इब्रानियों 11

बस्वास

1अब बस्वास आस करेड़ी चीजा को निस्चय अर बना देखेड़ी चीजा को सबूत छ। 2क्युं क बस्वास की बजे सुंई आग्लाबड़ा परमेसर की ओड़ी सुं चोखी गुवाई दी गई छ।

3 # यूहन्‍ना 1:3 बस्वास सुंई आपा जाणा छा क सारी रचना परमेसर का बचन सुं बणी छ। जिसुं ज्यो चीजा देखबा मं आव्अ छ वे दिखबाळी चीजा सुं कोन बणी। 4बस्वास सुंई परमेसर हाबील का चढ़ावा न्अ मान्यो अर बीसुं ई बीक्अ ताणी धरमी होबा की गुवाई दी गई। क्युं क परमेसर बीका चढ़ावा का बारा मं गुवाई दियो। बीका मरया पाछ्अ बी आपा बीका बस्वास सुं आज बी सीखा छा। 5बस्वास सुंई हनोक उपरअ उठा लियो गियो, अर मोत न्अ कोन्अ भोग्यो। अर बीको पतो कोन्अ लाग्यो, क्युं क परमेसर बीन्अ उठा लियो। अर बीकी सरग मं बदली करबा सुं पेली या गुवाई दी गई छी क वो परमेसर न्अ राजी करलियो। 6अर बस्वास क बना परमेसर न्अ राजी करबो अणोतो छ। क्युं क परमेसर क सांकड्अ आबाळा न्अ यो बस्वास करणी चायजे क वो मोजूद छ अर बीन्अ हेरबाळा न्अ बदला मं फळ देव्अ छ। 7बस्वास सुंई नूह बां बाता का बारा मं ज्योबी बगत ताणी कोन दिख्अ छी, ई बारा मं चेतावणी पार परमेसर को ड़र मानर खुदका परवार न्अ बचाबा क ताणी जहाज बणायो। अर बीसुं वो संसार न्अ दोषी ठेरायो। अर बी धार्मिकता को वारीस बण्यो ज्यो बस्वास सुं मल्अ छ।

8बस्वास सुंई अबराम जद बलायो गियो तो खियो मानर असी ठार मं चलग्यो जीन्अ परमेसर बीन्अ देबा को वादो कर्यो छो। अर या कोन्अ जाण्अ छो क कढ्अ जाव्अलो तोबी देस छोड़र नखळग्यो। 9बस्वास सुंई वो अस्या पराया देस मं परदेसी होर रियो जीका बारा मं परमेसर देबा को वादो कर्यो छो। वो तम्बू मं रियो अर अस्यान'ई इसहाक अर याकूब बी तम्बू मं रिया ज्यो परमेसर सुं पाया एक'ई वादा का वारिस छा। 10क्युं क वे बी पाकी नीमहाळा नगर की बाठ नाळर्या छा जीन्अ बणाबाळो अर बीको नक्सो बणाबाळो परमेसर छ।

11सारा बांझ छी फेरबी बस्वास सुं बुढ़ापा मं पेटसुं होबा की तागत पाई क्युं क वे वादो करबाळा परमेसर न्अ बस्वास क लायक मान्या छा। 12ई बजेसुं एक मनख अबराम सुंई ज्यो मरया बराबर छो आम्बर का तारा अर समून्दर की तीर की बालू जस्यान अणगणती का वंस होगा।

13ये सबळा बस्वास की दसा मं मरगा। अर वान्अ वादो करेड़ी चीजा कोन्अ मली। पण वान्अ आंतरअ सुं देखर राजी होगा अर मानलिया क वे धरती माळ्अ परदेसी अर पराया छा। 14ज्यो अस्यान की बाता करअ छ, वे दखाव्अ छ क वे खुदका देस न्अ हेररया छ। 15अर जी देस मं वे पेली रेव्अ छा बीको ध्यान करता तो वां कन्अ पाछा जाबाको मोको छो। 16पण वे एक उत्तम देस की मनसा रांख्अ छ ज्यो सरग छ। ई बजे सुंई परमेसर बाको परमेसर खुवाबा सुं सरमिन्दा कोन्अ होव्अ। क्युं क वो बांक्अ ताणी एक नगर त्यार कर्यो छ। 17-18बस्वास सुंई जद अबराम को अंथ्याम लियो गियो छो, तो इसहाक न्अ बली चढ़ायो। जदकी परमेसर अबराम सुं यो वादो कर्यो छो क, “इसहाक सुं थारो वंस चाल्अलो।” ईक्अ पाछ्अ बी अबराम जिन्अ वादो मल्यो छो खुदका एकलोता छोरा की बली देबा बेई त्यार होग्यो। 19क्युं क अबराम बच्यार कर्यो क परमेसर बीन्अ पाछो जिन्दो करबा की सक्‍ती रांख्अ छ। अस्यान अबराम कस्सा की जस्यान इसहाक न्अ पाछो पालियो।

20फेर बस्वास करबा की बजे सुंई इसहाक याकूब अर एसाव न्अ आगली बाता का बारा मं आसीर्वाद दियो। 21बस्वास सुंई याकूब मरती बगत यूसुफ का दोनी छोरा न्अ आसीर्वाद दियो। अर लाठी को सारो लेर परमेसर क ढोक दियो। 22बस्वास सुंई यूसुफ जद मरबाळो छो तो इजरायल्या का मिसर सुं नखळर जाबा का बारा मं खियो, अर खुद गाढेड़ी अस्त्या न्अ लेजाबा का बारा मं आज्ञा दियो।

23बस्वास सुंई मूसा का माई-बाप बीन्अ पैदा होया पाछ्अ तीन मिना ताणी लुखार रांख्या। क्युं क वे देख्या क बाळक सुंदर छ। अर वे राजा की आज्ञा सुं डरप्या कोन्अ। 24बस्वास सुंई मूसा बड़ो होर फिरोन की बेटी को छोरो खुवाबा सुं नटग्यो। 25क्युं क बीन्अ थोड़ा दन रेबाळा पाप का सुख भोगबा सुं परमेसर का लोगां की लार दुख भोगबो साउटो चोखो लाग्यो। 26अर मसी की बजेसुं अपमान सेबो मिसर का धन सुं बड़ो धन समझ्यो। क्युं क बीकी आंख्या ईनाम माळ्अ छी।

27बस्वास सुंई वो राजा का रोष सुं डरप्या बना मिसर देस न्अ छोड़ दियो, अर वो कोन दिखबाळा परमेसर न्अ दिखबाळा की जस्यान मानर सब सेन करलियो। 28बस्वास सुंई वो फसह अर लोई को छांटो देबा की विधि न्अ मान्यो, क पेला जनम्या छोरा न्अ मारबाळो इजरायल्या का पेला जनम्या छोरा क हाथ कोन लगाव्अ।

29बस्वास सुंई वे लाल समून्दर मं होर अस्यान पार होगा जस्यान सुखी जमी माळ्अ। अर जद मिसरी बी अस्यान कर्या तो वे डुबग्या।

30बस्वास सुंई यरीहो नगर को परकोटो जद्‍या इजरायली मनख सात दन ताणी चक्‍कर काट चुक्या तो बा पड़गी। 31बस्वास सुंई राहाब वेस्या खियो उंगालबाळा की लार नास कोन्अ होई। क्युं क बा जासुसां की आवभगत करी छी।

32अब ओर कांई खेऊ? अब साउटी बगत कोन्अ क गीदोन, बाराक, सिमसोन, यिफतह, दाऊद, सामुएल, अर परमेसर की ओड़ी सुं बोलबाळा का बारा मं खेऊ। 33ये बस्वास सुंई घणा राज-पाट जीत्या, धरम का काम कर्या, वादो करेड़ी चीजान्अ पा लिया, न्हार का मूंडा बंद कर दिया। 34बळती लाय न्अ ठण्डी कर दिया, तलवार सुं बचर नखळग्या, कमजोर होता होया बी सक्‍तिसाली बणग्या, लड़ाई मं सक्‍तिसाली होग्या, बिदेसी सैना न्अ मार भगाया। 35बस्वास सुंई लुगायां बांका मरेड़ा न्अ पाछा जिन्दा पाली।

कतराई तो मार खाता रिया, अर छूटबा बेई मना कर दिया। जिसुं क मरया मंसुं जीवतो होया पाछ्अ ओर चोखी जन्दगी मेसुस करअ। 36कतराई को मजाक उड़ायो गियो, कोड़ा खार, सांकळा सुं बांधर, जैळ मं पटकर परख्या गिया। 37बाम्अ सुं घणा न्अ भाटा की देर मार दिया, घणा न्अ आरा सुं चीर्यो गियो, घणा न्अ तलवार सुं मार्यो गियो, वे गरीब छा अर बान्अ यातना दी गई अर वे कळेस मं दुख भोगता होया लळ्डया अर बकरयां की खाल ओढ्‍या अण्डी-उण्डी फरता फरया। 38वे उजाड़ अर डुंगरा मं भटकता रिया। अर खाढ़ा मं अर गुफा मं लुखता रिया। क्युं क संसार बांक्अ लायक कोन्अ छो।

39बाका बस्वास की बजे सुंई बां सबळा की तारीफ होई छ। फेरबी वाम्अ सुं कोई न्अ बी वादो करेड़ी चीज कोन्अ मली। 40क्युं क परमेसर पेलीसुंई आपण्अ ताणी एक उत्तम बात ठेरायो छ क वे आपण्अ बना सिद्ध कोन होव्अ।

Currently Selected:

इब्रानियों 11: डि एच डि

Highlight

Copy