Acts 19
19
Sa Ummayan Paul Ad Ephesus
1Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati, 2woḵ ḵanana ḵan dida, “Inawatyu ḵad ain Ispiritu Santu si namatiyanyu?”
Ḵananda, “Naid, ippun paat nangngoḻanni ye awad de Ispiritu Santu.”
3Ḵanan Paul, “Nu ḵaḵnat, ngai ye kalasin di bonyag inawatyu nu?”
Ḵananda, “Sa bonyage inawatni ḵan John.”
4Ḵanan Paul, “Sa bonyage intuttudun John, siya ambabawiyan da tagu'tta basuḻda ya agaydae angwa. Imbaganae amatida'tte umun-unud ḵan siyae aḵ Jesus.”
5Dingngoḻda ḵad ay sadi, nampabonyagda'tte ngadan Apu Jesus. 6Impatay ḵad Paul da imana ḵan dida, ummoy Ispiritu Santu woḵ nan-ugudda'tta nansabasabali ye ugude adidapun inadaḻ ya impaigammuda Ugud Apudyus. 7Batug di nasawaḻan aḵ duwa belang da sanae laḻaḵi.
8Sa tuḻun buḻane inninggawan Paul sidi dam-on nantuttudu'tte sinagoga ḵad natuḻode nan-ugud ya naḵasossongbat atte mipanggob si ampangatan Apudyus ta awisona da tagu ta amatida. 9Yaḵon inninggaw da udum ḵan didae tummungitong da somsomoḵda woḵ adidapun tummuttuwa gapu si adidapun namatiyan ya pinaḻawengdae nangugud si mipanggob atta angunud atta tuttudun Jesus atte sinagung da tagu. Pun tinenan Paul ya da namati dida woḵ ummoyda'tte uswilaan Tyrannus. Ḵad inaḻgawe nantuttudu'ḵ Paul sidi, 10napagapagatupan sana si duwan tawon. Pun losan atta ummili'tte probinsiya'd Asia nandongoḻda si Ugud Apu, Judyu baḵon nu Gentil.
Da Abeng Sceva
11Ḵingwan Apudyus da amode nakaskasdaaw mipagapu ḵan Paul. 12Te taḵon ay da pangpangyu ḵan sinnune inusarna, nu iyoyda'tta masaḵit, maḵaan da saḵitda ḵad lumawa da aḻan atta naaḻanan. 13Yaḵon inninggaw os da udume Judyu we ummoy atta adu we ili ya paḻyawonda da aḻan atta naaḻanan woḵ pinadasda usaron ngadan Apu Jesus. Ḵananda, “Siḵae aḻan, gapu si ḵabooḻan ni ngadan Jesus we iwaḻagawag Paul, ḵumunudḵa.” 14Da pitu we abeng ni pangat da padin da Judyu we nangngadan aḵ Sceva da angwa si ḵaḵna. 15Yaḵon ḵanan ni aḻane summongbat ḵan dida, “Aḵ Jesus igammuḵ, aḵ Paul igammuḵ yaḵon ngai ḵayu?” 16Pun induḵḵus ni naaḻanan dida woḵ naḵapatoy inggana'ḵ illogna dida. Unipun ummawiddae naḻpu'tte boḻoye amboboddang ḵan nasugasugatda.
17Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus. 18Pun adu bos atta namati da nangibabawi'tta ḵoḵoḵḵonda. 19Inggaw da udum ḵan didae da ambubuyun, dida nanagup atta ibluda woḵ soggonda'tte sinagung da adu we tagu.#19:19 Atte Deuteronomy 18:10-14 iyyadin Apudyus da tagunae angwa'tta ngaimane kalasin di buyun. Iniyapda ḵad gatad da iblu umoye limampuḻu we libu we palata.#19:19 Sa palatae ngannonda drachma we pilaḵda si awe ya sa ossaane drachma gatad di sin-aḻgawane tangdan ni anḵewaaḻ. 20Pun nandindinamag Ugud Apu woḵ amo ummaduadu da namati.
Sa Gulu Ad Ephesus
21Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.” 22Pinaunana da duwae bumadang ḵan siya'd Macedonia, da Timothy ḵan Erastus, pun inninggaw yan aḵ sin-aḵitan si probinsiya'd Asia.
