Romans 5
5
Sa Mipaḻ-ogan Ni Maḵabuḻbuḻunan Taḵu Ḵan Apudyus
1Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu. 2Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus. 3Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom. 4Ḵad sa ḵinaattom siya ibungana ambaḻu we ugali. Ḵad sa ambaḻu we ugali siya ibungana namnama taḵu. 5Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.
6Sissiyae ippun ḵabooḻan taḵu we angwa si pinion Apudyus, natoy aḵ Kristu atte ustu we timpu para'tta ḵabasbassuḻan. 7Naippun nin tagu'ḵ maḻyad matoy para'tte mataguwan ni naun-unane tagu. Yaḵon awad nin da angituḻode angiḵatoy atte tagu we amo naayat. 8Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.
9Pun gapu ta ginangput Apudyus ditaḵu ḵingwa'ḵ naun-unan mipagapu'tte daḻan Kristu we pummoy-as atte natoyana, aaddi ye igammu taḵu we mipagapu ḵan Kristu matagu taḵu'tte anguwisan Apudyus atta tagu. 10Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana. 11Daḵampun aḵ abus sadi yaḵon allaylayad taḵu bos si naḵabuḻbuḻunan taḵu ḵan Apudyus mipagapu ḵan Apu taḵu we Jesu Kristu. Gapu ḵan siya, nipaḻ-og maḵabuḻbuḻunan Apudyus ḵan ditaḵu.
Sa Ḵingwan Adam Ya Sa Ḵingwan Jesu Kristu
12Ummali basuḻ si annae lubung gapu si ossaane tagu. Ḵad mipagapu si basuḻna, ummali ḵatoy.#5:12 Genesis 3:6. Sadi gapunae niyasaḵ ḵatoy atta losane tagu sina'd luta te naḵabasuḻ losan da tagu. 13Taḵon ay daampun Apudyus angittan si lintogna ḵan Moses, naabuse bummasuḻ da tagu yaḵon gapu ta sissiyae naippun lintog, adipun nibelang aḵ basuḻ. 14Yaḵon inggan ni timpun Adam inggana'tte timpun Moses, losane tagu matoy, taḵon ay nu daḵampun aḵ isun ni basuḻ Adam da basuḻdae nilisalisna bilin Apudyus. Aḵ Adam siya isun ni asi umali ye siya'ḵ Jesus te sa nambanagan ni ḵingwan da duwa niyasaḵ atta losane tagu.
15Yaḵon nantoḵon da annae duwa te sa libli ye atod Apudyus daḵampun aḵ isun ni basuḻ ni ossaane tagu we aḵ Adam. Yaḵon amo dallu ḵinabaḻun Apudyus, ḵaḵnat os libli ye atodna'tta adu we tagu mipagapu'tte ḵinabaḻun ni osae tagu we aḵ Jesu Kristu. 16Nisabali libli ye atod Apudyus atte ambanagan ni basuḻ ni osae tagu. Te nagangput bummasuḻ osae tagu, pun niḵoddong atta losane tagu we madusada. Yaḵon sa nambanagan ni libli ye atod atte nagangput amode basuḻ da losane tagu, aḵ Apudyus nangwa'tte ummun-unanda. 17Tuttuwae gapu'tte basuḻ ni ossaane tagu, ḵasapuḻane matoy da losane tagu. Yaḵon amo daldallu nambanagan ni ḵingwan Jesu Kristu. Te da losane umawat atte ummamdane ḵinabaḻun Apudyus ya sa libli ye atodna, siya angwa ḵan dida'ḵ maun-unan ḵad awatonda biyag aḵ inggana ya midogada ḵan Kristu we ampangat aḵ inggana.
18Losane tagu madusa gapu'tte basuḻ ni osae tagu. Yaḵon gapu'tte naun-unane ḵingwan Kristu si natoyana para ḵan ditaḵu, sa ambanagana losane tagu aḵ Apudyus angwa si maun-unanda ya awad ḵan dida biyag aḵ inggana. 19Gapu'tte adin ni ossaane tagu tummuttuwaan, siya bummasuḻan da adu we tagu. Yaḵon sa tummuttuwaan ni osae tagu, siya maun-unan da adu we tagu. 20Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus. 21Yaḵon naḵabasuḻ da losane tagu ḵad sa ambanaganda matoyda ya misinada ḵan Apudyus aḵ inggana. Sinsadi gapu'tte ḵinabaḻuna'tta tagu ya mipagapu'tte ḵingwan Jesu Kristu we Apu taḵu, aḵ Apudyus angwa si maun-unan da tagu ta mataguda'ḵ inggana.
