Acts 24
24
Sa Nangidaḻuman Da Judyu Ḵan Paul
1Naḻaḵpus ḵad liman aḻgaw, dummatong aḵ Ananias we sa ḵangatuwane padi ya da udume pallakayon da Judyu. Inninggaw os abugadu we buḻundae nangngadan aḵ Tertullus. Pun ummoyda losan si igaw Gobernor Felix ta idaḻumda'ḵ Paul ḵan siya. 2Impaayag ḵad Gobernor Felix aḵ Paul, nan-ugud aḵ Tertullus woḵ imbagana da ipabasuḻda ḵan siya woḵ ḵanana, “Madaydayawe Gobernor Felix! Gapu'tte ḵinalaingnu we nampangat ḵan diḵani, bummaḻu ili taḵu ya nabayage nauḻnus. 3Ngaimane timpu ḵan dinumane igaw, daḵoḻ anggappiyaanni ḵan siḵa. 4Adinipun pione taḵtaḵon da ampatoge timpum yaḵon dongngom ud yan annae aḵite ibagani.
5“Te indasanni annae tagu we gugulu te dam-on nanggulu'tta losane Judyu si annae lubung. Siya osa'tta pangat da grupun da mituntun-ud atte iNazareth. 6Ḵad pinadasna bos ḵaissawan templo'd Jerusalem yaḵon dinoḵmaanni. 7Yaḵon dummatong aḵ kumander Lysias ya da suḻdaduna woḵ pillosda ḵan diḵani.#24:7 Sa annae verse naippun si adu we ḵopya'tte Greek. 8Ḵad imbilinnae umali ḵani ta idaḻumni ḵan siḵa. Nu sumaḻyaome mismu, asim igammuwon ḵan siya mipanggob atta losane impabasuḻni ḵan siya.” 9Nidoga bos da buḻunnae Judyu we namabasuḻ, pinanoḵnoḵandae tuttuwa da losane nipabasuḻ ḵan Paul.
Sa Nanaḵdoḻan Paul Si Long-agna
10Naabus ḵad, sininyasan Gobernor Felix aḵ Paul ta mipasani an-ugud woḵ ḵanan Paul, “Apu Gobernor, inigammuḵe adu we tawon nampangatam ḵan nanḵuwisam ḵan diḵani ye Judyu atte annae ili. Pun allaylayadaḵ te annaḵa si anaḵdoḻaḵ atta impabasuḻda ḵan saḵon. 11Igammuwome adipun lummabos aḵ nasawaḻan aḵ duwae aḻgaw naḻaḵpus si inggan ni ummoyḵu nandaydayawan ḵan Apudyus ad Jerusalem. 12Sa inninggawaḵ sidi, naippun osa'tta Judyu aḵ nangila ḵan saḵone naḵasossongbat baḵon nu ginuluḵ da amode tagu'tte templo baḵon nu da sinagoga baḵon nu da siyudad. 13Baḵon nu mapanoḵnoḵanda ḵan siḵa sinsadi da impabasuḻda ḵan saḵon. 14Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe. 15Namnamaoḵe taguwon Apudyus ḵasin da losane natoy, da naun-unan ḵan adipun naun-unane isun ni namnamaon da annae tagu. 16Pun iggaḵ losane ḵabooḻaḵe angwa'tta ambaḻu ta ampoḻḵas somsomoḵḵu'tte sinagung Apudyus ya da tagu.
