أيث-روما 11
11
أَربِّـي، مَا ينْكَر أَيث-إِسْرَائِيل؟
1إِيوَا تْسقْسِيغ نش، أَربِّـي مَا ينْكَر شَّعْب نّس؟ لَّا، عمَّارْص! نش س يِيخف ينُو ذ اَئِسْرَائِيلِي، زِي دُّوْرِّيث ن بْرَاهِيم زِي أَيث-بنْيَامِين. 2أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس: 3<آ سِيذِي أَربِّـي! نْغِين لْأَنْبِيَا، هذْمن يمُوْشَان مَانِي ذَاش نتْقدَّام دْبِيحَاث. ڒخُّو قِّيمغ غِير نش وَاحْذِي رزُّوْن اَذَايِي نْغن.> 4إِيوَا مِينْزِي خَاس يَارَّا أَربِّـي؟ ينَّا-ٱس: <جِّيغ سبْعَا اَڒَاف ن يرْيَازن إِ يِيخف ينُو وَار رْكِيعن شَا إِ لْأَصْنَام نِّي ؤُمِي قَّارن بَعْل!> 5إِذن ؤُڒَا ذِي زْمَان-أَ إِي ذِي ندْجَا، قَا ذَا ڒبْعَاض يخْضَر-يثن أَربِّـي س اَرْضَا نّس. 6مڒَا يخْضَر-يثن س اَرْضَا نّس، أَتَاف ڒخُّو وَار يدْجِي شَا س لْحَسَانَاث نْسن. مڒَا مَاشِي اَمنِّي، أَتَاف اَرْضَا وَار يتِيڒِي بُو ذ اَرْضَا.
7إِذن، مِيخف رزُّوْن أَيث-إِسْرَائِيل وَار ث ؤُفِين شَا، يِنِّي يتْوَاخْضَرن ؤُفِين-ث. يِنِّي يقِّيمن، ؤُڒَاون نْسن تْوَاقْسْحن. 8إِيوَا مَامّش يقَّار لْكِتَاب:
<يُوْشَا-اَسن أَربِّـي ڒقْفَڒث،
ثِيطَّاوِين وَار تْوِيڒِينْت،
ئِمجَّان وَار تسْڒِين اَڒ نْهَار ن يِضَا.>
9ئِقَّار نَّبِي دَاود:
<أَذ يذْوڒ ڒْعِيذ نْسن ذ ثَخْشبْث ذ لْفخّ،
ذ اَزْرُو إِي ذِي تْنقْڒَاظن،
أَخَاس شّن اَعْمُوْذ.
10أَذ ضَرْغْڒنْت ثِيطَّاوِين نْسن حمَا وَار تْوِيڒِينْت،
أَذ يڒِين يعُوْرَار نْسن ڒبْدَا ذ يمَاقوْسن.>
أَذ نجْمن ؤُڒَا ذ يِنِّي وَار يدْجِين شَا زِي أَيث-إِسْرَائِيل
11إِيوَا تْسقْسِيغ، أَيث-إِسْرَائِيل مَا صَافِي نْقڒْظن وضَان؟ لَّا، عمَّارْص! لْعَكْس، س ڒْمُعْصِيّث-أَ ن أَيث-إِسْرَائِيل يسنْجم أَربِّـي يِنِّي وَار يدْجِين شَا زِي أَيث-إِسْرَائِيل بَاش اَذ تكَّر لْغِرَا ذِي أَيث-إِسْرَائِيل. 12ڒخُّو ڒْمُعْصِيّث نِّي إِي ݣِّين أَيث-إِسْرَائِيل مڒَا ثُوْوِي-د لْبَرَاكَا ذ ثَمقّْرَانْت إ دُّنشْت-أَ، أُو عَاوذ وطُّو نِّي إِي ݣِّين مڒَا يُوْوِي-د لْبَرَاكَا ذ ثَمقّْرَانْت إ يِنِّي وَار يدْجِين شَا زِي أَيث-إِسْرَائِيل، مشْحَاڒ غَا ثرْنِي لْبَرَاكَا خْمِي د غَا ذوْڒن غَار وبْرِيذ؟
