1 Corinthians 16
16
Sa Mibadang Atta Susunude Namati
1Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia. 2Sa umunae aḻgaw atte dinuminggu, awad oḵyan osa ḵan diḵayu angiwalin aḵ gatad insigun nu piga illabbuna. Ḵad gappotonyu ta umaliyaḵ ḵad naḵasagana. 3Dumutuḵ ḵayu'ḵ umoy angiyoy atte nadagupe badangyu'd Jerusalem. Ḵad nu dumatongaḵ anuḻataḵ ta angigammuwan da tagu'd Jerusalem we dida dinutuḵanyu. 4Yaḵon nu awat ay di saḵon umoy angiyoy sidi, buḻunanaḵ atta sanate dinutuḵanyu.
Sa Planun Paul
5Sa planuḵ sinsadi angoyaḵ ad Macedonia ta antuttuduwaḵ sidi ḵad asiyaḵot umoy bumisita ḵan diḵayu. 6Ḵad manunnuwanaḵ nine inggaw ḵan diḵayu inggana'ḵ magangput ageled ta ambaḻu nu diḵayu bumadang atta losane ḵasapuḻaḵe umoy atta dinumane ayaḵ. 7Adiḵpun pione ilan diḵayu sinsadi te sin-aḵitane abus inggawaḵ ḵan diḵayu. Te namnamaoḵe sa udume timpu manunnuwan inggawaḵ ḵan diḵayu sinat nu iyunud oḵyan Apudyus. 8Yaḵon inggawaḵ yan sina'd Ephesus inggana'ḵ maḻaḵpus Gayagayani ye Judyu we ngannonni Pentecost.#16:8 Sa pion ni Pentecost ḵanan, ugalin da Judyu we anggangganasda ya anggayagayada si sin-aḻgaw, naḻaḵpus limampuḻu we aḻgaw inggan ni Gayagayae Nallausan. Ngannonda bos gayagayan ni ani ye anggappiyaanda ḵan Apudyus gapu ta nan-anida. Mabasa si Exodus 23:16; Leviticus 23:15-21; Deuteronomy 16:9-12. 9Te taḵon ay adu bos da sumullagi ḵan saḵon, ad-adu wayaḵe antuttudu te adu da maḻyad andongoḻ.
10Ḵad nu umali'ḵ Timothy sinat, ilanyu ta ummanyu mangiliyon ta adi umogyat ḵan diḵayu te siya bos osae angwa'tta paḵwan Apudyus we isun os ni ḵooḵ. 11Ḵad ilanyu bos ta adiyu potogon yaḵon paḻung-udonyu we allin-awa somsomoḵna ta allaylayade angulin ḵan saḵon. Annan uwayoḵe umali ya da susunud taḵu ḵan Kristu.
12Ḵad sa mipanggob ḵan Apollos we sunud taḵu ḵan Kristu, inaḻ-aḻuḵḵu ta mibuḻun oḵyan atta udume susunud taḵu ḵan Kristu we umali sinat. Yaḵon adinapun pione umali ye sana. Asi umali nu awad wayana.
Sa Anungus Ni Tuttudun Paul
13Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu. 14Da losane ḵoonyu, ḵoonyu oḵyane gapu'tte ayatyu.
15Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus. 16Patganyu oḵyan da tagu we ḵassadi ḵad taḵon ay os da losane maḵaḵewaaḻ ḵan maḵaserbi ḵan dida.
17Allaylayadaḵ atte ummaliyan da Stephanas, Fortunatus ya aḵ Achaicus te naḵaan amode ayuḵ atte nangil-aḵ ḵan dida. 18Te sinoḻgagda somsomoḵḵu ya isuna bose sinoḻgagda da somsomoḵyu. Labbongnae mabigbig da tagu we ḵaḵna.
19Losan da gimung da namati'tta ḵinailin di ili si probinsiya'd Asia, losanda pakumustaon diḵayu sinat. Ḵad taḵon ay os da Aquila ḵan Priscilla we an-asawa ya da namati ye magimugimung si boḻoyda, sipupusuda bose ampakumusta ḵan diḵayu we susunudni ḵan Apu. 20Ḵad taḵon ay da losane susunud taḵu ḵan Kristu sina, pakumustaon os diḵayu. Pun nu an-asiila ḵayu, ipailayu oḵyane an-asiayat ḵayu.
21Saḵon aḵ Paul we nangigili'tte annae gangput ni suḻatḵu, “Kumusta ḵayu.”
22Nu ngaimane adipun angayat ḵan Apu taḵu, aaddi ye madusa ḵan Apudyus. Umaliḵa, Apu.
23Awad oḵyan ḵan diḵayu ḵinabaḻu we maḻpu ḵan Apu Jesus.
24Ay-ayatoḵ diḵayu losan mipagapu ḵan Jesu Kristu. Amen.
Currently Selected:
1 Corinthians 16: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 16
16
Sa Mibadang Atta Susunude Namati
1Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia. 2Sa umunae aḻgaw atte dinuminggu, awad oḵyan osa ḵan diḵayu angiwalin aḵ gatad insigun nu piga illabbuna. Ḵad gappotonyu ta umaliyaḵ ḵad naḵasagana. 3Dumutuḵ ḵayu'ḵ umoy angiyoy atte nadagupe badangyu'd Jerusalem. Ḵad nu dumatongaḵ anuḻataḵ ta angigammuwan da tagu'd Jerusalem we dida dinutuḵanyu. 4Yaḵon nu awat ay di saḵon umoy angiyoy sidi, buḻunanaḵ atta sanate dinutuḵanyu.
Sa Planun Paul
5Sa planuḵ sinsadi angoyaḵ ad Macedonia ta antuttuduwaḵ sidi ḵad asiyaḵot umoy bumisita ḵan diḵayu. 6Ḵad manunnuwanaḵ nine inggaw ḵan diḵayu inggana'ḵ magangput ageled ta ambaḻu nu diḵayu bumadang atta losane ḵasapuḻaḵe umoy atta dinumane ayaḵ. 7Adiḵpun pione ilan diḵayu sinsadi te sin-aḵitane abus inggawaḵ ḵan diḵayu. Te namnamaoḵe sa udume timpu manunnuwan inggawaḵ ḵan diḵayu sinat nu iyunud oḵyan Apudyus. 8Yaḵon inggawaḵ yan sina'd Ephesus inggana'ḵ maḻaḵpus Gayagayani ye Judyu we ngannonni Pentecost.#16:8 Sa pion ni Pentecost ḵanan, ugalin da Judyu we anggangganasda ya anggayagayada si sin-aḻgaw, naḻaḵpus limampuḻu we aḻgaw inggan ni Gayagayae Nallausan. Ngannonda bos gayagayan ni ani ye anggappiyaanda ḵan Apudyus gapu ta nan-anida. Mabasa si Exodus 23:16; Leviticus 23:15-21; Deuteronomy 16:9-12. 9Te taḵon ay adu bos da sumullagi ḵan saḵon, ad-adu wayaḵe antuttudu te adu da maḻyad andongoḻ.
10Ḵad nu umali'ḵ Timothy sinat, ilanyu ta ummanyu mangiliyon ta adi umogyat ḵan diḵayu te siya bos osae angwa'tta paḵwan Apudyus we isun os ni ḵooḵ. 11Ḵad ilanyu bos ta adiyu potogon yaḵon paḻung-udonyu we allin-awa somsomoḵna ta allaylayade angulin ḵan saḵon. Annan uwayoḵe umali ya da susunud taḵu ḵan Kristu.
12Ḵad sa mipanggob ḵan Apollos we sunud taḵu ḵan Kristu, inaḻ-aḻuḵḵu ta mibuḻun oḵyan atta udume susunud taḵu ḵan Kristu we umali sinat. Yaḵon adinapun pione umali ye sana. Asi umali nu awad wayana.
Sa Anungus Ni Tuttudun Paul
13Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu. 14Da losane ḵoonyu, ḵoonyu oḵyane gapu'tte ayatyu.
15Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus. 16Patganyu oḵyan da tagu we ḵassadi ḵad taḵon ay os da losane maḵaḵewaaḻ ḵan maḵaserbi ḵan dida.
17Allaylayadaḵ atte ummaliyan da Stephanas, Fortunatus ya aḵ Achaicus te naḵaan amode ayuḵ atte nangil-aḵ ḵan dida. 18Te sinoḻgagda somsomoḵḵu ya isuna bose sinoḻgagda da somsomoḵyu. Labbongnae mabigbig da tagu we ḵaḵna.
19Losan da gimung da namati'tta ḵinailin di ili si probinsiya'd Asia, losanda pakumustaon diḵayu sinat. Ḵad taḵon ay os da Aquila ḵan Priscilla we an-asawa ya da namati ye magimugimung si boḻoyda, sipupusuda bose ampakumusta ḵan diḵayu we susunudni ḵan Apu. 20Ḵad taḵon ay da losane susunud taḵu ḵan Kristu sina, pakumustaon os diḵayu. Pun nu an-asiila ḵayu, ipailayu oḵyane an-asiayat ḵayu.
21Saḵon aḵ Paul we nangigili'tte annae gangput ni suḻatḵu, “Kumusta ḵayu.”
22Nu ngaimane adipun angayat ḵan Apu taḵu, aaddi ye madusa ḵan Apudyus. Umaliḵa, Apu.
23Awad oḵyan ḵan diḵayu ḵinabaḻu we maḻpu ḵan Apu Jesus.
24Ay-ayatoḵ diḵayu losan mipagapu ḵan Jesu Kristu. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.