1 कुरिन्थियों 7
7
ब्याव-सादी का बारा में सवाल-जवाब
1वणा बाताँ का बारा में ज्यो थाँ लिकी हे, “कई ओ हव हे के, कुई मनक कणी लुगई का हाते वेवार ने राके?” 2पण मूँ थाँने ओ केऊँ हूँ के, कूकरमऊँ बंचबा का वाते हरेक मनक के लुगई वेणी छावे अन हरेक लुगई के धणी वेणो छावे। 3धणी आपणी लुगई की मनसा पुरी करे अन वस्यानीस लुगई ने भी आपणाँ धणी की मनसा पुरी करणी छावे। 4लुगई को आपणी देह पे बेस खुद अदिकार ने हे, पण वींका धणी ने भी हे अन वस्यानीस धणी ने भी आपणी देह पे अदिकार ने हे, पण वींकी लुगई ने भी हे। 5थाँ एक-दूँजा की देह की मनसा ने पुरी करबा में छेटी मती रेज्यो, पण थोड़ीक टेम तईं परातना का वाते आपस का राजीपाऊँ छेटी रो अन पाच्छा एक हाते वे जावो। कटे अस्यान ने वे के, थाँका खुद ने बंस में राकबा की कमजोरीऊँ सेतान थाँकी परक करे।
6पण मूँ ज्यो केरियो हूँ वाँ अनुमती हे आग्या ने हे। 7मूँ तो छावूँ हूँ के, हाराई मनक मारा जस्यान बना ब्याव करिया रेवे, पण हरेक मनक ने परमेसर का आड़ीऊँ एक खास वरदान मल्यो हे। हाराई ने अलग अलग तरिया को वरदान मल्यो हे।
8अबे मूँ बना ब्याव व्या वाँकाऊँ अन विदवा का वाते केणो छारियो हूँ के, यद्याँ वीं मारे जस्यान अकेला रेवे तो ओ बड़या हे। 9अन यद्याँ वीं आपणाँ खुद पे काबू ने राक सके तो वाँने ब्याव कर लेणो छावे, काँके वासना की आग में बळतो रेबाऊँ ब्याव कर लेणो हव हे।
10 #
मत्ती 5:32; 19:9; मर 10:11,12; लूका 16:18 जणा ब्याव कर लिदो हे, वाँने मूँ ने पण परबू आग्या देवे हे के, लुगई आपणाँ धणीऊँ अलग ने वेवे। 11अन यद्याँ वाँ धणी ने छोड़ भी दे तो वींने दूजी दाण ब्याव ने करणो छावे कन वाँ पाच्छी आपणाँ धणीऊँ मेल-मिलाप करले अन अस्यानीस धणी ने भी आपणी लुगई ने ने छोड़णी छावे।
12दूँजा मनकाऊँ परबू ने पण मूँ केऊँ हूँ के, यद्याँ कणी भई की लुगई विस्वास ने राके अन वींका हाते रेबाऊँ राजी हे तो वो वींने ने छोड़े। 13अन जणी लुगई पे वींको धणी विस्वास ने राके हे अन वींका हाते रेबाऊँ राजी हे, तो वाँ आपणाँ धणी ने ने छोड़े। 14काँके अस्यो धणी ज्यो विस्वास ने राके हे, वो आपणी विस्वासी लुगई का मस परमेसर ने भावे हे अन अस्यी लुगई ज्या विस्वास ने राके हे, वाँ आपणी विस्वासी धणी का मस परमेसर ने भावे हे, ने तो थाँकी ओलाद असुद वेती, पण अबे तो वीं पुवितर हे।
15पण ज्यो मनक विस्वास ने राके, यद्याँ वो अलग वेणो छावे, तो अलग वेबा दो। अस्यी दसा में कुई भई कन बेन कस्याई बन्धन में ने हे, पण परमेसर तो आपाँने सान्तीऊँ रेवा का वाते बलाया हे। 16काँके हे लुगई, थूँ कई जाणे हे के, थूँ आपणाँ बना विस्वासी धणी ने बंचाई? अन हे मनक, थूँ कई आपणी बना विस्वासी लुगई ने बंचाई?
