1 Piyɛr 4
4
1Be ɓa, mba Kirisi o ꞌməsərə ɗəw darɔ gə, ɗaa sisəy kara a gɔlje kəji lə-si mba ko ꞌməsərə to gə ꞌne be tɔ; mba dəw gə o ꞌməsərə darɔ-ɛ gə le, cḭ gə neɗa gə kṵra̰y, 2mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa. 3Ɗa gə ꞌɗaje mə njigi lə nje gərə Luba ang je ləw baa le asə mbagə ja ngaa. Mba kede le, ꞌɗaje ne to to gə dəwje gə dɔ-je godo be, ɓo neje gə d-uwa-si ɓərə gə, kay kodo mbə, mbula nekusa mə-si gə, kuwa baa nekay mbə, ngaɓa polo magəje gə ngabula. 4Logə d-o to gə a̰yje gə je ngɔdə dɔ-si gə lo neɗaje gə kṵra̰y gə al dɔ lo le ang ɗaa d-o gə ne gə sigi, ɗaa ꞌtəlje ꞌpaje tar gə kṵra̰y dɔ-si gə. 5Be ɓa d-a kɔr-je gəl neje gə əng le no dəw gə isi dɔ gɔl-ɛ gə mba gangə tar dɔ nje d-aw kəm baa gə gə nje gə d-uy gə. 6Gəl-e gə nee le ɓa, nje gə jabaw kara d-ila mbərə d-ar-je tɔ, ꞌgangə tar dɔ-je gə ɗəw darɔ gə nam ja ngaa, mba kar njilje inga ne lokisi rɔ Luba gə.
7Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə. 8Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula. 9ꞌƊaje naa mba lal yɛngə ne tar.
10Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si. 11Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.
12Ngan ko̰-m gə m-njigi-si ya̰, nena gə inga si to gə yɛl pər gə ubaje nangə be le, oje gə ne sigi ang. 13Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.
14To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si. 15May kar dəw kara ja horo-si gə o ꞌməsərə gə nje tɔl dəwje ose gə nje ɓogo, ose gə nje ɗa məyɛr, ose gə njenəni ang; 16ɓo n-o ꞌməsərə mba to gə n-to njetakagə Kirisi nama n-ar rɔ kul-e uwa ang ngaa n-ula rɔnduba dɔ Luba gə mba ri gə d-unda dɔ-ɛ gə le.
17Mba dɔ kar-ɛ asə nama gangə tar a kun kud-e mə kəy gə lə Luba ja. Be ɓa, to gə ɓo d-un kud-e dɔ sijee gə ja nama, nje gə ꞌmbadə ta kagə Tar gə May lə Luba nee le d-a tɔl t-ɛ to gə ban wa? 18Ngaa ɓo dəw gə gadə-gadə ja ɓi ɗa ya̰ ɓa ta rɔ-ɛ ngaa, kar dəw gə nje gərə Luba ang ngaɓa gə njeneɗa gə kṵra̰y a to to gə ban wa? 19Be ɓa, nje gə d-o ꞌməsərə gə go mə njigi lə Luba nama may kar d-ila kəm lə-je mə ji-a ꞌne gə Njekunda-je gə gadə-gadə, ꞌɗa ne may dɔ-je gə kede.
Currently Selected:
1 Piyɛr 4: lap
Highlight
Copy
Compare
Share
Want to have your highlights saved across all your devices? Sign up or sign in
© 2020, ATALTRAB. All rights reserved
1 Piyɛr 4
4
1Be ɓa, mba Kirisi o ꞌməsərə ɗəw darɔ gə, ɗaa sisəy kara a gɔlje kəji lə-si mba ko ꞌməsərə to gə ꞌne be tɔ; mba dəw gə o ꞌməsərə darɔ-ɛ gə le, cḭ gə neɗa gə kṵra̰y, 2mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa. 3Ɗa gə ꞌɗaje mə njigi lə nje gərə Luba ang je ləw baa le asə mbagə ja ngaa. Mba kede le, ꞌɗaje ne to to gə dəwje gə dɔ-je godo be, ɓo neje gə d-uwa-si ɓərə gə, kay kodo mbə, mbula nekusa mə-si gə, kuwa baa nekay mbə, ngaɓa polo magəje gə ngabula. 4Logə d-o to gə a̰yje gə je ngɔdə dɔ-si gə lo neɗaje gə kṵra̰y gə al dɔ lo le ang ɗaa d-o gə ne gə sigi, ɗaa ꞌtəlje ꞌpaje tar gə kṵra̰y dɔ-si gə. 5Be ɓa d-a kɔr-je gəl neje gə əng le no dəw gə isi dɔ gɔl-ɛ gə mba gangə tar dɔ nje d-aw kəm baa gə gə nje gə d-uy gə. 6Gəl-e gə nee le ɓa, nje gə jabaw kara d-ila mbərə d-ar-je tɔ, ꞌgangə tar dɔ-je gə ɗəw darɔ gə nam ja ngaa, mba kar njilje inga ne lokisi rɔ Luba gə.
7Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə. 8Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula. 9ꞌƊaje naa mba lal yɛngə ne tar.
10Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si. 11Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.
12Ngan ko̰-m gə m-njigi-si ya̰, nena gə inga si to gə yɛl pər gə ubaje nangə be le, oje gə ne sigi ang. 13Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.
14To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si. 15May kar dəw kara ja horo-si gə o ꞌməsərə gə nje tɔl dəwje ose gə nje ɓogo, ose gə nje ɗa məyɛr, ose gə njenəni ang; 16ɓo n-o ꞌməsərə mba to gə n-to njetakagə Kirisi nama n-ar rɔ kul-e uwa ang ngaa n-ula rɔnduba dɔ Luba gə mba ri gə d-unda dɔ-ɛ gə le.
17Mba dɔ kar-ɛ asə nama gangə tar a kun kud-e mə kəy gə lə Luba ja. Be ɓa, to gə ɓo d-un kud-e dɔ sijee gə ja nama, nje gə ꞌmbadə ta kagə Tar gə May lə Luba nee le d-a tɔl t-ɛ to gə ban wa? 18Ngaa ɓo dəw gə gadə-gadə ja ɓi ɗa ya̰ ɓa ta rɔ-ɛ ngaa, kar dəw gə nje gərə Luba ang ngaɓa gə njeneɗa gə kṵra̰y a to to gə ban wa? 19Be ɓa, nje gə d-o ꞌməsərə gə go mə njigi lə Luba nama may kar d-ila kəm lə-je mə ji-a ꞌne gə Njekunda-je gə gadə-gadə, ꞌɗa ne may dɔ-je gə kede.
© 2020, ATALTRAB. All rights reserved