2 कुरिन्थियों हेंद-पेचाण
हेंद-पेचाण
कुरिन्थियों के नाम थरप्या तका पोलुस को दूजो पतर पोलुस अन कुरिन्तुस नगर की मण्डली का वसमें कटूँ वेवार की टेम में लिक्यो ग्यो हो। मण्डली का कुईक मनक पोलुस का विरोद में पाका रूपऊँ आरोप लगाया हा। पण वो मेल-मिलाप की आपणी गेरी मनसा ने बतावे हे अन जद्याँ अस्यान वे जावे हे तो वो आपणाँ आणन्द ने भी परगट करे हे। अणी पतर का पेला भाग में पोलुस कुरिन्तुस की मण्डली का हाते आपणाँ सम्बधं पे बच्यार करे हे अन वाँने हमजावे हे के, वणी काँ मण्डली में अपमान अन विरोद करबा के जस्यो वेवार किदो। अन पछे आपणाँ आणन्द ने परगट करे हे के, वींके गाटो रेवा को नतीजो पसतावणो अन मेल-मिलाप व्यो हे। तद्याँ वो मण्डळीऊँ, यहूदियाँ का गरीब मसी मनकाँ का वाते दया-भावऊँ दान देबा की अरज करे हे। अंत का पाटाँ में पोलुस कुरिन्तुस का थोड़ाक मनकाँ का विरोद में आपणी चुण्यो जाबा को जलो लेवे हे जणा खुद आपणाँ आप ने हाँचा थरप्या तका वेबा को मान दिदो हो। जद्याँ के वीं पोलुस पे जूटो थरप्या तको वेबा को आरोप लगाया करता हा।
रूप-रेखा
भुमिका 1:1–11
पोलुस अन कुरिन्तुस नगर की मण्डली 1:12—7:16
यहूदियाँ का मसी मनकाँ का वाते दान 8:1—9:15
पोलुस को थरप्या तका का रूप में आपणाँ अदिकार को समरतन 10:1—13:10
आकरी बाताँ 13:11–14
Currently Selected:
2 कुरिन्थियों हेंद-पेचाण: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved