أيث-ݣلاطيا 3
3
لْإِيمَان نِغ شَّرِيعَا؟
1آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب. 2أَكنِّيو سّقْسِيغ خ يِجّن ن ثْمسْڒَايْث وَاهَا. مَا يهْوَا-د خَاوم أَرُّوْح يقدّْسن وَامِي ثْطَاعم إِ شَّرِيعَا ن مُوْسَى؟ لَّا، ئِهْوَا-د وَامِي ثسْڒِيم إِ لإِنْجِيل ثُوْمْنم زَّايس. 3مَا ثْبُوْهْڒِيّم مْلِيح نِغ؟ كنِّيو ثبْذَام مْلِيح س ثْزمَّار ن أَرُّوْح يقدّْسن. مَا ثْرزُّوْم ڒخُّو اَذ تْكمّْڒم س ثْزمَّار نْوم ن بْنَاذم؟! 4مَارَّا مِين تْعدّْبم، مَا يرُوْح ذ ڒْبَاطڒ نِغ؟ لَّا، يمْكن مَاشِي ذ صَّح! 5إِذن، مَامّش ذَاوم د يتِيشّ أَربِّـي أَرُّوْح يقدّْسن يتݣّ جَارَاوم لْمُعْجِزَاث؟ وَاش خْمِي تْطَاعَام إِ شَّرِيعَا ن مُوْسَى؟ لَّا، خْمِي تسْڒَام لإِنْجِيل تَامْنم زَّايس.
6 ئِقَّار لْكِتَاب خ بْرَاهِيم: <أُوْشَا يُوْمن بْرَاهِيم زِي أَربِّـي، ئِكَّر أَربِّـي يسمْصْڒَاح-يث اَكِذس س لْإِيمَان نِّي.> 7فَلِيهَذَا، فهْمث كنِّيو بلِّي يِنِّي يُوْمْنن نِثْنِي ذ ثَارْوَا ن بْرَاهِيم. 8زِي قْبڒ يخْبَار-د أَربِّـي ذِي لْكِتَاب اَذ يسْمصْڒَاح اَكِذس س لْإِيمَان يِنِّي وَار يدْجِين شَا زِي أَيث-إِسْرَائِيل. عْلَاحْسَاب مَانَاينِّي يبشَّر زِي قْبڒ بْرَاهِيم س لإِنْجِيل ينَّا-ٱس قَا اَذ تْوَابَرْكن مَارَّا ڒݣْنُوْس خ سَّبَاب نّش. 9خ مَانَاينِّي يِنِّي يُوْمْنن اَذ تْوَابَرْكن اَك بْرَاهِيم يعْنِي ونِّي ؤُمِي قَّارن اَرْيَاز ن لْإِيمَان.
10شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!> 11مَعْرُوْف بلِّي ؤُڒَا ذ يجّن وَار يزمَّر اَذ يمصْڒَاح اَك أَربِّـي س شَّرِيعَا ن مُوْسَى ڒَاحقَّاش لْكِتَاب يقَّار: <ونِّي يدْجَان نِيشَان اَذ يعِيش س لْإِيمَان.> 12وَلَكِن اَبْرِيذ ن شَّرِيعَا ن مُوْسَى وَار يدْجِي شَا اَم وبْرِيذ ن لْإِيمَان ڒَاحقَّاش شَّرِيعَا تْوصَّا: <كُڒ يجّن يخدّْمن س ڒُوْصِيَاث-أَ ذ لْقَوَانِين-أَ يتْخصَّا اَزَّايْسن يعِيش.> 13لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.> 14س عِيْسَى لْمَسِيح ثهْوَا-د لْبَرَكَا نِّي إِي زِي تُوْغَا ث يوْعذ أَربِّـي إِ بْرَاهِيم ثُوْوض غَار ڒݣْنُوْس، حمَا س لْإِيمَان اَذَانغ يمُّوْش أَرُّوْح يقدّْسن إِي زِي ذَانغ يوْعذ.
