1 Corinthians 4
4
Sa Ḵewaaḻ Da Apostol
1Ibelangyu oḵyan diḵani'ḵ sammilun Kristu we nangitaḻgodan Apudyus si biyange angituttudu si ḵatuttuwaane adipun nipaigammu si awe. 2Dallu gay sammilu, ḵasapuḻane mataḻgodan atta losane intaḻgod ni apuna ḵan siya. 3Adiḵpun ambiyangan anguwisanyu ḵan saḵon baḵon nu sa maḵuwisaḵ atta ngaimane korti. Ḵad taḵon ay saḵon, adiḵpun ḵuwison long-agḵu. 4Ampoḻḵas somsomoḵḵu yaḵon daḵampun aḵ piona ugudone ippun pulus basuḻḵu. Te aḵ Apudyus abus aḵ angigammu ḵad siya abus aḵ anguwis ḵan saḵon. 5Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda.#4:5 Ilanyu bos atte Romans 2:16. Sanat timpu we asin Apudyus padayawan tagu sigun atta ambaḻu we ḵingwana.
6Susunud ḵan Kristu, inusarḵu diḵani ḵan Apollos aḵ ampaniyan para'tte bumaḻuwanyu ta adaḻonyu ḵan diḵani pion ni nigili ugudone ḵanana, “Adiyu dog-an da nigili.” Ta naippun oḵyan osa ḵan diḵayu'ḵ itaḻayagna osae tagu ya ipababana osa. 7Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?
8Atoḵayu paye iCorinth! Ḵananyu ḵammane wadawad da ḵasapuḻanyu? Bummaḵnang ḵayu tuwa! Ḵad taḵon ay nu naidḵanipun, nambalin ḵayu'ḵ ari! Ambaḻu oḵyan nu tuttuwae nambalin ḵayu'ḵ ari ta midoga ḵani si ampangatanyu! 9Te sa somsomoḵḵu, nambalinon diḵani ḵan Apudyus aḵ apostol we ḵababaan atta losane isun da naḵoddongan aḵ matoy si sinagung da ḵaaduwane tagu. Te impailana diḵani'tta tagu si annae lubung ta buyaon da tagu ya da anghel. 10Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida. 11Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni. 12Pumangopangog ḵani bose angilabbu'tta masapuḻni. Nu awad an-aḻawag ḵan diḵani, iluwaḻuwanni ta mabindisyunanda, ḵad nu ampaḵaḻamonda diḵani, attomanni. 13Nu antultulli da tagu mipanggob ḵan diḵani, allin-awa isongbatni. Yaḵon inggana sinsadi, ibelang da tagu si annae lubung diḵani'ḵ ḵaissawe miballu we naippun anuna'tta somsomoḵ da tagu.
14Daḵampun aḵ siya anuḻataḵ pabainaḵ diḵayu yaḵon bagbagaaḵ diḵayu we isun di inaabbengḵu we ay-ayatoḵ. 15Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag. 16Pun ḵodawoḵ ḵan diḵayu ta unudonyu oḵyan saḵon. 17Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.
18Awad ḵanu da udume ampasindayaw ḵan diḵayu te ḵanandapun nu adiyaḵpun umali ḵan diḵayu. 19Nu iyunud oḵyan Apudyus, masapaaḵe umali sinat. Ḵad sadi angil-aḵ atta sanate ansoḵaḻ, nu awad ḵabooḻanda baḵon nu abus sungadda'ḵ an-uguugud. 20Te sa amanoḵnoḵ si ampangatan Apudyus ḵan ditaḵu, daḵampun atte iyyuugud taḵu yaḵon sa ḵabooḻan Apudyus atta biyag taḵu. 21Ngai pionyu? Umaliyaḵ ta saplitaḵ diḵayu baḵon nu umaliyaḵ ta iyyaḵ ipaila ayatḵu ḵan anusḵu?
