Acts 11
11
Sa Imbagan Peter Atta Namati'd Jerusalem
1Dingngoḻ da apostol ya da susunud ḵan Kristu si intero we probinsiya'd Judea we inawat os da Gentil Ugud Apudyus. 2Nipauli ḵad aḵ Peter ad Jerusalem, sinamḵuy da namati ye Judyu. 3Ḵananda, “Ngaipaḵa umoy pamangili'tta Gentil ya naḵaḵanḵa bos ḵan dida?”
4Yaḵon insaḻad Peter we nangipaḵaawat atta losane naḵwae sinassadotna. 5Ḵanana, “Inninggawaḵ ḵad ad Joppa we nalluwaḻu, inggaw impailan Apudyus we isun di in-inop ḵan saḵon. Innilaḵ aḻwae lupute nipadoḻae naḻpu'd langite nataḵodan da opate dugyuna woḵ nibadong atte adani ḵan saḵon. 6Ummaḵ pun immusdong, wadawad da nankalakalasi ye atap ḵan an-ingsae ayam, da ḵumayam, da sissiwit ya da udume tumayap. 7Pun dingngoḻḵu gingae ḵanana, ‘Peter, sumiḵadḵa ta angisidaḵa si piom ḵanon.’ 8Yaḵon ḵanaḵ, ‘Naid Apu, naippun paat nanganaḵ atta ibelangni ye Judyu aḵ ḵaissaw.’
9“Dingngoḻḵu bos ḵasin gingae naḻpu'd langite ḵanana, ‘Da pinapoḻḵas Apudyus, adim dida ibelang aḵ ḵaissaw.’ 10Namiḵlu we naḵwa ḵaḵna. Pun nipangatu'd langit sadi ye aḻwae luput.
11“Sa sadi ye oras, dummatong da tuḻu we laḻaḵi si boḻoye inggawaḵ. Naḻpuda'd Caesarea we nibuunda'ḵ umoy angayag ḵan saḵon. 12Pun ḵanan ni Ispiritu Santu ḵan saḵon, ‘Adiḵa ansuḵnae mibuḻun ḵan dida.’ Da annae onome susunud taḵu ḵan Kristu we iJoppa binuḻunanda bos saḵon woḵ ummoy ḵani'd Caesarea. Dummatong ḵani ḵad, nillumnoḵ ḵani si boḻoy da Cornelius. 13Imbagana ḵan diḵani inonae nangila si anghel we sisiḵad atte boḻoyna woḵ ḵanana, ‘Angibuunḵa'd Joppa aḵ umoy angayag ḵan Simon we ngannonda Peter. 14Siya angibaga ḵan siḵa ya da losane ḵabaḻyannu'tte inonyu we matagu.’ 15Insaḻadḵu ḵade nan-ugud, ummoy Ispiritu Santu ḵan didae isun ni ummaliyana ḵan ditaḵu si laplapu. 16Pun inḵagasmoḵḵu imbagan Apu Jesus si awe ye ḵanana, ‘Binonyagan John diḵayu'tte danum yaḵon diḵayu ḵad, mabonyagan ḵayu'tte Ispiritu Santu.’ 17Pun nu innatod Apudyus Ispiritu Santu atta Gentil we isun ni innatodna ḵan ditaḵu si namatiyan taḵu ḵan Apu Jesu Kristu, ngaiyaḵ ḵammane anullagi ḵan Apudyus?”
18Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”
Da Namati'd Antioch
19Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus. 20Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil. 21Gapu ta awad de ḵabooḻan Apu ḵan dida, adu da namati woḵ nansagungda ḵan Apu Jesus.
22Dingngoḻ ḵad da namati ye magimugimung ad Jerusalem da naḵwa, imbuunda'ḵ Barnabas ad Antioch. 23Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda. 24Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.
25Pun ummoy aḵ Barnabas ad Tarsus ta singtona'ḵ Saul. 26Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.
27Sa sadi ye timpu, nan-osog da udume profetan Apudyus ad Antioch we naḻpu'd Jerusalem. 28Osa ḵan dida nangngadan aḵ Agabus we summiḵad woḵ impadtuna imbagan ni Ispiritu Santu ḵan siyae dumatong ummamdane inggi'tta adu we ili si lubung. Pun nituttuwa'tte timpu we nampangatan Emperor Claudius. 29Pun da namati'd Antioch simsimmoḵdae angidagasda'ḵ badang atta susunud ḵan Kristu atte probinsiya'd Judea. Nangitod sin-ossaossa'tte lamogna itton. 30Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.
