1 تيموتاوس 1
1
لْمُقَدِّمَا
1نش ذ بُوْلُس ذ اَرَّسُوْل ن عِيْسَى لْمَسِيح س لْأَمَر ن أَربِّـي ونِّي إِي ذَانغ يسنْجَامن ذ عِيْسَى لْمَسِيح نتَّا ذ لْأَمَال نّغ. 2تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.
يِنِّي يسڒْمَاذن يخَرِّيقن وَاهَا
3نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان. 4أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان. 5مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق. 6ڒبْعَاض فّْغن زِي ثْمسْڒَايِين-أَ ؤُذْفن ذݣ وَاوَاڒن إِي يخْوَان. 7رزُّوْن اَذ دوْڒن ذ يمْسڒْمَاذن ن شَّرِيعَا، وَلَكِن وَار فهّْمن شَا مِين قَّارن ؤُڒَا ذ مِينْخف تْأَكَّادن اَطَّاس.
8شَّرِيعَا-يَا مڒَا يسْتعْمل-يت بْنَاذم نِيشَان، نشِّين نسّن-يت ذ ثَصبْحَانْت. 9نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان 10ذ يِنِّي يتݣّن لْفَسَاد ذ يرْيَازن يفسّْذن اَك وَايَاوْيَا ذ يِنِّي يتَاشَارن يوْذَان حمَا اَثن اَرّن ذ يسمْغَان ذ يِنِّي يقَّارن يخَرِّيقن ذ يِنِّي يشهّْذن ࢲُّوْر نِغ ذ يِنِّي يتݣّن شَان ن ثْمسْڒَايِين نّغْنِي يدْجَان ضد إِ تَّعْلِيم ن لْإِيمَان يدْجَان نِيشَان. 11تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.
أَرَّسُوْل بُوْلُس يتْشكَّر سِيذِيثْنغ خ اَرْضَا نّس
12تْشكَّرغ سِيذِيثْنغ عِيْسَى لْمَسِيح ونِّي إِي ذَايِي يُوْشِين جّْهذ نّس يُوْفَا ذَايِي تِّقث يسِيذف-اَيِي غَار ڒْخذْمث نّس. 13نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان. 14أَرْضَا ن سِيذِيثْنغ ينْفيّض-د خَافِي س وَاطَّاس ذ وَاطَّاس، أَكِذس يجّن ن لْإِيمَان ذ يِجّن ن ڒمْحِبّث إِݣ يدْجَان ذِي عِيْسَى لْمَسِيح.
15أَقَا يجّن ن وَاوَاڒ ذَايس تِّقث أُو لَابُد اَذ يتْوَاقْبڒ مَارَّا، يعْنِي عِيْسَى لْمَسِيح يُوْسَا-د غَار دُّنشْت-أَ بَاش اَذ يسنْجم يِنِّي يعصَّان، زَّايْسن نش إِݣ يدْجَان ذ لْعَاصِي ذ اَمقّْرَان خَاسن مَارَّا. 16وَامِي نش ذ لْعَاصِي ذ اَمقّْرَان خَاسن مَارَّا يسظْهَار-اَيِي-د أَربِّـي اَرَّحْمث نّس بَاش عِيْسَى لْمَسِيح اَزَّايِي د يسْمظْهَار مَارَّا صْبَار نّس اَذ يِيڒِي مَانَايَا ذ يجّن ن لْمِثَال إِ يِنِّي إِي زَّايس غَا يَامْنن اَغَارْسن ثِيڒِي ثُوْذَارْث ن ڒبْدَا. 17اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.
لْمَسْؤُلِيَا إِݣ يتِيشّ اَرَّسُوْل بُوْلُس إِ تِيمُوْتَاوُس
18آ وُلِدِي تِيْمُوْتَاوُس، أَذَاش ؤُشغ لْمَسْؤُلِيَا-يَا ثَانِيتَان عْلَاحْسَاب اَوَاڒن نِّي إِي خَاش نَّان لْأَنْبِيَا زِي قْبڒ بَاش خْمِي خَاسن غَا ثْعقْڒذ اَتَاف اَذ تْمنْغذ مْلِيح اَمنْغِي-يَا اَصبْحَان، 19أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر. 20زَّايْسن حِمِّيت ذ إِسْكَنْدر، جِّيغ-ثن نش إِ شِّيطَان حمَا اَذ تْوَاربَّان وَار قَّارن شَا اَوَاڒن نِّي وَار يحْڒِين خ أَربِّـي.
