Acts 13
13
Sa Nadutuḵan Da Barnabas Ḵan Saul
1Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.
2Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”
3Nagangputdapune nallaun ya nalluwaḻu, impatayda da imada ḵan da Barnabas ḵan Saul woḵ imbuunda dida.
Da Saul Ḵan Barnabas Ad Cyprus
4Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus. 5Dummatongda ḵad ad Salamis, iwwaḻagawagda Ugud Apudyus atta sinagogan da Judyu. Innawitda'ḵ John Mark ta bumadang ḵan dida.
6Pun ginaggaḵayda da ili'd Cyprus inggana'ḵ dummatongda'd Paphos. Sidi nangabotanda'tte osan ambubuyune Judyu we sinan profeta we nangngadan aḵ Bar-Jesus. 7Aḵ Bar-Jesus buḻun Sergius Paulus we Gobernor ad Cyprus. Nalaing sanae gobernor woḵ impaayagna da Barnabas ḵan Saul te pionae dongngon Ugud Apudyus. 8Yaḵon aḵ Elymas we ambubuyun te siya ngadanna'tte Greek, summullagi ḵan dida ya padasona tupodon gobernor ta adi amati ḵan Jesus. 9Yaḵon aḵ Saul we nangngadan aḵ Paul, naittan si ḵabooḻan ni Ispiritu Santu woḵ immumusḵoḻna'ḵ Elymas. 10Ḵanana, “Siḵa abeng Satan, siḵae ḵabusuḻ da losane naun-unan, pinus-annu da losane kalasin di sinisiḵap ya kinukuluk te ambalinom aḵ tinutuli ḵatuttuwaane Ugud Apudyus. 11Sinsadi, dusaon Apu siḵa ya maḵuḻapḵa ḵad ippun ilam aḵ paddan ni init si pigan aḻgaw.” Nibaga ḵad ay sadi, daguse natalingdan atana si anggiḵbote libuu woḵ andapdappudape angngit aḵ angiwid ḵan siya.
12Innilan ḵad ni gobernor sanae naḵwa, namati ḵan Apu Jesus te nataag atte intuttududa mipanggob ḵan Apu.
Da Paul Ad Antioch
13Pun ḵesan da Paul ya da buḻunna'd Paphos woḵ nalluganda si bapur woḵ dummatongda'd Perga, osae ili si probinsiya'd Pamphylia. Dummatongda ḵad sidi, tinenan John Mark dida woḵ nipauli'd Jerusalem. 14Yaḵon tinenanda'd Perga woḵ pinagatupandae ummoy ad Antioch atte saḵubna'd Pisidia. Sa umillongan da Judyu, ummoyda si sinagoga woḵ naḵatuḵduda ḵan dida. 15Nagangput ḵad nibasa lintog Moses ya sa inggilin da profetan Apudyus, nangibuun da papangat ni sinagoga aḵ umoy angibaga ḵan da Paul ḵan Barnabas we ḵananda, “Susunudni ye ganaḵ Israel, nu awad ugudonyu'ḵ masoḻgagan da annae tagu, ibagayu ḵappos.”
16Pun summiḵad aḵ Paul woḵ sinyasana da tagu ta guminoḵda. Ḵanana, “Diḵayu we ganaḵ Israel ya diḵayu we Gentil we angisipog ḵan Apudyus, dongngonyu annae ibagaḵ. 17Sa Apudyus da ganaḵ Israel, pinilina da danaḵḵoḻ taḵu ta ambalinona dida'ḵ taguna. Sa inninggawda'd Egypt we daḵampun aḵ ilida, binindisyunana dida woḵ ummaduaduda. Gapu si ampigsae ḵabooḻana, illawana dida'd Egypt.#13:17Exodus 1:7; 12:37-42, 51. 18Sa inggawanda si bumbummaaw atte opatpuḻu we tawon, inan-anusana dida ya inayyuwanana dida.#13:18 Deuteronomy 1:31. 19Dummatongda ḵad ad Canaan, illogna da pitu we ili ye awad sidi woḵ innatodna da sadi ye luta'ḵ allaḵsun da taguna.#13:19 Deuteronomy 7:1.