परमेसर थाँने जस्यान बलाया हे वस्यानीस रेवो
17परबू जिंने जस्यो वरदान दिदो हे अन जिंने जस्या रूप में चुण्यो हे, वींने वस्यानीस रेणो छावे। हारी मण्डळ्याँ में मूँ ओईस आदेस दूँ हूँ। 18ज्यो खतना किदो तको बलायो ग्यो, तो वींने आपणो खतनो हपाणो ने छावे, ज्यो बना खतना बलाया ग्या हे वीं खतनो ने करावे। 19खतनो तो कई ने हे, अन नेई खतनो ने वेणो कई हे, बेस परमेसर की आग्या ने मानणीस हारोई हे। 20हरेक मनकाँ ने वस्यानीस रेणो छावे हे, जस्यान वीं बलाया ग्या हे। 21कई थने दास का रूप में बलायो ग्यो हे? ईंकी चन्ता मती कर, पण यद्याँ थूँ आजाद वे सके, तो अस्यानीस करज्ये। 22काँके ज्याँने परबू का दास का रूप में बलाया हे, वीं तो परबू का आजाद मनक हे। अणीस तरियाँ जिंने आजाद मनक का रूप में बलाया ग्या हे वीं मसी का दास हे। 23परमेसर थाँने मोल लिदा हे, ईं वाते थाँ मनकाँ का दास मती बणज्यो। 24हो भायाँ, जिंने भी जणी दसा में बलायो ग्यो हे, वाँने वणी मेंईस परमेसर का हाते रिस्ता में रेणो छावे।
कूँवारा लुगायाँ अन विदवा लुगायाँ ने सला
25कूँवारी लुगायाँ का बारा में परबू की कस्यी आग्या मने ने मली हे, पण विस्वास के जोगो वेबा का वाते ज्या दया परबू मारा पे किदी हे, वींके जस्यान मूँ थाँने सला दूँ हूँ। 26ईं वाते मारी हमज में ओ हव हे के, अबाणू कळेस ने देकता तका एक मनक ने मारे जस्यान बना ब्याव किदो तको रेवे। 27यद्याँ थारे लुगई हे, तो वणीऊँ अलग वेबा की कोसीस मत कर अन यद्याँ थारे लुगई ने हे, तो लुगई की खोज मती कर। 28पण यद्याँ थूँ ब्याव भी करे तो पाप ने हे अन यद्याँ कूँवारी को ब्याव वे तो भी कई पाप ने हे, पण अस्या मनक सरीर को दुक जेली अन मूँ अणाने बंचाणो छारियो हूँ।
29हो भायाँ, मूँ ओ केरियो हूँ के, टेम कम हे, ईं वाते जिंके लुगायाँ हे, वीं अस्यान रेवे के, वाँके लुगायाँ ने हे 30अन रोबा वाळा अस्या वे के, मानो वीं कदी दकी ने व्याई कोयने अन आणन्द करबावाळा अस्या वे मानो आणन्द ने करे, अन मोल लेबावाळा अस्या वे मानो वाँका नके कई ने हे। 31ज्यो ईं दनियाँ की चिजाँ को नफो लेरिया हे, वीं अस्यान रेवे के, वीं चिजाँ वाँके काम की ने हे, काँके दनियाँ अबे जस्यान हे वा खतम वे जाई।
32मूँ छावूँ हूँ के, थाँ चन्ताऊँ छेटी रेवो। एक कुँवारो मनक परबू की बाताँ की चन्ता में रेवे हे के, कस्यान परबू ने राजी करे। 33पण एक पन्यो तको मनक दनियाँ की बाताँ की चन्ता में रेवे के, वो आपणी लुगई ने कस्यान राजी कर सके हे 34अन ईं तरियाँ वाँका बच्यार बट जावे हे। पनी तकी अन कूँवारी में भी फरक हे, कूँवारी तो परबू की चन्ता करे हे के, वाँ देह अन आत्मा दुयाँ में पुवितर वे, पण पनी तकी दनियाँ की चन्ता करती रेवे हे के, आपणाँ धणी ने राजी राके।