13فَا نش قَّارغ-اَوم مَانَايَا إِ كنِّيو وَار يدْجِين شَا زِي أَيث-إِسْرَائِيل. نش ذ اَرَّسُوْل غَار يِنِّي وَار يدْجِين شَا زِي أَيث-إِسْرَائِيل، نش ڒْخذْمث ينُو حسّْبغ-ت غَارس يجّن ن شّان يمْغَر. 14رزُّوْغ اَذ سْنكَّرغ لْغِرَا ذݣ أَيثْمَا يسْرَائِيلِيْين حمَا اَذ سْنجْمغ ڒبْعَاض زَّايسن. 15أَقَا وَامِي خَاسن يُوْزّڒ أَربِّـي، ئِسمْصْڒَاح نتَّا دُّنشْت-أَ اَكِذس. عَاوذ خْمِي ثن غَا يقْبڒ، أَذ تِيڒِي اَم ثُوْذَارْث إِ يِنِّي يمُّوْثن! 16مڒَا ثْقرّْصذ شْوَايْت زݣ ورشْثِي#11.16 أَرشْثِي يعْنِي نتَّا ذ اَرِيْثِي. يصْفَان ثْقدّْمذ-ث إِ أَربِّـي، أَتَاف اَذ يِيڒِي اَمنِّي يصْفَا ؤُرشْثِي نِّي اَمن-يكْمَاڒ. أُو مڒَا اَذ يڒِين يࢲوْرَان ن ثْشجَّارث صْفَان، أَتَاف اَذ يڒِين ؤُڒَا ذ ڒفْرُوْع، يعْنِي ثِسضْوِين.
17شُوْف، ڒبْعَاض ن ڒفْرُوْع يعْنِي ثِسضْوِين تْوَاقسّنْت زِي ثْزِيتُونْت، سّنِّي شك ثتْوَاڒقّْمذ ذݣ ومْشَان نْسنْت جَار ثِنِّي يقِّيمن وَاخَّا شك ذ اَزمُّوْر، ثْشَرّْشذ ذݣ يࢲوْرَان ن ثْزِيتُونْت ثدَّرذ زَّايْسن.#11.17 لْأَيَا-يَا ڒْمَعْنَا نّس ڒبْعَاض ن ثْسضْوِين ن ثْزِيتُوْنْت تْوَاقسّنْت، سّنِّي ذݣ ومْشَان نْسنْت تْوَاڒقّْمنْت ڒبْعَاض ن ثْسضْوِين ن وزمُّوْر. مَاشِي ثْقسّ ثْزِيتُوْنْت قاع؛ لَّا، قسّنْت ڒبْعَاض ن ثْسضْوِين نّس وَاهَا. 18وَلَكِن وَار تْسمْغَار شَا يخف نّش خ ڒفْرُوْع نِّي يتْوَاقسّن. مَايمِّي؟ وَار تتُّو شَا بلِّي ذ يࢲوْرَان نِّي إِي شك ييْسِين، وَار يدْجِي بُو ذ شك إِي ثن ييْسِين.
19إِذن، يمْكن شك اَذ تِينِيذ قَا ثِسضْوِين تْوَاقسّنْت بَاش نش اَذ تْوَاڒقّْمغ ذݣ ومْشَان نْسنْت. 20وَاه، نِثنْتِي تْوَاقسّنْت سّنِّي وَامِي وَار ؤُمِيننْت شَا؛ شك ثقِّيمذ ذِنِّي وَامِي ثُوْمْنذ. وَلَكِن وَار تْسمْغَار شَا يخف نّش؛ لَّا، ݣّْوذ! 21إِيوَا، مڒَا أَربِّـي تُوْغَا وَار يحِينّ شَا ذِي ڒفْرُوْع ن لْأَصل، ؤُڒَا ذ شك وَار ذَايك يتْحِينِّي شَا.
22إِذن خْزَر مشْحَاڒ يصْبح أَربِّـي مشْحَاڒ إِي يقْسح. ئِقْسح خ يِنِّي يوْضَان؛ ئِصْبح اَكِذش شك يعْنِي مڒَا ثقِّيمذ ذِي ڒْخِير نّس. مڒَا لَّا اَتَاف اَذ تْوَاقسّذ ؤُڒَا ذ شك. 23أُو مڒَا وَار قِّيمن شَا يسْرَائِيلِيْين خ لْكُفر نْسن، ؤُڒَا ذ نِثْنِي اَثن يڒقّم أَربِّـي لِأَنَّا غَارس جّْهذ نتَّا إِي زِي ثن غَا يڒقّم عَاوذ. 24شُوْف، شك تْوَاقسّذ زݣ وزمُّوْر يعْنِي طَّبِيعَا نّش، سّنِّي تْوَاڒقّْمذ ذِي ثْزِيتُوْنْت يعْنِي مَاشِي طَّبِيعَا نّش. أُو نِثنْتِي، مشْحَاڒ يهْون اَذ تْوَاڒقّْمنْت يعْنِي ثِسضْوِين ن ثْزِيتُوْنْت اَذ تْوَاعقْبنْت غَار لْأَصل نْسنْت.
أَرَّحْمث ن أَربِّـي خ مَارَّا دُّنشْت
25آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل. 26أَمنِّي إِي غَا نجْمن مَارَّا أَيث-إِسْرَائِيل مَامّش يقَّار لْكِتَاب:
<زِي لْقُدْس إِي د غَا يَاس ونِّي إِي ثن غَا يسْنجْمن،
أَذ يسْبعّذ شَّرّْ خ ثَارْوَا ن يَعْقُوْب.
27أَذ يِيڒِي ذ وَا ذ ڒْعَهذ ينُو اَكِذْسن
خْمِي خَاسن غَا مْحِيغ ڒْمُعْصِيَاث نْسن.>
28س سَّبَاب ن لْإِنْجِيل، ئِسْرَائِيلِيْين ذ ڒَعْذُو عْلَاحْسَاب كنِّيو. وَلَكِن س سَّبَاب مِينْزِي تْوَاخْضَرن، نِثْنِي ذ يمْعِيزّن عْلَاحْسَاب سَّلَاف صَّلِيحِين. 29لِأَنَّا أَربِّـي وَار يندّم شَا خ مِين يتِيشّ نِغ خ مِين يتِيخْضَر. 30شُوْف، ذِي ڒْوقْث نِّي يعْذُوْن تُوْغَا كنِّيو ثْعصَّام أَربِّـي، يرْحم-يكنِّيو ڒخُّو س سَّبَاب ن ڒْمُعْصِيّث نِّي ن أَيث-إِسْرَائِيل. 31أَمنِّي ؤُڒَا ذ نِثْنِي وَامِي عْصَان أَربِّـي ڒخُّو، أَثن يرْحم مَامّش إِي كنِّيو يرْحم. 32لِأَنَّا نتَّا أَربِّـي يَارَّا يوْذَان مَارَّا ذ يمحْبَاس ن ڒْمُعْصِيّث حمَا اَثن يرْحم مَارَّا إِذْسن.
33مشْحَاڒ يمْغَر وَاݣْڒَا ن ڒفْهَامث ذ ثُوْسْنَا#11.33 ثُوْسْنَا نتَّاث ذ لْمَعْرِفَا. ن أَربِّـي!
وَار تْوَاشرّْحن لْأَحْكَام نّس،
وَار تْوَافهّْمن يبْرِيذن نّس.
34وِيݣ يسّْنن ڒَعْقڒ ن سِيذِي أَربِّـي،
نِغ وِي كِس يمْشَوَارن؟
35وِي ذَاس يُوْشِين شَان ڒْحَاجث ذ اَمزْوَارُو،
بَاش نتَّا اَذَاس-ت-يذ يَارّ؟
36أَقَا مَارَّا يُوْسَا-د يكَّا-د زَّايس، كُلْشِي نّس.
أَغَارس ثِيڒِي لْعَظَمَا إِ نتَّا إِ ڒبْدَا. آمِين.
