1 أيث-كورينث 16
16
صَّذَاقَا إِ ڒْمُوْمِنِين صَّالِحِين ذِي ثنْدِينْت ن لْقُدْس
1عْلَاحْسَاب صَّذَاقَا إِ ڒْمُوْمِنِين صَّالِحِين، سْوجْذث كنِّيو مَامّش ثنْت وصِّيغ إِ ثْجُمَاع ن ڒْمُوْمِنِين ذِي لْإِقْلِيم ن ݣَلَاطْيَا. 2ذِي نْهَار اَمزْوَارُو ن كُڒ سِيمَانَا، كُڒ يجّن زَّايْوم يتْخصَّا-يَاس اَذ يكّس شَا ن تْمنْيَاث عْلَاحْسَاب لْمَنْضَا نّس اَثنْت يخمّڒ. مَاشِي اَڒ د غَا اَسغ نش عَاذ اَذ تبْذَام اَذ تسْمُوْنم تْمنْيَاث-أَ. 3منْبَعْد، يعْنِي خْمِي إِي د غَا اَوْضغ نش، أَتَاف اَذ د سّكّغ يِنِّي إِي غَا ثْسجّْلم ذِي ثبْرَاثِين بلِّي ذَايْسن تِّقث اَذ رَاحن اَذ اَوِين صَّذَاقَا-يَا إِي ثسْمُوْنم غَار ثنْدِينْت ن لْقُدْس. 4مڒَا أُو لَابُد اَذ رَاحغ ؤُڒَا ذ نش، أَكِذِي رَاحن.
أَرَّسُوْل بُوْلُس ذ يِنِّي إِي كِذس يخدّْمن إِ سِيذِيثْنغ
5فَا خْمِي غَا عْذُوْغ مَسِيدُوْنْيَا اَغَارْوم د اَسغ، قَا نش عَاذ اَذ د كّغ سّنِّي خ مَسِيدُوْنْيَا. 6يمْكن اَكِذْوم قِّيمغ يجّن ن ڒْوقْث نِغ اَكِذْوم سعْذُوْغ ڒْمشْتَا بَاش اَذَايِي ثْعَاوْنم ذݣ وسَفَار ينُو مَانِي مَا رُوْحغ. 7ڒخُّو وَار خْسغ شَا اَكنِّيو ࢲْرغ مِينْزِي اَخَاوم د كّغ وَاهَا؛ لَّا، تْمنِّيغ عَاذ اَكِذْوم قِّيمغ يجّن ن لْمُدَّا يعْنِي مڒَا يخس أَربِّـي. 8نش اَذ قِّيمغ ذِي ثنْدِينْت ن ؤُفَسُوْس اَڒ غَا د يَاوض ڒْعِيذ ن نْهَار وِيس خمْسِين.#16.8 ڒْعِيذ ن نْهَار وِيس خمْسِين ذ يجّن ن ڒْعِيذ ن أَيثْ-إِسْرَائِيل يتَاس-د خمْسِين يُوْم منْبَعْد إِ ڒْعِيذ اَمقّْرَان نْسن. 9أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.
10مڒَا يُوْسَا-د تِيْمُوْتَاوُس تْهلَّام ذَايس مْلِيح بَاش وَار ذَايس يتِيڒِي شَا ومْنُوْس ڒَاحقَّاش نتَّا يتݣّ ڒْخذْمث ن سِيذِيثْنغ اَمشْنَاو نش. 11ئِتْخصَّا ؤُڒَا ذ يجّن وَار ٱث يسحْقَار شَا. عَاوْنم-ث ذݣ ؤُسَفَار نّس بَاش اَغَارِي د يعْقب ذِي ڒهْنَا ڒَاحقَّاش نش تْڒَاجِيغ-ث اَك أَيثْمَاثْنغ.
12أُو عْلَاحْسَاب ؤُمَاثْنغ أَپُـوْلُّوْس، تَّارغ زَّايس اَطَّاس حمَا اَغَارْوم د يَاس اَك أَيثْمَاثْنغ نّغْنِي وَلَكِن نتَّا يُوْݣِي اَغَارْوم د يَاس ڒخُّو. أَغَارْوم د يَاس اَخْمِي اَغَارس ثِيڒِي يجّن ن لْفُرْصَا. 13إِڒِيث عْلَابَال، بدّث نِيشَان ذِي لْإِيمَان، إِڒِيث ذ يرْيَازن، إِڒِيث ثْجهْذم. 14مَارَّا مِين غَا ثݣّم كنِّيو تݣّم-ث س ڒمْحِبّث.