17“Naḻaḵpus ḵad pigan tawone naippunaḵ ad Jerusalem, nipauliyaḵ os sidi ta ittoḵ pilaḵe badang atta ḵailiyaḵe Judyu we anḵasapuḻ ya nandatunaḵ os ḵan Apudyus atte templo.#24:17 Onome tawon naḻaḵpus si inggan ni ummoy Paul ad Jerusalem nanuttuwaan atte inkarina Acts 18:22. Siyame tawon naḻaḵpus si inggan ni naḵamitingan Paul atta apostol ya da angipangpangu'tta namati'd Jerusalem Acts 15:1-29. 18Sana ḵingwaḵ atte nangdasan da Judyu we naḻpu'd Asia ḵan saḵon atte templo atte nangangputaḵ si ugali taḵu we ampapoḻḵas. Ḵad naippun adu'ḵ tagu sidi ya naippun os nanggulu! 19Yaḵon da sadi ye naḻpu'd Asia, ḵasapuḻane dida umali sina andaḻum si sinagungnu nu awad ipabasuḻda ḵan saḵon. 20Yaḵon nu naippun, ibagam atta annae tagu nu ngai indasandae basuḻḵu'tte tummaḵdogaḵ si sinagung da ḵuḵunsisaḻ ad Jerusalem, 21abus nangidangsoḻaḵ si sinagungda woḵ ḵanaḵ, ‘Patiyoḵe umuli da natoy. Pun siya gapunae sumaḻyaonyu saḵon sinsadi.’ ”
22Ḵad aḵ Gobernor Felix, adu inigammuna mipanggob atta angunud atta tuttudun Jesus, impaginoḵna ḵasus Paul woḵ ḵanana, “Nu dumatong aḵ kumander Lysias, saḵon asi ḵigad atte ḵasusnu.” 23Pun binilinna kapitan ta paguwaḻdana'ḵ Paul yaḵon wayaanda oḵyan aḵ aḵit ya iyunuddae umoy da buḻbuḻunna angiyoy atta ḵasapuḻana.
24Naḻaḵpus ḵad pigan aḻgaw, dummatong da Felix ḵan asawanae Drusilla we Judyu. Impaayagna'ḵ Paul ta dongngonda ibagana mipanggob atte pammati ḵan Jesu Kristu. 25Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.” 26Sa sadi ye timpu patilayune ayagana'ḵ Paul aḵ ḵaug-uggudna te sa ninamnamana ḵananapun nu pasuḵsuḵan Paul.
27Naḻaḵpus ḵad de duwan tawon, nipasani'ḵ Porcius Festus we gobernor ḵan Gobernor Felix. Yaḵon gapu ta piona pas-oman da Judyu, tinenana'ḵ Paul si babaḻḻudan.
Currently Selected:
Acts 24: kml
Highlight
Share
Copy

Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 24
24
Sa Nangidaḻuman Da Judyu Ḵan Paul
1Naḻaḵpus ḵad liman aḻgaw, dummatong aḵ Ananias we sa ḵangatuwane padi ya da udume pallakayon da Judyu. Inninggaw os abugadu we buḻundae nangngadan aḵ Tertullus. Pun ummoyda losan si igaw Gobernor Felix ta idaḻumda'ḵ Paul ḵan siya. 2Impaayag ḵad Gobernor Felix aḵ Paul, nan-ugud aḵ Tertullus woḵ imbagana da ipabasuḻda ḵan siya woḵ ḵanana, “Madaydayawe Gobernor Felix! Gapu'tte ḵinalaingnu we nampangat ḵan diḵani, bummaḻu ili taḵu ya nabayage nauḻnus. 3Ngaimane timpu ḵan dinumane igaw, daḵoḻ anggappiyaanni ḵan siḵa. 4Adinipun pione taḵtaḵon da ampatoge timpum yaḵon dongngom ud yan annae aḵite ibagani.
5“Te indasanni annae tagu we gugulu te dam-on nanggulu'tta losane Judyu si annae lubung. Siya osa'tta pangat da grupun da mituntun-ud atte iNazareth. 6Ḵad pinadasna bos ḵaissawan templo'd Jerusalem yaḵon dinoḵmaanni. 7Yaḵon dummatong aḵ kumander Lysias ya da suḻdaduna woḵ pillosda ḵan diḵani.#24:7 Sa annae verse naippun si adu we ḵopya'tte Greek. 8Ḵad imbilinnae umali ḵani ta idaḻumni ḵan siḵa. Nu sumaḻyaome mismu, asim igammuwon ḵan siya mipanggob atta losane impabasuḻni ḵan siya.” 9Nidoga bos da buḻunnae Judyu we namabasuḻ, pinanoḵnoḵandae tuttuwa da losane nipabasuḻ ḵan Paul.
