Acts 17
17
Sa Gulu Ad Thessalonica
1Nangoy ḵad da Paul ḵan Silas ad Amphipolis ya ad Apollonia, dummatongda'd Thessalonica we inggaw osae sinagogan da Judyu. 2Sa ugalin Paul dam-on umoy si sinagoga. Sa tuḻun aḻgawe umillongan da Judyu naḵasossongbat atta tagu sidi mipanggob atte Ugud Apudyus. 3Impaḵaawat Paul ḵan pinanoḵnoḵanae ḵasapuḻane ampaḵaḻam aḵ Kristu ya matoy ḵad umuli. Pun ḵanana, “Sa annae Jesus we iwaḻagawagḵu ḵan diḵayu, siya Kristu.” 4Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.
5Yaḵon maapos da Judyu we adipun namati woḵ dinagupda da gugulu'tte lugar we andaḵdaḵngan da adu we tagu ta angguluda inggana'ḵ nagulu da losane umili. Pun ummoyda linnoḵ boḻoy da Jason te singsingtonda da Paul ḵan Silas ta ilawada dida iyoy atte nadagupan da adu we tagu. 6Yaḵon adidapun ḵad naḵaodas ḵan da Paul ḵan Silas, binutbutda'ḵ Jason ya da udume susunud ḵan Kristu woḵ inniyoyda dida'tta papangat atte siyudad woḵ ḵanandae simpopoḵaw, “Da annae tagu guguluda'tta losane ili, annae ummalida bos sina. 7Aḵ Jason ḵad, minangilina dida. Da losane nibuḻun ḵan Paul, sinullagida lintog ni Emperor ad Rome te ḵanandae awad de osae ari ye Jesus ngadanna.” 8Dingngoḻ ḵad da tagu ya da papangat si siyudad impabasuḻda, nambinsawda. 9Nampapiyansaon da opisyal da Jason ya da udume namati woḵ pinaoyonda dida.
Sa Ummayan Da Paul Ḵan Silas Ad Berea
10Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu. 11Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul. 12Pun namati da adu ḵan didae midoga da adu we Greek we laḻaḵi ya da mabigbige bubai.
13Yaḵon inigammun ḵad da Judyu'd Thessalonica we iwwaḻagawag Paul Ugud Apudyus ad Berea, ummoyda sidi woḵ subsubonda da tagu ta angguluda. 14Pun daguse imbuun da susunud ḵan Kristu aḵ Paul si taḻantag ni baybay yaḵon natenan da Silas ḵan Timothy sidi. 15Da laḻaḵi ye nangituḻud ḵan Paul nampatinggada'd Athens. Pun binilin Paul we mipaulida'd Berea ya ibagada ḵan da Silas ḵan Timothy ta ḵamaḵamanda umoy ḵan siya.
Sa Inninggawan Paul Ad Athens
16Sa sadi ye anguuwayan Paul ḵan da Silas ḵan Timothy ad Athens, lummaweng somsomoḵna'tte innilana da aduadu we sinan-apudyus atte sadi ye siyudad. 17Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi. 18Inninggaw os da udume mimistulun da Epicurean ya da Stoic#17:18 Da Epicurean - ituttududae naḵwa lawa annae lubunge naippun nangwa. Sa osa bos, ituttududae matoy ḵad da tagu, matoy os ḵalidodwada. Pun sa panggob oḵyan da tagu si annae biyag, patilayune anggangganasda si anuttuwaanda'tta losane pionda. Da Stoic ḵad os, ḵanandae ippun ogon ḵalidodwan ni tagu nu matoy. Yaḵon ḵanandae unudon oḵyan ni tagu da awad atte somsomoḵnae adi mataḵtaḵ somsomoḵna'tta giḵnaon ni long-agnae saḵit baḵon nu gangganas, ta sa somsomoḵna oḵyan angituray si long-agna. we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.#17:18 Anastasis, sadi ugud we inusar da de Greek atte umuliyan, pun sa somsomoḵ nin da iyAthens nankamalidae ansomsomoḵe Jesus ḵan Anastasis da ngadan da duwae apudyus.
19Pune sadi, innaḻada'ḵ Paul woḵ inniyoyda si andaḵdaḵngan da ḵuḵunsisaḻ ni ili ye ngannonda Areopagus woḵ ḵananda, “Igammuwonni ud annae baru we tuttudu we iwaḻagawagnu, 20te da udume imbagabagam, naippun dingngoḻni'ḵ ḵatti ya pionni igammuwon nu ngai pionda ḵanan.” 21Sadi imbagada te da losane iyAthens ya da ḵaḵḵaili ye inggaw sidi, sa abuse ḵoonda, ibagada baḵon nu andodongngoḻda'tta baru we tuttudu.