ڒْفَارْق يدْجَان جَار شَّرِيعَا ن مُوْسَى ذ ڒْعَهذ ن سِيذْنَا بْرَاهِيم
15آي أَيثْمَا، أَذَاوم ؤُشغ يجّن لْمِثَال زِي لْعَادَاث نّغ. لْوَصِيَا،#3.15 لْوَصِيَا نتَّاث ذ يجّن ن ثبْرَات يتݣّ-يت يجّن عْلَاحْسَاب خْمِي غَا يمّث، ئِسَّاوَاڒ ذَايس عْلَاحْسَاب لْوَارَاثَا. نتَّاث مڒَا ثُوْرَا ثضْبع، وَار يزمَّر حَدّ اَت يسْبطّڒ نِغ اَذَايس يَرْنِي شَان ن ڒْحَاجث. 16أَمنِّي عَاوذ ڒْعَهذ نِّي يعْنِي لْوُعُوْد إِي ذَاس يُوْشَا أَربِّـي إِ بْرَاهِيم ذ وَايَّاو نّس. لْكِتَاب وَار يقَّار شَا <أَيَّاون نّس>، يعْنِي اَطَّاس إِذْسن. لَّا، يقَّار <أَيَّاو نّس>، يعْنِي يجّن ن بْنَاذم أُو نتَّا ذ لْمَسِيح.
17فَا نش، مِين رزُّوْغ اَذ ينِيغ؟ يعْنِي شَّرِيعَا ن مُوْسَى ثُوْسَا-د اَرْبعْمِيَّا أُو ثْڒَاثِين سْنَا منْبَعْد إِ ڒْعَهذ-أَ اَك بْرَاهِيم. شَّرِيعَا نِّي وَار ثْزمَّر شَا اَذ تسْبطّڒ ڒْعَهذ-أَ اَك بْرَاهِيم إِݣ يݣَّا أَربِّـي. يعْنِي مِين يوْعذ أَربِّـي إِ بْرَاهِيم وَار ث تَارِّي شَا شَّرِيعَا نِّي ذ ڒْبَاطڒ. 18شُوْف، لْوَارث مَعْلِيك يتِيشّ-يث أَربِّـي اَك شَّرِيعَا ن مُوْسَى، أَتَاف وَار ث يتِيشّ شَا اَك ڒْعَهذ نّس إِ بْرَاهِيم. وَلَكِن لَّا، لْوَارث نِّي يوْعذ-يث أَربِّـي إِ بْرَاهِيم س يِجّن ن ڒْعَهذ.
19إِيوَا، مَايمِّي ثدْجَا شَّرِيعَا ن مُوْسَى بَعْذَا؟ شَّرِيعَا ثمُّوْش نتَّاث بَاش اَذ يسّن بْنَاذم ڒْمُعْصِيَاث. تُوْغَا ثْصدْجَاح قْبڒ مَا ٱذ د يَاس وَايَّاو ن بْرَاهِيم إِي زِي ث يوْعذ أَربِّـي. شَّرِيعَا نِّي ؤُوِينْت-يت لْمَلَائِكَاث، ثُمَّا يجّن ن لْوَسِيط يعْنِي مُوْسَى يسِيْوض-يت-يد. 20نتَّا ذ لْوَسِيط وَاهَا، يعْنِي وَار يخدّم شَا وَاحْذس. وَلَكِن أَربِّـي نتَّا إِݣ يدْجَان وَاحْذس.
مِين ثعْنَا ڒْخذْمث ن شَّرِيعَا ن مُوْسَى؟
21إِذن شَّرِيعَا ن مُوْسَى، مَا تْعَارَّاض لْوُعُوْد ن أَربِّـي؟ لَّا وَالُو! شُوْف، مَعْلِيك ثمُّوْش شَان شَّرِيعَا يتِيشّن ثُوْذَارْث إِ بْنَاذم، أَتَاف اَذَانغ ثَارّ نِيشَان اَك أَربِّـي شَّرِيعَا نِّي. 22وَلَكِن لَّا، لْكِتَاب يقَّار بلِّي مَارَّا مِين يدْجَان نتَّا اَمشْنَاو اَمحْبُوْس ن ڒْمُعْصِيّث. مَايمِّي؟ بَاش مِين يوْعذ اَذ يمُّوْش س لْإِيمَان زِي عِيْسَى لْمَسِيح إِ يِنِّي إِي غَا يَامْنن.