Currently Selected:
1 تيموتاوس 1: ريف
Highlight
Share
Copy
Want to have your highlights saved across all your devices? Sign up or sign in
1 تيموتاوس 1
1
لْمُقَدِّمَا
1نش ذ بُوْلُس ذ اَرَّسُوْل ن عِيْسَى لْمَسِيح س لْأَمَر ن أَربِّـي ونِّي إِي ذَانغ يسنْجَامن ذ عِيْسَى لْمَسِيح نتَّا ذ لْأَمَال نّغ. 2تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.
يِنِّي يسڒْمَاذن يخَرِّيقن وَاهَا
3نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان. 4أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان. 5مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق. 6ڒبْعَاض فّْغن زِي ثْمسْڒَايِين-أَ ؤُذْفن ذݣ وَاوَاڒن إِي يخْوَان. 7رزُّوْن اَذ دوْڒن ذ يمْسڒْمَاذن ن شَّرِيعَا، وَلَكِن وَار فهّْمن شَا مِين قَّارن ؤُڒَا ذ مِينْخف تْأَكَّادن اَطَّاس.
8شَّرِيعَا-يَا مڒَا يسْتعْمل-يت بْنَاذم نِيشَان، نشِّين نسّن-يت ذ ثَصبْحَانْت. 9نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان 10ذ يِنِّي يتݣّن لْفَسَاد ذ يرْيَازن يفسّْذن اَك وَايَاوْيَا ذ يِنِّي يتَاشَارن يوْذَان حمَا اَثن اَرّن ذ يسمْغَان ذ يِنِّي يقَّارن يخَرِّيقن ذ يِنِّي يشهّْذن ࢲُّوْر نِغ ذ يِنِّي يتݣّن شَان ن ثْمسْڒَايِين نّغْنِي يدْجَان ضد إِ تَّعْلِيم ن لْإِيمَان يدْجَان نِيشَان. 11تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.
أَرَّسُوْل بُوْلُس يتْشكَّر سِيذِيثْنغ خ اَرْضَا نّس
12تْشكَّرغ سِيذِيثْنغ عِيْسَى لْمَسِيح ونِّي إِي ذَايِي يُوْشِين جّْهذ نّس يُوْفَا ذَايِي تِّقث يسِيذف-اَيِي غَار ڒْخذْمث نّس. 13نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان. 14أَرْضَا ن سِيذِيثْنغ ينْفيّض-د خَافِي س وَاطَّاس ذ وَاطَّاس، أَكِذس يجّن ن لْإِيمَان ذ يِجّن ن ڒمْحِبّث إِݣ يدْجَان ذِي عِيْسَى لْمَسِيح.
15أَقَا يجّن ن وَاوَاڒ ذَايس تِّقث أُو لَابُد اَذ يتْوَاقْبڒ مَارَّا، يعْنِي عِيْسَى لْمَسِيح يُوْسَا-د غَار دُّنشْت-أَ بَاش اَذ يسنْجم يِنِّي يعصَّان، زَّايْسن نش إِݣ يدْجَان ذ لْعَاصِي ذ اَمقّْرَان خَاسن مَارَّا. 16وَامِي نش ذ لْعَاصِي ذ اَمقّْرَان خَاسن مَارَّا يسظْهَار-اَيِي-د أَربِّـي اَرَّحْمث نّس بَاش عِيْسَى لْمَسِيح اَزَّايِي د يسْمظْهَار مَارَّا صْبَار نّس اَذ يِيڒِي مَانَايَا ذ يجّن ن لْمِثَال إِ يِنِّي إِي زَّايس غَا يَامْنن اَغَارْسن ثِيڒِي ثُوْذَارْث ن ڒبْدَا. 17اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.
لْمَسْؤُلِيَا إِݣ يتِيشّ اَرَّسُوْل بُوْلُس إِ تِيمُوْتَاوُس
18آ وُلِدِي تِيْمُوْتَاوُس، أَذَاش ؤُشغ لْمَسْؤُلِيَا-يَا ثَانِيتَان عْلَاحْسَاب اَوَاڒن نِّي إِي خَاش نَّان لْأَنْبِيَا زِي قْبڒ بَاش خْمِي خَاسن غَا ثْعقْڒذ اَتَاف اَذ تْمنْغذ مْلِيح اَمنْغِي-يَا اَصبْحَان، 19أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر. 20زَّايْسن حِمِّيت ذ إِسْكَنْدر، جِّيغ-ثن نش إِ شِّيطَان حمَا اَذ تْوَاربَّان وَار قَّارن شَا اَوَاڒن نِّي وَار يحْڒِين خ أَربِّـي.
Currently Selected:
:
Highlight
Share
Copy
Want to have your highlights saved across all your devices? Sign up or sign in