35या बात थाँकी भलई का वाते केरियो हूँ ने की थाँ पाबन्द कररियो हूँ। ईं वाते मूँ छावूँ हूँ के, थाँ वोईस करो ज्यो अपणा आप में सई हे अन थाँ पूरा मनऊँ खुद परबू की सेवा में लाग जावो। 36अन यद्याँ कुई हमजे के, मूँ आपणी हगई वीं तकी वीं मोट्यार कुँवारीऊँ ब्याव ने करन हव ने कररियो हूँ अन यद्याँ वाँकी वासना की भावना वेरी वे तो वाँने ब्याव कर लेणो छावे, ईंमें पाप ने हे।#7:36 अणा आयताँ में कूँवारी छोरी का बापू भी ते करबावाळा वे सके हे। 37पण ज्यो मन में पाको हे अन जिंपे कई दबाव ने हे अन वो आपणी मरजी ने आपणाँ अदिकार में राके अन आपणाँ मन में आ बात ते कर लिदी हे के, मूँ आपणी हगई वीं तकीऊँ ब्याव ने करूँ तो वो ओ हव करे हे। 38ईं वाते ज्यो आपणी हगई वीं तकी छोरीऊँ ब्याव करे हे वो हव करे हे अन ज्यो ने करे वो भी हव करे हे।
39जद्याँ तईं कणी लुगई को धणी जीवतो हे, तद्याँ तईं वाँ वींका बन्धन में बन्दी तकी हे। पण जद्याँ वींको धणी मर जावे, तो वाँ जणीऊँ छावे वणीऊँ ब्याव कर सके हे पण बेस परबू का गट-जोड़ में। 40पण जस्यान वा हे वस्यानीस रेवे, तो वा मारा बच्यार में ओरी राजी रेई। मूँ होचूँ हूँ के, परमेसर की आत्मा मारा में भी हे।
Currently Selected:
1 कुरिन्थियों 7: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
1 कुरिन्थियों 7
7
ब्याव-सादी का बारा में सवाल-जवाब
1वणा बाताँ का बारा में ज्यो थाँ लिकी हे, “कई ओ हव हे के, कुई मनक कणी लुगई का हाते वेवार ने राके?” 2पण मूँ थाँने ओ केऊँ हूँ के, कूकरमऊँ बंचबा का वाते हरेक मनक के लुगई वेणी छावे अन हरेक लुगई के धणी वेणो छावे। 3धणी आपणी लुगई की मनसा पुरी करे अन वस्यानीस लुगई ने भी आपणाँ धणी की मनसा पुरी करणी छावे। 4लुगई को आपणी देह पे बेस खुद अदिकार ने हे, पण वींका धणी ने भी हे अन वस्यानीस धणी ने भी आपणी देह पे अदिकार ने हे, पण वींकी लुगई ने भी हे। 5थाँ एक-दूँजा की देह की मनसा ने पुरी करबा में छेटी मती रेज्यो, पण थोड़ीक टेम तईं परातना का वाते आपस का राजीपाऊँ छेटी रो अन पाच्छा एक हाते वे जावो। कटे अस्यान ने वे के, थाँका खुद ने बंस में राकबा की कमजोरीऊँ सेतान थाँकी परक करे।
6पण मूँ ज्यो केरियो हूँ वाँ अनुमती हे आग्या ने हे। 7मूँ तो छावूँ हूँ के, हाराई मनक मारा जस्यान बना ब्याव करिया रेवे, पण हरेक मनक ने परमेसर का आड़ीऊँ एक खास वरदान मल्यो हे। हाराई ने अलग अलग तरिया को वरदान मल्यो हे।
8अबे मूँ बना ब्याव व्या वाँकाऊँ अन विदवा का वाते केणो छारियो हूँ के, यद्याँ वीं मारे जस्यान अकेला रेवे तो ओ बड़या हे। 9अन यद्याँ वीं आपणाँ खुद पे काबू ने राक सके तो वाँने ब्याव कर लेणो छावे, काँके वासना की आग में बळतो रेबाऊँ ब्याव कर लेणो हव हे।