22Pun summiḵad aḵ Paul atte sinagung da papangat atte Areopagus woḵ ḵanana, “Diḵayu we iyAthens, igammuḵe ipapatiyu we andayaw atta apudyusyu, 23te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu. 24Siya Apudyus we nangwa'tte lubung ya da losane awad sina. Ḵad adipun inggaw atte templo we ḵingwan di tagu te siya Apu'd langit ya ad luta. 25Adinapun ḵasapuḻan badang da tagu te siyae mismu nangitod atte biyag, angos ya da losan. 26Aḵ Apudyus nangwa si ummunae tagu we sa naḻpuwan da losane kalasin di tagu'tte ḵinailin di ili si luta ya ḵingwana dida'ḵ inggaw si intero we luta. Inḵoddongna bos timpu ya da boddong da lugar we igawda. 27Ḵingwana sadi ta sington da tagu'ḵ Apudyus ḵad namnamaondae odasanda si ang-angngitanda. Sa ḵatuttuwaan, daḵampun aḵ adayu si sin-ossaossa ḵan ditaḵu. 28Te inninggaw osae ḵanana,
“ ‘Siya angitod atte biyag taḵu
ya siya angayyuwan ḵan ditaḵu
si anggiduwan taḵu ḵan mataguwan taḵu.’
Ḵanan os da udume naḻpu'tte annae nasyone nalainge an-ullalim,
‘Tuttuwae abengna bos ditaḵu.’
29Ḵad gapu ta abeng Apudyus ditaḵu, ḵasapuḻane adi taḵu somsomḵone aḵ Apudyus miyisu'tta sinan-apudyuse naḵwa si buḻawan, palata, baḵon nu batu we simsimmoḵ da nalainge tagu we ḵoon. 30Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa. 31Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”
32Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.” 33Pun tinenan Paul dida. 34Yaḵon da udum ḵan dida nidogada ḵan siya woḵ namatida ḵan Jesus. Osa ḵan dida'ḵ Dionysius we osa'tta pangat si Areopagus ya aḵ Damaris we bubai ya da udum.
Currently Selected:
Acts 17: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 17
17
Sa Gulu Ad Thessalonica
1Nangoy ḵad da Paul ḵan Silas ad Amphipolis ya ad Apollonia, dummatongda'd Thessalonica we inggaw osae sinagogan da Judyu. 2Sa ugalin Paul dam-on umoy si sinagoga. Sa tuḻun aḻgawe umillongan da Judyu naḵasossongbat atta tagu sidi mipanggob atte Ugud Apudyus. 3Impaḵaawat Paul ḵan pinanoḵnoḵanae ḵasapuḻane ampaḵaḻam aḵ Kristu ya matoy ḵad umuli. Pun ḵanana, “Sa annae Jesus we iwaḻagawagḵu ḵan diḵayu, siya Kristu.” 4Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.
5Yaḵon maapos da Judyu we adipun namati woḵ dinagupda da gugulu'tte lugar we andaḵdaḵngan da adu we tagu ta angguluda inggana'ḵ nagulu da losane umili. Pun ummoyda linnoḵ boḻoy da Jason te singsingtonda da Paul ḵan Silas ta ilawada dida iyoy atte nadagupan da adu we tagu. 6Yaḵon adidapun ḵad naḵaodas ḵan da Paul ḵan Silas, binutbutda'ḵ Jason ya da udume susunud ḵan Kristu woḵ inniyoyda dida'tta papangat atte siyudad woḵ ḵanandae simpopoḵaw, “Da annae tagu guguluda'tta losane ili, annae ummalida bos sina. 7Aḵ Jason ḵad, minangilina dida. Da losane nibuḻun ḵan Paul, sinullagida lintog ni Emperor ad Rome te ḵanandae awad de osae ari ye Jesus ngadanna.” 8Dingngoḻ ḵad da tagu ya da papangat si siyudad impabasuḻda, nambinsawda. 9Nampapiyansaon da opisyal da Jason ya da udume namati woḵ pinaoyonda dida.
Sa Ummayan Da Paul Ḵan Silas Ad Berea
10Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu. 11Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul. 12Pun namati da adu ḵan didae midoga da adu we Greek we laḻaḵi ya da mabigbige bubai.
