Salsila siga Rasul 15
15
Siga pa-mmean sukuꞌ si Isa magbilmaarup hāl meꞌ ngislam
1Na ni waktu looy du siꞌ, luu na baw takka pa Antiyok siga Yahudi man Yahudiya. Bbuwatan da lay noan siga sukuꞌ si Isa ma saꞌ Yahudi, yuk da, “Bong ina kam yaꞌ bay inislam meꞌ ndang bay tinaat ni saraꞌ Nabi Musa, masi du kam yaꞌ salamat.”
2Sugaꞌ pag takale si Pol ka si Balnabas tōꞌ da, lay sinulang meꞌ da. Boꞌ tud bay mehe pagjawapan da ka siga Yahudi looy. Dari honaꞌ-honaꞌ baanan sukuꞌ si Isa ndooy subay luu sohoꞌ da pilay pa Jerusalem mangaruha ni siga rasul ka siga pagkahi da pa-mmean pasal bay pagjawapan da siꞌ. Dari lay peneꞌ da ga si Pol ka si Balnabas sampay kasohean ndooy nohoꞌ pilay.
3Na pag lakka da, lay na sila tinuhiyan meꞌ siga sukuꞌ si Isa pa behe lān. Lān da pilay pa Jerusalem, lay gi sila pingkaꞌ man jawom Pinisiya ka Samariya. Ndooy siꞌ, lay gi sila maghāsan nuntutan siga sukuꞌ si Isa pasal siga jama saꞌ Yahudi, meka na pitsayaꞌ ni Papuꞌ Isa. Dari tud bay gāk sikamimon pag takale da habal looy.
4Pag takka ga si Pol pa Jerusalem, lay du sila hinasi meꞌ siga rasul ka siga pagkahi da pa-mmean sampay mimon ma mmeꞌ ni si Isa ndooy. Pag-anu siꞌ, nuntut na ga si Pol ilooy ma bay pabuwat da man tabang Tuhan sasang da bay ngalataan kalahat-lahatan masaplag.
5Na ndooy siꞌ, luu du kasohean sukuꞌ si Isa ni baanan looy ma bay pingkaꞌ tabeꞌ ni palhimpunan Parisi. Pag takale da luu na du jama saꞌ Yahudi pitsayaꞌ na ni si Isa, yuk da, “Wajib du baw bilay ninsila inislam maka subay du sila sinohoꞌ mogbogan saraꞌ Nabi Musa.”
6Dari siꞌ, bbuwatan siga rasul looy ka siga pagkahi da pa-mmean lay magbilmaarup hāl meꞌ looy siꞌ. 7Hallom jaꞌ siꞌ sila magbilmaarup, nangge na si Pitel, maka yuk na, “Siga danganakan, ni baanan tabi itu, ndang katoonan bi na du, aku bay duhuꞌ pineneꞌ meꞌ Tuhan nohoꞌ masampay umanat mahap ni siga jama ma saꞌ Yahudi pin sila pitsayaꞌ jaꞌ. 8Na Tuhan ina, katoonan na du mimon njawom atay manusiyaꞌ. Dari pagka katoonan na hilas meꞌ siga jama looy siꞌ bay pitsayaꞌ, lay na du sila pinatannaan Rū Sutsiꞌ meꞌ bay karuha ningkitabi du. 9Hantak bitsala ku ilay siꞌ, labba man kitabi bangsa Yahudi sampay na sila ma saꞌ Yahudi, yaꞌ pinagsitingka meꞌ Tuhan. Lay na du sinutsiꞌ atay da sabapan pangando da ni si Isa meꞌ bay karuha ningkitabi du. 10Dari ongoy baw taggahaꞌ doman gi kam malasu Tuhan? Tatammu bi lagi niksaꞌ ga danganakan tabi ma saꞌ Yahudi nohoꞌ mogbogan saraꞌ bangsa tabi? Ongoy kam manangkitan sila boonan ma yaꞌ san bay pingkaꞌ takaya tabi ka ga kabboꞌ-bboan tabi. 11Mingkan, man sabapan aseꞌ-tabang Papuꞌ Isa, batnaa ilooy du tinaat ningkitabi siga Yahudi yana pitsayaꞌ niiya. Sangkon sapatut na, subay meꞌ looy jaꞌ du ni siga bangsa saꞌ Yahudi.”
12Na pag lupus jaꞌ siꞌ tu si Pitel mitsala, yaꞌ na luu bay nammu halling ndooy. Pag-anu si, lay na baw sila pakale ni ga si Pol ka si Balnabas nuntut pabalik pasal siga pakaradjaan kahaylan-haylan bay pabuwat Tuhan njataꞌ da para ni siga bangsa saꞌ Yahudi.
13Pus meꞌ looy, pasīng na baw si Yaꞌkub#(15.13) Ndaun futnot ni juran 12 ayat 17. mitsala, yuk na, “Siga danganakan, pakalehun bi doꞌ ku. 14Ndang lay na silay kitabi binaan meꞌ si Saymon Pitel pasal sibuwa Tuhan bay ngahasi siga jama saꞌ Yahudi. Kon ilay Tuhan bay buwat meꞌ looy supaya tumatandaꞌ doman ya jama man mimon bangsa tabeꞌ ni siga sukuꞌ na. 15Ilooy ilay siꞌ magbēꞌ du ka palman ma bay sinuwatan meꞌ kanabi-nabihan, ilooy ma yuk Tuhan,
16‘Bbos-bbos pabeleng du sina ku pa mman siga panubuꞌ si Daud, boꞌ patangge ku na pabalik pamarinta na. Pamarinta na ina meꞌ karuha lumaꞌ hallom na bay langkat. Sugaꞌ paayad ku na du sina mintu mari meꞌ sibuwa na du pagon.
17Pag toklas na, jama man mimon kabangsa-bangsahan halin na mundaꞌ da pa jawom okoman ku. Sila ina yana sagannap manusiyaꞌ ma liyun ku binuwat sukuꞌ ku. Aku na situ Tuhan, yana poonan umanat tuu siꞌ.
18Mimon ma bay sabbut ku siꞌ, ndang bay na ginantaꞌ meꞌ ku man awwal jaman lagi.’#(15.16-18) Kitab Nabi Amos 9.11-12.
19“Sangkon,” yuk si Yaꞌkub, “bong siꞌ aku kabean, daa na patiksaan tabi siga jama saꞌ Yahudi ma lay na ngahalin mundaꞌ da pa jawom okoman Tuhan. 20Sugaꞌ subay du baw sina sila pokonan tabi suwat nohoꞌ ngilagan kasohean pabuwatan ma sinipin meꞌ bangsa Yahudi. Intong na, subay sila ngilagan sumbalian ma bay sinongan meꞌ siga kapil ni ga tuhan-tuhan da. Batan para ni bangsa Yahudi, makanan meꞌ looy ilay katamak ni manusiyaꞌ. Maka subay du sila inamay-amayan yaꞌ nohoꞌ ubay ka jama bong saꞌ lla da atawa nda da. Maka subay du sila yaꞌ nginum lahaꞌ atawa mangan sumbalian ma yaꞌ bay tiis lahaꞌ na. 21Bong siꞌ ina mintu bogbogan da jaꞌ siga aturan looy, malaingkan yaꞌ na halin parasahan siga Yahudi ngandaꞌ sila. Siga Yahudi ina tud kaawran ngalabbahan saraꞌ Nabi Musa. Man maruhuꞌ-ruhuꞌ lagi, ndang inaa na saraꞌ takale da pinasaplag ni mimon daira da ka ni kalangga-langgahan da tuktuk Llaw Pahali.”
Suwat siga rasul pa mman siga sukuꞌ si Isa ma saꞌ bangsa Yahudi
22Na bitsala si Yaꞌkub ilay siꞌ tud bay numan ni pamiki siga pagkahi na rasul ka ga pagkahi da pa-mmean sampay mimon sukuꞌ si Isa ndooy. Dari lay du sila nuwat pa mman siga pagkahi da sukuꞌ si Isa ma saꞌ Yahudi. Boꞌ lay gi sila meneꞌ duwa jama man baanan da ngahongan ga si Pol pabeleng pa Antiyok moo suwat looy. Ilooy siꞌ bay tapeneꞌ da yana ga si Judas ma pinag-awnan si Balsabas maka si Saylas. Sila ilay siꞌ sikaduwa yana pa-mmean ni baanan sukuꞌ si Isa ndooy ni Jerusalem. 23Isi suwat da meꞌ tuu:
“Salam duwaa ningkaam man kami siga rasul ka ga pa-mmean ni baanan danganakan tabi ntuu ni Jerusalem. Itu suwat kami pa mman bi siga danganakan kami ma saꞌ Yahudi nnaa ni sikaliput Antiyok ka Siriya sampay ni Silisiya.