10 #
मत्ती 5:32; 19:9; मर 10:11,12; लूका 16:18 जणा ब्याव कर लिदो हे, वाँने मूँ ने पण परबू आग्या देवे हे के, लुगई आपणाँ धणीऊँ अलग ने वेवे। 11अन यद्याँ वाँ धणी ने छोड़ भी दे तो वींने दूजी दाण ब्याव ने करणो छावे कन वाँ पाच्छी आपणाँ धणीऊँ मेल-मिलाप करले अन अस्यानीस धणी ने भी आपणी लुगई ने ने छोड़णी छावे।
12दूँजा मनकाऊँ परबू ने पण मूँ केऊँ हूँ के, यद्याँ कणी भई की लुगई विस्वास ने राके अन वींका हाते रेबाऊँ राजी हे तो वो वींने ने छोड़े। 13अन जणी लुगई पे वींको धणी विस्वास ने राके हे अन वींका हाते रेबाऊँ राजी हे, तो वाँ आपणाँ धणी ने ने छोड़े। 14काँके अस्यो धणी ज्यो विस्वास ने राके हे, वो आपणी विस्वासी लुगई का मस परमेसर ने भावे हे अन अस्यी लुगई ज्या विस्वास ने राके हे, वाँ आपणी विस्वासी धणी का मस परमेसर ने भावे हे, ने तो थाँकी ओलाद असुद वेती, पण अबे तो वीं पुवितर हे।
15पण ज्यो मनक विस्वास ने राके, यद्याँ वो अलग वेणो छावे, तो अलग वेबा दो। अस्यी दसा में कुई भई कन बेन कस्याई बन्धन में ने हे, पण परमेसर तो आपाँने सान्तीऊँ रेवा का वाते बलाया हे। 16काँके हे लुगई, थूँ कई जाणे हे के, थूँ आपणाँ बना विस्वासी धणी ने बंचाई? अन हे मनक, थूँ कई आपणी बना विस्वासी लुगई ने बंचाई?
परमेसर थाँने जस्यान बलाया हे वस्यानीस रेवो
17परबू जिंने जस्यो वरदान दिदो हे अन जिंने जस्या रूप में चुण्यो हे, वींने वस्यानीस रेणो छावे। हारी मण्डळ्याँ में मूँ ओईस आदेस दूँ हूँ। 18ज्यो खतना किदो तको बलायो ग्यो, तो वींने आपणो खतनो हपाणो ने छावे, ज्यो बना खतना बलाया ग्या हे वीं खतनो ने करावे। 19खतनो तो कई ने हे, अन नेई खतनो ने वेणो कई हे, बेस परमेसर की आग्या ने मानणीस हारोई हे। 20हरेक मनकाँ ने वस्यानीस रेणो छावे हे, जस्यान वीं बलाया ग्या हे। 21कई थने दास का रूप में बलायो ग्यो हे? ईंकी चन्ता मती कर, पण यद्याँ थूँ आजाद वे सके, तो अस्यानीस करज्ये। 22काँके ज्याँने परबू का दास का रूप में बलाया हे, वीं तो परबू का आजाद मनक हे। अणीस तरियाँ जिंने आजाद मनक का रूप में बलाया ग्या हे वीं मसी का दास हे। 23परमेसर थाँने मोल लिदा हे, ईं वाते थाँ मनकाँ का दास मती बणज्यो। 24हो भायाँ, जिंने भी जणी दसा में बलायो ग्यो हे, वाँने वणी मेंईस परमेसर का हाते रिस्ता में रेणो छावे।
कूँवारा लुगायाँ अन विदवा लुगायाँ ने सला
