أيث-ؤفسوس 2
2
س اَرْضَا ن سِيذِي أَربِّـي إِي زِي غَا ننْجم أُو صَافِي
1فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ دّْنُوْب نْوم. 2ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي. 3نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي. 4وَلَكِن أَربِّـي س ڒمْحِبّث نّس إِي يݣَّا إِ نشِّين ذ اَرَّحْمث نّس ثَمقّْرَانْت اَطَّاس، مِين ذَانغ يݣَّا نتَّا؟ 5ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم. 6ثُمَّا يسكَّر-اَنغ-د اَك لْمَسِيح يسْغِيم-اَنغ ذݣ يمُوْشَان ن وجنَّا س عِيْسَى لْمَسِيح. 7مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح. 8أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي. 9مَانَايَا مَاشِي عْلَاحْسَاب لْحَسَنَاث نْوم لَّا، بَاش ؤُڒَا ذ يجّن وَار يتفْتَخَر شَا زݣ يِيخف نّس. 10لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.
نشِّين ڒْمُوْمِنِين ذ يجّن س عِيْسَى لْمَسِيح
11إِيوَا عقْڒث بلِّي كنِّيو تُوْغَا ثدْجَام زݣ يِنِّي يتْوَاسمَّان ذ لْكُفَّار زَعْمَا، وَار ثݣِّيم شَا طَّهَارث. أَمنِّي إِي قَّارن ينِّي يتݣّن طَّهَارث (يعْنِي غِير مِين تݣّن ذِي دَّات س يفَاسّن ن بْنَاذم وَاهَا). 12عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ. 13وَلَكِن وَامِي ثُوْمْنم زِي عِيْسَى لْمَسِيح، كنِّيو إِي تُوْغَا ثُوْݣّْوْجم اَطَّاس زِي أَربِّـي قْبڒ، صَافِي ڒخُّو يسْقَارّب-يكنِّيو-د غَارس س يذَامّن ن لْمَسِيح.
14شُوْف، لْمَسِيح نتَّا س يِيخف نّس ذ ڒهْنَا نّغ. ذ نتَّا إِݣ يسْمُوْنن أَيث-إِسْرَائِيل ذ ڒݣْنُوْس نّغْنِي يݣَّا ثْنَاين ن شُّعُوْب-أَ ذݣ يِجّن ن شَّعْب. س دَّات ن لْمَسِيح يهْذم ڒْحِيض نِّي إِي تُوْغَا ذَانغ يفرّْقن س لْعَدَاوَا جَارَانغ. 15س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا. 16أَمنِّي يسمْصْڒَاح ثْنَاين ن شُّعُوْب-أَ اَك أَربِّـي يَارِّي-ثن ذ يجّن ن شَّعْب س صَّلِيب، ئِنْغَا زَّايس لْعَدَاوَا جَارَاسن. 17أَقَا يُوْسَا-د عِيْسَى يتْبشَّار نتَّا س لْإِنْجِيل يُوْوِي-اَوم-د ڒهْنَا إِ كنِّيو تُوْغَا يدْجَان ثبعّْذم خ أَربِّـي أُو ذ يِنِّي إِي د يُوْذْسن غَار أَربِّـي. 18لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.
19إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي. 20ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس. 21ذَايس ذِي نتَّا إِي يمُوْن مَارَّا ڒبْنِي ن ثدَّارْث-أَ تْݣَعَّاذ ذ يشْتن بَاش اَذ تِيڒِي ذ يجّن ن ثمْزِيذَا ذ ثَمْقدّسْت إِ أَربِّـي. 22ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.
Currently Selected:
أيث-ؤفسوس 2: ريف
Highlight
Share
Copy
Want to have your highlights saved across all your devices? Sign up or sign in
أيث-ؤفسوس 2
2
س اَرْضَا ن سِيذِي أَربِّـي إِي زِي غَا ننْجم أُو صَافِي
1فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ دّْنُوْب نْوم. 2ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي. 3نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي. 4وَلَكِن أَربِّـي س ڒمْحِبّث نّس إِي يݣَّا إِ نشِّين ذ اَرَّحْمث نّس ثَمقّْرَانْت اَطَّاس، مِين ذَانغ يݣَّا نتَّا؟ 5ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم. 6ثُمَّا يسكَّر-اَنغ-د اَك لْمَسِيح يسْغِيم-اَنغ ذݣ يمُوْشَان ن وجنَّا س عِيْسَى لْمَسِيح. 7مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح. 8أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي. 9مَانَايَا مَاشِي عْلَاحْسَاب لْحَسَنَاث نْوم لَّا، بَاش ؤُڒَا ذ يجّن وَار يتفْتَخَر شَا زݣ يِيخف نّس. 10لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.
نشِّين ڒْمُوْمِنِين ذ يجّن س عِيْسَى لْمَسِيح
11إِيوَا عقْڒث بلِّي كنِّيو تُوْغَا ثدْجَام زݣ يِنِّي يتْوَاسمَّان ذ لْكُفَّار زَعْمَا، وَار ثݣِّيم شَا طَّهَارث. أَمنِّي إِي قَّارن ينِّي يتݣّن طَّهَارث (يعْنِي غِير مِين تݣّن ذِي دَّات س يفَاسّن ن بْنَاذم وَاهَا). 12عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ. 13وَلَكِن وَامِي ثُوْمْنم زِي عِيْسَى لْمَسِيح، كنِّيو إِي تُوْغَا ثُوْݣّْوْجم اَطَّاس زِي أَربِّـي قْبڒ، صَافِي ڒخُّو يسْقَارّب-يكنِّيو-د غَارس س يذَامّن ن لْمَسِيح.
14شُوْف، لْمَسِيح نتَّا س يِيخف نّس ذ ڒهْنَا نّغ. ذ نتَّا إِݣ يسْمُوْنن أَيث-إِسْرَائِيل ذ ڒݣْنُوْس نّغْنِي يݣَّا ثْنَاين ن شُّعُوْب-أَ ذݣ يِجّن ن شَّعْب. س دَّات ن لْمَسِيح يهْذم ڒْحِيض نِّي إِي تُوْغَا ذَانغ يفرّْقن س لْعَدَاوَا جَارَانغ. 15س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا. 16أَمنِّي يسمْصْڒَاح ثْنَاين ن شُّعُوْب-أَ اَك أَربِّـي يَارِّي-ثن ذ يجّن ن شَّعْب س صَّلِيب، ئِنْغَا زَّايس لْعَدَاوَا جَارَاسن. 17أَقَا يُوْسَا-د عِيْسَى يتْبشَّار نتَّا س لْإِنْجِيل يُوْوِي-اَوم-د ڒهْنَا إِ كنِّيو تُوْغَا يدْجَان ثبعّْذم خ أَربِّـي أُو ذ يِنِّي إِي د يُوْذْسن غَار أَربِّـي. 18لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.
19إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي. 20ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس. 21ذَايس ذِي نتَّا إِي يمُوْن مَارَّا ڒبْنِي ن ثدَّارْث-أَ تْݣَعَّاذ ذ يشْتن بَاش اَذ تِيڒِي ذ يجّن ن ثمْزِيذَا ذ ثَمْقدّسْت إِ أَربِّـي. 22ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.
Currently Selected:
:
Highlight
Share
Copy
Want to have your highlights saved across all your devices? Sign up or sign in