Англунимо 34

Дина дэ Шэхемо

1Дина, Лиятири чей Иаковостар, джиля тэ удыкхэпэ катутнэнца джювленца. 2Кала Шэхемо, чяво хивеёхкиро Хаморохкиро, саво сля барэдэрэґа дэ кодэя пхув, удыкхля ла, вов схутилда ла, пыла лаґа тай асаняпэ латар. 3Лэхкиро їло прыачиля Динатэ, Иаковохкиря чятэ, вов покамля ла тай дэдуманя лаґа камлимаґа. 4Шэхемо пхэнда пэхкирэ дадэсти Хаморости:

— Лэ манди кадэла чя дэ ромнен.

5Кала Иаково ушунда, со лэхкирятар чятар асанепэ, лэхкирэ чявэ сле дэ маля гуртонэнца, тай вов ачелас мулком пала када ды вряма, кала вонэ рисиле цэрэ.

6Хаморо, Шэхемохкиро дад, авиля тэ дэдумэ Иаковоґа. 7Сар кацик Иаковохкирэ чявэ ушундэ, со тердапэ, вонэ рисиле малендар. Вонэ сле фартэ мижэ тай холятирэ, пала када со Шэхемо терда ладжяво рындо дэ Израилё, кола пыля Иаковохкиря чяґа; када нащи сля тэ терэл.

8Хаморо пхэнда лэнди:

— Муро чяво Шэхемо всаворэґа їлэґа прыпхангляпэ тумарятэ чятэ. Мангав тумэн, отдэн ла лэсти дэ ромнен. 9Терэн амэнцар бъява: отдэн амэнди пэхкирэн чеен тай лэн пала пэстэ амарэн. 10Джювэн тумэ машкар амэндэ. Пхув англа тумэн: джювэн дэ ла, битинэн тай пхирэн пав ла тай авэн латирэнца хулаенца.

11Шэхемо пхэнда Динатирэсти дадэсти тай пхралэнди:

— Мэ дава тумэнди вса, со тумэ пхэнэна, тэ аракхав мэ лачимо дэ тумарэ якха! 12Мангэн важ тэрнятэ цымин тай подаркуря, тай мэ потинава, кацик отдэн ла манди дэ ромнен.

13Тунчи Иаковохкирэ чявэ пхэндэ Шэхемости тай лэхкирэ дадэсти Хаморости хохавимаґа, пала када со вов асаняпэ лэндиря пхэня Дина. 14Вонэ пхэндэ лэнди:

— Амэнди нащи тэ терэ када, нащи тэ отдэ амаря пхэня наобчиндэсти муршэсти. Када авэла амэнди ландявимаґа. 15Амэ отдаґа тумэнди ла кацик, сар тумэ ачена, сар амэ, тай терэна обчиндимо всаворэнди пэхкирэнди муршэнди. 16Тунчи амэ аваґа тэ отдэ тумэнди амарэн чеен тай тэ лэ пала пэстэ тумарэн. Амэ аваґа тэ джювэ машкар тумэн тай аваґа тумэнца екхэ народоґа. 17Ай сар тумэ на закамэна тэ терэ обчиндимо, амэ залаґа пхэня тай уджяґа.

18Лэндирэ лава пыля дэ їло Хаморости тай лэхкирэсти чявэсти Шэхемости. 19Тэрно мануш сиго терда кода, со вонэ пхэндэ, пала када со вов фартэ камэлас Иаковохкиря чя. Шэхемо сля фартэ пативало дэ пэхкиро дадэхкиро родо. 20Хаморо тай лэхкиро чяво Шэхемо авиле форохкирэндэ вударэндэ тай пхэндэ манушэнди:

21— Кала мануша лачимаґа амэндэ, — пхэндэ вонэ. — Мэк джювэн дэ амари пхув тай пхирэн пав латэ: пэ кадэя пхув хутилэла и лэнди тхан. Амэ аваґа тэ лэ лэндирэн чеен, тай вонэ мэк лэн амарэн. 22Кацик кади ала мануша камэн тэ джювэ амэнца, сар екх народо: сар амарэ мурша, сар и вонэ, авэна обчиндэ. 23На авэна ли тунчи лэндирэ гуртуря, барвалимо тай всаворо ското амарэнца? Тераґа кода, со вонэ пхэндэ, тай вонэ джювэна машкар амэн.

24Всаворэ, ко стидэласпэ форохкирэндэ ударэндэ, допхэндэпэ Хамороґа тай лэхкирэ чявэґа Шэхемоґа, тай всаворэ мурша дэ форо сле обчиндэ.

25Проджиле трин дивэ, кала вонэ сле дукхадэ насвалиматар, дуй Иаковохкирэ чявэ Симеоно тай Левиё, Динатирэ пхрала, лиле чюря, чютэпэ пэ форо тай умардэ всаворэн муршэн. 26Вонэ умардэ чюряґа Хаморо тай лэхкирэ чявэ Шэхемо, залиле Дина Шэхемохкирэстар цэрэстар тай уджиле. 27Иаковохкирэ чявэ заджиле умардэндэ тай обчёрдэ форо, тев асанепэ лэндирятар пхэнятар. 28Вонэ залиле гуртуря баро тай хурдо ското, магарянэн — вса, со сля дэ форо и дэ мален, 29и всаворо лэндиро барвалимо, и чяворэн, и джювлен. И вса, со сля дэ цэрэн, вонэ залиле пэсти.

30Тунчи Иаково пхэнда Симеоности тай Левиёсти:

— Тумэ цырдэне пэ ман глаба, тердэ ман врыжыматорэґа важ кодэла, ко джювэл дэ кодэя пхув, ханаанеенди тай периззеенди. Амэн на кади бут, тай сар вонэ стидэна зора тай джяна пэ ман, тай мэ и муро цэр аваґа умардэ.

31Ай вонэ пхэндэ:

— Хиба трэбуни сля кади тэ лиджял пэ амаряґа пхэняґа, сар лубняґа?

Currently Selected:

Англунимо 34: СРБ

Highlight

Copy

Want to have your highlights saved across all your devices? Sign up or sign in

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

Learn More About Библия пы сэрвицко ромско чиб