Acts 8
8
Sa Namaḵaḻaman Saul Atta Namati
1Aḵ Saul ḵad, iyyunudna nagongatan Stephen. Sadi nangisaḻdandae namaḵaḻam atta namati ye magimugimung ad Jerusalem. Pun nabuḵaḻda'tta adu we ili si probinsiya'd Judea ḵan Samaria, malaksid da apostol. 2Inggaw da udume naapudyusane tagu we ummoy nangilibon ḵan Stephen woḵ amod pagay ibildae nangidomdom ḵan siya. 3Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.
Sa Nangiwaḻagawagan Philip Ad Samaria
4Da sadi ye nabuḵaḻe namati, iwwaḻagawagda Ugud Apudyus mipanggob ḵan Jesus atta dinumane ili ye ayanda. 5Aḵ Philip ḵade osa ḵan dida, ummoy atte osae siyudad ad Samaria woḵ iwwaḻagawagna mipanggob ḵan Kristu. 6Dingngoḻ ḵad da aduadu we tagu imbagana ya innilada da nakaskasdaawe sinyale ḵingwana, namatida'tta losane imbagana. 7Te da aḻan lummawada'tta adu we tagu we naaḻanane sintutuḵingda ya adu da naparalaes ya da napilaye naḵaan da saḵitda. 8Pun sillalaylayad da tagu si sadi ye siyudad.
Aḵ Simon We Ambubuyun
9Yaḵon inninggaw laḻaḵi ye nangngadan aḵ Simon we nabayage ambubuyun atte sadi ye siyudad. Pun nataag da umili'd Samaria atta ḵingwana. Ḵananae siya ḵad nangatu we tagu. 10Pun adu da tagu we nandodongngoḻ ḵan siya, nangatu man ḵan nababa ḵananda, “Sa annae tagu siya ḵabooḻan Apudyus we ngannonda Ḵangatuwan.” 11Nandodongngoḻda ḵan siya te nabayage ḵingwana da nakaskasdaaw mipagapu si ambubuyunna. 12Yaḵon namatida ḵad atte Ambaḻu we Damag mipanggob atte ampangatan Apudyus ya sa ngadan Jesu Kristu we iwwaḻagawag Philip, nampabonyag da laḻaḵi ḵan da bubai. 13Taḵon ay aḵ Simon namati woḵ nampabonyag. Pune sadi nibuḻun ḵan Philip atta dinumane ayana te nataag atta nakaskasdaaw ya sinyale ḵingwana.
14Dingngoḻ ḵad da apostol ad Jerusalem we pinatin da iSamaria Ugud Apudyus, imbuunda da Peter ḵan John ḵan dida. 15Dummatongda ḵad, illuwaḻuwanda da namati ta awatonda Ispiritu Santu, 16te sa sadi ye timpu daampun umoy Ispiritu Santu ḵan dida, abus nampabonyagda'tte ngadan Apu Jesus. 17Pun impatay da Peter ḵan John da imada ḵan dida woḵ inawatda Ispiritu Santu.
18Innilan ḵad Simon we naittanda'tte ḵabooḻan ni Ispiritu Santu atte nangipatayan da apostol atta imada, innattana da Peter ḵan John aḵ pilaḵ 19woḵ ḵanana, “Ittanaḵ ud os atte sanae ḵabooḻan ta ngaimane angipatayaḵ si imaḵ, awatonda Ispiritu Santu.”
20Yaḵon ḵanan Peter ḵan siya, “Midoga oḵyan ḵan siḵa sanate pilaḵnu masgob ad infiernu te ḵanampun nu maḵwae mangin-an atod Apudyus si pilaḵ! 21Ippun biyangnu'tte ḵewaaḻni te daḵampun aḵ ustu ansosomsomoḵnu si sinagung Apudyus. 22Pun ibabawim da basuḻnu ya agaynu we angwa ya alluwaḻuḵa ḵan Apudyus, nu maḵwae pakawanona siḵa si ḵaḵnate ansosomsomoḵnu. 23Te mailaḵe ummamdan aposnu ya mababaḻudḵa si basuḻ.”
24Pun ḵanan Simon, “Iluwaḻuwanyu ud saḵon ḵan Apu ta naippun maḵwa'tta sanate imbagayu ḵan saḵon.”
25Ginangput pun da Peter ḵan John tinaḵdoḻan ḵan iwwaḻagawag ugud Apu, nipaulida'd Jerusalem woḵ iwwaḻagawagda Ambaḻu we Damag atta adu we ili'd Samaria we innoyda.
