Malkus Pahati
Pahati
Ni Kitab Injil luu mpat salsila pasal kaallum si Isa Almasi jaman na ni junyaꞌ. Disu bay sinuwatan meꞌ si Malkus, yana kitab tuu na situ. Kuwan ilooy ma tallu, bay sinuwatan meꞌ ga si Matiyu, si Lukas ka si Yahiya.
Njawom kitab tuu, si Malkus mahati ningkitabi si Isa yana Almasi, tukang nalamat bay njanjiꞌ meꞌ Tuhan. Maka njawom kitab tuu binaan kitabi bong oy maksud si Isa bay pitu pa junyaꞌ sampay bay dari manusiyaꞌ. Batan ni juran sapū ka ayat mpatpuꞌ-lima ni kitab tuu, yuk si Isa, “Minsan aku, yana Anak Manusiyaꞌ, yaꞌ du tu kon ku bay pitu muhung inintu. Arapun aku tu bay pitu ngintu manusiyaꞌ sampay nongan umu ku lagi supaya meka na jama pinaddusan man hukuman ni dusa da.”
Kaekahan jama mista si Malkus ilay yana si Yahiya Malkus ma bay mmeꞌ ni si Pol ka si Balnabas masaplag umanat mahap pasal si Isa Almasi (ndaun Salsila siga Rasul si Isa Almasi 12.25). Maka si Malkus ilay yana bay soheꞌ si Pitel, disu rasul si Isa (ndaun 1 Pitel 5.13). Meꞌ kaekahan mista, si Pitel ilay, iya na man si Malkus bay koleꞌ salsila tuu pasal Papuꞌ Isa.
Yaꞌ tatantu ta bong sumilan kitab tuu bay sinuwatan meꞌ si Malkus. Meꞌ kaekahan mista, luu na ga duwampuꞌ-lima pa tallumpuꞌ-pitun taun bay pingkaꞌ paddus si Isa Almasi bay inangkat pa sulgaꞌ.
Currently Selected:
Malkus Pahati: sjm
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.