1 थिस्सुलुनिक्यों 3

तिमुती ने खन्दाणो

1 # थर 17:15 ईं वाते थाँने देकबा का वाते माँ ओरी वाट ने नाळ सकता हाँ, तो माँ ओ ते किदो के, एतेंस नगर में एकला रे जावाँ, 2अन तिमुती ने ज्यो मसी का हव हमच्यार में मारो विस्वासी भई अन परमेसर को दास हे वींने थाँका नके खन्दावाँ जणीऊँ वो थाँने पाका करे अन विस्वास का बारा में हमजावे अन थाँकी हिम्मत बड़ावे। 3जणीऊँ दुक में थाँ पाच्छा भटक ने जावो। थाँ खुद ईं बात ने जाणो हो के, आपणाँ वाते दुक देकन भी कल्ड़ो रेणो परमेसर की मरजी कोईस एक भाग हे। 4काँके जद्याँ माँ थाँका नके हाँ, तो पेल्याँई थाँने बतायो हो के, माँने दुक मली अन वस्यानीस व्यो, ओ थाँ भी जाणो हो। 5ईं वाते जद्याँ माराऊँ ओरी ठमाव ने व्यो तो में थाँका विस्वास का हाल-चाल जाणबा का वाते वींने खन्दायो। परमेसर करे अस्यान ने वेणो छावे के, परकबा वाळी बाताँऊँ थाँ लाळच में आन मारो करियो-करायो काम बेकार तो ने कर दिदो।

तिमुती का आड़ीऊँ हमच्यार मलणो

6 # थर 18:5 तिमुती थाँका नकेऊँ पाछो आन ज्यो मने थाँका विस्वास अन परेम को हमच्यार हुणायो अन ओ भी बतायो के, थाँ हमेस्यान माँने परेम का हाते आद करो हो अन जस्यान मारो मन थाँने देकबा ने करे हे वस्यानीस थाँको मन भी करे हे। 7ईं वाते हो भायाँ-बेना, थाँका विस्वास का हमच्यारऊँ माकाँ हाराई दुक में अन कळेस में माँने घणी हिम्मत मली हे। 8अबे माँकी काया होरी रेवे हे, काँके थाँ परबू में बण्या तका रेवो हो। 9अबे माँ थाँका वाते परमेसर ने धन्नेवाद दे सका हाँ। थाँकी वजेऊँ ज्यो आणन्द परमेसर हामे माँने मल्यो हे वणी वाते माँ वींको घणो धन्नेवाद देवाँ हाँ। 10माँ रात-दन वणीऊँ मनऊँ अरज कररिया हाँ के, थाँने देका अन थाँका विस्वास की कमी पुरी कराँ।

11अबे आपणाँ बापू परमेसर अन परबू ईसू माकाँ वाते अस्यान को गेलो खोले के, माँ थाँकाऊँ आन मला। 12परबू करे, जस्यान माँको परेम थाँका वाते हे वस्यानीस थाँको परेम एक-दूँजा में अन हाराई मनकाँ का हाते रात-दन बड़तो जावे। 13जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ#3:13 यो हरग-दुताँ का बारा में भी बतावे हे। का हाते आई तो थाँ बापू परमेसर का हामे निरदोस अन पुवितर वेवो।

Currently Selected:

1 थिस्सुलुनिक्यों 3: एम टी आर

Highlight

Copy