ಅಪೊ.ಕ್ರಿ 24
24
ಫೇಲಿಕ್ಸ್ ದುಂಬು ನಡತಿ ವಿಚಾರಣೆ
1ಐನ್ ದಿನೊಡ್ದು ಬೊಕ್ಕ ಪ್ರಧಾನಯಾಜಕೆ ಅನನೀಯೆ ಸಭೆತ ಹಿರಿಯಾಕುಲೆಡ್ ಕೆಲೆವೆರೆನ್ ಬೊಕ್ಕ ತೆರ್ತುಲೆ ಪನ್ಪಿ ಒರಿ ವಕೀಲನ್ ಲೆತ್ತೊಂದು ಪೋದು ದೇಶಾಧಿಪತಿ ಎದುರುಡು ಪೌಲುನ ಮಿತ್ತ್ ದೋಷರೋಪಣೆ ಮಲ್ಪೆರೆ ಪೋಯೆರ್. 2ಪೌಲುನು ಲೆತ್ತಿ ಬೊಕ್ಕ ತೆರ್ತುಲೆ ಆಯನ ಮಿತ್ತ್ ತಪ್ಪು ಅಪವಾದನೆ ಮಲ್ಪೆರೆ ಸುರು ಮಲ್ತ್‌ದ್ ಇಂಚ ಪಂಡೆ, “ಮಾನ್ಯ ಫೇಲಿಕ್ಸ! ನಿನ ರಾಜ್ಯೊಡು ಎಂಕ್ಲೆಗ್ ಸಮಾಧಾನ ಉಂಡು. ನಿನ ಪರಾಂಬರಿಕೆಡ್ದ್ ಈ ದೇಶದ ಜನೊಕುಲೆಗ್ ಮಾತ ರೀತಿಡ್ಲಾ ಮಾತ ಜಾಗ್‌ಡ್ಲಾ ಸುದಾರ್ನೆಲು ಆಪುಂಡು. 3ಎಂಕುಲು ಮಾತ ಜಾಗೊಲೆಡ್ಲಾ ನಿನ ಉಪಕಾರೊನು ಪುಗರ್‌ದ್ ಒಪ್ಪಿಯೊನ್ವ. 4ಆಂಡ ನಿನನ್ ಹೆಚ್ಚಾದ್ ಬೇಜಾರ್ ಮಲ್ಪುನೆಕ್ಕ್ ಮನಸ್‌ದಾಂತೆ ನಮ ಎಲ್ಯ ರೀತಿಡ್ ಪನ್ಪಿನ ಪಾತೆರೊಲೆನ್ ದಯ ದೀದ್ ಕೇನೊಡು ಅಂದ್‌ದ್ ನಟ್ಟೊನ್ವ; 5ಈ ನರಮಾನಿ ಲೋಕೊಡು ಮಾತ ಕಡೆಟ್ಲಾ ಉಪ್ಪುನ ಮಾತ ಯೆಹೂದ್ಯೆರೆಡ್ ಲಡಯಿ ಲಕ್ಕಾವುನಾಯೆ ಪಂಡ್ದ್‌ಲಾ ನಜರೇತ್‌ದಾಕುಲೆನ ಮತತ ಮುಖ್ಯಸ್ಥೆ ಪಂಡ್ದ್‌ಲಾ ಎಂಕ್ಲೆಗ್ ತೋಜಿದ್ ಬತ್ತ್ಂಡ್. 6ಉಂದತ್ತಂದೆ ಇಂಬೆ ದೇವಾಲಯೊನು ಭ್ರಷ್ಟ ಮಲ್ಪೆರೆ ಪ್ರಯತ್ನ ಮಲ್ತೆ; ಅಂಚಾಯಿನೆಡ್ದ್ ಇಂಬ್ಯನ್ ಎಂಕುಲು ಪತ್ತಿಯ. 7ಆಂಡ ಸಹಸ್ರಾಧಿಪತಿ ಆದಿತ್ತಿನ ಲೂಸಿಯೆ ಬತ್ತ್‌ದ್ ಬಲತ್ಕಾರ ಮಲ್ತ್‌ದ್ ಆಯನ್ ಎಂಕುಲೆ ಕೈತಲ್‌ಡ್ದ್ ಬುಡ್ಪಾದ್ ಕೊನೊಯೆ. 8ಇಂಬ್ಯನ್ ಈಯೇ ವಿಚಾರಣೆ ಮಲ್ತಡ ಎಂಕುಲು ಇಂಬ್ಯನ ಮಿತ್ತ್ ಪನ್ಪಿನ ಈ ತಪ್ಪುಲು ಮಾತ ನಿಜನಾ ಸುಳ್ಳಾ ಅಂದ್‌ದ್ ಇಂಬ್ಯಡ್ದೇ ತೆರಿಯೊನೊಲಿ,” ಅಂದ್‌ದ್ ಪಂಡೆ. 9ಅಪಗ ಯೆಹೂದ್ಯೆರ್ ಈ ಸಂಗತಿಲು ನಿಜ ಅಂದ್‌ದ್ ಅಕುಲುಲಾ ಆ ದೋಷಾರೋಪಣೆ ಮಲ್ಪುನೆಟ್ಟ್ ಸೇರಿಯೆರ್.