24“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila. 25-27Sangkon lay kami magtaayun mokonan kaam suwat. Dari itu na sohoꞌ kami pinasampay ni duwa lalla bay peneꞌ kami yana ga si Judas ka si Saylas. Sila sa mahatiyan kaam mimon pasal bay pag-isunan kami. Maka luu na du bay sohoꞌ kami pahaboy ninsila siga kakasi tabi yana ga si Balnabas ka si Pol. Ga lalla tuu itu bay na pingkaꞌ narapan umu da kalnaꞌ Papuꞌ tabi si Isa Almasi.
28“Dari man pamiki bay dean Rū Sutsiꞌ ningkami, lay kami magtaayun yaꞌ na dari matiksaan kaam nohoꞌ mogbogan jinisan saraꞌ bangsa Yahudi. Ilooy sa talpaksaꞌ bean bi meꞌ tuu: 29Ilagan bi mangan sumbalian ma bay sinongan ni siga tuhan-tuhan. Maka daa kam nginum lahaꞌ atawa mangan sumbalian yaꞌ bay tiis lahaꞌ na. Maka daa kam ubay ka jama bong saꞌ lla bi atawa nda bi. Bong siꞌ ina bean bi jaꞌ ilooy siꞌ, katuwaꞌ na sina kam. Ngkod naa jaꞌ bitsala kami. Wassalam.”
30Na pus da siꞌ bay nuwat, lay na sohoꞌ da ga lalla looy siꞌ sika-mpat pilay pa Antiyok masampay suwat da. Takka jaꞌ siꞌ sila, lay doꞌ tinawag meꞌ da mimon ma mmeꞌ ni si Isa ndooy. Luu jaꞌ siꞌ sila kumpo, lay na pasampay da suwat looy ninsila. 31Pag lay jaꞌ tabatsa da, tud bay gāk sila batan suwat looy bay magamgaman atay da.
32Ndooy siꞌ, pagka si Judas ka si Saylas ndang tukang masampay siga umanat ma pinalahil meꞌ Rū Sutsiꞌ ninsila, meka du umanat bay pasampay da man da mataggu iman siga sukuꞌ si Isa sampay matakkoꞌ pangando da. 33Hallom-hallom jaꞌ siꞌ si Judas ka si Saylas ndooy, taabut na masa man da pabeleng pa Jerusalem pa mman ga jama ma bay nohoꞌ sila. Lān da siꞌ palakka, yuk siga pagkahi da sukuꞌ si Isa ndooy ninsila, “Kasannangan man Tuhan ningkaam.” 34Sugaꞌ lay halin pamiki si Saylas sampay lay gi ya tamban ndooy.
35Na ga si Pol ka si Balnabas pun, lay na du tamban ndooy ni Antiyok. Bbuwatan da ndooy magnasihat na pin ka masaplag umanat mahap pasal Papuꞌ Isa. Maka meka du soheꞌ da bay mmeꞌ ninsila masaplag.
Sakkat si Pol ka si Balnabas
36Paddus jaꞌ daka dangoy ngallaw, yuk si Pol ni si Balnabas, “Nges, pooy bong kita pabeleng doꞌ pa sikamimon daira man ta bay masaplag umanat Papuꞌ? Ndaꞌ ta teꞌ bong oy na pin kaadaan siga danganakan ta.”
37Na si Balnabas siꞌ tu, lay du kuhi maka doman gi ya moo si Yahiya ma inawnan du si Malkus. 38Sugaꞌ yaꞌ kuhi si Pol. Honaꞌ-honaꞌ na, yaꞌ pataꞌ si Malkus binoo batan lay ya pasakkat jaman da ni Pampilya. Yaꞌ na ya bay mmeꞌ pawus ninsila majatu garaꞌ da.
39Dari pagka tud bay magjawap banahan si Pol ka si Balnabas, lay na sila sakkat. Pag toklas na, masi du si Malkus lay binoo meꞌ si Balnabas. Sampay lai na sila mmeꞌ taꞌ adjung song pa nusa Kiprus. 40Kuwan si Pol, lay boo na yana si Saylas. Yaꞌ gi siꞌ sila bay lakka man Antiyok, lay doꞌ sila pinakuhan meꞌ siga sukuꞌ si Isa duwaa, kamura-murahan luu na pin aseꞌ-tabang Papuꞌ ni jataꞌ da. 41Lakka man Antiyok, lay sila ngalataan Siriya ka Silisiya mataggu iman siga baanan sukuꞌ si Isa ndooy.
Currently Selected:
Salsila siga Rasul 15: sjm
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
Salsila siga Rasul 15
15
Siga pa-mmean sukuꞌ si Isa magbilmaarup hāl meꞌ ngislam
1Na ni waktu looy du siꞌ, luu na baw takka pa Antiyok siga Yahudi man Yahudiya. Bbuwatan da lay noan siga sukuꞌ si Isa ma saꞌ Yahudi, yuk da, “Bong ina kam yaꞌ bay inislam meꞌ ndang bay tinaat ni saraꞌ Nabi Musa, masi du kam yaꞌ salamat.”
2Sugaꞌ pag takale si Pol ka si Balnabas tōꞌ da, lay sinulang meꞌ da. Boꞌ tud bay mehe pagjawapan da ka siga Yahudi looy. Dari honaꞌ-honaꞌ baanan sukuꞌ si Isa ndooy subay luu sohoꞌ da pilay pa Jerusalem mangaruha ni siga rasul ka siga pagkahi da pa-mmean pasal bay pagjawapan da siꞌ. Dari lay peneꞌ da ga si Pol ka si Balnabas sampay kasohean ndooy nohoꞌ pilay.
3Na pag lakka da, lay na sila tinuhiyan meꞌ siga sukuꞌ si Isa pa behe lān. Lān da pilay pa Jerusalem, lay gi sila pingkaꞌ man jawom Pinisiya ka Samariya. Ndooy siꞌ, lay gi sila maghāsan nuntutan siga sukuꞌ si Isa pasal siga jama saꞌ Yahudi, meka na pitsayaꞌ ni Papuꞌ Isa. Dari tud bay gāk sikamimon pag takale da habal looy.
4Pag takka ga si Pol pa Jerusalem, lay du sila hinasi meꞌ siga rasul ka siga pagkahi da pa-mmean sampay mimon ma mmeꞌ ni si Isa ndooy. Pag-anu siꞌ, nuntut na ga si Pol ilooy ma bay pabuwat da man tabang Tuhan sasang da bay ngalataan kalahat-lahatan masaplag.
5Na ndooy siꞌ, luu du kasohean sukuꞌ si Isa ni baanan looy ma bay pingkaꞌ tabeꞌ ni palhimpunan Parisi. Pag takale da luu na du jama saꞌ Yahudi pitsayaꞌ na ni si Isa, yuk da, “Wajib du baw bilay ninsila inislam maka subay du sila sinohoꞌ mogbogan saraꞌ Nabi Musa.”
6Dari siꞌ, bbuwatan siga rasul looy ka siga pagkahi da pa-mmean lay magbilmaarup hāl meꞌ looy siꞌ. 7Hallom jaꞌ siꞌ sila magbilmaarup, nangge na si Pitel, maka yuk na, “Siga danganakan, ni baanan tabi itu, ndang katoonan bi na du, aku bay duhuꞌ pineneꞌ meꞌ Tuhan nohoꞌ masampay umanat mahap ni siga jama ma saꞌ Yahudi pin sila pitsayaꞌ jaꞌ. 8Na Tuhan ina, katoonan na du mimon njawom atay manusiyaꞌ. Dari pagka katoonan na hilas meꞌ siga jama looy siꞌ bay pitsayaꞌ, lay na du sila pinatannaan Rū Sutsiꞌ meꞌ bay karuha ningkitabi du. 9Hantak bitsala ku ilay siꞌ, labba man kitabi bangsa Yahudi sampay na sila ma saꞌ Yahudi, yaꞌ pinagsitingka meꞌ Tuhan. Lay na du sinutsiꞌ atay da sabapan pangando da ni si Isa meꞌ bay karuha ningkitabi du. 10Dari ongoy baw taggahaꞌ doman gi kam malasu Tuhan? Tatammu bi lagi niksaꞌ ga danganakan tabi ma saꞌ Yahudi nohoꞌ mogbogan saraꞌ bangsa tabi? Ongoy kam manangkitan sila boonan ma yaꞌ san bay pingkaꞌ takaya tabi ka ga kabboꞌ-bboan tabi. 11Mingkan, man sabapan aseꞌ-tabang Papuꞌ Isa, batnaa ilooy du tinaat ningkitabi siga Yahudi yana pitsayaꞌ niiya. Sangkon sapatut na, subay meꞌ looy jaꞌ du ni siga bangsa saꞌ Yahudi.”
12Na pag lupus jaꞌ siꞌ tu si Pitel mitsala, yaꞌ na luu bay nammu halling ndooy. Pag-anu si, lay na baw sila pakale ni ga si Pol ka si Balnabas nuntut pabalik pasal siga pakaradjaan kahaylan-haylan bay pabuwat Tuhan njataꞌ da para ni siga bangsa saꞌ Yahudi.
13Pus meꞌ looy, pasīng na baw si Yaꞌkub#(15.13) Ndaun futnot ni juran 12 ayat 17. mitsala, yuk na, “Siga danganakan, pakalehun bi doꞌ ku. 14Ndang lay na silay kitabi binaan meꞌ si Saymon Pitel pasal sibuwa Tuhan bay ngahasi siga jama saꞌ Yahudi. Kon ilay Tuhan bay buwat meꞌ looy supaya tumatandaꞌ doman ya jama man mimon bangsa tabeꞌ ni siga sukuꞌ na. 15Ilooy ilay siꞌ magbēꞌ du ka palman ma bay sinuwatan meꞌ kanabi-nabihan, ilooy ma yuk Tuhan,
16‘Bbos-bbos pabeleng du sina ku pa mman siga panubuꞌ si Daud, boꞌ patangge ku na pabalik pamarinta na. Pamarinta na ina meꞌ karuha lumaꞌ hallom na bay langkat. Sugaꞌ paayad ku na du sina mintu mari meꞌ sibuwa na du pagon.
17Pag toklas na, jama man mimon kabangsa-bangsahan halin na mundaꞌ da pa jawom okoman ku. Sila ina yana sagannap manusiyaꞌ ma liyun ku binuwat sukuꞌ ku. Aku na situ Tuhan, yana poonan umanat tuu siꞌ.
18Mimon ma bay sabbut ku siꞌ, ndang bay na ginantaꞌ meꞌ ku man awwal jaman lagi.’#(15.16-18) Kitab Nabi Amos 9.11-12.
19“Sangkon,” yuk si Yaꞌkub, “bong siꞌ aku kabean, daa na patiksaan tabi siga jama saꞌ Yahudi ma lay na ngahalin mundaꞌ da pa jawom okoman Tuhan. 20Sugaꞌ subay du baw sina sila pokonan tabi suwat nohoꞌ ngilagan kasohean pabuwatan ma sinipin meꞌ bangsa Yahudi. Intong na, subay sila ngilagan sumbalian ma bay sinongan meꞌ siga kapil ni ga tuhan-tuhan da. Batan para ni bangsa Yahudi, makanan meꞌ looy ilay katamak ni manusiyaꞌ. Maka subay du sila inamay-amayan yaꞌ nohoꞌ ubay ka jama bong saꞌ lla da atawa nda da. Maka subay du sila yaꞌ nginum lahaꞌ atawa mangan sumbalian ma yaꞌ bay tiis lahaꞌ na. 21Bong siꞌ ina mintu bogbogan da jaꞌ siga aturan looy, malaingkan yaꞌ na halin parasahan siga Yahudi ngandaꞌ sila. Siga Yahudi ina tud kaawran ngalabbahan saraꞌ Nabi Musa. Man maruhuꞌ-ruhuꞌ lagi, ndang inaa na saraꞌ takale da pinasaplag ni mimon daira da ka ni kalangga-langgahan da tuktuk Llaw Pahali.”
Suwat siga rasul pa mman siga sukuꞌ si Isa ma saꞌ bangsa Yahudi
22Na bitsala si Yaꞌkub ilay siꞌ tud bay numan ni pamiki siga pagkahi na rasul ka ga pagkahi da pa-mmean sampay mimon sukuꞌ si Isa ndooy. Dari lay du sila nuwat pa mman siga pagkahi da sukuꞌ si Isa ma saꞌ Yahudi. Boꞌ lay gi sila meneꞌ duwa jama man baanan da ngahongan ga si Pol pabeleng pa Antiyok moo suwat looy. Ilooy siꞌ bay tapeneꞌ da yana ga si Judas ma pinag-awnan si Balsabas maka si Saylas. Sila ilay siꞌ sikaduwa yana pa-mmean ni baanan sukuꞌ si Isa ndooy ni Jerusalem. 23Isi suwat da meꞌ tuu:
“Salam duwaa ningkaam man kami siga rasul ka ga pa-mmean ni baanan danganakan tabi ntuu ni Jerusalem. Itu suwat kami pa mman bi siga danganakan kami ma saꞌ Yahudi nnaa ni sikaliput Antiyok ka Siriya sampay ni Silisiya.
24“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila. 25-27Sangkon lay kami magtaayun mokonan kaam suwat. Dari itu na sohoꞌ kami pinasampay ni duwa lalla bay peneꞌ kami yana ga si Judas ka si Saylas. Sila sa mahatiyan kaam mimon pasal bay pag-isunan kami. Maka luu na du bay sohoꞌ kami pahaboy ninsila siga kakasi tabi yana ga si Balnabas ka si Pol. Ga lalla tuu itu bay na pingkaꞌ narapan umu da kalnaꞌ Papuꞌ tabi si Isa Almasi.
28“Dari man pamiki bay dean Rū Sutsiꞌ ningkami, lay kami magtaayun yaꞌ na dari matiksaan kaam nohoꞌ mogbogan jinisan saraꞌ bangsa Yahudi. Ilooy sa talpaksaꞌ bean bi meꞌ tuu: 29Ilagan bi mangan sumbalian ma bay sinongan ni siga tuhan-tuhan. Maka daa kam nginum lahaꞌ atawa mangan sumbalian yaꞌ bay tiis lahaꞌ na. Maka daa kam ubay ka jama bong saꞌ lla bi atawa nda bi. Bong siꞌ ina bean bi jaꞌ ilooy siꞌ, katuwaꞌ na sina kam. Ngkod naa jaꞌ bitsala kami. Wassalam.”
30Na pus da siꞌ bay nuwat, lay na sohoꞌ da ga lalla looy siꞌ sika-mpat pilay pa Antiyok masampay suwat da. Takka jaꞌ siꞌ sila, lay doꞌ tinawag meꞌ da mimon ma mmeꞌ ni si Isa ndooy. Luu jaꞌ siꞌ sila kumpo, lay na pasampay da suwat looy ninsila. 31Pag lay jaꞌ tabatsa da, tud bay gāk sila batan suwat looy bay magamgaman atay da.
32Ndooy siꞌ, pagka si Judas ka si Saylas ndang tukang masampay siga umanat ma pinalahil meꞌ Rū Sutsiꞌ ninsila, meka du umanat bay pasampay da man da mataggu iman siga sukuꞌ si Isa sampay matakkoꞌ pangando da. 33Hallom-hallom jaꞌ siꞌ si Judas ka si Saylas ndooy, taabut na masa man da pabeleng pa Jerusalem pa mman ga jama ma bay nohoꞌ sila. Lān da siꞌ palakka, yuk siga pagkahi da sukuꞌ si Isa ndooy ninsila, “Kasannangan man Tuhan ningkaam.” 34Sugaꞌ lay halin pamiki si Saylas sampay lay gi ya tamban ndooy.
35Na ga si Pol ka si Balnabas pun, lay na du tamban ndooy ni Antiyok. Bbuwatan da ndooy magnasihat na pin ka masaplag umanat mahap pasal Papuꞌ Isa. Maka meka du soheꞌ da bay mmeꞌ ninsila masaplag.
Sakkat si Pol ka si Balnabas
36Paddus jaꞌ daka dangoy ngallaw, yuk si Pol ni si Balnabas, “Nges, pooy bong kita pabeleng doꞌ pa sikamimon daira man ta bay masaplag umanat Papuꞌ? Ndaꞌ ta teꞌ bong oy na pin kaadaan siga danganakan ta.”
37Na si Balnabas siꞌ tu, lay du kuhi maka doman gi ya moo si Yahiya ma inawnan du si Malkus. 38Sugaꞌ yaꞌ kuhi si Pol. Honaꞌ-honaꞌ na, yaꞌ pataꞌ si Malkus binoo batan lay ya pasakkat jaman da ni Pampilya. Yaꞌ na ya bay mmeꞌ pawus ninsila majatu garaꞌ da.
39Dari pagka tud bay magjawap banahan si Pol ka si Balnabas, lay na sila sakkat. Pag toklas na, masi du si Malkus lay binoo meꞌ si Balnabas. Sampay lai na sila mmeꞌ taꞌ adjung song pa nusa Kiprus. 40Kuwan si Pol, lay boo na yana si Saylas. Yaꞌ gi siꞌ sila bay lakka man Antiyok, lay doꞌ sila pinakuhan meꞌ siga sukuꞌ si Isa duwaa, kamura-murahan luu na pin aseꞌ-tabang Papuꞌ ni jataꞌ da. 41Lakka man Antiyok, lay sila ngalataan Siriya ka Silisiya mataggu iman siga baanan sukuꞌ si Isa ndooy.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.