13Yaḵon inigammun ḵad da Judyu'd Thessalonica we iwwaḻagawag Paul Ugud Apudyus ad Berea, ummoyda sidi woḵ subsubonda da tagu ta angguluda. 14Pun daguse imbuun da susunud ḵan Kristu aḵ Paul si taḻantag ni baybay yaḵon natenan da Silas ḵan Timothy sidi. 15Da laḻaḵi ye nangituḻud ḵan Paul nampatinggada'd Athens. Pun binilin Paul we mipaulida'd Berea ya ibagada ḵan da Silas ḵan Timothy ta ḵamaḵamanda umoy ḵan siya.
Sa Inninggawan Paul Ad Athens
16Sa sadi ye anguuwayan Paul ḵan da Silas ḵan Timothy ad Athens, lummaweng somsomoḵna'tte innilana da aduadu we sinan-apudyus atte sadi ye siyudad. 17Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi. 18Inninggaw os da udume mimistulun da Epicurean ya da Stoic#17:18 Da Epicurean - ituttududae naḵwa lawa annae lubunge naippun nangwa. Sa osa bos, ituttududae matoy ḵad da tagu, matoy os ḵalidodwada. Pun sa panggob oḵyan da tagu si annae biyag, patilayune anggangganasda si anuttuwaanda'tta losane pionda. Da Stoic ḵad os, ḵanandae ippun ogon ḵalidodwan ni tagu nu matoy. Yaḵon ḵanandae unudon oḵyan ni tagu da awad atte somsomoḵnae adi mataḵtaḵ somsomoḵna'tta giḵnaon ni long-agnae saḵit baḵon nu gangganas, ta sa somsomoḵna oḵyan angituray si long-agna. we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.#17:18 Anastasis, sadi ugud we inusar da de Greek atte umuliyan, pun sa somsomoḵ nin da iyAthens nankamalidae ansomsomoḵe Jesus ḵan Anastasis da ngadan da duwae apudyus.
19Pune sadi, innaḻada'ḵ Paul woḵ inniyoyda si andaḵdaḵngan da ḵuḵunsisaḻ ni ili ye ngannonda Areopagus woḵ ḵananda, “Igammuwonni ud annae baru we tuttudu we iwaḻagawagnu, 20te da udume imbagabagam, naippun dingngoḻni'ḵ ḵatti ya pionni igammuwon nu ngai pionda ḵanan.” 21Sadi imbagada te da losane iyAthens ya da ḵaḵḵaili ye inggaw sidi, sa abuse ḵoonda, ibagada baḵon nu andodongngoḻda'tta baru we tuttudu.
22Pun summiḵad aḵ Paul atte sinagung da papangat atte Areopagus woḵ ḵanana, “Diḵayu we iyAthens, igammuḵe ipapatiyu we andayaw atta apudyusyu, 23te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu. 24Siya Apudyus we nangwa'tte lubung ya da losane awad sina. Ḵad adipun inggaw atte templo we ḵingwan di tagu te siya Apu'd langit ya ad luta. 25Adinapun ḵasapuḻan badang da tagu te siyae mismu nangitod atte biyag, angos ya da losan. 26Aḵ Apudyus nangwa si ummunae tagu we sa naḻpuwan da losane kalasin di tagu'tte ḵinailin di ili si luta ya ḵingwana dida'ḵ inggaw si intero we luta. Inḵoddongna bos timpu ya da boddong da lugar we igawda. 27Ḵingwana sadi ta sington da tagu'ḵ Apudyus ḵad namnamaondae odasanda si ang-angngitanda. Sa ḵatuttuwaan, daḵampun aḵ adayu si sin-ossaossa ḵan ditaḵu. 28Te inninggaw osae ḵanana,
“ ‘Siya angitod atte biyag taḵu
ya siya angayyuwan ḵan ditaḵu
si anggiduwan taḵu ḵan mataguwan taḵu.’
Ḵanan os da udume naḻpu'tte annae nasyone nalainge an-ullalim,
‘Tuttuwae abengna bos ditaḵu.’
29Ḵad gapu ta abeng Apudyus ditaḵu, ḵasapuḻane adi taḵu somsomḵone aḵ Apudyus miyisu'tta sinan-apudyuse naḵwa si buḻawan, palata, baḵon nu batu we simsimmoḵ da nalainge tagu we ḵoon. 30Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa. 31Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”
32Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.” 33Pun tinenan Paul dida. 34Yaḵon da udum ḵan dida nidogada ḵan siya woḵ namatida ḵan Jesus. Osa ḵan dida'ḵ Dionysius we osa'tta pangat si Areopagus ya aḵ Damaris we bubai ya da udum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.