25कूँवारी लुगायाँ का बारा में परबू की कस्यी आग्या मने ने मली हे, पण विस्वास के जोगो वेबा का वाते ज्या दया परबू मारा पे किदी हे, वींके जस्यान मूँ थाँने सला दूँ हूँ। 26ईं वाते मारी हमज में ओ हव हे के, अबाणू कळेस ने देकता तका एक मनक ने मारे जस्यान बना ब्याव किदो तको रेवे। 27यद्याँ थारे लुगई हे, तो वणीऊँ अलग वेबा की कोसीस मत कर अन यद्याँ थारे लुगई ने हे, तो लुगई की खोज मती कर। 28पण यद्याँ थूँ ब्याव भी करे तो पाप ने हे अन यद्याँ कूँवारी को ब्याव वे तो भी कई पाप ने हे, पण अस्या मनक सरीर को दुक जेली अन मूँ अणाने बंचाणो छारियो हूँ।
29हो भायाँ, मूँ ओ केरियो हूँ के, टेम कम हे, ईं वाते जिंके लुगायाँ हे, वीं अस्यान रेवे के, वाँके लुगायाँ ने हे 30अन रोबा वाळा अस्या वे के, मानो वीं कदी दकी ने व्याई कोयने अन आणन्द करबावाळा अस्या वे मानो आणन्द ने करे, अन मोल लेबावाळा अस्या वे मानो वाँका नके कई ने हे। 31ज्यो ईं दनियाँ की चिजाँ को नफो लेरिया हे, वीं अस्यान रेवे के, वीं चिजाँ वाँके काम की ने हे, काँके दनियाँ अबे जस्यान हे वा खतम वे जाई।
32मूँ छावूँ हूँ के, थाँ चन्ताऊँ छेटी रेवो। एक कुँवारो मनक परबू की बाताँ की चन्ता में रेवे हे के, कस्यान परबू ने राजी करे। 33पण एक पन्यो तको मनक दनियाँ की बाताँ की चन्ता में रेवे के, वो आपणी लुगई ने कस्यान राजी कर सके हे 34अन ईं तरियाँ वाँका बच्यार बट जावे हे। पनी तकी अन कूँवारी में भी फरक हे, कूँवारी तो परबू की चन्ता करे हे के, वाँ देह अन आत्मा दुयाँ में पुवितर वे, पण पनी तकी दनियाँ की चन्ता करती रेवे हे के, आपणाँ धणी ने राजी राके।
35या बात थाँकी भलई का वाते केरियो हूँ ने की थाँ पाबन्द कररियो हूँ। ईं वाते मूँ छावूँ हूँ के, थाँ वोईस करो ज्यो अपणा आप में सई हे अन थाँ पूरा मनऊँ खुद परबू की सेवा में लाग जावो। 36अन यद्याँ कुई हमजे के, मूँ आपणी हगई वीं तकी वीं मोट्यार कुँवारीऊँ ब्याव ने करन हव ने कररियो हूँ अन यद्याँ वाँकी वासना की भावना वेरी वे तो वाँने ब्याव कर लेणो छावे, ईंमें पाप ने हे।#7:36 अणा आयताँ में कूँवारी छोरी का बापू भी ते करबावाळा वे सके हे। 37पण ज्यो मन में पाको हे अन जिंपे कई दबाव ने हे अन वो आपणी मरजी ने आपणाँ अदिकार में राके अन आपणाँ मन में आ बात ते कर लिदी हे के, मूँ आपणी हगई वीं तकीऊँ ब्याव ने करूँ तो वो ओ हव करे हे। 38ईं वाते ज्यो आपणी हगई वीं तकी छोरीऊँ ब्याव करे हे वो हव करे हे अन ज्यो ने करे वो भी हव करे हे।
39जद्याँ तईं कणी लुगई को धणी जीवतो हे, तद्याँ तईं वाँ वींका बन्धन में बन्दी तकी हे। पण जद्याँ वींको धणी मर जावे, तो वाँ जणीऊँ छावे वणीऊँ ब्याव कर सके हे पण बेस परबू का गट-जोड़ में। 40पण जस्यान वा हे वस्यानीस रेवे, तो वा मारा बच्यार में ओरी राजी रेई। मूँ होचूँ हूँ के, परमेसर की आत्मा मारा में भी हे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved