Na Sailm 135
135
Salm 135.
Laudate nomen.
1Bígí ag moladh an Tiarna, agus ag idirmhóradh Ainm an Tiarna: seinnigí a mholadh, a sheirbhíseacha an Tiarna.
2A sheasann i dteach an Tiarna: i gcúirteanna tí ár nDé.
3Molaigí an Tiarna, óir is maith an Tiarna: seinnigí moladh dá Ainm, óir is gnaíúil é.
4Cad chuige? De bhrí gur thogh an Tiarna Iácób dó féin: agus Iosrael mar sheilbh dhílis aige féin.
5Óir is feasach dom gur mór an Tiarna: agus go mbíonn ár nDia os cionn na ndéithe uile.
6Níl ní dar thaitin leis an Tiarna nach ndearna sé ar neamh agus ar talamh: agus ar mhuir agus i gcuasa domhaine an domhain.
7Tugann sé amach na néalta ó imill an domhain: agus cuireann sé uaidh na caoranna tine in éineacht leis an bhfearthainn, agus tugann sé na gaotha as a thithe taiscithe.
8Bhuail sé céadghin na hÉigipte: idir dhuine agus bheithíoch.
9Chuir sé comharthaí agus iontais isteach i do cheartlár, a thír na hÉigipte: ar Pháraó agus ar a sheirbhísigh go huile.
10Bhuail sé an iomad náisiún: agus mharaigh sé na ríthe móra;
11Síhon rí na nAmoríteach, agus Og, rí Bhásáin: agus ríochta Chanáin go huile;
12Agus thug sé a dtalamh mar oidhreacht; mar oidhreacht dá phobal Iosrael.
13Maireann dʼAinm, a Thiarna, de shíor: agus is mar an gcéanna do do chuimhne, a Thiarna, ó ghlúin go chéile.
14Óir bainfidh an Tiarna amach díoltas ar son a phobail: agus beidh sé maith dá sheirbhísigh.
15Dála íomhánna na bpágánach, níl iontu ach airgead is ór: saothar lámh na ndaoine.
16Bíonn béal orthu, agus ní labhraíonn siad: bíonn súile ina gcinn, ach ní fheiceann siad.
17Bíonn cluasa orthu, agus ina dhiaidh sin ní chluineann siad: ní mó a bhíos aon anáil ina mbéal.
18Bíonn lucht a ndéanta mar iad: agus is ionann an cás dá gcuireann a muinín iontu.
19Molaigí an Tiarna, a theaghlaigh Iosrael: molaigí an Tiarna, a theaghlaigh Áróin.
20Molaigí an Tiarna, a theaghlaigh Lébhí: a dhream darb eagal an Tiarna, molaigí an Tiarna.
21Moltar an Tiarna as Síón: a mbíonn cónaí air in Iarúsalem.
Currently Selected:
Na Sailm 135: OC1965
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965
Na Sailm 135
135
Salm 135.
Laudate nomen.
1Bígí ag moladh an Tiarna, agus ag idirmhóradh Ainm an Tiarna: seinnigí a mholadh, a sheirbhíseacha an Tiarna.
2A sheasann i dteach an Tiarna: i gcúirteanna tí ár nDé.
3Molaigí an Tiarna, óir is maith an Tiarna: seinnigí moladh dá Ainm, óir is gnaíúil é.
4Cad chuige? De bhrí gur thogh an Tiarna Iácób dó féin: agus Iosrael mar sheilbh dhílis aige féin.
5Óir is feasach dom gur mór an Tiarna: agus go mbíonn ár nDia os cionn na ndéithe uile.
6Níl ní dar thaitin leis an Tiarna nach ndearna sé ar neamh agus ar talamh: agus ar mhuir agus i gcuasa domhaine an domhain.
7Tugann sé amach na néalta ó imill an domhain: agus cuireann sé uaidh na caoranna tine in éineacht leis an bhfearthainn, agus tugann sé na gaotha as a thithe taiscithe.
8Bhuail sé céadghin na hÉigipte: idir dhuine agus bheithíoch.
9Chuir sé comharthaí agus iontais isteach i do cheartlár, a thír na hÉigipte: ar Pháraó agus ar a sheirbhísigh go huile.
10Bhuail sé an iomad náisiún: agus mharaigh sé na ríthe móra;
11Síhon rí na nAmoríteach, agus Og, rí Bhásáin: agus ríochta Chanáin go huile;
12Agus thug sé a dtalamh mar oidhreacht; mar oidhreacht dá phobal Iosrael.
13Maireann dʼAinm, a Thiarna, de shíor: agus is mar an gcéanna do do chuimhne, a Thiarna, ó ghlúin go chéile.
14Óir bainfidh an Tiarna amach díoltas ar son a phobail: agus beidh sé maith dá sheirbhísigh.
15Dála íomhánna na bpágánach, níl iontu ach airgead is ór: saothar lámh na ndaoine.
16Bíonn béal orthu, agus ní labhraíonn siad: bíonn súile ina gcinn, ach ní fheiceann siad.
17Bíonn cluasa orthu, agus ina dhiaidh sin ní chluineann siad: ní mó a bhíos aon anáil ina mbéal.
18Bíonn lucht a ndéanta mar iad: agus is ionann an cás dá gcuireann a muinín iontu.
19Molaigí an Tiarna, a theaghlaigh Iosrael: molaigí an Tiarna, a theaghlaigh Áróin.
20Molaigí an Tiarna, a theaghlaigh Lébhí: a dhream darb eagal an Tiarna, molaigí an Tiarna.
21Moltar an Tiarna as Síón: a mbíonn cónaí air in Iarúsalem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965