15-16أَقَا ثسّْنم سِتِيفَانُوْس ذ ڒحْبَاب نّس ذ نِثْنِي إِي يُوْمْنن زِي لْمَسِيح ذ يمزْوُوْرَا ذِي لْإِقْلِيم ن ؤُخَايَا، طوّْعن يخف نْسن اَذ سخَّارن إِ ڒْمُوْمِنِين صَّالِحِين. آي أَيثْمَا، تتَّارغ زَّايْوم اَذ تْثْطَاعم إِ يِوْذَان-أَ اَم يِيْنَا أُو ذ يِنِّي مَارَّا يشَرّْشن ذِي ڒْخذْمث-أَ تَمَارَان ذَايس اَطَّاس. 17نش فَرْحغ وَامِي د ؤُسِين سْتِيفَانُوْس ذ فُرْتُوْنَاوْس ذ أَخيكُوْس ڒَاحقَّاش عمَّارن يمُوْشَان نْوم. 18نِثْنِي سْريَّاحن ؤُڒ ينُو ذ وُوْڒ نْوم. إِيوَا وقَّرث يوْذَان اَم يِيْنَا.
لْخِتَام ن ثبْرَات-أَ
19ثِجُمَاع ن ڒْمُوْمِنِين ذِي لْإِقْلِيم ن آسْيَا تْسدْجَامنْت-يد خَاوم. أَكِيلَاس ذ پْـرِيسْكِيلَا ذ يِنِّي يدْجَان ذِي جْمَاعث ن ڒْمُوْمِنِين ذِي ثدَّارْث نْسن تْسَادْجَامن-د خَاوم اَطَّاس ذِي سِيذِيثْنغ. 20تْسدْجَامن-د خَاوم مَارَّا أَيثْمَاثْنغ. سدْجَامم خ وَايَاوْيَا س يِجّن ن سْڒَام يصْفَا.
21سْڒَام-أَ ؤُرِيغ-ث نش بُوْلُس س وفُوْس ينُو. 22ونِّي وَار يخْسن شَا سِيذِيثْنغ اَذ يتْوَاحَارّم. أَرَاح-د آ مَوْلَانَا! 23أَرْضَا ن سِيذِيثْنغ عِيْسَى اَكِذْوم يِيڒِي. 24ڒمْحِبّث ينُو اَكِذْوم ثِيڒِي كنِّيو مَارَّا ذِي عِيْسَى لْمَسِيح. آمِين.
Currently Selected:
1 أيث-كورينث 16: ريف
Highlight
Share
Copy
Want to have your highlights saved across all your devices? Sign up or sign in
1 أيث-كورينث 16
16
صَّذَاقَا إِ ڒْمُوْمِنِين صَّالِحِين ذِي ثنْدِينْت ن لْقُدْس
1عْلَاحْسَاب صَّذَاقَا إِ ڒْمُوْمِنِين صَّالِحِين، سْوجْذث كنِّيو مَامّش ثنْت وصِّيغ إِ ثْجُمَاع ن ڒْمُوْمِنِين ذِي لْإِقْلِيم ن ݣَلَاطْيَا. 2ذِي نْهَار اَمزْوَارُو ن كُڒ سِيمَانَا، كُڒ يجّن زَّايْوم يتْخصَّا-يَاس اَذ يكّس شَا ن تْمنْيَاث عْلَاحْسَاب لْمَنْضَا نّس اَثنْت يخمّڒ. مَاشِي اَڒ د غَا اَسغ نش عَاذ اَذ تبْذَام اَذ تسْمُوْنم تْمنْيَاث-أَ. 3منْبَعْد، يعْنِي خْمِي إِي د غَا اَوْضغ نش، أَتَاف اَذ د سّكّغ يِنِّي إِي غَا ثْسجّْلم ذِي ثبْرَاثِين بلِّي ذَايْسن تِّقث اَذ رَاحن اَذ اَوِين صَّذَاقَا-يَا إِي ثسْمُوْنم غَار ثنْدِينْت ن لْقُدْس. 4مڒَا أُو لَابُد اَذ رَاحغ ؤُڒَا ذ نش، أَكِذِي رَاحن.
أَرَّسُوْل بُوْلُس ذ يِنِّي إِي كِذس يخدّْمن إِ سِيذِيثْنغ
5فَا خْمِي غَا عْذُوْغ مَسِيدُوْنْيَا اَغَارْوم د اَسغ، قَا نش عَاذ اَذ د كّغ سّنِّي خ مَسِيدُوْنْيَا. 6يمْكن اَكِذْوم قِّيمغ يجّن ن ڒْوقْث نِغ اَكِذْوم سعْذُوْغ ڒْمشْتَا بَاش اَذَايِي ثْعَاوْنم ذݣ وسَفَار ينُو مَانِي مَا رُوْحغ. 7ڒخُّو وَار خْسغ شَا اَكنِّيو ࢲْرغ مِينْزِي اَخَاوم د كّغ وَاهَا؛ لَّا، تْمنِّيغ عَاذ اَكِذْوم قِّيمغ يجّن ن لْمُدَّا يعْنِي مڒَا يخس أَربِّـي. 8نش اَذ قِّيمغ ذِي ثنْدِينْت ن ؤُفَسُوْس اَڒ غَا د يَاوض ڒْعِيذ ن نْهَار وِيس خمْسِين.#16.8 ڒْعِيذ ن نْهَار وِيس خمْسِين ذ يجّن ن ڒْعِيذ ن أَيثْ-إِسْرَائِيل يتَاس-د خمْسِين يُوْم منْبَعْد إِ ڒْعِيذ اَمقّْرَان نْسن. 9أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.
