इब्रानियों 5

1हरेक महायाजक मनखा मं सुं थरप्यो जाव्अ छ। वो परमेसर की सेवा क ताणी मनखा की भेंट अर पाप की बली चढाबा क ताणी ठेरायो जाव्अ छ। 2अर वो अज्ञानी अर भुल्या-भटक्या की लार नरमाई सुं बेवार कर सक्अ छ, क्युं क बीन्अ बी कमजोरी घेर मेली छ। 3ई बजेसुं बीन्अ या करणी चायजे क जस्यान वो लोगबागा क ताणी पापबली चढ़ाव्अ छ, वस्यानई उन्अ खुदक्अ ताणी बी पापबली चढ़ाणी चायजे। 4अर कोई बी महायाजक का ओहदा को मान अपणा आप कोन्अ पा सक्अ, पण यो तो परमेसर की ओड़ी सुं बुलाबा सुं मल्अ छ जस्यान परमेसर हारून न्अ बलायो छो।

5अस्यान'ई मसी बी महायाजक होबा को मान अपणा आप कोन्अ पायो। पण परमेसर बीन्अ दियो छ ज्यो खेव्अ छ क,

“तु म्हारो छोरो छ;

आज म थारो बाप बण्यो छु।”

6अर वो दूसरी ठोर प खेव्अ छ क,

“तु मलिकिसिदक की रीत की जस्यान,

सदा को याजक छ।”

7 # मत्ती 26:36–46; मर 14:32–42; लूक 22:39–46 वो जीतोजी जोरसुं बळार रोरोर बीसुं परातना अर बिनती कर्यो ज्यो बीन्अ मरबा सुं बचा सक्अ छो। अर भगती की बजेसुं बीकी सुणाई होगी। 8वो परमेसर को छोरो होतां होया बी दुख भोगर खियो मानबो सीख्यो। 9अर सिद्ध बणर बीका सबळा खियो मानबाळा क ताणी सदा का उद्धार की बजे होग्यो। 10अर परमेसर बीन्अ मलिकिसिदक की रीत की जस्यान महायाजक बणायो। 11म्हान्अ ई बारा मं थान्अ ओर बी खेणो छ, पण थान्अ यो समझाबो घणो कळ्डो काम छ, क्युं क थे ऊंचा सुणबा लागग्या। 12#1 कुरि 3:2अतरा दना मं तो थे गरूजी बणजाता, पण हालताणी थान्अ परमेसर का बचन को सरू को पाठ सरू सुं सखाणो पड़र्यो छ। अर नाज खाबाकी बगत मं बी थान्अ दूध पाणो पड़र्यो छ। 13क्युं क दूध पीबाळा बाळक न्अ, धार्मिकता का बचन की पेचाण कोन्अ होव्अ, क्युं क वो हालताणी बी बाळक छ। 14पण नाज बडा बेई छ, क्युं क वे खुदन्अ सादर अनुभव सुं भला-बरा मं परख कर सक्अ छ।

Currently Selected:

इब्रानियों 5: डि एच डि

Highlight

Copy