23فَا قْبڒ مَا ٱذ د يَاس لْإِيمَان-أَ، تُوْغَا شَّرِيعَا ن مُوْسَى ثْشَرّف-اَنغ يعْنِي نشِّين تُوْغَا ندْجَا اَمشْنَاو يمحْبَاس نّس حتَّا ٱڒ وَامِي إِي د يمظْهَار لْإِيمَان-أَ إِي تُوْغَا د يتَاسن. 24س مَانَاينِّي شَّرِيعَا ن مُوْسَى تُوْغَا تْربَّا-يَانغ حتَّا ٱڒ وَامِي د يُوْسَا لْمَسِيح أُو سّنِّي إِي غَا نْمصْڒَاح اَك أَربِّـي س لْإِيمَان. 25ڒخُّو وَامِي صَافِي يمظْهَار-د لْإِيمَان، وَار ثقِّيم شَا شَّرِيعَا ن مُوْسَى تْربَّا-يَانغ.
26ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان. 27لِأَنَّا كنِّيو إِݣ يتْوَاطهَّارن س وَامَان بَاش اَذ تِيڒِيم ذِي لْمَسِيح، أَقَا ثْمُوْنم كنِّيو ذ يجّن اَكِذس. 28وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح. 29مڒَا كنِّيو زِي لْمَسِيح اَتَاف كنِّيو ذ ثَارْوَا ن بْرَاهِيم غَارْوم لْوَارث نِّي عْلَاحْسَاب مِينْزِي ث يوْعذ سِيذِي أَربِّـي.
Currently Selected:
أيث-ݣلاطيا 3: ريف
Highlight
Share
Copy
Want to have your highlights saved across all your devices? Sign up or sign in
أيث-ݣلاطيا 3
3
لْإِيمَان نِغ شَّرِيعَا؟
1آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب. 2أَكنِّيو سّقْسِيغ خ يِجّن ن ثْمسْڒَايْث وَاهَا. مَا يهْوَا-د خَاوم أَرُّوْح يقدّْسن وَامِي ثْطَاعم إِ شَّرِيعَا ن مُوْسَى؟ لَّا، ئِهْوَا-د وَامِي ثسْڒِيم إِ لإِنْجِيل ثُوْمْنم زَّايس. 3مَا ثْبُوْهْڒِيّم مْلِيح نِغ؟ كنِّيو ثبْذَام مْلِيح س ثْزمَّار ن أَرُّوْح يقدّْسن. مَا ثْرزُّوْم ڒخُّو اَذ تْكمّْڒم س ثْزمَّار نْوم ن بْنَاذم؟! 4مَارَّا مِين تْعدّْبم، مَا يرُوْح ذ ڒْبَاطڒ نِغ؟ لَّا، يمْكن مَاشِي ذ صَّح! 5إِذن، مَامّش ذَاوم د يتِيشّ أَربِّـي أَرُّوْح يقدّْسن يتݣّ جَارَاوم لْمُعْجِزَاث؟ وَاش خْمِي تْطَاعَام إِ شَّرِيعَا ن مُوْسَى؟ لَّا، خْمِي تسْڒَام لإِنْجِيل تَامْنم زَّايس.