10مڒَا يُوْسَا-د تِيْمُوْتَاوُس تْهلَّام ذَايس مْلِيح بَاش وَار ذَايس يتِيڒِي شَا ومْنُوْس ڒَاحقَّاش نتَّا يتݣّ ڒْخذْمث ن سِيذِيثْنغ اَمشْنَاو نش. 11ئِتْخصَّا ؤُڒَا ذ يجّن وَار ٱث يسحْقَار شَا. عَاوْنم-ث ذݣ ؤُسَفَار نّس بَاش اَغَارِي د يعْقب ذِي ڒهْنَا ڒَاحقَّاش نش تْڒَاجِيغ-ث اَك أَيثْمَاثْنغ.
12أُو عْلَاحْسَاب ؤُمَاثْنغ أَپُـوْلُّوْس، تَّارغ زَّايس اَطَّاس حمَا اَغَارْوم د يَاس اَك أَيثْمَاثْنغ نّغْنِي وَلَكِن نتَّا يُوْݣِي اَغَارْوم د يَاس ڒخُّو. أَغَارْوم د يَاس اَخْمِي اَغَارس ثِيڒِي يجّن ن لْفُرْصَا. 13إِڒِيث عْلَابَال، بدّث نِيشَان ذِي لْإِيمَان، إِڒِيث ذ يرْيَازن، إِڒِيث ثْجهْذم. 14مَارَّا مِين غَا ثݣّم كنِّيو تݣّم-ث س ڒمْحِبّث.
15-16أَقَا ثسّْنم سِتِيفَانُوْس ذ ڒحْبَاب نّس ذ نِثْنِي إِي يُوْمْنن زِي لْمَسِيح ذ يمزْوُوْرَا ذِي لْإِقْلِيم ن ؤُخَايَا، طوّْعن يخف نْسن اَذ سخَّارن إِ ڒْمُوْمِنِين صَّالِحِين. آي أَيثْمَا، تتَّارغ زَّايْوم اَذ تْثْطَاعم إِ يِوْذَان-أَ اَم يِيْنَا أُو ذ يِنِّي مَارَّا يشَرّْشن ذِي ڒْخذْمث-أَ تَمَارَان ذَايس اَطَّاس. 17نش فَرْحغ وَامِي د ؤُسِين سْتِيفَانُوْس ذ فُرْتُوْنَاوْس ذ أَخيكُوْس ڒَاحقَّاش عمَّارن يمُوْشَان نْوم. 18نِثْنِي سْريَّاحن ؤُڒ ينُو ذ وُوْڒ نْوم. إِيوَا وقَّرث يوْذَان اَم يِيْنَا.
لْخِتَام ن ثبْرَات-أَ
19ثِجُمَاع ن ڒْمُوْمِنِين ذِي لْإِقْلِيم ن آسْيَا تْسدْجَامنْت-يد خَاوم. أَكِيلَاس ذ پْـرِيسْكِيلَا ذ يِنِّي يدْجَان ذِي جْمَاعث ن ڒْمُوْمِنِين ذِي ثدَّارْث نْسن تْسَادْجَامن-د خَاوم اَطَّاس ذِي سِيذِيثْنغ. 20تْسدْجَامن-د خَاوم مَارَّا أَيثْمَاثْنغ. سدْجَامم خ وَايَاوْيَا س يِجّن ن سْڒَام يصْفَا.
21سْڒَام-أَ ؤُرِيغ-ث نش بُوْلُس س وفُوْس ينُو. 22ونِّي وَار يخْسن شَا سِيذِيثْنغ اَذ يتْوَاحَارّم. أَرَاح-د آ مَوْلَانَا! 23أَرْضَا ن سِيذِيثْنغ عِيْسَى اَكِذْوم يِيڒِي. 24ڒمْحِبّث ينُو اَكِذْوم ثِيڒِي كنِّيو مَارَّا ذِي عِيْسَى لْمَسِيح. آمِين.
Currently Selected:
:
Highlight
Share
Copy
Want to have your highlights saved across all your devices? Sign up or sign in