Acts 6
6
Sa Nampiliyanda Atta Bumadang
1Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan. 2Nandatdatong da nasawaḻan aḵ duwae apostol ya da losane namati woḵ ḵananda ḵan dida, “Daḵampun oḵyan aḵ ustu iginoḵni ye angiwaḻagawag si Ugud Apudyus ta awwaḻas ḵani si maḵan. 3Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan 4ya ipapuutni ye alluwaḻu ḵan angiwaḻagawag si Ugud Apudyus.”
5Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu. 6Inniyoyda dida'tte sinagung da apostol woḵ impatay da apostol da imada ḵan didae nangiluwaḻu.
7Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.
Sa Nanoḵmaanda Ḵan Stephen
8Aḵ Stephen, amod de ḵinabaḻun Apudyus ḵan siya ya innattan Apudyus aḵ ḵabooḻane nangwa'tta nakaskasdaaw ḵan sinyal atte sinagung da tagu. 9Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen. 10Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.
11Pun sa ḵingwada, pinasuḵsuḵanda da udume laḻaḵi ta pabasuḻonda ḵanane, “Dingngoḻni ye nan-ugud aḵ Stephen aḵ misullagi ḵan Moses ya aḵ Apudyus.” 12Pun pinasangada da tagu, da pallakayon da Judyu ya da mimistulun ni lintog. Pun dinoḵmaanda'ḵ Stephen woḵ inniyoyda si sinagung da ḵuḵunsisaḻ. 13Nan-ayagda'ḵ tagu'ḵ anaḵdoḻ ya an-ugudonda'ḵ tuli si mipanggob ḵan siya woḵ ḵananda, “Sa annae tagu adinapun paat agaye an-ugud si misullagi si annae templo ya sa lintog Moses. 14Te dingngoḻni nangibag-anae dadailon Jesus we iNazareth annae templo ya baliwana bos ugali ye impatawid Moses ḵan ditaḵu.” 15Pun losan da ḵuḵunsisaḻ ya da udume nadagup sidi, intotollongda'ḵ Stephen woḵ innilada bosaḻnae isunan bosaḻ di anghel.
Currently Selected:
Acts 6: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 6
6
Sa Nampiliyanda Atta Bumadang
1Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan. 2Nandatdatong da nasawaḻan aḵ duwae apostol ya da losane namati woḵ ḵananda ḵan dida, “Daḵampun oḵyan aḵ ustu iginoḵni ye angiwaḻagawag si Ugud Apudyus ta awwaḻas ḵani si maḵan. 3Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan 4ya ipapuutni ye alluwaḻu ḵan angiwaḻagawag si Ugud Apudyus.”
5Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu. 6Inniyoyda dida'tte sinagung da apostol woḵ impatay da apostol da imada ḵan didae nangiluwaḻu.
7Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.
Sa Nanoḵmaanda Ḵan Stephen
8Aḵ Stephen, amod de ḵinabaḻun Apudyus ḵan siya ya innattan Apudyus aḵ ḵabooḻane nangwa'tta nakaskasdaaw ḵan sinyal atte sinagung da tagu. 9Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen. 10Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.
11Pun sa ḵingwada, pinasuḵsuḵanda da udume laḻaḵi ta pabasuḻonda ḵanane, “Dingngoḻni ye nan-ugud aḵ Stephen aḵ misullagi ḵan Moses ya aḵ Apudyus.” 12Pun pinasangada da tagu, da pallakayon da Judyu ya da mimistulun ni lintog. Pun dinoḵmaanda'ḵ Stephen woḵ inniyoyda si sinagung da ḵuḵunsisaḻ. 13Nan-ayagda'ḵ tagu'ḵ anaḵdoḻ ya an-ugudonda'ḵ tuli si mipanggob ḵan siya woḵ ḵananda, “Sa annae tagu adinapun paat agaye an-ugud si misullagi si annae templo ya sa lintog Moses. 14Te dingngoḻni nangibag-anae dadailon Jesus we iNazareth annae templo ya baliwana bos ugali ye impatawid Moses ḵan ditaḵu.” 15Pun losan da ḵuḵunsisaḻ ya da udume nadagup sidi, intotollongda'ḵ Stephen woḵ innilada bosaḻnae isunan bosaḻ di anghel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.