6 ئِقَّار لْكِتَاب خ بْرَاهِيم: <أُوْشَا يُوْمن بْرَاهِيم زِي أَربِّـي، ئِكَّر أَربِّـي يسمْصْڒَاح-يث اَكِذس س لْإِيمَان نِّي.> 7فَلِيهَذَا، فهْمث كنِّيو بلِّي يِنِّي يُوْمْنن نِثْنِي ذ ثَارْوَا ن بْرَاهِيم. 8زِي قْبڒ يخْبَار-د أَربِّـي ذِي لْكِتَاب اَذ يسْمصْڒَاح اَكِذس س لْإِيمَان يِنِّي وَار يدْجِين شَا زِي أَيث-إِسْرَائِيل. عْلَاحْسَاب مَانَاينِّي يبشَّر زِي قْبڒ بْرَاهِيم س لإِنْجِيل ينَّا-ٱس قَا اَذ تْوَابَرْكن مَارَّا ڒݣْنُوْس خ سَّبَاب نّش. 9خ مَانَاينِّي يِنِّي يُوْمْنن اَذ تْوَابَرْكن اَك بْرَاهِيم يعْنِي ونِّي ؤُمِي قَّارن اَرْيَاز ن لْإِيمَان.
10شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!> 11مَعْرُوْف بلِّي ؤُڒَا ذ يجّن وَار يزمَّر اَذ يمصْڒَاح اَك أَربِّـي س شَّرِيعَا ن مُوْسَى ڒَاحقَّاش لْكِتَاب يقَّار: <ونِّي يدْجَان نِيشَان اَذ يعِيش س لْإِيمَان.> 12وَلَكِن اَبْرِيذ ن شَّرِيعَا ن مُوْسَى وَار يدْجِي شَا اَم وبْرِيذ ن لْإِيمَان ڒَاحقَّاش شَّرِيعَا تْوصَّا: <كُڒ يجّن يخدّْمن س ڒُوْصِيَاث-أَ ذ لْقَوَانِين-أَ يتْخصَّا اَزَّايْسن يعِيش.> 13لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.> 14س عِيْسَى لْمَسِيح ثهْوَا-د لْبَرَكَا نِّي إِي زِي تُوْغَا ث يوْعذ أَربِّـي إِ بْرَاهِيم ثُوْوض غَار ڒݣْنُوْس، حمَا س لْإِيمَان اَذَانغ يمُّوْش أَرُّوْح يقدّْسن إِي زِي ذَانغ يوْعذ.
ڒْفَارْق يدْجَان جَار شَّرِيعَا ن مُوْسَى ذ ڒْعَهذ ن سِيذْنَا بْرَاهِيم
15آي أَيثْمَا، أَذَاوم ؤُشغ يجّن لْمِثَال زِي لْعَادَاث نّغ. لْوَصِيَا،#3.15 لْوَصِيَا نتَّاث ذ يجّن ن ثبْرَات يتݣّ-يت يجّن عْلَاحْسَاب خْمِي غَا يمّث، ئِسَّاوَاڒ ذَايس عْلَاحْسَاب لْوَارَاثَا. نتَّاث مڒَا ثُوْرَا ثضْبع، وَار يزمَّر حَدّ اَت يسْبطّڒ نِغ اَذَايس يَرْنِي شَان ن ڒْحَاجث. 16أَمنِّي عَاوذ ڒْعَهذ نِّي يعْنِي لْوُعُوْد إِي ذَاس يُوْشَا أَربِّـي إِ بْرَاهِيم ذ وَايَّاو نّس. لْكِتَاب وَار يقَّار شَا <أَيَّاون نّس>، يعْنِي اَطَّاس إِذْسن. لَّا، يقَّار <أَيَّاو نّس>، يعْنِي يجّن ن بْنَاذم أُو نتَّا ذ لْمَسِيح.
17فَا نش، مِين رزُّوْغ اَذ ينِيغ؟ يعْنِي شَّرِيعَا ن مُوْسَى ثُوْسَا-د اَرْبعْمِيَّا أُو ثْڒَاثِين سْنَا منْبَعْد إِ ڒْعَهذ-أَ اَك بْرَاهِيم. شَّرِيعَا نِّي وَار ثْزمَّر شَا اَذ تسْبطّڒ ڒْعَهذ-أَ اَك بْرَاهِيم إِݣ يݣَّا أَربِّـي. يعْنِي مِين يوْعذ أَربِّـي إِ بْرَاهِيم وَار ث تَارِّي شَا شَّرِيعَا نِّي ذ ڒْبَاطڒ. 18شُوْف، لْوَارث مَعْلِيك يتِيشّ-يث أَربِّـي اَك شَّرِيعَا ن مُوْسَى، أَتَاف وَار ث يتِيشّ شَا اَك ڒْعَهذ نّس إِ بْرَاهِيم. وَلَكِن لَّا، لْوَارث نِّي يوْعذ-يث أَربِّـي إِ بْرَاهِيم س يِجّن ن ڒْعَهذ.
