1 कुरिन्थियों 1
1
नमस्कार
1पोलुस का आड़ीऊँ जिंने परमेसर आपणी मरजीऊँ ईसू मसी को खन्दायो तको चेलो बणाबा का वाते थरप्यो, में यो कागद, विस्वास में आपणो भई सोस्तिनेस की मदतऊँ 2#थर 18:1कुरिन्तुस में परमेसर की वणा मण्डळ्याँ का नाम लिक्यो, जीं ईसू मसी में पुवितर किदी गी, ज्याँने परमेसर आपणाँ मनक बणाबा का वाते चुण्या हा, जीं हरेक जगाँ आपणाँ अन वाँका परबू ईसू मसी को नाम लेवे हे।
3आपणाँ बापू परमेसर अन आपणाँ परबू ईसू मसी का आड़ीऊँ थाँ हाराई ने सान्ती अन दया मले।
पोलुस को परमेसर ने धन्नेवाद देणो
4परबू ईसू मसी में ज्याँ दया थाँने मली हे, वींका मस मूँ थाँका वाते परमेसर को हमेस्यान धन्नेवाद करूँ हूँ। 5थाँने ईसू मसी में वेन हारी बाताँ में जस्यान बोलबा में, हाराई ग्यान में पाका किदा ग्या हे। 6मसी का बारा में आपाँ ज्या गवई दिदी हे वाँ थाँकामें पाकी निकळी हे। 7ईं मस थाँ जद्याँ आपणाँ परबू ईसू मसी के परगट वेबा की वाट नाळता रेवो हो, तो थाँका नके वाँके कस्यी भी आत्मिक वरदान की कमी ने हे। 8परबू ईसू मसी थाँने अन्त टेम हुदी पाका राकी के, थाँ आपणाँ परबू ईसू मसी का पाच्छे आबा का दन तईं बना दोस का रे सको। 9परमेसर विस्वास जोगा हे, जणा थाँने खुद का बेटा अन आपणाँ परबू ईसू मसी की संगत में बलाया हे।
मण्डळ्याँ में फुट
10हो विस्वासी भायाँ, आपणाँ परबू ईसू मसी का नाम में मारी थाँकाऊँ विनती हे के, थाँ हाराई एकीस बात केवो, थाँकामें कई भी फुट ने वेवे, एकीस मन अन एकीस मत वेन मल्या तका रेवो। 11काँके खलोए का घराणा का मनक मने थाँ विस्वासी भायाँ का बारा में बतायो हे के, थाँ आपस में एक-दूजाऊँ लड़रिया हो। 12#थर 18:24मारो केणो ओ हे के, थाँकामूँ कुई तो आपणाँ खुद ने पोलुस को, कुई अपुलोस को, कुई केफा को अन कुई मसी का चेला केवो हो। 13तो पछे कई मसी की पाँती वेगी हे? कई मूँ पोलुस थाँका वाते हूळी पे चड़ायो ग्यो? कन कई थाँने पोलुस का नाम में बतिस्मो मल्यो? 14#थर 18:8; थर 19:29; रोमि 16:23परमेसर को धन्नेवाद करूँ हूँ के, क्रिस्पूस अन गयुस ने छोड़न, में थाँकामूँ किंने भी बतिस्मो ने दिदो। 15ताँके कुई भी ओ ने के सके के, थाँ मनकाँ ने मारा चेला वेबा का वाते मारा नाम को बतिस्मो दिदो ग्यो हे। 16#1 कुरि 16:15अन में स्तिपनूस का घराणा ने भी बतिस्मो दिदो अणाने छोड़न, मूँ ने जाणूँ हूँ के, में ओरी किंने बतिस्मो दिदो हे। 17काँके मसी मने बतिस्मा देबा का वाते ने पण हव हमच्यार हुणाबा का वाते खन्दायो हे अन यो भी मनकाँ का ग्यानऊँ ने। यद्याँ मूँ अस्यान करूँ तो मसी को हूळी चड़णो बेकार वेई।
मसी परमेसर को ग्यान अन तागत हे
18वीं ज्यो भटक रिया हे वाँका वाते मसी को हूळी पे मरबा को संदेस एक मुरकता हे, पण ज्यो बंचाया जारिया हे वाँका वाते परमेसर की तागत हे। 19#यसा 29:14काँके सास्तर में लिक्यो तको हे के,
मूँ ग्यानी मनकाँ की अकल को नास कर देऊँ,
अन हाराई चातरोक की हमजदारी ने बेकार कर देऊँ।
20 #
यसा 19:12; 33:18;
यसा 44:25
कटे हे ग्यानवान? कटे हे भणाबावाळा? कटे हे अणी दनियाँ का वाद-विवाद करबावाळा? कई परमेसर दनियाँ का ग्यान ने बेकार ने ठेरायो हे?
21परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।
22यहूदी मनक तो चमत्कार की हेन्याणी छावे हे अन युनानी मनक ग्यान की खोज में रेवे हे। 23पण आपाँ तो वीं हूळी पे चड़ाया तका मसी का उपदेस देवा हाँ। एक अस्यो उपदेस ज्यो यहूदी का वाते ठोकर को मस हे अन ज्यो यहूदी ने हे वाँका वाते मुरकता हे। 24पण ज्याँने परमेसर बलाया हे, पछे पलई वीं यहूदी वो कन यहूदी ने वो वाँ हाराई का वाते मसी परमेसर की तागत अन परमेसर को ग्यान हे। 25काँके परमेसर की मुरकता मनकाँ ग्यानऊँ ग्यानवान हे अन परमेसर की कमजोरी मनकाँ की तागतऊँ घणी बलवान हे।
26हो विस्वासी भायाँ, अबे थोड़ोक होचो के, जद्याँ परमेसर थाँने बलाया हा तो थाँकामूँ नरई तो ने सांसारिक देकणी में विदवान हा अन नेई तागतवर। थाँकामूँ नरई की तो समाज में कई जगाँ भी ने ही। 27पण परमेसर वणा मनकाँ ने चुण लिदा ज्याँने दनियाँ की नजराँ में मुरक हमज्या जावे हे, ताँके वीं दनियाँ का ग्यानवाळा ने लाजा मारे अन परमेसर दनियाँ की नजराँ में कमजोर हमज्या जाबावाळा ने चुण लिदा, ताँके वीं दनियाँ का तागतवराँ ने लाजा मारे। 28परमेसर दनियाँ मूँ वाँनेईस चुण्या ज्याँने दनियाँ की नजराँ में नीचा हमज्या जावे हे अन ज्याँने बेकार हमज्या जावे अन ज्यो कई भी ने हे। परमेसर अणाने चुण्या ताँके दनियाँ ज्याँने खास हमजे हे, वाँने वीं बेकार ठेरा सके, 29ताँके कुई भी मनक परमेसर का हामे मेपणो ने कर सके।
30अन परमेसर का आड़ीऊँ थाँ ईसू मसी में हो, मसी ज्यो परमेसर का आड़ीऊँ आपणाँ वाते ग्यान ठेरियो अन वींका वजेऊँ आपाँ परमेसर का हामे सई अन पुवितर मनक बण्या अन आपाँने छुटकारो मल्यो। 31#यर 9:24जस्यान के सास्तर में लिक्यो हे,
“यद्याँ कुई मेपणो करे हे
तो वो परबू ज्यो किदो वींका बारा में मेपणो करे।”
Currently Selected:
1 कुरिन्थियों 1: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
1 कुरिन्थियों 1
1
नमस्कार
1पोलुस का आड़ीऊँ जिंने परमेसर आपणी मरजीऊँ ईसू मसी को खन्दायो तको चेलो बणाबा का वाते थरप्यो, में यो कागद, विस्वास में आपणो भई सोस्तिनेस की मदतऊँ 2#थर 18:1कुरिन्तुस में परमेसर की वणा मण्डळ्याँ का नाम लिक्यो, जीं ईसू मसी में पुवितर किदी गी, ज्याँने परमेसर आपणाँ मनक बणाबा का वाते चुण्या हा, जीं हरेक जगाँ आपणाँ अन वाँका परबू ईसू मसी को नाम लेवे हे।
3आपणाँ बापू परमेसर अन आपणाँ परबू ईसू मसी का आड़ीऊँ थाँ हाराई ने सान्ती अन दया मले।
पोलुस को परमेसर ने धन्नेवाद देणो
4परबू ईसू मसी में ज्याँ दया थाँने मली हे, वींका मस मूँ थाँका वाते परमेसर को हमेस्यान धन्नेवाद करूँ हूँ। 5थाँने ईसू मसी में वेन हारी बाताँ में जस्यान बोलबा में, हाराई ग्यान में पाका किदा ग्या हे। 6मसी का बारा में आपाँ ज्या गवई दिदी हे वाँ थाँकामें पाकी निकळी हे। 7ईं मस थाँ जद्याँ आपणाँ परबू ईसू मसी के परगट वेबा की वाट नाळता रेवो हो, तो थाँका नके वाँके कस्यी भी आत्मिक वरदान की कमी ने हे। 8परबू ईसू मसी थाँने अन्त टेम हुदी पाका राकी के, थाँ आपणाँ परबू ईसू मसी का पाच्छे आबा का दन तईं बना दोस का रे सको। 9परमेसर विस्वास जोगा हे, जणा थाँने खुद का बेटा अन आपणाँ परबू ईसू मसी की संगत में बलाया हे।
मण्डळ्याँ में फुट
