Acts 3
3
Sa Nanaddaḻanan Ni Napilay
1Sin-aḻgawan ḵad, ummoy da Peter ḵan John atte paway ni templo si ummag-agaw te sadi orase alluwaḻuwan. 2Inggaw laḻaḵi ye nibuḵnage napilaye inninggaw si lewangan ni templo we nginadananda'ḵ Ambaḻu we lewangan. Inaḻgawe wawayonda iyoy sidi ta antapatapaya'tta lumnoḵ. 3Innilana ḵad da Peter ḵan John we annae lumnoḵ atte paway ni templo, nantapaya bos ḵan dida. 4Immumusḵoḻda sadi ye napilay woḵ ḵanan Peter, “Antollongḵa ḵan diḵani.” 5Pun nantollong ḵan dida te sa somsomoḵna awad nin ittonda ḵan siya.
6Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.” 7Pun innonnan Peter dawinane imana woḵ pinasiḵadna. Pun daguse pummigsa suḵina ḵan tiḵlingna. 8Pune sadi nasaniḵad woḵ nanaddaḻan. Pun nibuḻun ḵan da Peter ḵan John we ummoy si paway ni templo woḵ nanadtaddaḻan ḵan nampaypaytuḵe nandaydayaw ḵan Apudyus. 9Innilan ḵad da losane tagu we nanadtaddaḻan ya nandaydayaw ḵan Apudyus, 10immatunandae siya sadi ye antapatapayae tutuḵdu'tte ngannonda Ambaḻu we Lewangan ni templo. Pun amod de naḵwa ḵan siya.
Sa Nantuttuduwan Peter Atte Templo
11Pun ummoy da Peter ḵan John si partin ni templo we ngannonda Sawang Solomon. Niḵiwid ḵan dida sadi ye laḻaḵi ḵad da losane tagu sintotoddaḵdae umoy si inggawanda te amod de nantataagda. 12Innilan ḵad Peter dida ḵanana, “Susunudḵu we ganaḵ Israel, ngaipa ḵayu mataag si anna? Ngaipayu imumusḵoḻ diḵani? Ḵananyu ḵammane naḻpu'tte ḵabooḻanni baḵon nu ḵinabaḻuni namataddaḻan si annae tagu? 13Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu.#3:13 Exodus 3:6, 15. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan. 14Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy. 15Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani. 16Mipagapu'tte ḵabooḻan Jesus, pummigsa annae tagu we itotollongyu ya igammuyu. Ḵad gapu si pammatina ḵan Jesus, lummin-awa annae tagu si sinagungyu losan.
17“Susunude ganaḵ Israel inigammuḵe gingngatyu ḵad aḵ Jesus, ippun igammuyu nu ngai'ḵ siya taḵon ay da papangatyu ippun os igammuda. 18Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna. 19Pune sadi, ibabawiyu da basuḻyu ya agayyu we angwa ta mapakawan ḵayu. 20Te nu ḵoonyu da sadi, ittan Apudyus diḵayu'ḵ lumin-awaan ni somsomoḵyu ya ibuunna bos ḵasin aḵ Jesus we Kristu. 21Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.
22“Ḵanan Moses, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude iyIsrael. Ḵad ḵasapuḻane tuttuwaonyu da losane ibagana. 23Ngaimane adi tumuttuwa ḵan siya, misina'tta tagun Apudyus ta madusa'ḵ inggainggana.’#3:22-23 Deuteronomy 18:15, 18, 19.