Currently Selected:
Acts 11: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Acts 11
11
Sa Imbagan Peter Atta Namati'd Jerusalem
1Dingngoḻ da apostol ya da susunud ḵan Kristu si intero we probinsiya'd Judea we inawat os da Gentil Ugud Apudyus. 2Nipauli ḵad aḵ Peter ad Jerusalem, sinamḵuy da namati ye Judyu. 3Ḵananda, “Ngaipaḵa umoy pamangili'tta Gentil ya naḵaḵanḵa bos ḵan dida?”
4Yaḵon insaḻad Peter we nangipaḵaawat atta losane naḵwae sinassadotna. 5Ḵanana, “Inninggawaḵ ḵad ad Joppa we nalluwaḻu, inggaw impailan Apudyus we isun di in-inop ḵan saḵon. Innilaḵ aḻwae lupute nipadoḻae naḻpu'd langite nataḵodan da opate dugyuna woḵ nibadong atte adani ḵan saḵon. 6Ummaḵ pun immusdong, wadawad da nankalakalasi ye atap ḵan an-ingsae ayam, da ḵumayam, da sissiwit ya da udume tumayap. 7Pun dingngoḻḵu gingae ḵanana, ‘Peter, sumiḵadḵa ta angisidaḵa si piom ḵanon.’ 8Yaḵon ḵanaḵ, ‘Naid Apu, naippun paat nanganaḵ atta ibelangni ye Judyu aḵ ḵaissaw.’
9“Dingngoḻḵu bos ḵasin gingae naḻpu'd langite ḵanana, ‘Da pinapoḻḵas Apudyus, adim dida ibelang aḵ ḵaissaw.’ 10Namiḵlu we naḵwa ḵaḵna. Pun nipangatu'd langit sadi ye aḻwae luput.
11“Sa sadi ye oras, dummatong da tuḻu we laḻaḵi si boḻoye inggawaḵ. Naḻpuda'd Caesarea we nibuunda'ḵ umoy angayag ḵan saḵon. 12Pun ḵanan ni Ispiritu Santu ḵan saḵon, ‘Adiḵa ansuḵnae mibuḻun ḵan dida.’ Da annae onome susunud taḵu ḵan Kristu we iJoppa binuḻunanda bos saḵon woḵ ummoy ḵani'd Caesarea. Dummatong ḵani ḵad, nillumnoḵ ḵani si boḻoy da Cornelius. 13Imbagana ḵan diḵani inonae nangila si anghel we sisiḵad atte boḻoyna woḵ ḵanana, ‘Angibuunḵa'd Joppa aḵ umoy angayag ḵan Simon we ngannonda Peter. 14Siya angibaga ḵan siḵa ya da losane ḵabaḻyannu'tte inonyu we matagu.’ 15Insaḻadḵu ḵade nan-ugud, ummoy Ispiritu Santu ḵan didae isun ni ummaliyana ḵan ditaḵu si laplapu. 16Pun inḵagasmoḵḵu imbagan Apu Jesus si awe ye ḵanana, ‘Binonyagan John diḵayu'tte danum yaḵon diḵayu ḵad, mabonyagan ḵayu'tte Ispiritu Santu.’ 17Pun nu innatod Apudyus Ispiritu Santu atta Gentil we isun ni innatodna ḵan ditaḵu si namatiyan taḵu ḵan Apu Jesu Kristu, ngaiyaḵ ḵammane anullagi ḵan Apudyus?”
18Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”
Da Namati'd Antioch
19Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus. 20Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil. 21Gapu ta awad de ḵabooḻan Apu ḵan dida, adu da namati woḵ nansagungda ḵan Apu Jesus.
22Dingngoḻ ḵad da namati ye magimugimung ad Jerusalem da naḵwa, imbuunda'ḵ Barnabas ad Antioch. 23Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda. 24Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.
25Pun ummoy aḵ Barnabas ad Tarsus ta singtona'ḵ Saul. 26Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.
27Sa sadi ye timpu, nan-osog da udume profetan Apudyus ad Antioch we naḻpu'd Jerusalem. 28Osa ḵan dida nangngadan aḵ Agabus we summiḵad woḵ impadtuna imbagan ni Ispiritu Santu ḵan siyae dumatong ummamdane inggi'tta adu we ili si lubung. Pun nituttuwa'tte timpu we nampangatan Emperor Claudius. 29Pun da namati'd Antioch simsimmoḵdae angidagasda'ḵ badang atta susunud ḵan Kristu atte probinsiya'd Judea. Nangitod sin-ossaossa'tte lamogna itton. 30Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.