20“Pun naḵwa da anna si umoye opatgasut ya limampuḻu we tawon. Nagangput ḵad, innattana dida'tta ḵuwise nangipangat ḵan dida inggana'tte timpun Profeta Samuel. 21Sa sadi ye timpu, nanḵodaw da tagu'ḵ ari aḵ angipangat ḵan dida woḵ dinutuḵan Apudyus aḵ Saul we abeng Kish we ganaḵ Benjamin. Nan-ari si opatpuḻu we tawon.#13:21 1 Samuel 8:5; 10:21-24. 22Ḵinaan ḵad Apudyus aḵ Saul, dinutuḵana'ḵ Ari David aḵ nan-ari ḵan dida. Tinaḵdoḻana mipanggob ḵan siyae ḵanana, ‘Aḵ Ari David we abeng Jesse, siya tuttuwae ay-ayatoḵ te ḵoona da losane pioḵ.’#13:22 1 Samuel 13:14; 16:12; Psalm 89:20. 23Sa annae Ari David siya daḵdaḵoḻ Jesus we imbuun Apudyus aḵ Anagu atta ganaḵ Israel we siya inkarina. 24Sa daan Jesus angisaḻdane antuttudu, inggaw aḵ John we nangiwaḻagawag atta losane ganaḵ Israel we ḵasapuḻane ibabawida da basuḻda ya agaydae angwa ya ampabonyagda. 25Anna ḵade maabus ḵewaaḻ John ḵanana, ‘Sa ḵasomsomḵanyu saḵon ḵad ain imbuun Apudyus aḵ Anagu ḵan diḵayu? Naid! Daḵampun ḵan saḵon yaḵon sa umun-unud ḵan saḵon. Gapu si ḵinangatuna, ippun labbongḵu we anguḵas atte sandalna.’
26“Susunudḵu we ganaḵ Abraham ya diḵayu we Gentil we angisipog ḵan Apudyus, ditaḵu nangittan Apudyus si ugudnae mipanggob si anaguwana ḵan ditaḵu. 27Te da tagu'd Jerusalem ya da papangatda, adidapun immatunane aḵ Jesus baḵon nu naawatan da imbagabagan da profetan Apudyus we basabasaonda'tta umillongan da Judyu. Pun dida nangituttuwa'tta imbagan da profetan Apudyus si nangoddonganda ḵan Jesus aḵ matoy. 28Taḵon ay nu ippun indasanda'ḵ gapun ni angoddonganda'ḵ matoy, ḵindawda ḵan Pilate we pagongatna. 29Ginangputda ḵad intuttuwa da losane nigili si mipanggob ḵan siya, ummoyda inopas long-agna'tte kros woḵ ummoyda illibon. 30Yaḵon tinagun Apudyus. 31Pun nampaila si adu we aḻgaw atta nibuḻubuḻun ḵan siyae naḻpu'tte probinsiya'd Galilee inggana'd Jerusalem. Sinsadi, dida anaḵdoḻ atta tagu.
32“Anna ḵani sina ta ibagani ḵan diḵayu Ambaḻu we Damag we inkarin Apudyus atta danaḵḵoḻ taḵu. 33Siya nituttuwa ḵan ditaḵu we ganaḵda te tinaguna'ḵ Jesus. Siya bos nigili si ḵumagwae Psalm we ḵanana,
“ ‘Siḵa Abengḵu, inggana sinsadi saḵon Amam.’#13:33 Psalm 2:7; Hebrews 1:5.
34Nu mipanggob ḵan Jesus we ummuli ta adi ogon matoy, awad de nigili ye inkarin Apudyus atta taguna si awe ye ḵanana,
‘Ittoḵ ḵan diḵayu ḵabaḻuwan
ya sa aaddi ye bindisyune inkariḵ ḵan Ari David.’#13:34 Isaiah 55:3 Sa inkarin Apudyus ḵan Ari David awad de osae ganaḵnae miyanaḵe angipangat atta Judyu aḵ inggana.
35Aḵ Jesus nituttuwaan ni sadi ye inkarina te awad os nigili ye ḵanan Ari David ḵan Apudyus,
‘Adimpun os iyunud loposon
long-ag ni mismu we sammilum.’#13:35 Psalm 16:10.
36Te aḵ Ari David, inabusna ḵad ḵingwa da pinion Apudyus si matattaguwana, natoy. Illibonda si nilibonan da danaḵḵoḻna woḵ naḻpos long-agna. 37Yaḵon aḵ Jesus, adipun naḻpos long-agna te tinagun Apudyus.
38“Pun mipaigammu ḵan diḵayu susunudḵu we ganaḵ Israel we sa iwaḻagawagni ye mipagapu ḵan Jesus, mapakawan da basuḻyu. 39Mipagapu ḵan siya, ngaimane amati maun-unan ya mapuḵayan atta dusan da losane basuḻe adimpun ni lintog Moses lamog puḵayan. 40Pun ummanyu ta adi maḵwa ḵan diḵayu imbagan ni profeta we ḵanana,
41“ ‘Dongngonyu, diḵayu we an-amsew!
