1 أيث-كورينث 11
11
ڒْمُوْمِنَاث ذِي لْعِبَادَا
1ذفَّارم-اَيِي-د مَامّش ذفَّارغ نش لْمَسِيح. 2فَا تْشكَّرغ-كنِّيو وَامِي تعْقَاڒم خَافِي ذِي مَارَّا ثِمسْڒَايِين، ثْحفّْظم تَّعْلِيم نِّي مَامّش ذَاوم ث سڒْمَاذغ نش.
3وَلَكِن خْسغ اَكنِّيو سْفهْمغ مْلِيح قَا اَزدْجِيف ن مْكُڒ اَرْيَاز نتَّا ذ لْمَسِيح أُو ذ نتَّا إِݣ يتْرَايَان. أَزدْجِيف ن مْكُڒ ثَمْغَارْث نتَّا ذ اَرْيَاز أُو ذ نتَّا إِݣ يتْرَايَان. أَزدْجِيف ن لْمَسِيح نتَّا ذ أَربِّـي أُو ذ نتَّا إِݣ يتْرَايَان. 4مْكُڒ اَرْيَاز إِݣ يتْࢲَادْجَان نِغ يسَّاوَاڒ س مِين يعْڒم زِي أَربِّـي اَزدْجِيف نّس يغمّس، أَتَاف نتَّا وَار يتْوقَّر شَا اَزدْجِيف نّس. 5مْكُڒ ثَمْغَارْث يتْࢲَادْجَان نِغ ثسَّاوَاڒ س مِين ثعْڒم زِي أَربِّـي اَزدْجِيف نّس وَار يغمّس شَا، أَتَاف نتَّاث وَار تْوقَّر شَا اَزدْجِيف نّس. ئِتْوَاحْسَاب اَخْمِي اَزدْجِيف نّس يتْوَاحفّ ذ اَقشَّار. 6ثَمْغَارْث مڒَا ثُوْݣِي اَذ تغْمس إِ وزدْجِيف نّس حْسن مڒَا ثْحفّ اَشوَّاف نّس. وَلَكِن ذ يجّن ن ڒفْضِيحث ثَمْغَارْث مڒَا ثْحفّ نِغ ثذْوڒ ذ ثَقشَّارْث، يعْنِي يتْخصَّا-يَاس اَذ تغْمس إِ وزدْجِيف نّس. 7شُوْف، أَرْيَاز يتْخصَّا-يَاس وَار يغمّس شَا إِ وزدْجِيف نّس لِأَنَّا نتَّا ذ صِّفث ذ شّنْعث ن أَربِّـي، ثَمْغَارْث نتَّاث ذ شّنْعث ن ورْيَاز. 8أَرْيَاز وَار د يتْوَاخْڒِيق شَا زِي ثمْغَارْث. لَّا، ثَمْغَارْث إِي د يتْوَاخڒْقن زݣ ورْيَاز.#11.8 ئِسَّاوَاڒ ذَانِيتَا خ سِيذْنَا آدَم ذ حَوَّا. ئِسُوضص سِيذِي أَربِّـي آدَم، ئِكّس-اَس يجّن ن يِيغس زݣ وغزْذِيس. ئِغس نِّي يارِّي-ث سِيذِي أَربِّـي ذ ثَمْغَارْث قَّارن-اَس حَوَّا. زِي سّنِّي يُوْوِي-ت أَربِّـي غَار سِيذْنَا آدَم. 9عَاوذ اَرْيَاز وَار د يتْوَاخْڒِيق شَا إِ ثمْغَارْث. لَّا، ثَمْغَارْث إِي د يتْوَاخڒْقن إِ ورْيَاز.#11.9 خْزَر إِمزْوُوْرَا 2:18، "ئِكَّر أَربِّـي يفكَّر ينَّا: وَار ثعدّڒ اَذ جّغ آدَم وَاحْذس، ئِتْخصَّا اَذَاس ݣّغ وِي ث غَا يعَاوْنن اَث يعَاشَر." 10س مَانَاينِّي أُو عْلَاحْسَاب لْمَلَائِكَاث يتْخصَّا-يَاس إِ ثمْغَارْث اَغَارس ثِيڒِي يجّن ن لْعَلَامَا ن سُّلْطَا خ وزدْجِيف نّس.
11إِنَّمَا، ذِي سِيذِيثْنغ ثَمْغَارْث تَعْتَامَاد خ ورْيَاز، أَرْيَاز يتَعْتَامَاد خ ثمْغَارْث. 12لِأَنَّا مَامّش ثخْڒق ثمْغَارْث زݣ ورْيَاز، أَمنِّي ڒخُّو اَرْيَاز يخدْجق-د زِي ثمْغَارْث. أُو مَارَّا زِي أَربِّـي. 13حكْمث س يِيخف نْوم. مَا مَعْقُوْل ثَمْغَارْث اَذ تࢲَّادْجْ إِ أَربِّـي بْڒَا مَا ٱذ تغْمس إِ وزدْجِيف نّس؟ 14يَاك دُّنشْت-أَ س يِيخف نّس ثْسڒْمَاذ-يكنِّيو، أَرْيَاز مڒَا يجَّا اَشوَّاف ذ اَزيْرَار ذ ڒْعِيب نِغ لَّا؟ 15وَلَكِن ثَمْغَارْث مڒَا ثجَّا اَشوَّاف ذ اَزيْرَار نتَّا ذ يجّن ن شَّان نّس. لِأَنَّا اَشوَّاف نّس اَزيْرَار يمُّوْش-اَس بَاش اَزَّايس ثغْمس إِ وزدْجِيف نّس. 16مڒَا ذِنِّي شَان يِجّن يرْزُو اَذ يمْغَانّن خ مَانَايَا، نشِّين وَار ننُّوْم شَا شَان لْعَادَا نّغْنِي، ؤُڒَا ذ ثِجُمَاع ن ڒْمُوْمِنِين ن أَربِّـي وَار نُّوْمنْت شَا شَان ڒْحَاجث نّغْنِي.
أَمنْسِي ن سِيذِيثْنغ
17نش تْوصِّيغ-كنِّيو، ڒخُّو وَار كنِّيو تْشكَّرغ شَا. ڒَاحقَّاش ثِجُمَاع نْوم تْضَرَّانْت كْتَار زِي مِين كنِّيو نفّْعنْت. 18ذ اَمزْوَارُو، خْمِي تْمُوْنم جْمَاعث ن ڒْمُوْمِنِين تسْڒِيغ بلِّي تِيڒِين جَارَاوم لْخِلَافَاث، أُو نش تَامْنغ مَانَايَا إِلَّا ذَايس شْوَايْت ن صَّح. 19ڒَاحقَّاش وَا لَابُد اَذ يڒِين لْخِلَافَاث جَارَاوم بَاش اَذ د بَانن يِنِّي يدْجَان نِيشَان جَارَاوم. 20خْمِي تْمُوْنم كنِّيو، مَا تتّم اَمنْسِي ن سِيذِيثْنغ نِيشَان؟ لَّا، وَالُو. 21مَايمِّي؟ لِأَنَّا كُڒ يجّن مِين يتݣّ: ئِجّن يتْرَاح يتتّ وَاهَا بْڒَا مَا ٱذ يرَاجَا ونِّي نّغْنِي، ئِجّن يدْجُوْز، ئِجّن يسسّ اَطَّاس ن وَامَان وضِيڒ. 22شُوْف، مَا وَار غَارْوم بُو ثُوْذْرِين مَانِي إِي غَا ثشّم نِغ ذ مَانِي إِ غَا ثسْوم؟ كنِّيو، مَا تْسحْقَارم جْمَاعث ن ڒْمُوْمِنِين ن أَربِّـي تْحݣَّرم يِنِّي وَار غَار يدْجِي وَالُو؟ مِين ذَاوم غَا ينِيغ؟ مَا كنِّيو إِي غَا شكَّرغ خ مَانَايَا؟ لَّا، وَالُو.
23شُوْف، نش اَقَا مِين ذَايِي يُوْشَا سِيذِيثْنغ أُو ذ مَانَايَا إِي ذَاوم د سِّيوْضغ يعْنِي ذِي دْجِيڒْث نِّي إِي ذِي يمّنْز سِيذِيثْنغ عِيْسَى ييْسِي-د نتَّا اَغْرُوْم، 24وَامِي يشكَّر أَربِّـي يرز-يث ينَّا: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي تْفكَّرم." 25أَمُّو عَاوذ وَامِي كمّْڒن اَمنْسِي، ييْسِي-د نتَّا ڒْكَاس نِّي، ينَّا: "ڒْكَاس-أَ ذ ڒْعَهذ ذ جْذِيذ إِي كِذْوم تݣّغ س يذَامّن#11.25 ئِذَامّن نتَّا ذ دّم. ينُو. تݣّث مَانَايَا مڒْمِي مَا ث ثسْوِيم حمَا اَذَايِي تْفكَّرم." 26مِينْزِي مڒْمِي مَا ثشِّيم زݣ ؤُغْرُوْم-أَ ثسْوِيم زِي ڒْكَاس-أَ، أَقَا تْخبَّرم س ڒْموْث ن سِيذِيثْنغ اَڒ د غَا يَاس.
27أَقَا ونِّي إِي غَا يشّن زݣ وغْرُوْم-أَ ن سِيذِيثْنغ نِغ ذ ونِّي إِي غَا يسْون زِي ڒْكَاس-أَ وَار ذَاسن يتِيشّ شَا لْقِيمَا، أَتَاف نتَّا يتݣّ ڒْمُعْصِيّث ذ ثَمقّْرَانْت اَك دَّات ذ يذَامّن ن سِيذِيثْنغ. 28إِيوَا يتْخصَّا-يَاس إِ بْنَاذم اَذ يرَاجع يخف نّس قْبڒ مَا ٱذ يشّ زݣ وغْرُوْم-أَ، قْبڒ مَا ٱذ يسو زِي ڒْكَاس-أَ. 29أَقَا ونِّي يتتّن يسسّن بْڒَا مَا ٱذ يعْقڒ نِيشَان خ دَّات ن سِيذِيثْنغ، أَتَاف يتتّ يسسّ لْعِقَاب إِ يِيخف نّس. 30س مَانَاينِّي ذِنِّي اَطَّاس جَارَاوم إِݣ يدْجَان ضعْفن هڒْشن، شَان ڒبْعَاض زَّايْوم مُّوْثن. 31مَعْلِيك نْحكّم خ يِيخف نّغ نِيشَان، أَتَاف نشِّين وَار نتْوَاحْكَام شَا. 32خْمِي خَانغ يتَاحْكَام سِيذِيثْنغ يعْنِي ينهَّا-يَانغ بَاش وَار نْكسِّي شَا لْعِقَاب ن دُّنشْت-أَ.
33خ مَانَايَا آي اَيثْمَا، خْمِي تْمُوْنم اَذ تشّم رَاجَاث اَيَاوْيَا. 34شَان يِجّن مڒَا يدْجُوْز، ئِتْخصَّا-يَاس اَذ يشّ ذِي ثدَّارْث نّس بَاش خْمِي غَا ثْمُوْنم اَتَاف وَار كنِّيو يتْحِسِّيب شَا أَربِّـي. خْمِي د غَا اَسغ نش اَتَاف اَكنِّيو وصِّيغ خ ثْمسْڒَايِين نِّي نّغْنِي.
Currently Selected:
1 أيث-كورينث 11: ريف
Highlight
Share
Copy
Want to have your highlights saved across all your devices? Sign up or sign in
1 أيث-كورينث 11
11
ڒْمُوْمِنَاث ذِي لْعِبَادَا
1ذفَّارم-اَيِي-د مَامّش ذفَّارغ نش لْمَسِيح. 2فَا تْشكَّرغ-كنِّيو وَامِي تعْقَاڒم خَافِي ذِي مَارَّا ثِمسْڒَايِين، ثْحفّْظم تَّعْلِيم نِّي مَامّش ذَاوم ث سڒْمَاذغ نش.
3وَلَكِن خْسغ اَكنِّيو سْفهْمغ مْلِيح قَا اَزدْجِيف ن مْكُڒ اَرْيَاز نتَّا ذ لْمَسِيح أُو ذ نتَّا إِݣ يتْرَايَان. أَزدْجِيف ن مْكُڒ ثَمْغَارْث نتَّا ذ اَرْيَاز أُو ذ نتَّا إِݣ يتْرَايَان. أَزدْجِيف ن لْمَسِيح نتَّا ذ أَربِّـي أُو ذ نتَّا إِݣ يتْرَايَان. 4مْكُڒ اَرْيَاز إِݣ يتْࢲَادْجَان نِغ يسَّاوَاڒ س مِين يعْڒم زِي أَربِّـي اَزدْجِيف نّس يغمّس، أَتَاف نتَّا وَار يتْوقَّر شَا اَزدْجِيف نّس. 5مْكُڒ ثَمْغَارْث يتْࢲَادْجَان نِغ ثسَّاوَاڒ س مِين ثعْڒم زِي أَربِّـي اَزدْجِيف نّس وَار يغمّس شَا، أَتَاف نتَّاث وَار تْوقَّر شَا اَزدْجِيف نّس. ئِتْوَاحْسَاب اَخْمِي اَزدْجِيف نّس يتْوَاحفّ ذ اَقشَّار. 6ثَمْغَارْث مڒَا ثُوْݣِي اَذ تغْمس إِ وزدْجِيف نّس حْسن مڒَا ثْحفّ اَشوَّاف نّس. وَلَكِن ذ يجّن ن ڒفْضِيحث ثَمْغَارْث مڒَا ثْحفّ نِغ ثذْوڒ ذ ثَقشَّارْث، يعْنِي يتْخصَّا-يَاس اَذ تغْمس إِ وزدْجِيف نّس. 7شُوْف، أَرْيَاز يتْخصَّا-يَاس وَار يغمّس شَا إِ وزدْجِيف نّس لِأَنَّا نتَّا ذ صِّفث ذ شّنْعث ن أَربِّـي، ثَمْغَارْث نتَّاث ذ شّنْعث ن ورْيَاز. 8أَرْيَاز وَار د يتْوَاخْڒِيق شَا زِي ثمْغَارْث. لَّا، ثَمْغَارْث إِي د يتْوَاخڒْقن زݣ ورْيَاز.#11.8 ئِسَّاوَاڒ ذَانِيتَا خ سِيذْنَا آدَم ذ حَوَّا. ئِسُوضص سِيذِي أَربِّـي آدَم، ئِكّس-اَس يجّن ن يِيغس زݣ وغزْذِيس. ئِغس نِّي يارِّي-ث سِيذِي أَربِّـي ذ ثَمْغَارْث قَّارن-اَس حَوَّا. زِي سّنِّي يُوْوِي-ت أَربِّـي غَار سِيذْنَا آدَم. 9عَاوذ اَرْيَاز وَار د يتْوَاخْڒِيق شَا إِ ثمْغَارْث. لَّا، ثَمْغَارْث إِي د يتْوَاخڒْقن إِ ورْيَاز.#11.9 خْزَر إِمزْوُوْرَا 2:18، "ئِكَّر أَربِّـي يفكَّر ينَّا: وَار ثعدّڒ اَذ جّغ آدَم وَاحْذس، ئِتْخصَّا اَذَاس ݣّغ وِي ث غَا يعَاوْنن اَث يعَاشَر." 10س مَانَاينِّي أُو عْلَاحْسَاب لْمَلَائِكَاث يتْخصَّا-يَاس إِ ثمْغَارْث اَغَارس ثِيڒِي يجّن ن لْعَلَامَا ن سُّلْطَا خ وزدْجِيف نّس.