Currently Selected:
1 Corinthians 4: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 4
4
Sa Ḵewaaḻ Da Apostol
1Ibelangyu oḵyan diḵani'ḵ sammilun Kristu we nangitaḻgodan Apudyus si biyange angituttudu si ḵatuttuwaane adipun nipaigammu si awe. 2Dallu gay sammilu, ḵasapuḻane mataḻgodan atta losane intaḻgod ni apuna ḵan siya. 3Adiḵpun ambiyangan anguwisanyu ḵan saḵon baḵon nu sa maḵuwisaḵ atta ngaimane korti. Ḵad taḵon ay saḵon, adiḵpun ḵuwison long-agḵu. 4Ampoḻḵas somsomoḵḵu yaḵon daḵampun aḵ piona ugudone ippun pulus basuḻḵu. Te aḵ Apudyus abus aḵ angigammu ḵad siya abus aḵ anguwis ḵan saḵon. 5Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda.#4:5 Ilanyu bos atte Romans 2:16. Sanat timpu we asin Apudyus padayawan tagu sigun atta ambaḻu we ḵingwana.
6Susunud ḵan Kristu, inusarḵu diḵani ḵan Apollos aḵ ampaniyan para'tte bumaḻuwanyu ta adaḻonyu ḵan diḵani pion ni nigili ugudone ḵanana, “Adiyu dog-an da nigili.” Ta naippun oḵyan osa ḵan diḵayu'ḵ itaḻayagna osae tagu ya ipababana osa. 7Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?
8Atoḵayu paye iCorinth! Ḵananyu ḵammane wadawad da ḵasapuḻanyu? Bummaḵnang ḵayu tuwa! Ḵad taḵon ay nu naidḵanipun, nambalin ḵayu'ḵ ari! Ambaḻu oḵyan nu tuttuwae nambalin ḵayu'ḵ ari ta midoga ḵani si ampangatanyu! 9Te sa somsomoḵḵu, nambalinon diḵani ḵan Apudyus aḵ apostol we ḵababaan atta losane isun da naḵoddongan aḵ matoy si sinagung da ḵaaduwane tagu. Te impailana diḵani'tta tagu si annae lubung ta buyaon da tagu ya da anghel. 10Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida. 11Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni. 12Pumangopangog ḵani bose angilabbu'tta masapuḻni. Nu awad an-aḻawag ḵan diḵani, iluwaḻuwanni ta mabindisyunanda, ḵad nu ampaḵaḻamonda diḵani, attomanni. 13Nu antultulli da tagu mipanggob ḵan diḵani, allin-awa isongbatni. Yaḵon inggana sinsadi, ibelang da tagu si annae lubung diḵani'ḵ ḵaissawe miballu we naippun anuna'tta somsomoḵ da tagu.
14Daḵampun aḵ siya anuḻataḵ pabainaḵ diḵayu yaḵon bagbagaaḵ diḵayu we isun di inaabbengḵu we ay-ayatoḵ. 15Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag. 16Pun ḵodawoḵ ḵan diḵayu ta unudonyu oḵyan saḵon. 17Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.
18Awad ḵanu da udume ampasindayaw ḵan diḵayu te ḵanandapun nu adiyaḵpun umali ḵan diḵayu. 19Nu iyunud oḵyan Apudyus, masapaaḵe umali sinat. Ḵad sadi angil-aḵ atta sanate ansoḵaḻ, nu awad ḵabooḻanda baḵon nu abus sungadda'ḵ an-uguugud. 20Te sa amanoḵnoḵ si ampangatan Apudyus ḵan ditaḵu, daḵampun atte iyyuugud taḵu yaḵon sa ḵabooḻan Apudyus atta biyag taḵu. 21Ngai pionyu? Umaliyaḵ ta saplitaḵ diḵayu baḵon nu umaliyaḵ ta iyyaḵ ipaila ayatḵu ḵan anusḵu?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.