Mataag ḵayu ya matoy ḵayu te awad de ḵooḵ si timpuyu,
we adiyupun ogon patiyon
taḵon ay anna angibagae ustu ḵan diḵayu.’ ”#13:41 Habakkuk 1:5. Sa nituttuwaan ni sanae nipadtu, ummoy da iChaldea naḵagubat atta Judyu woḵ binaḵasda templo ad Jerusalem pun adu da gingngatda. Siya nataagan da Judyu te sa somsomoḵda, ngai gay ḵallabbong amaḵas si nabaḵode temploda.
42Lummawa ḵad da Paul ḵan Barnabas atte sinagoga, nandagdagu da tagu ḵan dida ta mipaulida ḵasin atte umillongan da Judyu ta pagatupandae an-ugud mipanggob atta annae banag. 43Lummawa ḵad da tagu we naḻpu'tte sinagoga, adu da nibuḻun ḵan da Paul ḵan Barnabas we Judyu ya da Gentil we nangunud atta ugalin da Judyu. Naḵaug-uggud da Paul ḵan dida woḵ nandagdaguda ḵan dida ta pagatupandae antaḻgod si ḵinabaḻun Apudyus.
44Mabigat ḵad atte umillongan da Judyu tigangay ta losan da tagu si siyudad nandatdatong ta andongoḻda si Ugud Apudyus. 45Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.
46Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil. 47Te sa imbilin Apu ḵan diḵani ḵanana,
“ ‘Dinutuḵaḵ siḵa'ḵ anilaw atta Gentil ta
matagu da losane tagu si annae luta.’ ”#13:47 Isaiah 42:6; 49:6.
48Dingngoḻ ḵad da Gentil imbagan Paul, amod de layadda, pun dinaydayawda Ugud Apudyus. Ḵad da losane dinutuḵan Apudyus we maittan si biyag aḵ inggana, namatida.
49Pun niyasaḵ Ugud Apudyus atta losane ili si sadi ye lugar. 50Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida. 51Pun impaḻpagda da gabu'tta dapanda ta angigammuwan da umili ye ḵigadda'tte madusaanda. Pun ummoyda'd Iconium. 52Ḵad da namati ḵan Jesus ad Antioch, amod de layadda ya naittanda si ḵabooḻan ni Ispiritu Santu.
Currently Selected:
Acts 13: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 13
13
Sa Nadutuḵan Da Barnabas Ḵan Saul
1Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.
2Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”
3Nagangputdapune nallaun ya nalluwaḻu, impatayda da imada ḵan da Barnabas ḵan Saul woḵ imbuunda dida.
Da Saul Ḵan Barnabas Ad Cyprus
4Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus. 5Dummatongda ḵad ad Salamis, iwwaḻagawagda Ugud Apudyus atta sinagogan da Judyu. Innawitda'ḵ John Mark ta bumadang ḵan dida.
6Pun ginaggaḵayda da ili'd Cyprus inggana'ḵ dummatongda'd Paphos. Sidi nangabotanda'tte osan ambubuyune Judyu we sinan profeta we nangngadan aḵ Bar-Jesus. 7Aḵ Bar-Jesus buḻun Sergius Paulus we Gobernor ad Cyprus. Nalaing sanae gobernor woḵ impaayagna da Barnabas ḵan Saul te pionae dongngon Ugud Apudyus. 8Yaḵon aḵ Elymas we ambubuyun te siya ngadanna'tte Greek, summullagi ḵan dida ya padasona tupodon gobernor ta adi amati ḵan Jesus. 9Yaḵon aḵ Saul we nangngadan aḵ Paul, naittan si ḵabooḻan ni Ispiritu Santu woḵ immumusḵoḻna'ḵ Elymas. 10Ḵanana, “Siḵa abeng Satan, siḵae ḵabusuḻ da losane naun-unan, pinus-annu da losane kalasin di sinisiḵap ya kinukuluk te ambalinom aḵ tinutuli ḵatuttuwaane Ugud Apudyus. 11Sinsadi, dusaon Apu siḵa ya maḵuḻapḵa ḵad ippun ilam aḵ paddan ni init si pigan aḻgaw.” Nibaga ḵad ay sadi, daguse natalingdan atana si anggiḵbote libuu woḵ andapdappudape angngit aḵ angiwid ḵan siya.
12Innilan ḵad ni gobernor sanae naḵwa, namati ḵan Apu Jesus te nataag atte intuttududa mipanggob ḵan Apu.
Da Paul Ad Antioch
13Pun ḵesan da Paul ya da buḻunna'd Paphos woḵ nalluganda si bapur woḵ dummatongda'd Perga, osae ili si probinsiya'd Pamphylia. Dummatongda ḵad sidi, tinenan John Mark dida woḵ nipauli'd Jerusalem. 14Yaḵon tinenanda'd Perga woḵ pinagatupandae ummoy ad Antioch atte saḵubna'd Pisidia. Sa umillongan da Judyu, ummoyda si sinagoga woḵ naḵatuḵduda ḵan dida. 15Nagangput ḵad nibasa lintog Moses ya sa inggilin da profetan Apudyus, nangibuun da papangat ni sinagoga aḵ umoy angibaga ḵan da Paul ḵan Barnabas we ḵananda, “Susunudni ye ganaḵ Israel, nu awad ugudonyu'ḵ masoḻgagan da annae tagu, ibagayu ḵappos.”
16Pun summiḵad aḵ Paul woḵ sinyasana da tagu ta guminoḵda. Ḵanana, “Diḵayu we ganaḵ Israel ya diḵayu we Gentil we angisipog ḵan Apudyus, dongngonyu annae ibagaḵ. 17Sa Apudyus da ganaḵ Israel, pinilina da danaḵḵoḻ taḵu ta ambalinona dida'ḵ taguna. Sa inninggawda'd Egypt we daḵampun aḵ ilida, binindisyunana dida woḵ ummaduaduda. Gapu si ampigsae ḵabooḻana, illawana dida'd Egypt.#13:17Exodus 1:7; 12:37-42, 51. 18Sa inggawanda si bumbummaaw atte opatpuḻu we tawon, inan-anusana dida ya inayyuwanana dida.#13:18 Deuteronomy 1:31. 19Dummatongda ḵad ad Canaan, illogna da pitu we ili ye awad sidi woḵ innatodna da sadi ye luta'ḵ allaḵsun da taguna.#13:19 Deuteronomy 7:1.
20“Pun naḵwa da anna si umoye opatgasut ya limampuḻu we tawon. Nagangput ḵad, innattana dida'tta ḵuwise nangipangat ḵan dida inggana'tte timpun Profeta Samuel. 21Sa sadi ye timpu, nanḵodaw da tagu'ḵ ari aḵ angipangat ḵan dida woḵ dinutuḵan Apudyus aḵ Saul we abeng Kish we ganaḵ Benjamin. Nan-ari si opatpuḻu we tawon.#13:21 1 Samuel 8:5; 10:21-24. 22Ḵinaan ḵad Apudyus aḵ Saul, dinutuḵana'ḵ Ari David aḵ nan-ari ḵan dida. Tinaḵdoḻana mipanggob ḵan siyae ḵanana, ‘Aḵ Ari David we abeng Jesse, siya tuttuwae ay-ayatoḵ te ḵoona da losane pioḵ.’#13:22 1 Samuel 13:14; 16:12; Psalm 89:20. 23Sa annae Ari David siya daḵdaḵoḻ Jesus we imbuun Apudyus aḵ Anagu atta ganaḵ Israel we siya inkarina. 24Sa daan Jesus angisaḻdane antuttudu, inggaw aḵ John we nangiwaḻagawag atta losane ganaḵ Israel we ḵasapuḻane ibabawida da basuḻda ya agaydae angwa ya ampabonyagda. 25Anna ḵade maabus ḵewaaḻ John ḵanana, ‘Sa ḵasomsomḵanyu saḵon ḵad ain imbuun Apudyus aḵ Anagu ḵan diḵayu? Naid! Daḵampun ḵan saḵon yaḵon sa umun-unud ḵan saḵon. Gapu si ḵinangatuna, ippun labbongḵu we anguḵas atte sandalna.’
26“Susunudḵu we ganaḵ Abraham ya diḵayu we Gentil we angisipog ḵan Apudyus, ditaḵu nangittan Apudyus si ugudnae mipanggob si anaguwana ḵan ditaḵu. 27Te da tagu'd Jerusalem ya da papangatda, adidapun immatunane aḵ Jesus baḵon nu naawatan da imbagabagan da profetan Apudyus we basabasaonda'tta umillongan da Judyu. Pun dida nangituttuwa'tta imbagan da profetan Apudyus si nangoddonganda ḵan Jesus aḵ matoy. 28Taḵon ay nu ippun indasanda'ḵ gapun ni angoddonganda'ḵ matoy, ḵindawda ḵan Pilate we pagongatna. 29Ginangputda ḵad intuttuwa da losane nigili si mipanggob ḵan siya, ummoyda inopas long-agna'tte kros woḵ ummoyda illibon. 30Yaḵon tinagun Apudyus. 31Pun nampaila si adu we aḻgaw atta nibuḻubuḻun ḵan siyae naḻpu'tte probinsiya'd Galilee inggana'd Jerusalem. Sinsadi, dida anaḵdoḻ atta tagu.
32“Anna ḵani sina ta ibagani ḵan diḵayu Ambaḻu we Damag we inkarin Apudyus atta danaḵḵoḻ taḵu. 33Siya nituttuwa ḵan ditaḵu we ganaḵda te tinaguna'ḵ Jesus. Siya bos nigili si ḵumagwae Psalm we ḵanana,
“ ‘Siḵa Abengḵu, inggana sinsadi saḵon Amam.’#13:33 Psalm 2:7; Hebrews 1:5.
34Nu mipanggob ḵan Jesus we ummuli ta adi ogon matoy, awad de nigili ye inkarin Apudyus atta taguna si awe ye ḵanana,
‘Ittoḵ ḵan diḵayu ḵabaḻuwan
ya sa aaddi ye bindisyune inkariḵ ḵan Ari David.’#13:34 Isaiah 55:3 Sa inkarin Apudyus ḵan Ari David awad de osae ganaḵnae miyanaḵe angipangat atta Judyu aḵ inggana.
35Aḵ Jesus nituttuwaan ni sadi ye inkarina te awad os nigili ye ḵanan Ari David ḵan Apudyus,
‘Adimpun os iyunud loposon
long-ag ni mismu we sammilum.’#13:35 Psalm 16:10.
36Te aḵ Ari David, inabusna ḵad ḵingwa da pinion Apudyus si matattaguwana, natoy. Illibonda si nilibonan da danaḵḵoḻna woḵ naḻpos long-agna. 37Yaḵon aḵ Jesus, adipun naḻpos long-agna te tinagun Apudyus.
38“Pun mipaigammu ḵan diḵayu susunudḵu we ganaḵ Israel we sa iwaḻagawagni ye mipagapu ḵan Jesus, mapakawan da basuḻyu. 39Mipagapu ḵan siya, ngaimane amati maun-unan ya mapuḵayan atta dusan da losane basuḻe adimpun ni lintog Moses lamog puḵayan. 40Pun ummanyu ta adi maḵwa ḵan diḵayu imbagan ni profeta we ḵanana,
41“ ‘Dongngonyu, diḵayu we an-amsew!
Mataag ḵayu ya matoy ḵayu te awad de ḵooḵ si timpuyu,
we adiyupun ogon patiyon
taḵon ay anna angibagae ustu ḵan diḵayu.’ ”#13:41 Habakkuk 1:5. Sa nituttuwaan ni sanae nipadtu, ummoy da iChaldea naḵagubat atta Judyu woḵ binaḵasda templo ad Jerusalem pun adu da gingngatda. Siya nataagan da Judyu te sa somsomoḵda, ngai gay ḵallabbong amaḵas si nabaḵode temploda.
42Lummawa ḵad da Paul ḵan Barnabas atte sinagoga, nandagdagu da tagu ḵan dida ta mipaulida ḵasin atte umillongan da Judyu ta pagatupandae an-ugud mipanggob atta annae banag. 43Lummawa ḵad da tagu we naḻpu'tte sinagoga, adu da nibuḻun ḵan da Paul ḵan Barnabas we Judyu ya da Gentil we nangunud atta ugalin da Judyu. Naḵaug-uggud da Paul ḵan dida woḵ nandagdaguda ḵan dida ta pagatupandae antaḻgod si ḵinabaḻun Apudyus.
44Mabigat ḵad atte umillongan da Judyu tigangay ta losan da tagu si siyudad nandatdatong ta andongoḻda si Ugud Apudyus. 45Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.
46Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil. 47Te sa imbilin Apu ḵan diḵani ḵanana,
“ ‘Dinutuḵaḵ siḵa'ḵ anilaw atta Gentil ta
matagu da losane tagu si annae luta.’ ”#13:47 Isaiah 42:6; 49:6.
48Dingngoḻ ḵad da Gentil imbagan Paul, amod de layadda, pun dinaydayawda Ugud Apudyus. Ḵad da losane dinutuḵan Apudyus we maittan si biyag aḵ inggana, namatida.
49Pun niyasaḵ Ugud Apudyus atta losane ili si sadi ye lugar. 50Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida. 51Pun impaḻpagda da gabu'tta dapanda ta angigammuwan da umili ye ḵigadda'tte madusaanda. Pun ummoyda'd Iconium. 52Ḵad da namati ḵan Jesus ad Antioch, amod de layadda ya naittanda si ḵabooḻan ni Ispiritu Santu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.