2 कुरिन्थियों 13

आकरी चेतावण्याँ

1 # वे.वि 17:6; 19:15 ओ तीजो मोको हे जद्याँ मूँ थाँका नके आरियो हूँ। “ईं हारी बाताँ को फेसलो दो कन तीन गवा की गवई का केड़ेईस वेणो छावे।” 2जद्याँ मूँ दूजी दाण थाँका हाते हो, तो मूँ थाँने चेताया हाँ अन अबे जद्याँ के, मूँ थाँकाऊँ छेटी हूँ, तो भी मूँ थाँने पाच्छा चेतारियो हूँ के, यद्याँ मारो पाछो थाँका नके आणो व्यो तो जणा पाप किदो हे वाँने अन बाकी दूजाँ मनकाँ ने भी ने छोड़ूँ। 3अस्यान मूँ ईं वाते केरियो हूँ के, थाँ ईं बात को परमाण छावाँ हो के, मारा मयने मसी बोले हे। वो थाँका वाते कमजोर ने हे, पण थाँका वाते तागतवर हे। 4ओ हाँच हे के, वींकी कमजोरी की वजेऊँ वींने हूळी पे चड़ायो ग्यो पण वो परमेसर की तागतऊँ जीरियो हे। ओ हाँच हे के, मसी का मयने माँ भी कमजोर हाँ पण थाँकी भलई की वाते परमेसर की तागतऊँ वींके हाते जीवाँ हाँ।

5ओ देकबा का वाते के, थाँ विस्वास का हाते जीरिया हो खुद ने परको। अन खुद की जाँच पड़ताल करो कई थाँ खुद ने जाणो के, ईसू मसी थाँका मयने हे। यद्याँ अस्यान ने वेतो तो थाँ जद्याँ परक्या ग्या हाँ तद्याँ खरा ने ने निकळता। 6अन मूँ आस करूँ हूँ के, थाँ ओ जाण जावो के, माँ जद्याँ परक्या ग्या हाँ तो माँ नाकाम ने व्या हाँ। 7अन माँ परमेसरऊँ परातना करा हा के, थाँ बुरई ने करो। ओ ईं वाते ने हे के, माँ खरा दिकई दा। पण ईं वाते के, थाँ ज्यो कई हव हे वो करो, पलई माँ नाकामइस काँ दिकई ने दा। 8काँके माँ कदी भी हाँच का विरोद में कई ने कर सका। पण माँ ज्यो भी करा हाँ वो हाँच का वाते कराँ हाँ। 9जद्याँ माँ कमजोर वेवा हाँ अन थाँ जोरावर वेवो हो तो माँ राजी वेवा हा, अन आ परातना भी करा हाँ के, थाँ पाकाऊँ पाका बणो। 10ईं वाते थाँकाऊँ छेटी रेतो तका भी मूँ ईं बाताँ थाँका वाते लिकरियो हूँ जणीऊँ की जद्याँ मूँ थाँका नके आऊँ तो मने परबू का दिदा तका हक ने कल्डा रूप में काम ने लेणो पड़े। यो हक थाँने नाकबा का वाते ने हे, पण थाँने बणाबा का वाते हे।

आकरी नमस्कार

11हो विस्वासी भायाँ, मूँ अणा आकरी सबदा का हाते अणी कागद ने बन्द कररियो हूँ, राजी रिया करो, थाँका वेवार ने बदलो, एक-दूँजा ने हिम्मत बंदावो, सान्ती अन मेल-मिलापऊँ रो, तद्याँ परमेसर ज्यो परेम अन सान्ती का दाता हे थाँका हाते रेई। 12एक-दूँजा का गळे मलन एक-दूँजा को मान करिया करो। 13परमेसर का हाराई भगताँ का आड़ीऊँ थाँने नमस्कार। 14थाँका पे परबू ईसू की दया अन परमेसर बापू को परेम अन पुवितर आत्मा को छतर-छाया थाँका हाराई पे वेती रेवे।

Currently Selected:

2 कुरिन्थियों 13: एम टी आर

Highlight

Copy