2 कुरिन्थियों 10

पोलुस को हक

1मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ। 2अबे मारी थाँकाऊँ परातना हे के, जद्याँ मूँ थाँका नके अऊँ, तद्याँ मने वणा मनकाँ का विरोद में कल्ड़ो वेवार करबा की जरूत ने पड़ी जीं अस्यान होचे हे के, माँ दनियाँ को जीवन जीवाँ हाँ। 3हाँची में माँ भी तो ईं दनियाँ मेंईस रेवा हाँ, पण ईं दनियाँ का मनकाँ का जस्यान ने लड़ा हाँ। 4काँके जणी ओजाराँऊँ माँ लड़ा हाँ वीं दनियाँ का ओजार ने हे, पण वणा ओजार में आत्मिक गड ने हड़ाबावाळी परमेसर की तागत हे। 5अन माँ वणा ओजाराँऊँ लोगाँ का गुमानऊँ भरिया तका सवाला अन बाताँ ने ज्यो परमेसर का ग्यान का विरोद में वेवे हे, वाँने बंस में करन मसी की आग्या में लावाँ हाँ। 6यद्याँ थाँ हारी आग्या ने पुरी तरियाऊँ मानबावाळा बण जावो, तो माँ वाँ हाराई ने ज्यो आग्या ने माने वाँने दण्ड देबा का वाते त्यार हाँ।

7थाँ वणाईस बाताँ ने देको ज्यो थाँकी आक्याँ का हामे हे। यद्याँ किंने ओ विस्वास वेवे के, मूँ मसी को हूँतो वींने ओ भी जाणणो छावे के, जस्यान वो मसी को हे वस्यानीस माँ भी मसी का हाँ। 8मूँ मारा वीं हक की वजेऊँ ज्यो परबू मने दिदो हे वींपेईस मेपणो करूँ अन ओ हक परबू माँने थाँने बगाड़वा का वाते ने दिदो हे पण थाँने बणाबा का वाते दिदो हे। ईं वाते मूँ हरमा ने मरूँ। 9मूँ अस्यान ने बतारियो हूँ के, ईं कागदऊँ मूँ थाँने दरपऊँ। 10ज्यो मनक मारो विरोद करे हे वीं केवे हे के, “वींका कागद तो जोरदार अन नरोगा रूपऊँ लिक्या तका वेवे हे पण जद्याँ वो हामे आवे हे तो वो देह में कमजोर अन बोलबा में भी अतरो खास ने दिके हे।” 11ज्यो अस्यान केवे हे, वाँने ओ भी जाणणो छावे के, जस्यान कागद में मारा बचन लिक्या तका हे वस्यानीस थाँका हामे माँ काम भी कराँ हाँ।

12काँके माँ वाँ मनकाँ के जस्यान ने हा, ज्यो खुद की बड़ई करे हे अन वीं खुद का हिसाबऊँ खुद ने एक दूजाँ का हाते नाप तोल करे हे। वीं कतरा बेण्डा हे। 13माँ माकाँ हक की मेर ने उलांगन मेपणो ने कराँ हाँ। वीं हक का वाते ज्यो काम की मेर परमेसर मने दिदी हे वीं मेर में माँको काम भी थाँ बंच में हे। 14काँके माँ माकाँ ने हकऊँ हेला खुद ने ने बतावा हा, पण मसी को हव हमच्यार हूँणाया तका थाँका नके आबावाळा मेंऊँ पेला हाँ। 15अन ने माँ दूजाँ की मेनत पे मेपणो करा हा पण आस हे के, जस्यान जस्यान थाँको विस्वास बड़तो जाई वस्यान-वस्यान माँ भी थाँकी वजेऊँ ओरू बड़ता जावा। 16ईंका केड़े माँ थाँका मेरऊँ दूजाँ में हव हमच्यार हूणावाँ, ईंको ओ मतलब भी ने हे के, माँ दूजाँ का बणा बणाया काम पे मेपणो कराँ हा।

17 # यर 9:24 पण, “यद्याँ कुई मेपणो करे हे, तो वो परबू ज्यो किदो वींका बारा में मेपणो करे।” 18काँके ज्यो आपणी खुद की बड़ई करे हे, वो मान्यो ने जावे हे पण जिंकी बड़ई परबू करे हे, वोईस मान्यो जावे हे।

Currently Selected:

2 कुरिन्थियों 10: एम टी आर

Highlight

Copy