1 Corinthians 1
1
Sa Laplapun Ni Suḻat
1Susunudḵu ḵan Kristu, saḵon aḵ Paul we napili'ḵ apostol Jesu Kristu we nibatay si pinion Apudyus ya sa buḻunḵu sina aḵ Sosthenes we sunud taḵu ḵan Kristu. 2Ḵad annaya suḻatni ḵan diḵayu'tta magimugimunge namati ḵan Apudyus ad Corinth.#1:2 Maḵwae basaonyu mipanggob si nambisitaan Paul ad Corinth atte Acts 18:1-17. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos. 3Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.
Sa Ḵinabaḻun Apudyus Ḵan Dida
4Patilayunaḵ anggappiya ḵan Apudyus gapu'tte ḵinabaḻunae impailana ḵan diḵayu mipagapu si niyossaananyu ḵan Jesu Kristu. 5Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu. 6Te napanoḵnoḵan atte pammatiyu intuttuduni ḵan diḵayu si mipanggob ḵan Kristu, 7ta ippun angkuranganyu'tta ngaimane naispirituwane ḵabooḻan si anguuwwayanyu'tte mipauliyan Apu taḵu we Jesu Kristu. 8Papigsaona da pammatiyu inggana si anungus ni aḻgaw ta ippun mapabasuḻanyu'tte timpu we mipauliyan Apu taḵu we Jesu Kristu. 9Mataḻgodan aḵ Apudyus we namili ḵan diḵayu'ḵ maḵabuḻbuḻun atte Abengna we aḵ Jesu Kristu we Apu taḵu.
Sa Nagoggogwaan Da Namati Ad Corinth
10Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu. 11Sadi imbilinḵu ḵan diḵayu we susunudḵu ḵan Kristu te dingngoḻḵu'tta tagun Chloe ye dam-on ḵayu ansusubog. 12Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.” 13Nagoggogwa ḵamman aḵ Kristu? Aḵ Paul ḵamman natoy atte kros para ḵan diḵayu? Baḵon nu nabonyagan ḵayu ḵamman atte ngadan Paul? 14Anggappiyaaḵ ḵan Apudyus ta naippun binonyagaḵ ḵan diḵayu malaksid da Crispus ḵan Gaius. 15Ta ippun oḵyan angibaga ḵanane binonyagaḵ dida'tte ngadanḵu. 16On, binonyagaḵ da Stephanas we simbaḻyan yaḵon naippun igammuḵ aḵ udum aḵ binonyagaḵ. 17Te daḵampun aḵ imbuun Jesu Kristu saḵon aḵ umoy ambonyag yaḵon ta iwaḻagawagḵu Ambaḻu we Damag. Ḵad adiḵpun inusar nainlubungane ḵinalaing nu an-ugudaḵ ta adi maḵaan ḵabooḻan ni natoyan Kristu atte kros.
Sa Ḵabooḻan Apudyus Ya Sa Ḵinalaingna
18Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu. 19Te awad os nigili ye Ugud Apudyus we ḵanana,
“Dadailoḵ ḵinalaing da nalaing ḵan naadaḻane tagu
ḵad ipailaḵe ippun anun ni ḵinalaingda.”#1:19 Isaiah 29:14.
20Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog#1:20 Da mimistulun da lintog, nibelangda bos atta amo mapatgane tagu'tta susunuddae iyIsrael te iniiggammuda lintog Moses. Naadaḻanda, ḵad dida angituttudu'tte Ugud Apudyus ya da aduadu we ugalin da danaḵḵoḻda mipanggob atta imbilin Apudyus we ḵoonda ḵan adida ḵoon. nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati? 21Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu. 22Te da Judyu, ḵasapuḻan da awad mipaila'ḵ nakaskasdaaw aḵ amatiyanda. Ḵad da Gentil, siya singtonda ḵinalaing. 23Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil. 24Yaḵon ḵan ditaḵu we pinilin Apudyus, Judyu man baḵon nu Gentil, igammu taḵu we aḵ Kristu siya ḵabooḻan Apudyus ḵan ḵinalaingna. 25Te sa ḵanandae dinodong-og Apudyus nangatu'ḵ adayu nu sa ḵinalaing da tagu ḵad sa ḵanandae ḵinaḵuyan Apudyus naḵosḵosdoḻ aḵ adayu nu sa ḵosdoḻda.
26Susunudḵu ḵan Kristu, somsomḵonyu ḵad ḵinatataguyu'tte namiliyan Apudyus ḵan ditaḵu we namati te dungmu ḵan ditaḵu da nalaing, maḵabooḻ, da nangatu saadda sigun si nainlubungane ḵasasaad. 27Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ. 28Pinilin Apudyus da ibelang da tagu we nababa ya maam-amsew si annae lubung taḵon ay da banage ippun anuna ta dadailona da banage patpatgon da tagu. 29Ḵingwan Apudyus ḵatti ta naippun tagu'ḵ ansoḵaḻ atte sinagungna. 30Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu. 31Pun unudon taḵu nigili ye Ugud Apudyus we ḵanana, “Ngaimane ansoḵaḻ, siya oḵyan isḵaḻna da ḵingwan Apu.”#1:31 Jeremiah 9:24; 2 Corinthians 10:17.