Sa Nanaḵdoḻan Paul Si Long-agna
10Naabus ḵad, sininyasan Gobernor Felix aḵ Paul ta mipasani an-ugud woḵ ḵanan Paul, “Apu Gobernor, inigammuḵe adu we tawon nampangatam ḵan nanḵuwisam ḵan diḵani ye Judyu atte annae ili. Pun allaylayadaḵ te annaḵa si anaḵdoḻaḵ atta impabasuḻda ḵan saḵon. 11Igammuwome adipun lummabos aḵ nasawaḻan aḵ duwae aḻgaw naḻaḵpus si inggan ni ummoyḵu nandaydayawan ḵan Apudyus ad Jerusalem. 12Sa inninggawaḵ sidi, naippun osa'tta Judyu aḵ nangila ḵan saḵone naḵasossongbat baḵon nu ginuluḵ da amode tagu'tte templo baḵon nu da sinagoga baḵon nu da siyudad. 13Baḵon nu mapanoḵnoḵanda ḵan siḵa sinsadi da impabasuḻda ḵan saḵon. 14Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe. 15Namnamaoḵe taguwon Apudyus ḵasin da losane natoy, da naun-unan ḵan adipun naun-unane isun ni namnamaon da annae tagu. 16Pun iggaḵ losane ḵabooḻaḵe angwa'tta ambaḻu ta ampoḻḵas somsomoḵḵu'tte sinagung Apudyus ya da tagu.
17“Naḻaḵpus ḵad pigan tawone naippunaḵ ad Jerusalem, nipauliyaḵ os sidi ta ittoḵ pilaḵe badang atta ḵailiyaḵe Judyu we anḵasapuḻ ya nandatunaḵ os ḵan Apudyus atte templo.#24:17 Onome tawon naḻaḵpus si inggan ni ummoy Paul ad Jerusalem nanuttuwaan atte inkarina Acts 18:22. Siyame tawon naḻaḵpus si inggan ni naḵamitingan Paul atta apostol ya da angipangpangu'tta namati'd Jerusalem Acts 15:1-29. 18Sana ḵingwaḵ atte nangdasan da Judyu we naḻpu'd Asia ḵan saḵon atte templo atte nangangputaḵ si ugali taḵu we ampapoḻḵas. Ḵad naippun adu'ḵ tagu sidi ya naippun os nanggulu! 19Yaḵon da sadi ye naḻpu'd Asia, ḵasapuḻane dida umali sina andaḻum si sinagungnu nu awad ipabasuḻda ḵan saḵon. 20Yaḵon nu naippun, ibagam atta annae tagu nu ngai indasandae basuḻḵu'tte tummaḵdogaḵ si sinagung da ḵuḵunsisaḻ ad Jerusalem, 21abus nangidangsoḻaḵ si sinagungda woḵ ḵanaḵ, ‘Patiyoḵe umuli da natoy. Pun siya gapunae sumaḻyaonyu saḵon sinsadi.’ ”
22Ḵad aḵ Gobernor Felix, adu inigammuna mipanggob atta angunud atta tuttudun Jesus, impaginoḵna ḵasus Paul woḵ ḵanana, “Nu dumatong aḵ kumander Lysias, saḵon asi ḵigad atte ḵasusnu.” 23Pun binilinna kapitan ta paguwaḻdana'ḵ Paul yaḵon wayaanda oḵyan aḵ aḵit ya iyunuddae umoy da buḻbuḻunna angiyoy atta ḵasapuḻana.
24Naḻaḵpus ḵad pigan aḻgaw, dummatong da Felix ḵan asawanae Drusilla we Judyu. Impaayagna'ḵ Paul ta dongngonda ibagana mipanggob atte pammati ḵan Jesu Kristu. 25Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.” 26Sa sadi ye timpu patilayune ayagana'ḵ Paul aḵ ḵaug-uggudna te sa ninamnamana ḵananapun nu pasuḵsuḵan Paul.
27Naḻaḵpus ḵad de duwan tawon, nipasani'ḵ Porcius Festus we gobernor ḵan Gobernor Felix. Yaḵon gapu ta piona pas-oman da Judyu, tinenana'ḵ Paul si babaḻḻudan.
Currently Selected:
:
Highlight
Share
Copy

Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.