Currently Selected:
Romans 5: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Romans 5
5
Sa Mipaḻ-ogan Ni Maḵabuḻbuḻunan Taḵu Ḵan Apudyus
1Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu. 2Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus. 3Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom. 4Ḵad sa ḵinaattom siya ibungana ambaḻu we ugali. Ḵad sa ambaḻu we ugali siya ibungana namnama taḵu. 5Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.
6Sissiyae ippun ḵabooḻan taḵu we angwa si pinion Apudyus, natoy aḵ Kristu atte ustu we timpu para'tta ḵabasbassuḻan. 7Naippun nin tagu'ḵ maḻyad matoy para'tte mataguwan ni naun-unane tagu. Yaḵon awad nin da angituḻode angiḵatoy atte tagu we amo naayat. 8Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.
9Pun gapu ta ginangput Apudyus ditaḵu ḵingwa'ḵ naun-unan mipagapu'tte daḻan Kristu we pummoy-as atte natoyana, aaddi ye igammu taḵu we mipagapu ḵan Kristu matagu taḵu'tte anguwisan Apudyus atta tagu. 10Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana. 11Daḵampun aḵ abus sadi yaḵon allaylayad taḵu bos si naḵabuḻbuḻunan taḵu ḵan Apudyus mipagapu ḵan Apu taḵu we Jesu Kristu. Gapu ḵan siya, nipaḻ-og maḵabuḻbuḻunan Apudyus ḵan ditaḵu.
Sa Ḵingwan Adam Ya Sa Ḵingwan Jesu Kristu
12Ummali basuḻ si annae lubung gapu si ossaane tagu. Ḵad mipagapu si basuḻna, ummali ḵatoy.#5:12 Genesis 3:6. Sadi gapunae niyasaḵ ḵatoy atta losane tagu sina'd luta te naḵabasuḻ losan da tagu. 13Taḵon ay daampun Apudyus angittan si lintogna ḵan Moses, naabuse bummasuḻ da tagu yaḵon gapu ta sissiyae naippun lintog, adipun nibelang aḵ basuḻ. 14Yaḵon inggan ni timpun Adam inggana'tte timpun Moses, losane tagu matoy, taḵon ay nu daḵampun aḵ isun ni basuḻ Adam da basuḻdae nilisalisna bilin Apudyus. Aḵ Adam siya isun ni asi umali ye siya'ḵ Jesus te sa nambanagan ni ḵingwan da duwa niyasaḵ atta losane tagu.
15Yaḵon nantoḵon da annae duwa te sa libli ye atod Apudyus daḵampun aḵ isun ni basuḻ ni ossaane tagu we aḵ Adam. Yaḵon amo dallu ḵinabaḻun Apudyus, ḵaḵnat os libli ye atodna'tta adu we tagu mipagapu'tte ḵinabaḻun ni osae tagu we aḵ Jesu Kristu. 16Nisabali libli ye atod Apudyus atte ambanagan ni basuḻ ni osae tagu. Te nagangput bummasuḻ osae tagu, pun niḵoddong atta losane tagu we madusada. Yaḵon sa nambanagan ni libli ye atod atte nagangput amode basuḻ da losane tagu, aḵ Apudyus nangwa'tte ummun-unanda. 17Tuttuwae gapu'tte basuḻ ni ossaane tagu, ḵasapuḻane matoy da losane tagu. Yaḵon amo daldallu nambanagan ni ḵingwan Jesu Kristu. Te da losane umawat atte ummamdane ḵinabaḻun Apudyus ya sa libli ye atodna, siya angwa ḵan dida'ḵ maun-unan ḵad awatonda biyag aḵ inggana ya midogada ḵan Kristu we ampangat aḵ inggana.
18Losane tagu madusa gapu'tte basuḻ ni osae tagu. Yaḵon gapu'tte naun-unane ḵingwan Kristu si natoyana para ḵan ditaḵu, sa ambanagana losane tagu aḵ Apudyus angwa si maun-unanda ya awad ḵan dida biyag aḵ inggana. 19Gapu'tte adin ni ossaane tagu tummuttuwaan, siya bummasuḻan da adu we tagu. Yaḵon sa tummuttuwaan ni osae tagu, siya maun-unan da adu we tagu. 20Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus. 21Yaḵon naḵabasuḻ da losane tagu ḵad sa ambanaganda matoyda ya misinada ḵan Apudyus aḵ inggana. Sinsadi gapu'tte ḵinabaḻuna'tta tagu ya mipagapu'tte ḵingwan Jesu Kristu we Apu taḵu, aḵ Apudyus angwa si maun-unan da tagu ta mataguda'ḵ inggana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.