Márcos 13
13
Ñanderuete róga oñembyaíta pe jehasa asyete oútavape
1Ha Hesu osẽvo Ñanderuete rogaguasúgui, he’i ichupe peteĩ hemimbo’e: Mbo’ehára, ema’ẽmína mba’éichapa iporã ha ituicha umi itaguasu ko Ñanderuete rogaguasúpe.
2Hesu katu he’i ichupe: Rehechápa ko ogaguasuete. Ndopytamo’ãi ita ojo’ári ojeitypa’ỹre.
3Oguapypa jave olívo cérro ári, Ñanderuete rogaguasu rovái, Pédro, Jacóbo, Juan ha Andres oporandu ha’eñoháme Hesúpe:
4Eréna oréve araka’épa ojehúta ko’ã mba’e, ha mba’e techaukahápa oikóta ojehu vove ko’ã mba’e.
5Ha Hesu ombohováivo ichupekuéra he’i: Pema’ẽke, ani avave penembotavy.
6Heta oúta che rérape, ha he’íta: Che ha’e Hesu, ha ombotavýta heta tapichakuérape.
7Pehendu ramo ñorãirõguasu ha ñorãirõguasu sapukái, ani peñemondýi, ko’ã mba’e ojehu raẽva’erã, og̃uahẽ mboyve pe ára paha.
8Opu’ãva’erã tetãnguéra ojuehe ha tetãguasukuéra ojuehe. Heta hendápe oikóta yvy ryrýi, avei ñembyahýi, ha ko’ã jehasa asy ñepyrũrã, (ku kuña imembymbotávaicha).
9Peẽ katu pema’ẽ pendejehe, penembotyryrýta mbojovakehára rendápe ha penenupãta Ñanderuete rogakuérape, ha pendegueraháta mburuvicha ha tetã ruvichakuéra renondépe, cherehehápe, che rechahare ramo ichupekuéra g̃uarã.
10Ñanderuete ñe’ẽ porãite (evangélio) katu oñemyasãi raẽva’erã opaite tetãme ha uperire ae aju jevýta.
11Pendegueraha vove peneme’ẽ hag̃ua ipopekuéra ani pejepy’apýtei pejétavare, umi ñe’ẽ pejétava oñeme’ẽta peẽme, napeẽi ningo peñe’ẽtava, pe Pytu Porãmbáva uvei pendepype oĩva.
12Peteĩ tyke’ýra ome’ẽta ityvýra ojejuka hag̃ua, ha peteĩ túva ita’ýrape, ha oĩva’erã ta’ýra opu’ãva itúva rehe ojukauka hag̃ua ichupe.
13Opavave oñemoĩta penderehe che réra rehehápe, upe ojeroviavahína ára pahaite peve katu ojesalvava’erã.
Pe anticrísto
14Pehecha ramo upe porombyaihára tie’ỹ oñembo’yhína pe tenda oĩ’ỹ hag̃uáme, upe omoñe’ẽva ko ñe’ẽ kóva tohechakuaa porã, ha umi oĩva Judéape tokañy cérro gotýo.
15Umi oĩva hóga ape ári, ani oguejy, ha ani oike oguenohẽ hag̃ua hógagui mba’eve.
16Ha umi oĩva kokuépe ani ojevy oheka hag̃ua ijahoja.
17Angái umi kuña hyeguasúva, ha umi oporomokambúva umi ára umívape.
18Peñembo’e ani hag̃ua ojehu umi mba’e araro’y jave.
19Umi ára umívape oĩta py’a angekõi ndetuichaitéva, máramo ndoikoiva’ekue gueteri ko yvy apére Ñanderuete ojapo guive ko múndo ko’ag̃aite peve, ha oĩve’ỹva’erã araka’eve.
20Ñanderuete nomombykýirõ umi ára umíva, avave ndojesalvamo’ãi; umi jeporavopyre rehehápe katu Ha’e omombykýta umi ára umíva.
21Ha oime ramo he’íva peẽme: Péina ápe pe Crísto, térã: Péina pépe, ani pegueroviátei.
22Opu’ãva’erã Crísto gua’u ha proféta gua’ukuéra, ojapótava techaukapy ha milagrokuéra oporombotavy hag̃ua, ha ikatu ramo umi poravopyrépe jepe ombotavýta.
23Pema’ẽke pendejehe, ha’epámagui peẽme (umi mba’e oikova’erãva).
Hesu Crísto ou jevýta ha mba’épa ojehuva’erã ha’e ou mboyve
24Umi árape, upe angekõi ndetuicháva rire, kuarahy iñypytũta, ha jasy ndohesapemo’ãvéi.
25Mbyjakuéra ho’áta áragui, ha yvága pu’akakuéra oñemonguepáta.
26Ha upérõ Ñanderuete Ra’y oúta arai ári, tuicha pu’aka ha heko jajaipa reheve.
27Ha ha’e omboúta hi’angelkuéra ombyaty hag̃ua umi ojeporavova’ekuépe umi irundy yvytu rapéguio, yvy paha guive yvága rugua paha peve.
28Peikuaáke pe hígo ñe’ẽ mbojojágui, hakã oñembopyahu ramo ha hoky ramo, peikuaa arahaku hi’ag̃uimaha.
29Upéicha avei peẽ, pehechávo ojehuha ko’ã mba’e peikuaáta Ñanderuete Ra’y oñemoag̃uimaha pe okẽme ou hag̃uáicha.
30Añete ha’e peẽme Abraham ñemoñarenguéra (Israelguakuéra) katuete oikova’erã gueteri ko’ã mba’e ko’ãva ojehu ramo.
31Ára ha yvy ohasava’erã, che ñe’ẽ katu ndohasaiva’erã araka’eve.
32Upe ára ha upe hóra katu avave ndoikuaái, ni angelkuéra, ni Ñanderuete Ra’y jepe, pe Túva añómante oikuaa.
33Pema’ẽ porãke, ani peke, avave ndoikuaáigui araka’épa oúta upe ára upéva.
34Ojogua peteĩ kuimba’épe ohóva mombyry, oheja hóga ha ome’ẽ peteĩteĩ hembiguaikuérape hembiaporã, ha he’iuka okẽ rerekuápe oñangareko porã hag̃ua.
35Peñeñangareko porãke, ndapeikuaáigui araka’épa oúta pe óga jára, ka’aru javépa, pyharepytépepa, gállo osapukái jave, térãpa ko’ẽ rire.
36Anítei ha’e ou, oñeha’ãrõ’ỹ jave, ani pendejohu peñeñangareko’ỹ jave.
37Upe ha’éva peẽme, opavavépe ha’e: Peñeñangareko porãke.
Currently Selected:
Márcos 13: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Márcos 13
13
Ñanderuete róga oñembyaíta pe jehasa asyete oútavape
1Ha Hesu osẽvo Ñanderuete rogaguasúgui, he’i ichupe peteĩ hemimbo’e: Mbo’ehára, ema’ẽmína mba’éichapa iporã ha ituicha umi itaguasu ko Ñanderuete rogaguasúpe.
2Hesu katu he’i ichupe: Rehechápa ko ogaguasuete. Ndopytamo’ãi ita ojo’ári ojeitypa’ỹre.
3Oguapypa jave olívo cérro ári, Ñanderuete rogaguasu rovái, Pédro, Jacóbo, Juan ha Andres oporandu ha’eñoháme Hesúpe:
4Eréna oréve araka’épa ojehúta ko’ã mba’e, ha mba’e techaukahápa oikóta ojehu vove ko’ã mba’e.
5Ha Hesu ombohováivo ichupekuéra he’i: Pema’ẽke, ani avave penembotavy.
6Heta oúta che rérape, ha he’íta: Che ha’e Hesu, ha ombotavýta heta tapichakuérape.
7Pehendu ramo ñorãirõguasu ha ñorãirõguasu sapukái, ani peñemondýi, ko’ã mba’e ojehu raẽva’erã, og̃uahẽ mboyve pe ára paha.
8Opu’ãva’erã tetãnguéra ojuehe ha tetãguasukuéra ojuehe. Heta hendápe oikóta yvy ryrýi, avei ñembyahýi, ha ko’ã jehasa asy ñepyrũrã, (ku kuña imembymbotávaicha).
9Peẽ katu pema’ẽ pendejehe, penembotyryrýta mbojovakehára rendápe ha penenupãta Ñanderuete rogakuérape, ha pendegueraháta mburuvicha ha tetã ruvichakuéra renondépe, cherehehápe, che rechahare ramo ichupekuéra g̃uarã.
10Ñanderuete ñe’ẽ porãite (evangélio) katu oñemyasãi raẽva’erã opaite tetãme ha uperire ae aju jevýta.
11Pendegueraha vove peneme’ẽ hag̃ua ipopekuéra ani pejepy’apýtei pejétavare, umi ñe’ẽ pejétava oñeme’ẽta peẽme, napeẽi ningo peñe’ẽtava, pe Pytu Porãmbáva uvei pendepype oĩva.
12Peteĩ tyke’ýra ome’ẽta ityvýra ojejuka hag̃ua, ha peteĩ túva ita’ýrape, ha oĩva’erã ta’ýra opu’ãva itúva rehe ojukauka hag̃ua ichupe.
13Opavave oñemoĩta penderehe che réra rehehápe, upe ojeroviavahína ára pahaite peve katu ojesalvava’erã.
Pe anticrísto
14Pehecha ramo upe porombyaihára tie’ỹ oñembo’yhína pe tenda oĩ’ỹ hag̃uáme, upe omoñe’ẽva ko ñe’ẽ kóva tohechakuaa porã, ha umi oĩva Judéape tokañy cérro gotýo.
15Umi oĩva hóga ape ári, ani oguejy, ha ani oike oguenohẽ hag̃ua hógagui mba’eve.
16Ha umi oĩva kokuépe ani ojevy oheka hag̃ua ijahoja.
17Angái umi kuña hyeguasúva, ha umi oporomokambúva umi ára umívape.
18Peñembo’e ani hag̃ua ojehu umi mba’e araro’y jave.
19Umi ára umívape oĩta py’a angekõi ndetuichaitéva, máramo ndoikoiva’ekue gueteri ko yvy apére Ñanderuete ojapo guive ko múndo ko’ag̃aite peve, ha oĩve’ỹva’erã araka’eve.
20Ñanderuete nomombykýirõ umi ára umíva, avave ndojesalvamo’ãi; umi jeporavopyre rehehápe katu Ha’e omombykýta umi ára umíva.
21Ha oime ramo he’íva peẽme: Péina ápe pe Crísto, térã: Péina pépe, ani pegueroviátei.
22Opu’ãva’erã Crísto gua’u ha proféta gua’ukuéra, ojapótava techaukapy ha milagrokuéra oporombotavy hag̃ua, ha ikatu ramo umi poravopyrépe jepe ombotavýta.
23Pema’ẽke pendejehe, ha’epámagui peẽme (umi mba’e oikova’erãva).
Hesu Crísto ou jevýta ha mba’épa ojehuva’erã ha’e ou mboyve
24Umi árape, upe angekõi ndetuicháva rire, kuarahy iñypytũta, ha jasy ndohesapemo’ãvéi.
25Mbyjakuéra ho’áta áragui, ha yvága pu’akakuéra oñemonguepáta.
26Ha upérõ Ñanderuete Ra’y oúta arai ári, tuicha pu’aka ha heko jajaipa reheve.
27Ha ha’e omboúta hi’angelkuéra ombyaty hag̃ua umi ojeporavova’ekuépe umi irundy yvytu rapéguio, yvy paha guive yvága rugua paha peve.
28Peikuaáke pe hígo ñe’ẽ mbojojágui, hakã oñembopyahu ramo ha hoky ramo, peikuaa arahaku hi’ag̃uimaha.
29Upéicha avei peẽ, pehechávo ojehuha ko’ã mba’e peikuaáta Ñanderuete Ra’y oñemoag̃uimaha pe okẽme ou hag̃uáicha.
30Añete ha’e peẽme Abraham ñemoñarenguéra (Israelguakuéra) katuete oikova’erã gueteri ko’ã mba’e ko’ãva ojehu ramo.
31Ára ha yvy ohasava’erã, che ñe’ẽ katu ndohasaiva’erã araka’eve.
32Upe ára ha upe hóra katu avave ndoikuaái, ni angelkuéra, ni Ñanderuete Ra’y jepe, pe Túva añómante oikuaa.
33Pema’ẽ porãke, ani peke, avave ndoikuaáigui araka’épa oúta upe ára upéva.
34Ojogua peteĩ kuimba’épe ohóva mombyry, oheja hóga ha ome’ẽ peteĩteĩ hembiguaikuérape hembiaporã, ha he’iuka okẽ rerekuápe oñangareko porã hag̃ua.
35Peñeñangareko porãke, ndapeikuaáigui araka’épa oúta pe óga jára, ka’aru javépa, pyharepytépepa, gállo osapukái jave, térãpa ko’ẽ rire.
36Anítei ha’e ou, oñeha’ãrõ’ỹ jave, ani pendejohu peñeñangareko’ỹ jave.
37Upe ha’éva peẽme, opavavépe ha’e: Peñeñangareko porãke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.