Currently Selected:
أيث-روما 11: ريف
Highlight
Share
Copy
Want to have your highlights saved across all your devices? Sign up or sign in
أيث-روما 11
11
أَربِّـي، مَا ينْكَر أَيث-إِسْرَائِيل؟
1إِيوَا تْسقْسِيغ نش، أَربِّـي مَا ينْكَر شَّعْب نّس؟ لَّا، عمَّارْص! نش س يِيخف ينُو ذ اَئِسْرَائِيلِي، زِي دُّوْرِّيث ن بْرَاهِيم زِي أَيث-بنْيَامِين. 2أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس: 3<آ سِيذِي أَربِّـي! نْغِين لْأَنْبِيَا، هذْمن يمُوْشَان مَانِي ذَاش نتْقدَّام دْبِيحَاث. ڒخُّو قِّيمغ غِير نش وَاحْذِي رزُّوْن اَذَايِي نْغن.> 4إِيوَا مِينْزِي خَاس يَارَّا أَربِّـي؟ ينَّا-ٱس: <جِّيغ سبْعَا اَڒَاف ن يرْيَازن إِ يِيخف ينُو وَار رْكِيعن شَا إِ لْأَصْنَام نِّي ؤُمِي قَّارن بَعْل!> 5إِذن ؤُڒَا ذِي زْمَان-أَ إِي ذِي ندْجَا، قَا ذَا ڒبْعَاض يخْضَر-يثن أَربِّـي س اَرْضَا نّس. 6مڒَا يخْضَر-يثن س اَرْضَا نّس، أَتَاف ڒخُّو وَار يدْجِي شَا س لْحَسَانَاث نْسن. مڒَا مَاشِي اَمنِّي، أَتَاف اَرْضَا وَار يتِيڒِي بُو ذ اَرْضَا.
7إِذن، مِيخف رزُّوْن أَيث-إِسْرَائِيل وَار ث ؤُفِين شَا، يِنِّي يتْوَاخْضَرن ؤُفِين-ث. يِنِّي يقِّيمن، ؤُڒَاون نْسن تْوَاقْسْحن. 8إِيوَا مَامّش يقَّار لْكِتَاب:
<يُوْشَا-اَسن أَربِّـي ڒقْفَڒث،
ثِيطَّاوِين وَار تْوِيڒِينْت،
ئِمجَّان وَار تسْڒِين اَڒ نْهَار ن يِضَا.>
9ئِقَّار نَّبِي دَاود:
<أَذ يذْوڒ ڒْعِيذ نْسن ذ ثَخْشبْث ذ لْفخّ،
ذ اَزْرُو إِي ذِي تْنقْڒَاظن،
أَخَاس شّن اَعْمُوْذ.
10أَذ ضَرْغْڒنْت ثِيطَّاوِين نْسن حمَا وَار تْوِيڒِينْت،
أَذ يڒِين يعُوْرَار نْسن ڒبْدَا ذ يمَاقوْسن.>
أَذ نجْمن ؤُڒَا ذ يِنِّي وَار يدْجِين شَا زِي أَيث-إِسْرَائِيل
11إِيوَا تْسقْسِيغ، أَيث-إِسْرَائِيل مَا صَافِي نْقڒْظن وضَان؟ لَّا، عمَّارْص! لْعَكْس، س ڒْمُعْصِيّث-أَ ن أَيث-إِسْرَائِيل يسنْجم أَربِّـي يِنِّي وَار يدْجِين شَا زِي أَيث-إِسْرَائِيل بَاش اَذ تكَّر لْغِرَا ذِي أَيث-إِسْرَائِيل. 12ڒخُّو ڒْمُعْصِيّث نِّي إِي ݣِّين أَيث-إِسْرَائِيل مڒَا ثُوْوِي-د لْبَرَاكَا ذ ثَمقّْرَانْت إ دُّنشْت-أَ، أُو عَاوذ وطُّو نِّي إِي ݣِّين مڒَا يُوْوِي-د لْبَرَاكَا ذ ثَمقّْرَانْت إ يِنِّي وَار يدْجِين شَا زِي أَيث-إِسْرَائِيل، مشْحَاڒ غَا ثرْنِي لْبَرَاكَا خْمِي د غَا ذوْڒن غَار وبْرِيذ؟
13فَا نش قَّارغ-اَوم مَانَايَا إِ كنِّيو وَار يدْجِين شَا زِي أَيث-إِسْرَائِيل. نش ذ اَرَّسُوْل غَار يِنِّي وَار يدْجِين شَا زِي أَيث-إِسْرَائِيل، نش ڒْخذْمث ينُو حسّْبغ-ت غَارس يجّن ن شّان يمْغَر. 14رزُّوْغ اَذ سْنكَّرغ لْغِرَا ذݣ أَيثْمَا يسْرَائِيلِيْين حمَا اَذ سْنجْمغ ڒبْعَاض زَّايسن. 15أَقَا وَامِي خَاسن يُوْزّڒ أَربِّـي، ئِسمْصْڒَاح نتَّا دُّنشْت-أَ اَكِذس. عَاوذ خْمِي ثن غَا يقْبڒ، أَذ تِيڒِي اَم ثُوْذَارْث إِ يِنِّي يمُّوْثن! 16مڒَا ثْقرّْصذ شْوَايْت زݣ ورشْثِي#11.16 أَرشْثِي يعْنِي نتَّا ذ اَرِيْثِي. يصْفَان ثْقدّْمذ-ث إِ أَربِّـي، أَتَاف اَذ يِيڒِي اَمنِّي يصْفَا ؤُرشْثِي نِّي اَمن-يكْمَاڒ. أُو مڒَا اَذ يڒِين يࢲوْرَان ن ثْشجَّارث صْفَان، أَتَاف اَذ يڒِين ؤُڒَا ذ ڒفْرُوْع، يعْنِي ثِسضْوِين.
17شُوْف، ڒبْعَاض ن ڒفْرُوْع يعْنِي ثِسضْوِين تْوَاقسّنْت زِي ثْزِيتُونْت، سّنِّي شك ثتْوَاڒقّْمذ ذݣ ومْشَان نْسنْت جَار ثِنِّي يقِّيمن وَاخَّا شك ذ اَزمُّوْر، ثْشَرّْشذ ذݣ يࢲوْرَان ن ثْزِيتُونْت ثدَّرذ زَّايْسن.#11.17 لْأَيَا-يَا ڒْمَعْنَا نّس ڒبْعَاض ن ثْسضْوِين ن ثْزِيتُوْنْت تْوَاقسّنْت، سّنِّي ذݣ ومْشَان نْسنْت تْوَاڒقّْمنْت ڒبْعَاض ن ثْسضْوِين ن وزمُّوْر. مَاشِي ثْقسّ ثْزِيتُوْنْت قاع؛ لَّا، قسّنْت ڒبْعَاض ن ثْسضْوِين نّس وَاهَا. 18وَلَكِن وَار تْسمْغَار شَا يخف نّش خ ڒفْرُوْع نِّي يتْوَاقسّن. مَايمِّي؟ وَار تتُّو شَا بلِّي ذ يࢲوْرَان نِّي إِي شك ييْسِين، وَار يدْجِي بُو ذ شك إِي ثن ييْسِين.
19إِذن، يمْكن شك اَذ تِينِيذ قَا ثِسضْوِين تْوَاقسّنْت بَاش نش اَذ تْوَاڒقّْمغ ذݣ ومْشَان نْسنْت. 20وَاه، نِثنْتِي تْوَاقسّنْت سّنِّي وَامِي وَار ؤُمِيننْت شَا؛ شك ثقِّيمذ ذِنِّي وَامِي ثُوْمْنذ. وَلَكِن وَار تْسمْغَار شَا يخف نّش؛ لَّا، ݣّْوذ! 21إِيوَا، مڒَا أَربِّـي تُوْغَا وَار يحِينّ شَا ذِي ڒفْرُوْع ن لْأَصل، ؤُڒَا ذ شك وَار ذَايك يتْحِينِّي شَا.