Currently Selected:
1 Corinthians 1: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 1
1
Sa Laplapun Ni Suḻat
1Susunudḵu ḵan Kristu, saḵon aḵ Paul we napili'ḵ apostol Jesu Kristu we nibatay si pinion Apudyus ya sa buḻunḵu sina aḵ Sosthenes we sunud taḵu ḵan Kristu. 2Ḵad annaya suḻatni ḵan diḵayu'tta magimugimunge namati ḵan Apudyus ad Corinth.#1:2 Maḵwae basaonyu mipanggob si nambisitaan Paul ad Corinth atte Acts 18:1-17. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos. 3Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.
Sa Ḵinabaḻun Apudyus Ḵan Dida
4Patilayunaḵ anggappiya ḵan Apudyus gapu'tte ḵinabaḻunae impailana ḵan diḵayu mipagapu si niyossaananyu ḵan Jesu Kristu. 5Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu. 6Te napanoḵnoḵan atte pammatiyu intuttuduni ḵan diḵayu si mipanggob ḵan Kristu, 7ta ippun angkuranganyu'tta ngaimane naispirituwane ḵabooḻan si anguuwwayanyu'tte mipauliyan Apu taḵu we Jesu Kristu. 8Papigsaona da pammatiyu inggana si anungus ni aḻgaw ta ippun mapabasuḻanyu'tte timpu we mipauliyan Apu taḵu we Jesu Kristu. 9Mataḻgodan aḵ Apudyus we namili ḵan diḵayu'ḵ maḵabuḻbuḻun atte Abengna we aḵ Jesu Kristu we Apu taḵu.
Sa Nagoggogwaan Da Namati Ad Corinth
10Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu. 11Sadi imbilinḵu ḵan diḵayu we susunudḵu ḵan Kristu te dingngoḻḵu'tta tagun Chloe ye dam-on ḵayu ansusubog. 12Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.” 13Nagoggogwa ḵamman aḵ Kristu? Aḵ Paul ḵamman natoy atte kros para ḵan diḵayu? Baḵon nu nabonyagan ḵayu ḵamman atte ngadan Paul? 14Anggappiyaaḵ ḵan Apudyus ta naippun binonyagaḵ ḵan diḵayu malaksid da Crispus ḵan Gaius. 15Ta ippun oḵyan angibaga ḵanane binonyagaḵ dida'tte ngadanḵu. 16On, binonyagaḵ da Stephanas we simbaḻyan yaḵon naippun igammuḵ aḵ udum aḵ binonyagaḵ. 17Te daḵampun aḵ imbuun Jesu Kristu saḵon aḵ umoy ambonyag yaḵon ta iwaḻagawagḵu Ambaḻu we Damag. Ḵad adiḵpun inusar nainlubungane ḵinalaing nu an-ugudaḵ ta adi maḵaan ḵabooḻan ni natoyan Kristu atte kros.
Sa Ḵabooḻan Apudyus Ya Sa Ḵinalaingna
18Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu. 19Te awad os nigili ye Ugud Apudyus we ḵanana,
“Dadailoḵ ḵinalaing da nalaing ḵan naadaḻane tagu
ḵad ipailaḵe ippun anun ni ḵinalaingda.”#1:19 Isaiah 29:14.
20Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog#1:20 Da mimistulun da lintog, nibelangda bos atta amo mapatgane tagu'tta susunuddae iyIsrael te iniiggammuda lintog Moses. Naadaḻanda, ḵad dida angituttudu'tte Ugud Apudyus ya da aduadu we ugalin da danaḵḵoḻda mipanggob atta imbilin Apudyus we ḵoonda ḵan adida ḵoon. nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati? 21Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu. 22Te da Judyu, ḵasapuḻan da awad mipaila'ḵ nakaskasdaaw aḵ amatiyanda. Ḵad da Gentil, siya singtonda ḵinalaing. 23Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil. 24Yaḵon ḵan ditaḵu we pinilin Apudyus, Judyu man baḵon nu Gentil, igammu taḵu we aḵ Kristu siya ḵabooḻan Apudyus ḵan ḵinalaingna. 25Te sa ḵanandae dinodong-og Apudyus nangatu'ḵ adayu nu sa ḵinalaing da tagu ḵad sa ḵanandae ḵinaḵuyan Apudyus naḵosḵosdoḻ aḵ adayu nu sa ḵosdoḻda.
26Susunudḵu ḵan Kristu, somsomḵonyu ḵad ḵinatataguyu'tte namiliyan Apudyus ḵan ditaḵu we namati te dungmu ḵan ditaḵu da nalaing, maḵabooḻ, da nangatu saadda sigun si nainlubungane ḵasasaad. 27Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ. 28Pinilin Apudyus da ibelang da tagu we nababa ya maam-amsew si annae lubung taḵon ay da banage ippun anuna ta dadailona da banage patpatgon da tagu. 29Ḵingwan Apudyus ḵatti ta naippun tagu'ḵ ansoḵaḻ atte sinagungna. 30Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu. 31Pun unudon taḵu nigili ye Ugud Apudyus we ḵanana, “Ngaimane ansoḵaḻ, siya oḵyan isḵaḻna da ḵingwan Apu.”#1:31 Jeremiah 9:24; 2 Corinthians 10:17.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.