ಪೌಲು ಫೆಲಿಕ್ಷನ ಎದುರು ಉತ್ತರ ಕೊರ್ಪಿನವು
10ದೇಶಾಧಿಪತಿ ಫೇಲಿಕ್ಸ್ ಪೌಲುಗು ಕೈಸನ್ನೆ ಮಲ್ತ್‌ದ್ ಪಾತೆರಿಯೆರೆ ಸೂಚನೆ ಕೊರಿಯೆ. ಅಪಗ ಪೌಲು ಇಂಚ ಪಂಡೆ, “ಈ ದಿಂಜ ವರ್ಸೊಡ್ದು ಈ ದೇಶದ ಜನೊಕುಲೆಗ್ ನ್ಯಾಯಾಧಿಪತಿ ಆದುಲ್ಲ ಅಂದ್‌ದ್ ಎಂಕುಲು ತೆರಿದ್ ಯಾನ್ ಧೈರ್ಯೊಡು ಪ್ರತಿವಾದ ಮಲ್ಪುವೆ, 11ಯಾನ್ ದೇವೆರೆನ್ ಆರಾಧನೆ ಮಲ್ಪುನೆಕ್ಕ್ ಯೆರೂಸಲೇಮುಗು ಪೋದು ಪದ್ರಾಡ್ ದಿನ ಮಾತ್ರ ಆಂಡ್ ಅಂದ್‌ದ್ ಈಯೇ ತೆರಿಯುವ; 12ದೇವಾಲಯೊಡು ಯಾನ್ ಏರೆಡಲಾ ವಾದ ವಿವಾದ ಇಜ್ಜಾಂಡ ಸಭಾಮಂದಿರೊಡು ಜನೊಕುಲೆ ಗುಂಪು ಕೂಡಾದಿಜಿ ಅಂಚೆನೆ ಬೇತೆ ಊರುಡ್ಲಾ ಗುಂಪು ಕೂಡಾದಿನ ಮೊಕುಲು ತೂತುಜೆರ್. 13ಉಂದತ್ತಂದೆ ಮೊಕುಲು ಇತ್ತೆ ಎನ ಮಿತ್ತ್ ಪನ್ಪಿನ ತಪ್ಪುಲೆನ್ ನಿಜ ಅಂದ್‌ದ್ ತೋಜಾಯೆರೆ ಆಪುಜಿ. 14ಒಂಜೆನ್ ಮಾತ್ರ ನಿನ ಎದುರು ಒಪ್ಪಿಯೊನ್ವೆ, ಅವು ದಾನೆ ಪಂಡ, ಆ ಮಾರ್ಗದ ಹಿಂಬಾಲಕೆ ಆದ್ ಯಾನ್ ಎಂಕ್ಲೆನ ಪಿತೃ ಆಯಿ ದೇವೆರೆನ್ ಆರಾಧನೆ ಮಲ್ಪುವೆ, ಆ ಮಾರ್ಗ ಸರಿಯತ್ತ್ ಅಂದ್‌ದ್ ಯೆಹೂದ್ಯೆರ್ ಪನ್ಪೆರ್. ಆಂಡ ನ್ಯಾಯಕಟ್ಟ್‌ಡ್ಲಾ ಪ್ರವಾದಿಲೆ ಗ್ರಂಥೊಲೆಡ್ ಬರೆದುಪ್ಪುನ ಮಾತ ವಿಚಾರೊಲೆನ್ ನಂಬುವೆ. 