22إِذن خْزَر مشْحَاڒ يصْبح أَربِّـي مشْحَاڒ إِي يقْسح. ئِقْسح خ يِنِّي يوْضَان؛ ئِصْبح اَكِذش شك يعْنِي مڒَا ثقِّيمذ ذِي ڒْخِير نّس. مڒَا لَّا اَتَاف اَذ تْوَاقسّذ ؤُڒَا ذ شك. 23أُو مڒَا وَار قِّيمن شَا يسْرَائِيلِيْين خ لْكُفر نْسن، ؤُڒَا ذ نِثْنِي اَثن يڒقّم أَربِّـي لِأَنَّا غَارس جّْهذ نتَّا إِي زِي ثن غَا يڒقّم عَاوذ. 24شُوْف، شك تْوَاقسّذ زݣ وزمُّوْر يعْنِي طَّبِيعَا نّش، سّنِّي تْوَاڒقّْمذ ذِي ثْزِيتُوْنْت يعْنِي مَاشِي طَّبِيعَا نّش. أُو نِثنْتِي، مشْحَاڒ يهْون اَذ تْوَاڒقّْمنْت يعْنِي ثِسضْوِين ن ثْزِيتُوْنْت اَذ تْوَاعقْبنْت غَار لْأَصل نْسنْت.
أَرَّحْمث ن أَربِّـي خ مَارَّا دُّنشْت
25آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل. 26أَمنِّي إِي غَا نجْمن مَارَّا أَيث-إِسْرَائِيل مَامّش يقَّار لْكِتَاب:
<زِي لْقُدْس إِي د غَا يَاس ونِّي إِي ثن غَا يسْنجْمن،
أَذ يسْبعّذ شَّرّْ خ ثَارْوَا ن يَعْقُوْب.
27أَذ يِيڒِي ذ وَا ذ ڒْعَهذ ينُو اَكِذْسن
خْمِي خَاسن غَا مْحِيغ ڒْمُعْصِيَاث نْسن.>
28س سَّبَاب ن لْإِنْجِيل، ئِسْرَائِيلِيْين ذ ڒَعْذُو عْلَاحْسَاب كنِّيو. وَلَكِن س سَّبَاب مِينْزِي تْوَاخْضَرن، نِثْنِي ذ يمْعِيزّن عْلَاحْسَاب سَّلَاف صَّلِيحِين. 29لِأَنَّا أَربِّـي وَار يندّم شَا خ مِين يتِيشّ نِغ خ مِين يتِيخْضَر. 30شُوْف، ذِي ڒْوقْث نِّي يعْذُوْن تُوْغَا كنِّيو ثْعصَّام أَربِّـي، يرْحم-يكنِّيو ڒخُّو س سَّبَاب ن ڒْمُعْصِيّث نِّي ن أَيث-إِسْرَائِيل. 31أَمنِّي ؤُڒَا ذ نِثْنِي وَامِي عْصَان أَربِّـي ڒخُّو، أَثن يرْحم مَامّش إِي كنِّيو يرْحم. 32لِأَنَّا نتَّا أَربِّـي يَارَّا يوْذَان مَارَّا ذ يمحْبَاس ن ڒْمُعْصِيّث حمَا اَثن يرْحم مَارَّا إِذْسن.
33مشْحَاڒ يمْغَر وَاݣْڒَا ن ڒفْهَامث ذ ثُوْسْنَا#11.33 ثُوْسْنَا نتَّاث ذ لْمَعْرِفَا. ن أَربِّـي!
وَار تْوَاشرّْحن لْأَحْكَام نّس،
وَار تْوَافهّْمن يبْرِيذن نّس.
34وِيݣ يسّْنن ڒَعْقڒ ن سِيذِي أَربِّـي،
نِغ وِي كِس يمْشَوَارن؟
35وِي ذَاس يُوْشِين شَان ڒْحَاجث ذ اَمزْوَارُو،
بَاش نتَّا اَذَاس-ت-يذ يَارّ؟
36أَقَا مَارَّا يُوْسَا-د يكَّا-د زَّايس، كُلْشِي نّس.
أَغَارس ثِيڒِي لْعَظَمَا إِ نتَّا إِ ڒبْدَا. آمِين.
Currently Selected:
:
Highlight
Share
Copy
Want to have your highlights saved across all your devices? Sign up or sign in