Galatians 5
5
Sa Mapuḵayan Da Amati Ḵan Kristu
1Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu. 2Andongoḻ ḵayu! Saḵon aḵ Paul. Ibagaḵ ḵan diḵayu we nu ampasogyat ḵayu, piona ugudone ippun anun Kristu ḵan diḵayu. 3Ibagaḵ ḵasin ḵan diḵayu we nu awad ampasogyat, ḵasapuḻane tuttuwaona da losane lintog. 4Pun diḵayu we amappadas anuttuwa'tte lintog ta maun-unan ḵayu, naabuse nisina ḵayu ḵan Kristu ḵad nan-awidanyu ḵinabaḻun Apudyus. 5Yaḵon ditaḵu ḵad, namnamaon taḵu we aḵ Apudyus angwa si maun-unan taḵu ya sa Ispiritu Santu bumadang ḵan ditaḵu we anguuway si mituttuwaana gapu'tte pammati taḵu. 6Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.
7Ambaḻubaḻu sinaḻdanyu ḵingwa! Ngai ḵad ain namaginoḵ ḵan diḵayu we anuttuwa si ḵatuttuwaan? Ngai inonae nangawis ḵan diḵayu? 8Daḵampun aḵ naḻpu ḵan Apudyus we namili ḵan diḵayu. 9Sa ḵananda, “Sa simpidite yeast, pabotaḻona losane miḵamsana.”#5:9 Sa pion ni sana ḵanan, naippun oḵyan osa ḵan ditaḵu'ḵ andongoḻ atta angituttudu'tte daḵampun aḵ tuttuwa, taḵon ay aḵit te adu da maalisane amati si sanate daḵampun aḵ tuttuwae tuttudu. 10Antaḻgodaḵ ḵan Apu we adiyupun patiyon daḵampun aḵ tuttuwae tuttudu. Dusaon Apudyus alliwong ḵan diḵayu taḵon ay ngai ḵasasaadna.
11Yaḵon saḵon ḵad susunudḵu ḵan Kristu, awad da udume angibagae sissiyae ituttuduḵe ḵasapuḻane tuttuwaon taḵu lintog mipanggob si sogyat ta mibelang taḵu'ḵ naun-unan ḵan Apudyus. Yaḵon sa ḵatuttuwaan, adiḵpun ituttudu sogyat te da Judyu sissiyae ampaḵaḻamonda saḵon. Ḵad nu ituttuduḵe ḵasapuḻane masogyatan da tagu, ippun ogon lasunda'ḵ anasanga ḵan saḵon te adiyaḵpun ogon antuttudu we siya abus aḵ mataguwan taḵu mipagapu si natoyan Kristu atte kros. 12Da sadi ye alliwong ḵan diḵayu, nu ampatog oḵyan ḵan dida sogyat, ḵumaanda oḵyan pagaye mismu atte gimungyu.
Sa Mausaran Ni Napuḵayan Taḵu
13Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu. 14Te da losane bilin atte lintog, namungimung atte annae ossaane biline ḵanana, “Ḵasapuḻane ayatom da asintatagume isun ni an-aayatnu si long-agnu.”#5:14 Leviticus 19:18. 15Yaḵon nu isuyu da anggagangoḻe asu, ummanyu te ambanag atte an-asidadail ḵayu.
Sa Ampaidaḻananyu Si Ispiritu Santu
16Annaya ibagaḵ ḵan diḵayu, paidaḻan ḵayu si Ispiritu Santu te nu ḵatti ḵoonyu, adiyupun tuttuwaon pipion da long-agyu. 17Te da pipion da long-ag taḵu, misullagi si pipion ni Ispiritu Santu. Ḵad sa pipion ni Ispiritu Santu, misullagi bos atta pipion da long-ag taḵu. An-asisullagida, pun sana lamog taḵu adi angwaan atta pion taḵu ḵoon. 18Yaḵon nu sa Ispiritu Santu angidaḻan ḵan diḵayu, adiḵayupun mapatute anuttuwa'tta bilin ni lintog.
19Allasu we mimatunan ḵoon da tagu we maḻpu si pipion da long-agda. Isun da sana: adaḻugonda da daḵampun aḵ asawada ya ḵoonda da ḵaissaw ya da ḵababbain. 20Daydayawonda da sinan-apudyus, ambubuyun, andadawaḵ, sasangngaanda da asintataguda, subboganda, an-aḵ-aposda, mabusutda, ansoḵaḻda, adidapun an-asiinnawat ya ansisinada. 21An-aḵ-apaḻda, ambarbartekda, maḵaḵwada'tta mapatuḻ-ayane laylayad ya da udume isun da sana. Imbagabagaḵ ḵan diḵayu si awe ya anna bose ibagaḵe da angwa'tta isun da anna, adidapun gangganason da laḵsunda si midog-anda si ampangatan Apudyus.
22Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan, 23napakumbaba ya tupodona long-agna. Sa angunud atta sanae ugali, naippun ḵoona'tta iyadin ni lintog. 24Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros. 25Pun gapu ta naḻpu si Ispiritu Santu baru we biyag taḵu, ḵasapuḻan ose siya angidaḻan ḵan ditaḵu. 26Adi taḵu oḵyan itaḻayag da long-ag taḵu ya adi taḵu oḵyan os ḵoon da banage angay-ay aḵ maḵapatoyanda ḵan ditaḵu ya adi taḵu an-asiapaḻ.