24“Ḵad losan da profetan Apudyus nisaḻad ḵan Samuel ya da niyun-unud ḵan siya, impadtuda mipanggob si maḵwa sinsana. 25Diḵayu we ganaḵ da profetan Apudyus nidoga ḵayu si intuḻagna'tta danaḵḵoḻyu. Ḵanan Apudyus ḵan Abraham, ‘Mipagapu'tta ganaḵnu, mabindisyunan da losane tagu'tta losane ili si luta.’#3:25 Genesis 22:18; 26:4. 26Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”
Currently Selected:
Acts 3: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 3
3
Sa Nanaddaḻanan Ni Napilay
1Sin-aḻgawan ḵad, ummoy da Peter ḵan John atte paway ni templo si ummag-agaw te sadi orase alluwaḻuwan. 2Inggaw laḻaḵi ye nibuḵnage napilaye inninggaw si lewangan ni templo we nginadananda'ḵ Ambaḻu we lewangan. Inaḻgawe wawayonda iyoy sidi ta antapatapaya'tta lumnoḵ. 3Innilana ḵad da Peter ḵan John we annae lumnoḵ atte paway ni templo, nantapaya bos ḵan dida. 4Immumusḵoḻda sadi ye napilay woḵ ḵanan Peter, “Antollongḵa ḵan diḵani.” 5Pun nantollong ḵan dida te sa somsomoḵna awad nin ittonda ḵan siya.
6Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.” 7Pun innonnan Peter dawinane imana woḵ pinasiḵadna. Pun daguse pummigsa suḵina ḵan tiḵlingna. 8Pune sadi nasaniḵad woḵ nanaddaḻan. Pun nibuḻun ḵan da Peter ḵan John we ummoy si paway ni templo woḵ nanadtaddaḻan ḵan nampaypaytuḵe nandaydayaw ḵan Apudyus. 9Innilan ḵad da losane tagu we nanadtaddaḻan ya nandaydayaw ḵan Apudyus, 10immatunandae siya sadi ye antapatapayae tutuḵdu'tte ngannonda Ambaḻu we Lewangan ni templo. Pun amod de naḵwa ḵan siya.
Sa Nantuttuduwan Peter Atte Templo
11Pun ummoy da Peter ḵan John si partin ni templo we ngannonda Sawang Solomon. Niḵiwid ḵan dida sadi ye laḻaḵi ḵad da losane tagu sintotoddaḵdae umoy si inggawanda te amod de nantataagda. 12Innilan ḵad Peter dida ḵanana, “Susunudḵu we ganaḵ Israel, ngaipa ḵayu mataag si anna? Ngaipayu imumusḵoḻ diḵani? Ḵananyu ḵammane naḻpu'tte ḵabooḻanni baḵon nu ḵinabaḻuni namataddaḻan si annae tagu? 13Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu.#3:13 Exodus 3:6, 15. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan. 14Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy. 15Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani. 16Mipagapu'tte ḵabooḻan Jesus, pummigsa annae tagu we itotollongyu ya igammuyu. Ḵad gapu si pammatina ḵan Jesus, lummin-awa annae tagu si sinagungyu losan.
17“Susunude ganaḵ Israel inigammuḵe gingngatyu ḵad aḵ Jesus, ippun igammuyu nu ngai'ḵ siya taḵon ay da papangatyu ippun os igammuda. 18Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna. 19Pune sadi, ibabawiyu da basuḻyu ya agayyu we angwa ta mapakawan ḵayu. 20Te nu ḵoonyu da sadi, ittan Apudyus diḵayu'ḵ lumin-awaan ni somsomoḵyu ya ibuunna bos ḵasin aḵ Jesus we Kristu. 21Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.
22“Ḵanan Moses, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude iyIsrael. Ḵad ḵasapuḻane tuttuwaonyu da losane ibagana. 23Ngaimane adi tumuttuwa ḵan siya, misina'tta tagun Apudyus ta madusa'ḵ inggainggana.’#3:22-23 Deuteronomy 18:15, 18, 19.
24“Ḵad losan da profetan Apudyus nisaḻad ḵan Samuel ya da niyun-unud ḵan siya, impadtuda mipanggob si maḵwa sinsana. 25Diḵayu we ganaḵ da profetan Apudyus nidoga ḵayu si intuḻagna'tta danaḵḵoḻyu. Ḵanan Apudyus ḵan Abraham, ‘Mipagapu'tta ganaḵnu, mabindisyunan da losane tagu'tta losane ili si luta.’#3:25 Genesis 22:18; 26:4. 26Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.