1 थिस्सलुनीकियों 3

1 # थरपेड़ा 17:15 क्युं क म्हे थांका हालचाल जाणबा बेई ओर साऊटी बाठ कोन न्हाळ सक्या जिसुं म्हे एथेंस नगर मं ऐकला ही रुकबा को नरणो कर्या, 2अर म्हे आपणा भाई तीमुथियुस न्अ थान्अ बस्वास मं गाढ़ा करबा अर बढ़ाबा बेई खन्दा दिया, ज्यो परमेसर बेई मसी का चोखा समचार का परचार मं आपणी लारा काम करबाळो छ। 3जिसुं अबार का यां दुखा म कोई भटक्अ कोन्अ। क्युं क थे जाणो छो क आपण्अ बेई दुख मं डट्‍या रेबो परमेसर की मरजी को एक भाग छ। 4सांच्याई जद्‍या म्हे थां कन्अ छा, थान्अ पेलीसुंई खेव्अ छा क म्हाप्अ दुख आबाळा छ, थे तो या जाणोई छो अर एकधम वस्यानई होयो बी छ। 5जिसुं म्हे ओर साऊटी बाठ कोन न्हाळ सक्अ छा तो थांका बस्वास न्अ जाणबा तीमुथियुस न्अ खन्दा दिया। क्युं क मन्अ ड़र छो क लालच देबाळो कढी थान्अ लोभ देर म्हाकी कळ्डी मेनत न्अ बेकार कोन कर दियो छ।

6 # थरपेड़ा 18:5 थां कन्अ सुं तीमुथियुस अबार-अबार म्हाखन्अ पाछो आयो छ अर वो म्हान्अ थांका बस्वास अर परेम को समचार दियो छ। वो म्हान्अ बतायो छ क थे म्हान्अ खूब चोखां याद करो छो अर थे म्हासुं मलबा बेई वस्यान ई उत्यावळा छो जस्यान म्हे थासुं मलबा बेई छा। 7जिसुं ह भाई-बेणो, म्हाकी सबळी पिड़ा अर दुखा मं थांका बस्वास की बजेसुं म्हाको जोस बढ़यो छ। 8अर हां! अब म्हाकी सांस मं सांस आई छ क्युं क म्हे जाणग्या क परबु म थे अटल छो। 9थांकी बजेसुं म्हान्अ ज्यो आण्द मल्यो छ, उं बेई म्हे आपणा परमेसर को घणु धन्यवाद करां छा। 10अर म्हे रात-दन उसुं घणी परातना करां छा क म्हे थान्अ फेरू देखल्या अर थांका बस्वास मं ज्योबी कमी छ उन्अ पूरी करां।

11आपणो परमेसर बाप अर परबु ईसु थां कन्अ आबा बेई म्हान्अ गेल्‍लो दखाव्अ। 12अर परबु अस्यान करअ क जस्यान म्हे थासुं परेम करां छा वस्यान ई थे आमा-सामा अर सबळा बेई थाम्अ ज्यो हेत छ परबु उन्अ ओर बढ़ाव्अ। वस्यान ई जस्यान थांक्अ बेई म्हाको परेम उफण्अ छ। 13अस्यान वो थांका हीया न्अ गाढ़ा करअ अर वान्अ आपणा परम बाप परमेसर क साम्अ खुदका सबळा पवितर सरगदूता#3:13 पवितर सरगदूता सरगदूत अर सबळा मनख ज्यो परमेसर क साम्अ उबा छ। की लारा आपणा परबु ईसु क आया सुं पवितर अर बना दोषहाळा बणा देव्अ।

Currently Selected:

1 थिस्सलुनीकियों 3: डि एच डि

Highlight

Copy