11إِنَّمَا، ذِي سِيذِيثْنغ ثَمْغَارْث تَعْتَامَاد خ ورْيَاز، أَرْيَاز يتَعْتَامَاد خ ثمْغَارْث. 12لِأَنَّا مَامّش ثخْڒق ثمْغَارْث زݣ ورْيَاز، أَمنِّي ڒخُّو اَرْيَاز يخدْجق-د زِي ثمْغَارْث. أُو مَارَّا زِي أَربِّـي. 13حكْمث س يِيخف نْوم. مَا مَعْقُوْل ثَمْغَارْث اَذ تࢲَّادْجْ إِ أَربِّـي بْڒَا مَا ٱذ تغْمس إِ وزدْجِيف نّس؟ 14يَاك دُّنشْت-أَ س يِيخف نّس ثْسڒْمَاذ-يكنِّيو، أَرْيَاز مڒَا يجَّا اَشوَّاف ذ اَزيْرَار ذ ڒْعِيب نِغ لَّا؟ 15وَلَكِن ثَمْغَارْث مڒَا ثجَّا اَشوَّاف ذ اَزيْرَار نتَّا ذ يجّن ن شَّان نّس. لِأَنَّا اَشوَّاف نّس اَزيْرَار يمُّوْش-اَس بَاش اَزَّايس ثغْمس إِ وزدْجِيف نّس. 16مڒَا ذِنِّي شَان يِجّن يرْزُو اَذ يمْغَانّن خ مَانَايَا، نشِّين وَار ننُّوْم شَا شَان لْعَادَا نّغْنِي، ؤُڒَا ذ ثِجُمَاع ن ڒْمُوْمِنِين ن أَربِّـي وَار نُّوْمنْت شَا شَان ڒْحَاجث نّغْنِي.
أَمنْسِي ن سِيذِيثْنغ
17نش تْوصِّيغ-كنِّيو، ڒخُّو وَار كنِّيو تْشكَّرغ شَا. ڒَاحقَّاش ثِجُمَاع نْوم تْضَرَّانْت كْتَار زِي مِين كنِّيو نفّْعنْت. 18ذ اَمزْوَارُو، خْمِي تْمُوْنم جْمَاعث ن ڒْمُوْمِنِين تسْڒِيغ بلِّي تِيڒِين جَارَاوم لْخِلَافَاث، أُو نش تَامْنغ مَانَايَا إِلَّا ذَايس شْوَايْت ن صَّح. 19ڒَاحقَّاش وَا لَابُد اَذ يڒِين لْخِلَافَاث جَارَاوم بَاش اَذ د بَانن يِنِّي يدْجَان نِيشَان جَارَاوم. 20خْمِي تْمُوْنم كنِّيو، مَا تتّم اَمنْسِي ن سِيذِيثْنغ نِيشَان؟ لَّا، وَالُو. 21مَايمِّي؟ لِأَنَّا كُڒ يجّن مِين يتݣّ: ئِجّن يتْرَاح يتتّ وَاهَا بْڒَا مَا ٱذ يرَاجَا ونِّي نّغْنِي، ئِجّن يدْجُوْز، ئِجّن يسسّ اَطَّاس ن وَامَان وضِيڒ. 22شُوْف، مَا وَار غَارْوم بُو ثُوْذْرِين مَانِي إِي غَا ثشّم نِغ ذ مَانِي إِ غَا ثسْوم؟ كنِّيو، مَا تْسحْقَارم جْمَاعث ن ڒْمُوْمِنِين ن أَربِّـي تْحݣَّرم يِنِّي وَار غَار يدْجِي وَالُو؟ مِين ذَاوم غَا ينِيغ؟ مَا كنِّيو إِي غَا شكَّرغ خ مَانَايَا؟ لَّا، وَالُو.
23شُوْف، نش اَقَا مِين ذَايِي يُوْشَا سِيذِيثْنغ أُو ذ مَانَايَا إِي ذَاوم د سِّيوْضغ يعْنِي ذِي دْجِيڒْث نِّي إِي ذِي يمّنْز سِيذِيثْنغ عِيْسَى ييْسِي-د نتَّا اَغْرُوْم، 24وَامِي يشكَّر أَربِّـي يرز-يث ينَّا: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي تْفكَّرم." 25أَمُّو عَاوذ وَامِي كمّْڒن اَمنْسِي، ييْسِي-د نتَّا ڒْكَاس نِّي، ينَّا: "ڒْكَاس-أَ ذ ڒْعَهذ ذ جْذِيذ إِي كِذْوم تݣّغ س يذَامّن#11.25 ئِذَامّن نتَّا ذ دّم. ينُو. تݣّث مَانَايَا مڒْمِي مَا ث ثسْوِيم حمَا اَذَايِي تْفكَّرم." 26مِينْزِي مڒْمِي مَا ثشِّيم زݣ ؤُغْرُوْم-أَ ثسْوِيم زِي ڒْكَاس-أَ، أَقَا تْخبَّرم س ڒْموْث ن سِيذِيثْنغ اَڒ د غَا يَاس.
27أَقَا ونِّي إِي غَا يشّن زݣ وغْرُوْم-أَ ن سِيذِيثْنغ نِغ ذ ونِّي إِي غَا يسْون زِي ڒْكَاس-أَ وَار ذَاسن يتِيشّ شَا لْقِيمَا، أَتَاف نتَّا يتݣّ ڒْمُعْصِيّث ذ ثَمقّْرَانْت اَك دَّات ذ يذَامّن ن سِيذِيثْنغ. 28إِيوَا يتْخصَّا-يَاس إِ بْنَاذم اَذ يرَاجع يخف نّس قْبڒ مَا ٱذ يشّ زݣ وغْرُوْم-أَ، قْبڒ مَا ٱذ يسو زِي ڒْكَاس-أَ. 29أَقَا ونِّي يتتّن يسسّن بْڒَا مَا ٱذ يعْقڒ نِيشَان خ دَّات ن سِيذِيثْنغ، أَتَاف يتتّ يسسّ لْعِقَاب إِ يِيخف نّس. 30س مَانَاينِّي ذِنِّي اَطَّاس جَارَاوم إِݣ يدْجَان ضعْفن هڒْشن، شَان ڒبْعَاض زَّايْوم مُّوْثن. 31مَعْلِيك نْحكّم خ يِيخف نّغ نِيشَان، أَتَاف نشِّين وَار نتْوَاحْكَام شَا. 32خْمِي خَانغ يتَاحْكَام سِيذِيثْنغ يعْنِي ينهَّا-يَانغ بَاش وَار نْكسِّي شَا لْعِقَاب ن دُّنشْت-أَ.
33خ مَانَايَا آي اَيثْمَا، خْمِي تْمُوْنم اَذ تشّم رَاجَاث اَيَاوْيَا. 34شَان يِجّن مڒَا يدْجُوْز، ئِتْخصَّا-يَاس اَذ يشّ ذِي ثدَّارْث نّس بَاش خْمِي غَا ثْمُوْنم اَتَاف وَار كنِّيو يتْحِسِّيب شَا أَربِّـي. خْمِي د غَا اَسغ نش اَتَاف اَكنِّيو وصِّيغ خ ثْمسْڒَايِين نِّي نّغْنِي.
Currently Selected:
:
Highlight
Share
Copy
Want to have your highlights saved across all your devices? Sign up or sign in