10हो विस्वासी भायाँ, आपणाँ परबू ईसू मसी का नाम में मारी थाँकाऊँ विनती हे के, थाँ हाराई एकीस बात केवो, थाँकामें कई भी फुट ने वेवे, एकीस मन अन एकीस मत वेन मल्या तका रेवो। 11काँके खलोए का घराणा का मनक मने थाँ विस्वासी भायाँ का बारा में बतायो हे के, थाँ आपस में एक-दूजाऊँ लड़रिया हो। 12#थर 18:24मारो केणो ओ हे के, थाँकामूँ कुई तो आपणाँ खुद ने पोलुस को, कुई अपुलोस को, कुई केफा को अन कुई मसी का चेला केवो हो। 13तो पछे कई मसी की पाँती वेगी हे? कई मूँ पोलुस थाँका वाते हूळी पे चड़ायो ग्यो? कन कई थाँने पोलुस का नाम में बतिस्मो मल्यो? 14#थर 18:8; थर 19:29; रोमि 16:23परमेसर को धन्नेवाद करूँ हूँ के, क्रिस्पूस अन गयुस ने छोड़न, में थाँकामूँ किंने भी बतिस्मो ने दिदो। 15ताँके कुई भी ओ ने के सके के, थाँ मनकाँ ने मारा चेला वेबा का वाते मारा नाम को बतिस्मो दिदो ग्यो हे। 16#1 कुरि 16:15अन में स्तिपनूस का घराणा ने भी बतिस्मो दिदो अणाने छोड़न, मूँ ने जाणूँ हूँ के, में ओरी किंने बतिस्मो दिदो हे। 17काँके मसी मने बतिस्मा देबा का वाते ने पण हव हमच्यार हुणाबा का वाते खन्दायो हे अन यो भी मनकाँ का ग्यानऊँ ने। यद्याँ मूँ अस्यान करूँ तो मसी को हूळी चड़णो बेकार वेई।
मसी परमेसर को ग्यान अन तागत हे
18वीं ज्यो भटक रिया हे वाँका वाते मसी को हूळी पे मरबा को संदेस एक मुरकता हे, पण ज्यो बंचाया जारिया हे वाँका वाते परमेसर की तागत हे। 19#यसा 29:14काँके सास्तर में लिक्यो तको हे के,
मूँ ग्यानी मनकाँ की अकल को नास कर देऊँ,
अन हाराई चातरोक की हमजदारी ने बेकार कर देऊँ।
20 #
यसा 19:12; 33:18;
यसा 44:25
कटे हे ग्यानवान? कटे हे भणाबावाळा? कटे हे अणी दनियाँ का वाद-विवाद करबावाळा? कई परमेसर दनियाँ का ग्यान ने बेकार ने ठेरायो हे?
21परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।
22यहूदी मनक तो चमत्कार की हेन्याणी छावे हे अन युनानी मनक ग्यान की खोज में रेवे हे। 23पण आपाँ तो वीं हूळी पे चड़ाया तका मसी का उपदेस देवा हाँ। एक अस्यो उपदेस ज्यो यहूदी का वाते ठोकर को मस हे अन ज्यो यहूदी ने हे वाँका वाते मुरकता हे। 24पण ज्याँने परमेसर बलाया हे, पछे पलई वीं यहूदी वो कन यहूदी ने वो वाँ हाराई का वाते मसी परमेसर की तागत अन परमेसर को ग्यान हे। 25काँके परमेसर की मुरकता मनकाँ ग्यानऊँ ग्यानवान हे अन परमेसर की कमजोरी मनकाँ की तागतऊँ घणी बलवान हे।
26हो विस्वासी भायाँ, अबे थोड़ोक होचो के, जद्याँ परमेसर थाँने बलाया हा तो थाँकामूँ नरई तो ने सांसारिक देकणी में विदवान हा अन नेई तागतवर। थाँकामूँ नरई की तो समाज में कई जगाँ भी ने ही। 27पण परमेसर वणा मनकाँ ने चुण लिदा ज्याँने दनियाँ की नजराँ में मुरक हमज्या जावे हे, ताँके वीं दनियाँ का ग्यानवाळा ने लाजा मारे अन परमेसर दनियाँ की नजराँ में कमजोर हमज्या जाबावाळा ने चुण लिदा, ताँके वीं दनियाँ का तागतवराँ ने लाजा मारे। 28परमेसर दनियाँ मूँ वाँनेईस चुण्या ज्याँने दनियाँ की नजराँ में नीचा हमज्या जावे हे अन ज्याँने बेकार हमज्या जावे अन ज्यो कई भी ने हे। परमेसर अणाने चुण्या ताँके दनियाँ ज्याँने खास हमजे हे, वाँने वीं बेकार ठेरा सके, 29ताँके कुई भी मनक परमेसर का हामे मेपणो ने कर सके।
30अन परमेसर का आड़ीऊँ थाँ ईसू मसी में हो, मसी ज्यो परमेसर का आड़ीऊँ आपणाँ वाते ग्यान ठेरियो अन वींका वजेऊँ आपाँ परमेसर का हामे सई अन पुवितर मनक बण्या अन आपाँने छुटकारो मल्यो। 31#यर 9:24जस्यान के सास्तर में लिक्यो हे,
“यद्याँ कुई मेपणो करे हे
तो वो परबू ज्यो किदो वींका बारा में मेपणो करे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved