1 Nje gə Tesaloniki 2
2
Pɔl aw Tesaloniki
Kɗn 20.18-21,31-35; 2Kɔ 6.3-10
1Ngan ko̰-mje, sisəy ja kara ꞌgərəje to gə kaw gə j-aw ɓə lə-si le toro-e to baa ang. 2Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula. 3Tar ndəjije lə-sijee le, j-ar gə mbɔr-ɛ baa ang nəm, gə kəji gə mina ang nəm ɓa j-a ɗa gə gusu baa ang nəm tɔ; 4ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.
5Be ɓa sisəy ja kara ꞌgərəje to gə, no gɔl Luba gə ja, ndɔ kara j-a yom-si gə tar ang nəm, ngaɓa ɓo neje kara uwa-si ɓərə gə ang nəm tɔ. 6J-a sangə riɓar gə ḭ rɔ dəwje gə ang nəm, rɔ sisəy gə ang nəm ngaɓa rɔ nje gə kɛm gə ang nəm tɔ. 7Mba j-a to njeka̰ykulaje lə Kirisi le ɗaa, kəm kar j-a ɗa rɔ-sijee gə dəwje ja to ɓəəl horo-sisəy gə ja, ngaa j-o rɔ-si gə ne ang baa horo-sisəy gə, to to gə ko̰ nganje tɔsə ne kəm-e dɔ ngan-ɛ gə be. 8J-a njigi sisəy ya̰ le ɗaa, j-a njinga rɔ-si mba kila mbərə Tar gə May lə Luba ja kara baa kar-si ang, ngaa darɔ təbə lə-sijee ja kara j-a kun kar-si mba j-a njigi-si j-ar al dɔ lo sula. 9Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si. 10Sisəy ꞌtoje nje tar naj-ɛje ngaɓa Luba nəm, to gə pa nja sijee to gə losang-ɛ, gə dɔ gɔl-ɛ ngaɓa gə bar-ɛ yaw horo-sisəy njetakagəje gə. 11Sisəy ꞌgərəje to gə na-na kara horo-si gə le, j-a ɗ-ɛ to to gə bɔ nganje ɗa ne ngan-ɛ gə maj-ɛ be. 12J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.
13Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə. 14Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ. 15ꞌJejee gə nee ja ꞌtɔlje Mbayɓe Jeju, gə pajambərəje, ngaɓa d-ulaje kəm sijee ndoo, ꞌtaje kəm Luba ang, ꞌtoje njeba̰a̰je lə dəwje tɔ̰y. 16D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.
Njinga rɔ lə Pɔl
Kɗn 17.14-16
17Ngan ko̰-mje, ɔji dɔ sijee le ɗaa j-o kəm-si ang kuru lo əw ɓəl ja ngaa mə-sijee uy dɔ sisəy ang, j-a sangə ɗəw ya̰ ja mba təl kaw ko-si kar mal-ɛ unda nangə. 18Gəl-e gə nee ɓa, j-a njigi kaw ɓə lə-si gɔl kara ose joo ja, ngaɓa ꞌma Pɔl gə darɔ-m ja kara m-njigi kaw ngaa ꞌSu ila kagə no sijee gə. 19Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju. 20Tɔgərɔ ja, ꞌtoje ne riɓar lə-sijee gə ne rɔləl lə-sijee.
Currently Selected:
1 Nje gə Tesaloniki 2: lap
Highlight
Copy
Compare
Share
Want to have your highlights saved across all your devices? Sign up or sign in
© 2020, ATALTRAB. All rights reserved
1 Nje gə Tesaloniki 2
2
Pɔl aw Tesaloniki
Kɗn 20.18-21,31-35; 2Kɔ 6.3-10
1Ngan ko̰-mje, sisəy ja kara ꞌgərəje to gə kaw gə j-aw ɓə lə-si le toro-e to baa ang. 2Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula. 3Tar ndəjije lə-sijee le, j-ar gə mbɔr-ɛ baa ang nəm, gə kəji gə mina ang nəm ɓa j-a ɗa gə gusu baa ang nəm tɔ; 4ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.
5Be ɓa sisəy ja kara ꞌgərəje to gə, no gɔl Luba gə ja, ndɔ kara j-a yom-si gə tar ang nəm, ngaɓa ɓo neje kara uwa-si ɓərə gə ang nəm tɔ. 6J-a sangə riɓar gə ḭ rɔ dəwje gə ang nəm, rɔ sisəy gə ang nəm ngaɓa rɔ nje gə kɛm gə ang nəm tɔ. 7Mba j-a to njeka̰ykulaje lə Kirisi le ɗaa, kəm kar j-a ɗa rɔ-sijee gə dəwje ja to ɓəəl horo-sisəy gə ja, ngaa j-o rɔ-si gə ne ang baa horo-sisəy gə, to to gə ko̰ nganje tɔsə ne kəm-e dɔ ngan-ɛ gə be. 8J-a njigi sisəy ya̰ le ɗaa, j-a njinga rɔ-si mba kila mbərə Tar gə May lə Luba ja kara baa kar-si ang, ngaa darɔ təbə lə-sijee ja kara j-a kun kar-si mba j-a njigi-si j-ar al dɔ lo sula. 9Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si. 10Sisəy ꞌtoje nje tar naj-ɛje ngaɓa Luba nəm, to gə pa nja sijee to gə losang-ɛ, gə dɔ gɔl-ɛ ngaɓa gə bar-ɛ yaw horo-sisəy njetakagəje gə. 11Sisəy ꞌgərəje to gə na-na kara horo-si gə le, j-a ɗ-ɛ to to gə bɔ nganje ɗa ne ngan-ɛ gə maj-ɛ be. 12J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.
13Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə. 14Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ. 15ꞌJejee gə nee ja ꞌtɔlje Mbayɓe Jeju, gə pajambərəje, ngaɓa d-ulaje kəm sijee ndoo, ꞌtaje kəm Luba ang, ꞌtoje njeba̰a̰je lə dəwje tɔ̰y. 16D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.
Njinga rɔ lə Pɔl
Kɗn 17.14-16
17Ngan ko̰-mje, ɔji dɔ sijee le ɗaa j-o kəm-si ang kuru lo əw ɓəl ja ngaa mə-sijee uy dɔ sisəy ang, j-a sangə ɗəw ya̰ ja mba təl kaw ko-si kar mal-ɛ unda nangə. 18Gəl-e gə nee ɓa, j-a njigi kaw ɓə lə-si gɔl kara ose joo ja, ngaɓa ꞌma Pɔl gə darɔ-m ja kara m-njigi kaw ngaa ꞌSu ila kagə no sijee gə. 19Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju. 20Tɔgərɔ ja, ꞌtoje ne riɓar lə-sijee gə ne rɔləl lə-sijee.
© 2020, ATALTRAB. All rights reserved