Currently Selected:
Galatians 5: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Galatians 5
5
Sa Mapuḵayan Da Amati Ḵan Kristu
1Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu. 2Andongoḻ ḵayu! Saḵon aḵ Paul. Ibagaḵ ḵan diḵayu we nu ampasogyat ḵayu, piona ugudone ippun anun Kristu ḵan diḵayu. 3Ibagaḵ ḵasin ḵan diḵayu we nu awad ampasogyat, ḵasapuḻane tuttuwaona da losane lintog. 4Pun diḵayu we amappadas anuttuwa'tte lintog ta maun-unan ḵayu, naabuse nisina ḵayu ḵan Kristu ḵad nan-awidanyu ḵinabaḻun Apudyus. 5Yaḵon ditaḵu ḵad, namnamaon taḵu we aḵ Apudyus angwa si maun-unan taḵu ya sa Ispiritu Santu bumadang ḵan ditaḵu we anguuway si mituttuwaana gapu'tte pammati taḵu. 6Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.
7Ambaḻubaḻu sinaḻdanyu ḵingwa! Ngai ḵad ain namaginoḵ ḵan diḵayu we anuttuwa si ḵatuttuwaan? Ngai inonae nangawis ḵan diḵayu? 8Daḵampun aḵ naḻpu ḵan Apudyus we namili ḵan diḵayu. 9Sa ḵananda, “Sa simpidite yeast, pabotaḻona losane miḵamsana.”#5:9 Sa pion ni sana ḵanan, naippun oḵyan osa ḵan ditaḵu'ḵ andongoḻ atta angituttudu'tte daḵampun aḵ tuttuwa, taḵon ay aḵit te adu da maalisane amati si sanate daḵampun aḵ tuttuwae tuttudu. 10Antaḻgodaḵ ḵan Apu we adiyupun patiyon daḵampun aḵ tuttuwae tuttudu. Dusaon Apudyus alliwong ḵan diḵayu taḵon ay ngai ḵasasaadna.
11Yaḵon saḵon ḵad susunudḵu ḵan Kristu, awad da udume angibagae sissiyae ituttuduḵe ḵasapuḻane tuttuwaon taḵu lintog mipanggob si sogyat ta mibelang taḵu'ḵ naun-unan ḵan Apudyus. Yaḵon sa ḵatuttuwaan, adiḵpun ituttudu sogyat te da Judyu sissiyae ampaḵaḻamonda saḵon. Ḵad nu ituttuduḵe ḵasapuḻane masogyatan da tagu, ippun ogon lasunda'ḵ anasanga ḵan saḵon te adiyaḵpun ogon antuttudu we siya abus aḵ mataguwan taḵu mipagapu si natoyan Kristu atte kros. 12Da sadi ye alliwong ḵan diḵayu, nu ampatog oḵyan ḵan dida sogyat, ḵumaanda oḵyan pagaye mismu atte gimungyu.
Sa Mausaran Ni Napuḵayan Taḵu
13Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu. 14Te da losane bilin atte lintog, namungimung atte annae ossaane biline ḵanana, “Ḵasapuḻane ayatom da asintatagume isun ni an-aayatnu si long-agnu.”#5:14 Leviticus 19:18. 15Yaḵon nu isuyu da anggagangoḻe asu, ummanyu te ambanag atte an-asidadail ḵayu.
Sa Ampaidaḻananyu Si Ispiritu Santu
16Annaya ibagaḵ ḵan diḵayu, paidaḻan ḵayu si Ispiritu Santu te nu ḵatti ḵoonyu, adiyupun tuttuwaon pipion da long-agyu. 17Te da pipion da long-ag taḵu, misullagi si pipion ni Ispiritu Santu. Ḵad sa pipion ni Ispiritu Santu, misullagi bos atta pipion da long-ag taḵu. An-asisullagida, pun sana lamog taḵu adi angwaan atta pion taḵu ḵoon. 18Yaḵon nu sa Ispiritu Santu angidaḻan ḵan diḵayu, adiḵayupun mapatute anuttuwa'tta bilin ni lintog.
19Allasu we mimatunan ḵoon da tagu we maḻpu si pipion da long-agda. Isun da sana: adaḻugonda da daḵampun aḵ asawada ya ḵoonda da ḵaissaw ya da ḵababbain. 20Daydayawonda da sinan-apudyus, ambubuyun, andadawaḵ, sasangngaanda da asintataguda, subboganda, an-aḵ-aposda, mabusutda, ansoḵaḻda, adidapun an-asiinnawat ya ansisinada. 21An-aḵ-apaḻda, ambarbartekda, maḵaḵwada'tta mapatuḻ-ayane laylayad ya da udume isun da sana. Imbagabagaḵ ḵan diḵayu si awe ya anna bose ibagaḵe da angwa'tta isun da anna, adidapun gangganason da laḵsunda si midog-anda si ampangatan Apudyus.
22Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan, 23napakumbaba ya tupodona long-agna. Sa angunud atta sanae ugali, naippun ḵoona'tta iyadin ni lintog. 24Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros. 25Pun gapu ta naḻpu si Ispiritu Santu baru we biyag taḵu, ḵasapuḻan ose siya angidaḻan ḵan ditaḵu. 26Adi taḵu oḵyan itaḻayag da long-ag taḵu ya adi taḵu oḵyan os ḵoon da banage angay-ay aḵ maḵapatoyanda ḵan ditaḵu ya adi taḵu an-asiapaḻ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.