रोमियों 12
12
जीवतो बलीदान
1ईं वाते हो मारा भायाँ, मूँ थाँने परमेसर की दया की आद अवाड़न थाँकाऊँ अरज करूँ हूँ के, थाँ थाँकी देह ने जीवता अन पुवितर बलीदान का रूप में परमेसर ने राजी करबा का वाते दिदो। आ थाँकी आत्मा की हाँची सेवा हे, जिंने थाँने करणी हे। 2अबे ओर ईं दनियाँ का गेला पे मती चालो, पण थाँका मना ने नवा करन खुद ने बदल लेवो, जणीऊँ थाँ परमेसर की मरजी ने परको अणजाण सको हे, मतलब ज्यो हव अन ज्यो वींने भावे हे अन ज्यो सिद हे।
3ईं वाते वींकी दया की वजेऊँ ज्या मने मली हे। वींने ध्यान में लेन मूँ थाँने केवूँ हूँ जतरा थाँ हो वणी हेला खुद ने मती हमजो हे, पण विस्वास का जस्यान जतरी कबालियत परमेसर थाँने दिदी हे वतरोइस खुद ने हमजो। 4#1 कुरि 12:12काँके जस्यान आपणाँ एक देह में अलग अलग काम करबावाळा अलग अलग अंग हे। 5वस्यानीस आपाँ घणा हा, पण मसी में आपाँ एक देह हा। अस्यान हाराई अंग एक दूजाँ का हाते जड़या तका हे।
6 #
1 कुरि 12:4–11
वींकी दया जस्यान आपाँने ज्यो अलग अलग वरदान मल्या हे। जस्यान किंने परमेसर का आड़ीऊँ बोलबा को वरदान हे, तद्याँ वो आपणाँ विस्वास का जस्यान परमेसर का आड़ीऊँ बोले। 7जद्याँ किंने सेवा करबा को वरदान मल्यो हे, तद्याँ वो सेवा करे, जद्याँ कणी ने हिकाबा को वरदान मल्यो हे, तद्याँ वो हिकावे। 8जद्याँ किंने दूजाँ ने हिम्मत बडाबा को वरदान मल्यो हे तो वो हिम्मत बड़ावे। जद्याँ किंने दान देबा को वरदान मल्यो हे तो वो खुला मनऊँ दान देवे। जद्याँ किंने अगुवाई करबा को वरदान मल्यो हे तो वो मन लगान अगुवाई करे, अन जद्याँ किंने दया करबा को वरदान मल्यो हे तो वो राजी मनऊँ दया करे।
9थाँको परेम हाँचो वेवे। बुरईऊँ नपरत राको अन खरईऊँ जुड़या तका रो। 10एक दूजाँ का हाते हाँचो परेम राको। एक दूजाँ ने खुदऊँ हेलो मान दो। 11मेनत करबावाळा बणो आळसी ने, आपणी आत्मा में जोस भरो अन परबू की सेवा करता रेवो। 12आपणी आस में राजी रो, दुक में हिम्मत राको। हमेस्यान परातना करता रेवो। 13परमेसर का मनकाँ की जरुरत में वाँकी मदत करो। मेमान की आवभगत करबा को मोको होदता रेवो।
14 #
मत्ती 5:44; लूका 6:28 थाँने हताबावाळा ने आसिरवाद दो। वाँने हराप मती दो, पण आसिरवाद दो। 15ज्यो राजी हे वाँके हाते राजी रेवो अन ज्यो रोवे हे, वाँका हाते रोवो। 16#नि.व 3:7आपस में एक मन राको। मेपणो मती करो, पण दन-दक्या का हाते संगत करिया करो। अन खुद यो मती होचो के, खाली माँईस अकलवान हा।
17बुरई को बदलो बुरईऊँ किंने भी मती देवो। ज्यो हाराई के नजरा ने हव लागे, बेस वोईस करो। 18जटे तईं वेवे, हाराई मनकाँ का हाते सान्तीऊँ रेवो। 19मारा लाड़ला, #वे.वि 32:35कणीऊँ खुद बदलो मती लो, पण ईंने परमेसर का गुस्सा ने मोको दो, काँके सास्तर में लिक्यो हे के, “परबू क्यो, बदलो लेणो मारो काम हे, ईंको फळ मूँ देऊँ।” 20#नि.व 25:21,22पण थूँ तो,
“यद्याँ थाँरो दसमण भुको वे
तो वींने खाणो खवाड़।
यद्याँ वो तरियो वे,
तो वींने पाणी पिबा का वाते दे।
यद्याँ थूँ अस्यान करी, तो अणीऊँ वो हरमा मरी अन नानो नानो वेई।”
21बुरईऊँ मती हारो, पण खरईऊँ बुरई ने हरावो।
Currently Selected:
रोमियों 12: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