19إِيوَا، مَايمِّي ثدْجَا شَّرِيعَا ن مُوْسَى بَعْذَا؟ شَّرِيعَا ثمُّوْش نتَّاث بَاش اَذ يسّن بْنَاذم ڒْمُعْصِيَاث. تُوْغَا ثْصدْجَاح قْبڒ مَا ٱذ د يَاس وَايَّاو ن بْرَاهِيم إِي زِي ث يوْعذ أَربِّـي. شَّرِيعَا نِّي ؤُوِينْت-يت لْمَلَائِكَاث، ثُمَّا يجّن ن لْوَسِيط يعْنِي مُوْسَى يسِيْوض-يت-يد. 20نتَّا ذ لْوَسِيط وَاهَا، يعْنِي وَار يخدّم شَا وَاحْذس. وَلَكِن أَربِّـي نتَّا إِݣ يدْجَان وَاحْذس.
مِين ثعْنَا ڒْخذْمث ن شَّرِيعَا ن مُوْسَى؟
21إِذن شَّرِيعَا ن مُوْسَى، مَا تْعَارَّاض لْوُعُوْد ن أَربِّـي؟ لَّا وَالُو! شُوْف، مَعْلِيك ثمُّوْش شَان شَّرِيعَا يتِيشّن ثُوْذَارْث إِ بْنَاذم، أَتَاف اَذَانغ ثَارّ نِيشَان اَك أَربِّـي شَّرِيعَا نِّي. 22وَلَكِن لَّا، لْكِتَاب يقَّار بلِّي مَارَّا مِين يدْجَان نتَّا اَمشْنَاو اَمحْبُوْس ن ڒْمُعْصِيّث. مَايمِّي؟ بَاش مِين يوْعذ اَذ يمُّوْش س لْإِيمَان زِي عِيْسَى لْمَسِيح إِ يِنِّي إِي غَا يَامْنن.
23فَا قْبڒ مَا ٱذ د يَاس لْإِيمَان-أَ، تُوْغَا شَّرِيعَا ن مُوْسَى ثْشَرّف-اَنغ يعْنِي نشِّين تُوْغَا ندْجَا اَمشْنَاو يمحْبَاس نّس حتَّا ٱڒ وَامِي إِي د يمظْهَار لْإِيمَان-أَ إِي تُوْغَا د يتَاسن. 24س مَانَاينِّي شَّرِيعَا ن مُوْسَى تُوْغَا تْربَّا-يَانغ حتَّا ٱڒ وَامِي د يُوْسَا لْمَسِيح أُو سّنِّي إِي غَا نْمصْڒَاح اَك أَربِّـي س لْإِيمَان. 25ڒخُّو وَامِي صَافِي يمظْهَار-د لْإِيمَان، وَار ثقِّيم شَا شَّرِيعَا ن مُوْسَى تْربَّا-يَانغ.
26ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان. 27لِأَنَّا كنِّيو إِݣ يتْوَاطهَّارن س وَامَان بَاش اَذ تِيڒِيم ذِي لْمَسِيح، أَقَا ثْمُوْنم كنِّيو ذ يجّن اَكِذس. 28وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح. 29مڒَا كنِّيو زِي لْمَسِيح اَتَاف كنِّيو ذ ثَارْوَا ن بْرَاهِيم غَارْوم لْوَارث نِّي عْلَاحْسَاب مِينْزِي ث يوْعذ سِيذِي أَربِّـي.
Currently Selected:
:
Highlight
Share
Copy
Want to have your highlights saved across all your devices? Sign up or sign in