Sa Namati Ye Opisyale IyEthiopia
26Pun ḵanan ni osan anghel Apu ḵan Philip, “Allibbatḵae umoy ad daya si ḵaḻsae maḻpu'd Jerusalem we umoy ad Gaza.” Sa annae ḵaḻsa, maoy atte bumbummaaw. 27Pun nallibbat aḵ Philip we ummoy. Inggaw pun si daḻan inabotna nangatu we opisyale iyEthiopia we siya angayyuwan atta losane binaḵnang ni Candace#8:27 Candace - daḵampun aḵ ngadan yaḵon awag. Sa piona ugudon queen baḵon nu bubai ye angipangat. we Queen ad Ethiopia. Ummoy nandayaw ḵan Apudyus ad Jerusalem. 28Pun nipauli nallugan si kalesa ya basabasaona iblu we inggilin Profeta Isaiah. 29Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”
30Pun nanoddaḵ aḵ Philip we ummadani si opisyal woḵ dingngoḻnae basabasaona inggilin Profeta Isaiah. Ḵananae nangimus, “Maawatam ḵad ain sanate basabasaom?”
31Ḵanan ni opisyal, “Naid umpay! Ngai inonae maawataḵ nu ippun angipaḵaawat?” Pun inayagana'ḵ Philip atte kalesa. 32Sa sadi ye binasabasana, ḵanana,
“Giginnoḵe isunan karnero we gumiginnoḵ
si iyoyda'tte lugar we papartiyan
ya isuna bos ubbun ni karnero we giginnoḵ
nu puḵisanda.
33Sa nibabbainana, adipun naatod ḵan siya ḵalintogana.
Ngai lamog angug-uggud mipanggob atta ganaḵna?
Te namungtuwonda biyagna sina'd luta.”#8:32-33 Isaiah 53:7-8.
34Binasan ḵad ni opisyal sadi, ḵanana ḵan Philip, “Ibagam ud nu ngai pion ni sanae profeta ḵanan, sa long-agna ḵamman baḵon nu sabali ye tagu?” 35Pun illawlawag Philip we insaḻadna'tta sadi ye nigili ye Ugud Apudyus woḵ imbagana Ambaḻu we Damag mipanggob ḵan Jesus. 36Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”
37Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.”
Ḵanana, “On, amatiyaḵe Abeng Apudyus aḵ Jesu Kristu.”#8:37 Sa annae verse ippun si udume manuscript atte Greek.
38Pun pinaginoḵna kalesa woḵ ummoydae duwa si danum woḵ binonyagan Philip. 39Lummoswada ḵad atte danum, daguse intallay ni Ispiritun Apu aḵ Philip. Pun ippun ogon innilan ni opisyal ḵan siya yaḵon ummoyone allaylayad. 40Yaḵon nan-imonga ḵad aḵ Philip anna'd Azotus. Ḵad da innoynae naḻpu'd Azotus, iwwaḻagawagna Ambaḻu we Damag atta adu we ili inggana'ḵ dummatong ad Caesarea.
Currently Selected:
Acts 8: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 8
8
Sa Namaḵaḻaman Saul Atta Namati
1Aḵ Saul ḵad, iyyunudna nagongatan Stephen. Sadi nangisaḻdandae namaḵaḻam atta namati ye magimugimung ad Jerusalem. Pun nabuḵaḻda'tta adu we ili si probinsiya'd Judea ḵan Samaria, malaksid da apostol. 2Inggaw da udume naapudyusane tagu we ummoy nangilibon ḵan Stephen woḵ amod pagay ibildae nangidomdom ḵan siya. 3Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.
Sa Nangiwaḻagawagan Philip Ad Samaria
4Da sadi ye nabuḵaḻe namati, iwwaḻagawagda Ugud Apudyus mipanggob ḵan Jesus atta dinumane ili ye ayanda. 5Aḵ Philip ḵade osa ḵan dida, ummoy atte osae siyudad ad Samaria woḵ iwwaḻagawagna mipanggob ḵan Kristu. 6Dingngoḻ ḵad da aduadu we tagu imbagana ya innilada da nakaskasdaawe sinyale ḵingwana, namatida'tta losane imbagana. 7Te da aḻan lummawada'tta adu we tagu we naaḻanane sintutuḵingda ya adu da naparalaes ya da napilaye naḵaan da saḵitda. 8Pun sillalaylayad da tagu si sadi ye siyudad.
Aḵ Simon We Ambubuyun
9Yaḵon inninggaw laḻaḵi ye nangngadan aḵ Simon we nabayage ambubuyun atte sadi ye siyudad. Pun nataag da umili'd Samaria atta ḵingwana. Ḵananae siya ḵad nangatu we tagu. 10Pun adu da tagu we nandodongngoḻ ḵan siya, nangatu man ḵan nababa ḵananda, “Sa annae tagu siya ḵabooḻan Apudyus we ngannonda Ḵangatuwan.” 11Nandodongngoḻda ḵan siya te nabayage ḵingwana da nakaskasdaaw mipagapu si ambubuyunna. 12Yaḵon namatida ḵad atte Ambaḻu we Damag mipanggob atte ampangatan Apudyus ya sa ngadan Jesu Kristu we iwwaḻagawag Philip, nampabonyag da laḻaḵi ḵan da bubai. 13Taḵon ay aḵ Simon namati woḵ nampabonyag. Pune sadi nibuḻun ḵan Philip atta dinumane ayana te nataag atta nakaskasdaaw ya sinyale ḵingwana.
14Dingngoḻ ḵad da apostol ad Jerusalem we pinatin da iSamaria Ugud Apudyus, imbuunda da Peter ḵan John ḵan dida. 15Dummatongda ḵad, illuwaḻuwanda da namati ta awatonda Ispiritu Santu, 16te sa sadi ye timpu daampun umoy Ispiritu Santu ḵan dida, abus nampabonyagda'tte ngadan Apu Jesus. 17Pun impatay da Peter ḵan John da imada ḵan dida woḵ inawatda Ispiritu Santu.
18Innilan ḵad Simon we naittanda'tte ḵabooḻan ni Ispiritu Santu atte nangipatayan da apostol atta imada, innattana da Peter ḵan John aḵ pilaḵ 19woḵ ḵanana, “Ittanaḵ ud os atte sanae ḵabooḻan ta ngaimane angipatayaḵ si imaḵ, awatonda Ispiritu Santu.”
20Yaḵon ḵanan Peter ḵan siya, “Midoga oḵyan ḵan siḵa sanate pilaḵnu masgob ad infiernu te ḵanampun nu maḵwae mangin-an atod Apudyus si pilaḵ! 21Ippun biyangnu'tte ḵewaaḻni te daḵampun aḵ ustu ansosomsomoḵnu si sinagung Apudyus. 22Pun ibabawim da basuḻnu ya agaynu we angwa ya alluwaḻuḵa ḵan Apudyus, nu maḵwae pakawanona siḵa si ḵaḵnate ansosomsomoḵnu. 23Te mailaḵe ummamdan aposnu ya mababaḻudḵa si basuḻ.”
24Pun ḵanan Simon, “Iluwaḻuwanyu ud saḵon ḵan Apu ta naippun maḵwa'tta sanate imbagayu ḵan saḵon.”
25Ginangput pun da Peter ḵan John tinaḵdoḻan ḵan iwwaḻagawag ugud Apu, nipaulida'd Jerusalem woḵ iwwaḻagawagda Ambaḻu we Damag atta adu we ili'd Samaria we innoyda.
Sa Namati Ye Opisyale IyEthiopia
26Pun ḵanan ni osan anghel Apu ḵan Philip, “Allibbatḵae umoy ad daya si ḵaḻsae maḻpu'd Jerusalem we umoy ad Gaza.” Sa annae ḵaḻsa, maoy atte bumbummaaw. 27Pun nallibbat aḵ Philip we ummoy. Inggaw pun si daḻan inabotna nangatu we opisyale iyEthiopia we siya angayyuwan atta losane binaḵnang ni Candace#8:27 Candace - daḵampun aḵ ngadan yaḵon awag. Sa piona ugudon queen baḵon nu bubai ye angipangat. we Queen ad Ethiopia. Ummoy nandayaw ḵan Apudyus ad Jerusalem. 28Pun nipauli nallugan si kalesa ya basabasaona iblu we inggilin Profeta Isaiah. 29Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”
30Pun nanoddaḵ aḵ Philip we ummadani si opisyal woḵ dingngoḻnae basabasaona inggilin Profeta Isaiah. Ḵananae nangimus, “Maawatam ḵad ain sanate basabasaom?”
31Ḵanan ni opisyal, “Naid umpay! Ngai inonae maawataḵ nu ippun angipaḵaawat?” Pun inayagana'ḵ Philip atte kalesa. 32Sa sadi ye binasabasana, ḵanana,
“Giginnoḵe isunan karnero we gumiginnoḵ
si iyoyda'tte lugar we papartiyan
ya isuna bos ubbun ni karnero we giginnoḵ
nu puḵisanda.
33Sa nibabbainana, adipun naatod ḵan siya ḵalintogana.
Ngai lamog angug-uggud mipanggob atta ganaḵna?
Te namungtuwonda biyagna sina'd luta.”#8:32-33 Isaiah 53:7-8.
34Binasan ḵad ni opisyal sadi, ḵanana ḵan Philip, “Ibagam ud nu ngai pion ni sanae profeta ḵanan, sa long-agna ḵamman baḵon nu sabali ye tagu?” 35Pun illawlawag Philip we insaḻadna'tta sadi ye nigili ye Ugud Apudyus woḵ imbagana Ambaḻu we Damag mipanggob ḵan Jesus. 36Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”
37Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.”
Ḵanana, “On, amatiyaḵe Abeng Apudyus aḵ Jesu Kristu.”#8:37 Sa annae verse ippun si udume manuscript atte Greek.
38Pun pinaginoḵna kalesa woḵ ummoydae duwa si danum woḵ binonyagan Philip. 39Lummoswada ḵad atte danum, daguse intallay ni Ispiritun Apu aḵ Philip. Pun ippun ogon innilan ni opisyal ḵan siya yaḵon ummoyone allaylayad. 40Yaḵon nan-imonga ḵad aḵ Philip anna'd Azotus. Ḵad da innoynae naḻpu'd Azotus, iwwaḻagawagna Ambaḻu we Damag atta adu we ili inggana'ḵ dummatong ad Caesarea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.