23Sa sadi ye timpu, inggaw ampaḵimute gulu'd Ephesus mipanggob atta angunud atta tuttudun Jesus. 24Sa tagu we nangngadan aḵ Demetrius we ambobosaḻ, nangwa'tte palata'ḵ sinan templon Artemis we sa bubai ye apudyusda ya daḵoḻ os tangdan da sanae anḵeḵewwaaḻona. 25Nandaḵdaḵngon Demetrius da tinangdanana ya da doganae ambobosaḻ woḵ ḵanana, “Diḵayu we buḻunḵu, inigammuyu we sa annae ḵewaaḻ taḵu, siya bumaḵnangan taḵu. 26Ḵad innila taḵu ḵan didingngoḻ taḵu we adu da inawis Paul we tagu sina'd Ephesus ya tigangay ta losan da ili'tte probinsiya'd Asia. Ḵanana sa ḵoon di tagu, daḵampun aḵ tuttuwae apudyus. 27Nu lawweng damag ni ḵewaaḻ taḵu si umali ye aḻgaw, ippun ngumina. Sa osa bos, ippun patog ni templon Artemis we nangatu we apudyus taḵu. Ḵad adimpun da tagu bigbigon ḵinangatun Artemis we daydayawon da tagu sina'd Asia ya sa intero we lubung, madadail os ḵinaapudyusna.”
28Dingngoḻ ḵad da tagu imbagan Demetrius, summangada ḵan Paul ya da buḻunna woḵ insaḻadda ḵanane simbobogga, “Madaydayaw aḵ Artemis we apudyus taḵu we iyEphesus!” 29Pun losan da tagu'tte siyudad nagulu woḵ doḵmaanda da Gaius ḵan Aristarchus we iMacedonia we buḻun Paul we nambaat woḵ binutbutda dida inniyoy si bubuyyaan. 30Pion oḵyan Paul we umoy ḵan dida ta maḵaugud atta tagu yaḵon adimpun da namati iyyunud. 31Inggaw da udume papangat si probinsiyae buḻbuḻun Paul, nambuunda'ḵ ummoy nangibaga ḵan siya ta adi oḵyan umoy ampappaila'tte bubuyyaan.
32Unipun amo nagulu da tagu we nandatdatong si ummamdane omoḻe ippun puutna te awad ay osa nambogga ḵad da ḵaaduwan ippun igammuda nu ngai gapun ni nadagupanda. 33Gapu'tte sadi, imbuun da Judyu aḵ Alexander si sinagung da tagu ta ipaḵaawatna oḵyane daḵampun ḵan dida gapun ni gulu. Intayag Alexander imanae amaginoḵ atta tagu ta an-ugude taḵdoḻana, 34yaḵon immatunanda ḵade Judyu, nandidisanda losan ḵanane nanugtug-uy si umoye duwan orasan, “Madaydayaw aḵ Artemis we apudyus taḵu we iyEphesus.”
35Yaḵon pinaginoḵ ḵad ni secretaryn ni siyudad da amode tagu ḵanana, “Susunude iyEphesus, awad ḵamman ossaan ḵan ditaḵu'ḵ adi angigammu we ditaḵu angay-ayyuwan atte templon ni madaydayawe Artemis ya sa sinan-Artemis we batu we naottage naḻpu'd langit? 36Adipun maḵwae misilib anna! Pun ḵasapuḻane guminoḵ ḵayu ya adi ḵayu amabbabaḻang. 37Da tagu we indatongyu sina, ippun inaḵawda'tte templo taḵu ya ippun os inugudda'ḵ lawweng atte apudyus taḵu. 38Pun nu awad lilin da Demetrius ya da buḻunnae ambobosaḻ, annat da ḵuwis atta dadaḻḻuman ya annat os gobernor we siya ustu we umoyda andaḻuman. 39Yaḵon nu awad sabali'ḵ banag, uwayonyu ammimitingan taḵu ta asi taḵu an-uugudan. 40Te ḵaog-ogyat nu idaḻum ditaḵu si sanae gulu sinsadi, gapu ta ippun ustu'ḵ allasun taḵu.” 41Naabus ḵade imbagana da sana, pinaoyonna da tagu.
