Англунимо 22

Сар Дэвэл продыкхля Авраамохкиро патямо

1Проджиля савись вряма, тай Дэвэл закамля тэ уджянэ чячюно патямо Авраамохкиро. Вов пхэнда лэсти:

— Авраамо.

— Мэ катэ, — пхэнда Авраамо.

2Дэвэл пхэнда:

— Лэ чявэ, екхорэ пэхкирэ чявэ Исаако, савэ ту камэх, джя дэ пхув Мория тай ан лэ котэ дэ жэртва тай спхабар ла дэ яг пэ плай, сави Мэ сикавава тути.

3Пэ авэр диво дэнзор Авраамо вщиля, залытярда магаре, лиля пэґа дуен копылен тай чявэ Исаако, починда кашта важ жэртва тай джиля дэ дром дэ кодэва тхан, пала савэ пхэнда лэсти Дэвэл. 4Пэ трито диво Авраамо ваздэня якха тай удыкхля дурал кодэва тхан. 5Вов пхэнда копыленди:

— Аченпэ катэ магареґа, ай амэ чяворэґа джяґа пордэ стераґа тэлисаримо, ай тунчи рисяваґа тумэндэ.

6Авраамо лиля кашта важ жэртва тай тховда лэн пэ думо Исаакости, ай екджино лиджялда яг тай чюри, тай вонэ дуйджинэ джиле дэ дром. 7Исаако пхэнда пэхкирэсти дадэсти Авраамости:

— Дадэ!

— Нэ, муро чяво? — пхэнда Авраамо.

— Амэндэ исин яг тай кашта, — пхэнда Исаако, — ай тев жэ бакроро важ жэртва?

8Авраамо пхэнда:

— Дэвэл Екджино удыкхэла бакрорэ важ жэртва, чяво муро.

Тай вонэ дуйджинэ джиле дурэдэр. 9Кала вонэ доджиле дэ тхан, пала савэ пхэнда лэсти Дэвэл, Авраамо стерда котэ жэртвенико тай стховда пэ лэстэ кашта, спхангля пэхкирэ чявэ Исаако тай тховда лэ пэ жэртвенико пэ кашта. 10Вов процырдэня васт тай лиля чюри, соб тэ умарэ чявэ. 11Ай Ангело РАЕХКИРО прохпэнда лэсти болыбнастар:

— Авраамо! Авраамо!

— Мэ катэ, — пхэнда вов.

12— На ваздэ васт пэ чяворэ, — пхэнда Вов, — на тер лэґа нисо. Кана Мэ джянав, со ту дарахпэ Дэвлэ, пала када со тути на дор важ Манди чявэ, екхорэ пэхкирэ чявэ.

13Авраамо ваздэня якха тай удыкхля бакрэ, саво шынгэнца амгладёлас пала ранден. Вов джиля, лиля бакрэ, анда лэ дэ жэртва тай спхабарда пэ яг пала чявэ. 14Авраамо акхарда кодэва тхан «Яхве-Ирэ»#22.14 Пур. евр. лава «Яхве-Ирэ» исин «РАЙ удыкхэла»., тай пала кода и екхатар пхэнэлпэ: «Пэ РАЕХКИРО плай удыкхэлапэ».

15Ангело РАЕХКИРО пропхэнда Авраамостэ болыбнастар дэ дуйто моло 16тай пхэнда:

— Мэ, РАЙ, солохав Екджинэґа Пэґа: сар ту стердан када тай тути на сля дор важ Манди пэхкирэ екхорэ чявэ, 17чяче Мэ бахталисарава тут тай стерава, со тирэн чяворэн авэла фартэ бут, сар чергэня дэ болыбэн, сар тишай пэ морско брэга. Тирэ чяворэ залэна форуря пэхкирэн врыжымашэн, 18тай тутар авэна бахталисардэ всаворэ народуря пэ пхув, пала када со ту поканглян Ман.

19Авраамо рисардапэ копылендэ, тай вонэ ектханэ джиле дэ Вирсавия. Авраамо ачиляпэ дэ Вирсавия.

Потомкуря Нахорохкирэ

20Проджиля вряма, тай Авраамости пхэндэ:

— Кана и Милка— дэй, вой бэянда чявэн тирэсти пхралэсти Нахорости: 21Уцо, первонэ, Бузо, лэхкирэ пхралэ, Кемуило (Арамохкирэ дадэ), 22Кеседо, Хазо, Пилдашо, Идлафо тай Бетуило.

23Бетуило ачиля дадэґа Ревекатиряти. Милка бэянда охто кадэлэн чявэн Нахорости, Авраамохкирэ пхралэсти. 24Лэхкири наложница, савя акхарэнас Реума, кади ж бэянда лэсти чявэн: Тевахо, Гахамо, Тахашо тай Мааха.

Currently Selected:

Англунимо 22: СРБ

Highlight

Copy

Want to have your highlights saved across all your devices? Sign up or sign in

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

Learn More About Библия пы сэрвицко ромско чиб