2 Corinthians 8
8
Sa Ḵoon Da Namati Ye Angitod Atta Ibadangda
1Susunudḵu ḵan Kristu, pionni ye ipaigammu ḵan diḵayu mipanggob si ḵinabaḻun Apudyus we nipaila'tta gimung da namati'd Macedonia. 2Te da susunud taḵu ḵan Kristu sidi'tte timpu we amod de ampaḵaḻamanda, allaaydae bummadang atta susunud taḵu we anḵasapuḻ te amod de layadda taḵon ay nu ḵapuḵapusda. 3Te taḵdoḻaḵe daḵampun aḵ mibatay si labbongdae itton yaḵon amo dinog-anda ḵad naḻpu'tte somsomoḵdae piondae angitod. 4Sa ḵatuttuwaan, gattoḵe nandagdaguda ḵan diḵani ye maittanda oḵyan aḵ gundawaye bumadang atta tagun Apudyus we anḵasapuḻ ad Judea. 5Pun amo adu innatodda nu sa ninamnamani, ummunae indatunda da long-agda ḵan Apu woḵ asidaot anserbi ḵan diḵani mipagapu si pinion Apudyus.
6Pun gapu ta aḵ Titus nangilapu'tte angitod ḵayu'ḵ badangyu, sinoḻgagni ta mipauli oḵyan sinat ta bumadang ḵan diḵayu we angigangput atta sinaḻdanae ambaḻu we ḵewaaḻe mipail-an ni ḵinabaḻuyu. 7Gapu'tte nangitutuḻ-ayanyu'tte pammatiyu, ampalawaganyu, ḵinalaingyu, angipapuutanyu angwaan atta ambaḻu ya sa angayatanyu ḵan diḵani, namnamaonni bose ituḻ-ayyu badangyu'tta buḻunyu gapu'tte ḵinabaḻuyu.
8Sa annae ibagaḵ daḵampun aḵ bilinḵu. Yaḵon pioḵ ipaigammu ḵan diḵayu laylayad da udume bumadang ta dida unudonyu ta angigammuwaḵe sipupusu ayatyu. 9Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.
10Ḵad annaya ibagaḵ ḵan diḵayu si mipanggob atte ibadangyu, ambaḻu nu igangputyu illusyu insaḻad atte ḵesane tawon te diḵayu ummunae nanomsomoḵ ḵan nangisaḻade angitod aḵ badang. 11Pun pagatupanyu ta igangputyu ḵewaaḻyu. Ta sa pangogyu we nangisaḻad, ḵaḵnat oḵyan os inonyu we angigangput sigun si lamogyu itton. 12Te nu allaylayad ḵayu we angitod, allaylayad os aḵ Apudyus we angawat atta sadi ye badangyu sigun si lamogyu itton. Adinapun namnamaone ittonyu adiyupun lamog.
13Daḵampun aḵ pioḵ ḵanane angitod ḵayu ta lumin-awa da udum ya ampaḵaḻam ḵayu. Yaḵon an-iisu oḵyan. 14Yaḵon sa pioḵ ḵanan, gapu ta anna mabalinyu sinsadi, ambaḻu nu ibadangyu'tta anḵasapuḻ. Sa ambaḻuwana, nu dumatong os timpu we maaḵitan ḵayu ya dida bos anna mabalinda, badanganda bos diḵayu. Nu ḵatti ḵoonyu, an-iisu ḵayu we naippun maaḵitan. 15Te sa ḵanan ni nigili ye Ugud Apudyus,
“Sa nandagup aḵ adu, ippun intuḻ-ayna,
ḵad sa nandagup aḵ aḵit, adipun naaḵitan.”#8:15 Exodus16:18.
Aḵ Titus Ya Da Buḻunna
16Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu. 17Te daḵampun ay aḵ abuse pinatgana ḵindawni ye mipauli oḵyan sinat yaḵon inabusna simsimmoḵe umoy bumadang ya amapigsa'tta pammatiyu gapu'tte amode ayatna. 18Ḵad ibuḻunni ḵan Titus osae sunud taḵu ḵan Kristu we madaydayaw atta losane gimung da namati gapu'tte ambaḻu inonae angiwaḻagawag si Ambaḻu we Damag. 19Daḵampun aḵ abus sadi, siya dinutuḵan da gimung da namati'ḵ mibuḻun ḵan diḵani ye angiyoy atta badangyu'tta anḵasapuḻ ad Judea. Ḵad ḵoonni ḵaḵna ta madayawan ni ḵinangatun Apu ta ipailani ye anserbi ḵani gapu si ayatni ye bumadang atta buḻunni. 20Mibuḻunda ḵan diḵani ta ippun maugudanni'tte angdonanni ḵan angiwaḻasanni'tte daḵoḻe badangyu. 21Te siya pionni ḵoon ustu we daḵampun aḵ abus antotollong Apu yaḵon sa antotollong os da tagu.
22Ḵad anna bos osae sunud taḵu ḵan Kristu we ibuunni ḵan da Titus we umali sinat. Napadasni ḵan napanoḵnoḵanni ye bumabbadange tagu ya pipionae umali sinat te daḵoḻ taḻgodna ḵan diḵayu. 23Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu. 24Pun sa ḵoonyu, ipailayu ayatyu ḵan dida ta igammuwon da gimung da namati sina ta panoḵnoḵanyu ḵan didae tuttuwa da iyyisḵaḻni mipanggob ḵan diḵayu.
Currently Selected:
2 Corinthians 8: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
2 Corinthians 8
8
Sa Ḵoon Da Namati Ye Angitod Atta Ibadangda
1Susunudḵu ḵan Kristu, pionni ye ipaigammu ḵan diḵayu mipanggob si ḵinabaḻun Apudyus we nipaila'tta gimung da namati'd Macedonia. 2Te da susunud taḵu ḵan Kristu sidi'tte timpu we amod de ampaḵaḻamanda, allaaydae bummadang atta susunud taḵu we anḵasapuḻ te amod de layadda taḵon ay nu ḵapuḵapusda. 3Te taḵdoḻaḵe daḵampun aḵ mibatay si labbongdae itton yaḵon amo dinog-anda ḵad naḻpu'tte somsomoḵdae piondae angitod. 4Sa ḵatuttuwaan, gattoḵe nandagdaguda ḵan diḵani ye maittanda oḵyan aḵ gundawaye bumadang atta tagun Apudyus we anḵasapuḻ ad Judea. 5Pun amo adu innatodda nu sa ninamnamani, ummunae indatunda da long-agda ḵan Apu woḵ asidaot anserbi ḵan diḵani mipagapu si pinion Apudyus.
6Pun gapu ta aḵ Titus nangilapu'tte angitod ḵayu'ḵ badangyu, sinoḻgagni ta mipauli oḵyan sinat ta bumadang ḵan diḵayu we angigangput atta sinaḻdanae ambaḻu we ḵewaaḻe mipail-an ni ḵinabaḻuyu. 7Gapu'tte nangitutuḻ-ayanyu'tte pammatiyu, ampalawaganyu, ḵinalaingyu, angipapuutanyu angwaan atta ambaḻu ya sa angayatanyu ḵan diḵani, namnamaonni bose ituḻ-ayyu badangyu'tta buḻunyu gapu'tte ḵinabaḻuyu.
8Sa annae ibagaḵ daḵampun aḵ bilinḵu. Yaḵon pioḵ ipaigammu ḵan diḵayu laylayad da udume bumadang ta dida unudonyu ta angigammuwaḵe sipupusu ayatyu. 9Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.
10Ḵad annaya ibagaḵ ḵan diḵayu si mipanggob atte ibadangyu, ambaḻu nu igangputyu illusyu insaḻad atte ḵesane tawon te diḵayu ummunae nanomsomoḵ ḵan nangisaḻade angitod aḵ badang. 11Pun pagatupanyu ta igangputyu ḵewaaḻyu. Ta sa pangogyu we nangisaḻad, ḵaḵnat oḵyan os inonyu we angigangput sigun si lamogyu itton. 12Te nu allaylayad ḵayu we angitod, allaylayad os aḵ Apudyus we angawat atta sadi ye badangyu sigun si lamogyu itton. Adinapun namnamaone ittonyu adiyupun lamog.
13Daḵampun aḵ pioḵ ḵanane angitod ḵayu ta lumin-awa da udum ya ampaḵaḻam ḵayu. Yaḵon an-iisu oḵyan. 14Yaḵon sa pioḵ ḵanan, gapu ta anna mabalinyu sinsadi, ambaḻu nu ibadangyu'tta anḵasapuḻ. Sa ambaḻuwana, nu dumatong os timpu we maaḵitan ḵayu ya dida bos anna mabalinda, badanganda bos diḵayu. Nu ḵatti ḵoonyu, an-iisu ḵayu we naippun maaḵitan. 15Te sa ḵanan ni nigili ye Ugud Apudyus,
“Sa nandagup aḵ adu, ippun intuḻ-ayna,
ḵad sa nandagup aḵ aḵit, adipun naaḵitan.”#8:15 Exodus16:18.
Aḵ Titus Ya Da Buḻunna
16Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu. 17Te daḵampun ay aḵ abuse pinatgana ḵindawni ye mipauli oḵyan sinat yaḵon inabusna simsimmoḵe umoy bumadang ya amapigsa'tta pammatiyu gapu'tte amode ayatna. 18Ḵad ibuḻunni ḵan Titus osae sunud taḵu ḵan Kristu we madaydayaw atta losane gimung da namati gapu'tte ambaḻu inonae angiwaḻagawag si Ambaḻu we Damag. 19Daḵampun aḵ abus sadi, siya dinutuḵan da gimung da namati'ḵ mibuḻun ḵan diḵani ye angiyoy atta badangyu'tta anḵasapuḻ ad Judea. Ḵad ḵoonni ḵaḵna ta madayawan ni ḵinangatun Apu ta ipailani ye anserbi ḵani gapu si ayatni ye bumadang atta buḻunni. 20Mibuḻunda ḵan diḵani ta ippun maugudanni'tte angdonanni ḵan angiwaḻasanni'tte daḵoḻe badangyu. 21Te siya pionni ḵoon ustu we daḵampun aḵ abus antotollong Apu yaḵon sa antotollong os da tagu.
22Ḵad anna bos osae sunud taḵu ḵan Kristu we ibuunni ḵan da Titus we umali sinat. Napadasni ḵan napanoḵnoḵanni ye bumabbadange tagu ya pipionae umali sinat te daḵoḻ taḻgodna ḵan diḵayu. 23Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu. 24Pun sa ḵoonyu, ipailayu ayatyu ḵan dida ta igammuwon da gimung da namati sina ta panoḵnoḵanyu ḵan didae tuttuwa da iyyisḵaḻni mipanggob ḵan diḵayu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.