Currently Selected:
Acts 19: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 19
19
Sa Ummayan Paul Ad Ephesus
1Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati, 2woḵ ḵanana ḵan dida, “Inawatyu ḵad ain Ispiritu Santu si namatiyanyu?”
Ḵananda, “Naid, ippun paat nangngoḻanni ye awad de Ispiritu Santu.”
3Ḵanan Paul, “Nu ḵaḵnat, ngai ye kalasin di bonyag inawatyu nu?”
Ḵananda, “Sa bonyage inawatni ḵan John.”
4Ḵanan Paul, “Sa bonyage intuttudun John, siya ambabawiyan da tagu'tta basuḻda ya agaydae angwa. Imbaganae amatida'tte umun-unud ḵan siyae aḵ Jesus.”
5Dingngoḻda ḵad ay sadi, nampabonyagda'tte ngadan Apu Jesus. 6Impatay ḵad Paul da imana ḵan dida, ummoy Ispiritu Santu woḵ nan-ugudda'tta nansabasabali ye ugude adidapun inadaḻ ya impaigammuda Ugud Apudyus. 7Batug di nasawaḻan aḵ duwa belang da sanae laḻaḵi.
8Sa tuḻun buḻane inninggawan Paul sidi dam-on nantuttudu'tte sinagoga ḵad natuḻode nan-ugud ya naḵasossongbat atte mipanggob si ampangatan Apudyus ta awisona da tagu ta amatida. 9Yaḵon inninggaw da udum ḵan didae tummungitong da somsomoḵda woḵ adidapun tummuttuwa gapu si adidapun namatiyan ya pinaḻawengdae nangugud si mipanggob atta angunud atta tuttudun Jesus atte sinagung da tagu. Pun tinenan Paul ya da namati dida woḵ ummoyda'tte uswilaan Tyrannus. Ḵad inaḻgawe nantuttudu'ḵ Paul sidi, 10napagapagatupan sana si duwan tawon. Pun losan atta ummili'tte probinsiya'd Asia nandongoḻda si Ugud Apu, Judyu baḵon nu Gentil.
Da Abeng Sceva
11Ḵingwan Apudyus da amode nakaskasdaaw mipagapu ḵan Paul. 12Te taḵon ay da pangpangyu ḵan sinnune inusarna, nu iyoyda'tta masaḵit, maḵaan da saḵitda ḵad lumawa da aḻan atta naaḻanan. 13Yaḵon inninggaw os da udume Judyu we ummoy atta adu we ili ya paḻyawonda da aḻan atta naaḻanan woḵ pinadasda usaron ngadan Apu Jesus. Ḵananda, “Siḵae aḻan, gapu si ḵabooḻan ni ngadan Jesus we iwaḻagawag Paul, ḵumunudḵa.” 14Da pitu we abeng ni pangat da padin da Judyu we nangngadan aḵ Sceva da angwa si ḵaḵna. 15Yaḵon ḵanan ni aḻane summongbat ḵan dida, “Aḵ Jesus igammuḵ, aḵ Paul igammuḵ yaḵon ngai ḵayu?” 16Pun induḵḵus ni naaḻanan dida woḵ naḵapatoy inggana'ḵ illogna dida. Unipun ummawiddae naḻpu'tte boḻoye amboboddang ḵan nasugasugatda.
17Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus. 18Pun adu bos atta namati da nangibabawi'tta ḵoḵoḵḵonda. 19Inggaw da udum ḵan didae da ambubuyun, dida nanagup atta ibluda woḵ soggonda'tte sinagung da adu we tagu.#19:19 Atte Deuteronomy 18:10-14 iyyadin Apudyus da tagunae angwa'tta ngaimane kalasin di buyun. Iniyapda ḵad gatad da iblu umoye limampuḻu we libu we palata.#19:19 Sa palatae ngannonda drachma we pilaḵda si awe ya sa ossaane drachma gatad di sin-aḻgawane tangdan ni anḵewaaḻ. 20Pun nandindinamag Ugud Apu woḵ amo ummaduadu da namati.
Sa Gulu Ad Ephesus
21Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.” 22Pinaunana da duwae bumadang ḵan siya'd Macedonia, da Timothy ḵan Erastus, pun inninggaw yan aḵ sin-aḵitan si probinsiya'd Asia.
