-e gə ngaɓa njeko̰ ɓe ɗa ji-a un ne ɗəw ar Pɔl kar-ɛ pa tar ɗaa Pɔl pa na:
M-gərə to gə asə ɓalje bula ja ꞌto nje gangə tar dɔ gəl kuji gə nee gə ɗaa m-ḭya̰ mə-m yag ja mba pa tar ta ne dɔ rɔ-m. 11Kar-i ꞌgərə to gə asə ndɔ nday dɔg gə gir-e gə joo ang ja ɓi m-aw Jerujalɛm mba polo Luba. 12Ɗaa d-inga-m mə kəy gə lə Luba gə ang nəm, mə kəy nendo gə lə Jiibije ang nəm, mə ɓebo gə m-ar m-aw ma̰y tar ose m-ɔsə bula dəwje m-um-je dɔ ngang gə ang. 13Ngaɓa ɓisine d-asə tɔji gəl ne gə d-ila ne tar dɔ-m gə le ang. 14M-pa gə ɗaga no-i gə: M-aw m-polo Luba lə ka-sijee gə ɗəw gə ꞌɓar-ɛ na dəwje gə d-unda rɔ-je ꞌgangə, m-ta kagə torondu tɔ̰y gə tarje tɔ̰y gə Pajambərəje ꞌɗa mə mbede gə, 15ngaɓa m-unda mə-m dɔ Luba gə to to gə ꞌjejee kara d-unda ne mə-je be tɔ, ɗaa nje gə gadə-gadə gə nje gə gadə-gadə ang d-a ce buwa yo gə. 16Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang. 17Go ɓalje gə nday bula ɗaa m-təl m-ɗe gəl kuji gə lə-m, m-un ne m-ar njenekɔyje ngaɓa m-ar nenuji tɔ. 18Logə m-unda ngangə sangə rɔ-m ɗaa, ꞌɗe d-inga-mje mə kəy gə lə Luba, ɓo gə bula dəwje ang nəm ngaɓa gə kunda bula ang nəm. 19Ngaa Jiibije gə kɛm gə dɔ nangə gə Aji, ꞌjejee nee ɓa to gə ɓo d-aw sə-m gə tar nama kəm kar-je ɗe d-ar no-i gə d-ila tar dɔ-m gə. 20Ose logə m-ar no nje gə no ngɔ gangə tar lə Jiibije le, ɓo tar gə uwa dɔ-m ga̰ nama ꞌjejee nee le may kar ꞌpa gə ɗaga. 21Ose ɔji dɔ tar kara baa gə m-uru ne ꞌkuwi horo-je gə na: Tar gə ɔji dɔ ce buwa yo gə lə nje gə d-uy le ɓa ɓogəne m-ar ne no ngɔ gangə tar gə no-si gə!
22Pilis le ꞌpa tarje gə ɔji dɔ ɗəw nee le d-ar gərə ya̰ ɗaa ɔr ndɔ ɗa tar lə-si ila gə kede pa na: Ndɔ gə njekun dɔ njeɗɔje gə tɔl-tɔl dɔg, gə ri-a na Lijiyias a ɗe ɓa m-a kuru ngira tar lə-si nee gə maj-ɛ ɓi. 23Ngaɓa n-un ɗəw n-ar njekun dɔ njeɗɔje gə tɔl mba kar ngəm Pɔl ngaa kar ḭya̰ ɗəw ar njeka-ɛje mba kar ꞌɗe ꞌla sə-a.
24Ndɔje nday ɓəl go-e gə ɗaa, Pilis ɗe gə jene lə-a Durusil gə to Jiibi ngaɓa ula ɓar Pɔl. N-ɗe n-o tar t-ɛ gə ɔji dɔ ta kagə Kirisi Jeju. 25Ngaa logə Pɔl pa tar gə ɔji dɔ neɗa gə gadə-gadə, gə ko̰ dɔ rɔ ngaɓa gangə tar gə dɔ ndɔ gə bara ɗaa ɓəəl unda Pilis badə gang-e ar pa ar-ɛ na: Dɔ kar gə nee ɗaa, aw mbum ɗaa logə m-inga dɔ kar ɗaa m-a təl ɓar-i ɓi. 26N-unda m-e to gə Pɔl a kar-ɛ lar gəl-e gə nee ɓa n-ula n-ɓar-ɛ ne taar-taar mba pa ne sə-a tar.
27Logə ɓal joo nday ɗaa Pɔrsiyus Pɛsətus ngaɓa a ta toro Pilis. Pilis gə njigi may ta kəm Jiibije le ḭya̰ Pɔl gə kəy kula gə baa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved