2 Corinthians 4
4
Sa Nangipaḵaawatan Paul Si Ambaḻu We Damag
1Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya. 2Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni. 3Ḵad taḵon ay adimpun da udume tagu maawatan Ambaḻu we Damag we iwaḻagawagni ye isun di natatallingdan, abuse natalingdan atta madusa'ḵ inggana. 4Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus. 5Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus. 6Te aḵ Apudyus nangibaga ḵanane, “Awad oḵyan padda”#4:6 Genesis 1:3. ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.
Sa Nangitaḻgodan Apudyus Si Ḵapatogane Tuttudu
7Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani. 8Taḵon ay nu ippun adini impadase ampaḵaḻaman, adiḵanipun paabaḵ. Udumna ḵad, ippun igammuni'ḵ ḵoonni yaḵon adiḵanipun madismaya. 9Ampaḵaḻamon da tagu diḵani yaḵon adimpun Apudyus diḵani iwwaḻang. Ḵad taḵon ay nu nilaw-anan diḵani adiḵanipun natoy. 10Pasigni tataggaḻon ḵatoye isun ni naḵwa ḵan Jesus ta mipaila nantatagun Jesus atte nantataguni. 11Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy. 12Pun tuttuwae pasigni tataggaḻon ḵatoy yaḵon ambanag si mataguwanyu'ḵ inggana.
13Ḵanan ni nangigili si Ugud Apudyus, “Namatiyaḵ ḵan Apudyus, pun sanat da inugudḵu.”#4:13 Psalm 116:10. Pun isuna bos ḵan diḵani ye gapu ta amati ḵani ḵan Apudyus, ugudonni bos da patiyonni. 14Te igammuni ye aḵ Apudyus we nanagu ḵan Apu Jesus, taguwona bos diḵani gapu si niyossaananni ḵan Jesus. Ḵad idogana bos diḵayu we namati ta midoga taḵu losan si igawna. 15Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.
16Pun gapu'tta sana, adiḵanipun paat madismaya te taḵon ay nu maas-assinut ḵumuya da long-agni, inaḻgaw ose mapabaru naispirituwane ḵinatataguni. 17Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana. 18Te daḵampun aḵ siya gamgamanni da banage maila sina'd luta te amungtuda. Yaḵon da banag ad langite adipun maila, ippun anungusda.
Currently Selected:
2 Corinthians 4: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
2 Corinthians 4
4
Sa Nangipaḵaawatan Paul Si Ambaḻu We Damag
1Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya. 2Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni. 3Ḵad taḵon ay adimpun da udume tagu maawatan Ambaḻu we Damag we iwaḻagawagni ye isun di natatallingdan, abuse natalingdan atta madusa'ḵ inggana. 4Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus. 5Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus. 6Te aḵ Apudyus nangibaga ḵanane, “Awad oḵyan padda”#4:6 Genesis 1:3. ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.
Sa Nangitaḻgodan Apudyus Si Ḵapatogane Tuttudu
7Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani. 8Taḵon ay nu ippun adini impadase ampaḵaḻaman, adiḵanipun paabaḵ. Udumna ḵad, ippun igammuni'ḵ ḵoonni yaḵon adiḵanipun madismaya. 9Ampaḵaḻamon da tagu diḵani yaḵon adimpun Apudyus diḵani iwwaḻang. Ḵad taḵon ay nu nilaw-anan diḵani adiḵanipun natoy. 10Pasigni tataggaḻon ḵatoye isun ni naḵwa ḵan Jesus ta mipaila nantatagun Jesus atte nantataguni. 11Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy. 12Pun tuttuwae pasigni tataggaḻon ḵatoy yaḵon ambanag si mataguwanyu'ḵ inggana.
13Ḵanan ni nangigili si Ugud Apudyus, “Namatiyaḵ ḵan Apudyus, pun sanat da inugudḵu.”#4:13 Psalm 116:10. Pun isuna bos ḵan diḵani ye gapu ta amati ḵani ḵan Apudyus, ugudonni bos da patiyonni. 14Te igammuni ye aḵ Apudyus we nanagu ḵan Apu Jesus, taguwona bos diḵani gapu si niyossaananni ḵan Jesus. Ḵad idogana bos diḵayu we namati ta midoga taḵu losan si igawna. 15Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.
16Pun gapu'tta sana, adiḵanipun paat madismaya te taḵon ay nu maas-assinut ḵumuya da long-agni, inaḻgaw ose mapabaru naispirituwane ḵinatataguni. 17Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana. 18Te daḵampun aḵ siya gamgamanni da banage maila sina'd luta te amungtuda. Yaḵon da banag ad langite adipun maila, ippun anungusda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.