23Sa sadi ye timpu, inggaw ampaḵimute gulu'd Ephesus mipanggob atta angunud atta tuttudun Jesus. 24Sa tagu we nangngadan aḵ Demetrius we ambobosaḻ, nangwa'tte palata'ḵ sinan templon Artemis we sa bubai ye apudyusda ya daḵoḻ os tangdan da sanae anḵeḵewwaaḻona. 25Nandaḵdaḵngon Demetrius da tinangdanana ya da doganae ambobosaḻ woḵ ḵanana, “Diḵayu we buḻunḵu, inigammuyu we sa annae ḵewaaḻ taḵu, siya bumaḵnangan taḵu. 26Ḵad innila taḵu ḵan didingngoḻ taḵu we adu da inawis Paul we tagu sina'd Ephesus ya tigangay ta losan da ili'tte probinsiya'd Asia. Ḵanana sa ḵoon di tagu, daḵampun aḵ tuttuwae apudyus. 27Nu lawweng damag ni ḵewaaḻ taḵu si umali ye aḻgaw, ippun ngumina. Sa osa bos, ippun patog ni templon Artemis we nangatu we apudyus taḵu. Ḵad adimpun da tagu bigbigon ḵinangatun Artemis we daydayawon da tagu sina'd Asia ya sa intero we lubung, madadail os ḵinaapudyusna.”
28Dingngoḻ ḵad da tagu imbagan Demetrius, summangada ḵan Paul ya da buḻunna woḵ insaḻadda ḵanane simbobogga, “Madaydayaw aḵ Artemis we apudyus taḵu we iyEphesus!” 29Pun losan da tagu'tte siyudad nagulu woḵ doḵmaanda da Gaius ḵan Aristarchus we iMacedonia we buḻun Paul we nambaat woḵ binutbutda dida inniyoy si bubuyyaan. 30Pion oḵyan Paul we umoy ḵan dida ta maḵaugud atta tagu yaḵon adimpun da namati iyyunud. 31Inggaw da udume papangat si probinsiyae buḻbuḻun Paul, nambuunda'ḵ ummoy nangibaga ḵan siya ta adi oḵyan umoy ampappaila'tte bubuyyaan.
32Unipun amo nagulu da tagu we nandatdatong si ummamdane omoḻe ippun puutna te awad ay osa nambogga ḵad da ḵaaduwan ippun igammuda nu ngai gapun ni nadagupanda. 33Gapu'tte sadi, imbuun da Judyu aḵ Alexander si sinagung da tagu ta ipaḵaawatna oḵyane daḵampun ḵan dida gapun ni gulu. Intayag Alexander imanae amaginoḵ atta tagu ta an-ugude taḵdoḻana, 34yaḵon immatunanda ḵade Judyu, nandidisanda losan ḵanane nanugtug-uy si umoye duwan orasan, “Madaydayaw aḵ Artemis we apudyus taḵu we iyEphesus.”
35Yaḵon pinaginoḵ ḵad ni secretaryn ni siyudad da amode tagu ḵanana, “Susunude iyEphesus, awad ḵamman ossaan ḵan ditaḵu'ḵ adi angigammu we ditaḵu angay-ayyuwan atte templon ni madaydayawe Artemis ya sa sinan-Artemis we batu we naottage naḻpu'd langit? 36Adipun maḵwae misilib anna! Pun ḵasapuḻane guminoḵ ḵayu ya adi ḵayu amabbabaḻang. 37Da tagu we indatongyu sina, ippun inaḵawda'tte templo taḵu ya ippun os inugudda'ḵ lawweng atte apudyus taḵu. 38Pun nu awad lilin da Demetrius ya da buḻunnae ambobosaḻ, annat da ḵuwis atta dadaḻḻuman ya annat os gobernor we siya ustu we umoyda andaḻuman. 39Yaḵon nu awad sabali'ḵ banag, uwayonyu ammimitingan taḵu ta asi taḵu an-uugudan. 40Te ḵaog-ogyat nu idaḻum ditaḵu si sanae gulu sinsadi, gapu ta ippun ustu'ḵ allasun taḵu.” 41Naabus ḵade imbagana da sana, pinaoyonna da tagu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.