أيث-روما 6
6
نتْمتَّا س ڒْمُعْصِيّث، نْتدَّر س لْمَسِيح
1إِيوَا، مِين غَا نِينِي؟ مَا أَ نْسِيغِي ذِي ڒْمُعْصِيَاث حمَا ٱذ يكْثَار اَرْضَا ن أَربِّـي؟ 2لَّا، عمَّارْص! نشِّين نمُّوْث-اَس إِ ڒْمُعْصِيّث،#6.2 زَعْمَا، "نمُّوْث إِ ڒْمُعْصِيّث" هِيَا ڒخُّو وَامِي نُوْمن زِي سِيذِيثْنغ عِيْسَى، ڒْمُعْصِيّث وَار غَارس بُو جّْهذ خَانغ. وَار ثْزمَّر اَذَانغ ثْضَرّ. نشِّين ڒخُّو نتْوَاڒَا ڒْمُعْصِيّث بلِّي نتَّاث ذ ثَعفَّانْت اَطَّاس، وَار نْزمَّر شَا اَزَّايس نْفَرح ؤُڒَا اَذَايس نْعِيش. ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس. 3مَا وَار ثسِّينم شَا كنِّيو؟ نشِّين، وَامِي نتْوَاطهَّار س وَامَان حمَا أَ نِيڒِي ذ يجّن اَك لْمَسِيح، نتْوَاطهَّار اَكِذس حمَا أَ نْشَرْش ذِي ڒْموْث نّس. 4فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.
5شُوْف، مڒَا نْشَرش اَكِذس ذݣ يِجّن ن ڒْموْث اَم ثنِّي إِي يݣَّا نتَّا، أَمنِّي عَاوذ إِي كِذس غَا نْشَرش ذݣ يِجّن ن لْقِيَامَا اَم ثنِّي إِي يݣَّا نتَّا. 6نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان#6.6 ئِسمْغَان نِثْنِي ذ لْعَبِيد. ڒْمَعْنَا ذَانِيتَا يعْنِي نشِّين ذ لْعَبِيد ن ڒْمُعْصِيّث. ن ڒْمُعْصِيّث. 7أَقَا ونِّي يمُّوْثن يهْنَا زِي ڒْمُعْصِيّث.
8فَا مڒَا نمُّوْث نشِّين اَك لْمَسِيح، نْتَامن عَاوذ اَكِذس ندَّر. 9نشِّين نسّن قَا لْمَسِيح يكَّر-د زِي ڒْموْث، عمَّارْص اَذ يمّث عَاوذ. وَار تْغِيمِي ڒْموْث اَخَاس ثْحكّم. 10لِأَنَّا وَامِي يمُّوْث، ئِمُّوْث يجّن ن ثْوَاڒَا وَاهَا إِ ڒبْدَا إِ مِين يدْجَان ذ ڒْمُعْصِيّث. ثُوْذَارْث نّس يدَّر ڒخُّو، يدَّر-يت إِ أَربِّـي. 11أَمُّو لَابُد اَذ تْحسّْبم كنِّيو يخف نْوم ثمُّوْثم-اَس إِ ڒْمُعْصِيّث، ثدَّرم-اَس إِ أَربِّـي س عِيْسَى لْمَسِيح.
12فَلِهَذَا يخصَّا وَار تجِّيم شَا ڒْمُعْصِيّث اَذ تحْكم خ دَّات نْوم إِي غَا يِفْنَان حمَا وَار تݣّم شَا اَرَّاي إِ شّهْوث نّس. 13وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان. 14أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.
مِين يدْجَان نِيشَان، نشِّين ذ لْعِبَاد نّس
15إِيوَا نشِّين مَا أَ نعْصَا أَربِّـي خْمِي اَقَانغ سْوَادَّاي ن اَرْضَا نّس وَار ندْجِي شَا سْوَادَّاي ن وفُوْس ن شَّرِيعَا؟ لَّا، عمَّارْص! 16مَا وَار ثسِّينم شَا؟ مڒَا ثْسلّْمم يخف نْوم إِ شَان يِجّن ثْذوْڒم ذ يسمْغَان ثْطَاعَام-اَس، أَتَاف اَذ تْذوْڒم ذ يسمْغَان إِ ونِّي ؤُمِي ثْطَاعَام. إِمَّا اَذ تْطَاعم إِ ڒْمُعْصِيّث يتَاوِين غَار ڒْموْث، إِمَّا اَذ تْطَاعم إِ ونِّي إِي كنِّيو غَا يَاوِين غَار صُّلْح اَكِذس. 17-18وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان. 19نش سَّاوَاڒغ اَكِذْوم س يِجّن ن وَاوَاڒ عَادِي لِأَنَّا يقْسح خ بْنَاذم اَذ يفْهم مَانَايَا. قْبڒ تُوْغَا تْقدَّامم كُڒ طَّارْف زِي دَّات نْوم بَاش اَزَّايس يتْوَاݣّ لْفَسَاد ذ شَّرّْ يتمْغُوْرن. وَلَكِن ڒخُّو تْقدَّامث دَّات نْوم اَذ تخْذم مِين يدْجَان نِيشَان حمَا اَذ تِيڒِيم ثصْفَام.
20شُوْف، وَامِي تُوْغَا ثْطَاعَام إِ ڒْمُعْصِيّث، تُوْغَا غَارْوم لْحُرِّيَا اَذ تْرزُّوْم وَار تݣّم مِين يدْجَان نِيشَان. 21ذِي ڒْوقْث نِّي، ثِمسْڒَايِين نِّي مَا ذَايْسنْت شَان نّْفَع مِينْزِي ڒخُّو تْسذْحَام؟ وَالُو، لِأَنَّا ثِمسْڒَايِين نِّي تَاوِينْت غَار ڒْموْث. 22ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا. 23أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.
Currently Selected:
أيث-روما 6: ريف
Highlight
Share
Copy
Want to have your highlights saved across all your devices? Sign up or sign in