15ಉಂದತ್ತಂದೆ ನೀತಿವಂತೆರೆಗ್ಲಾ ನೀತಿಕೆಟ್ಟಿನಾಕುಲೆಗ್ಲಾ ಸೈತಿನಾಕುಲೆಡ್ದ್ ಲಕ್ಕುವೆರ್ ಅಂದ್‌ದ್ ಮೊಕುಲು ದೇವೆರೆಡ್ ನಿರೀಕ್ಷೆಡುಪ್ಪುಲೆಕ್ಕನೆ ಯಾನ್ಲಾ ದೇವೆರೆ ಮಿತ್ತ್ ಆಸೆ ದೀದ್ ನಿರೀಕ್ಷೆ ಮಲ್ಪುವೆ. 16ಈ ಕಾರಣೊಡ್ದಾವರ, ದೇವೆರೆ ಎದುರುಲಾ ನರಮಾನಿಲೆ ಎದುರುಲಾ ಏಪಲಾ ಕಲೆದಾಂತಿ ಮನಸಾಕ್ಷಿ ಉಪ್ಪುಲೆಕ್ಕ ಪೇಚಾಡುವೆ.
17“ಕೆಲವು ವರ್ಸೊಡ್ದು ಬೊಕ್ಕ ಯಾನ್ ಎನ ಸ್ವಂತ ದೇಶೊಗು ದಾನಧರ್ಮೊನು ಕೊರಿಯೆರೆಲಾ ಕಾಣಿಕೆನ್ ಅರ್ಪಣೆ ಮಲ್ಪೆರೆಲಾ ಯೆರೂಸಲೇಮುಗು ಬತ್ತೆ. 18ಯಾನ್ ಶುದ್ಧ ಮಲ್ತೊಂಡಿನಾಯೆ ಆದ್ ಅವೆನ್ ಒಪ್ಪಿಯಾನಗ ಎನನ್ ದೇವಾಲಯೊಡು ಯೆಹೂದ್ಯೆರ್ ತೂಯೆರ್; ಎನ ಒಟ್ಟುಗು ಜನತ ಗುಂಪು ಇತ್ತ್‌ಜಿ; ಗಲಾಟೆಲಾ ಇತ್ತ್‌ಜಿ, 19ಆಂಡ ಆಸ್ಯ ಪ್ರದೇಶೊಡ್ದು ಬೈದಿನ ಕೆಲವು ಯೆಹೂದ್ಯೆರ್ ತೂದಿತ್ತೆರ್; ಎನ ಮಿತ್ತ್ ದಾಲಾಂಡಲಾ ಇತ್ತ್ಂಡ ಅಕುಲೇ ನಿನ ದುಂಬು ತಪ್ಪು ಪನಿಯೆರೆ ಇಡೆಗ್ ಬರೊಡಿತ್ತ್‌ಂಡ್; 20ಯಾನ್ ಯೆರೂಸಲೇಮುಡು ಹಿರಿಸಭೆತ ಎದುರುಡು ಉಂತಿನಪಗ ಅಕ್ಲೆಗ್ ಎನ ಮಿತ್ತ್ ತಪ್ಪು ತೋಜಿದ್ ಬತ್ತ್ಂಡ ಮೊಕುಲೆ ಪನಡ್. 21ಯಾನ್ ಮೊಕ್ಲೆ ನಡುಟು ಉಂತುದು ಪುನರುತ್ಥಾನದ ಸಂಗತಿಡ್ ನಂಬುವೆ ಅಂದ್‌ದ್ ಸಾರಿನೆಕ್ಕ್ ಎನ ವಿಚಾರಣೆ ಆಪುಂಡು. ಬೇತೆ ದಾಲಾ ಅನ್ಯಾಯ ತೂತೆರ್ಡ ಅಕುಲೇ ಪನಡ್.”
22ಆಂಡ ಫೇಲಿಕ್ಸೆ ಕರ್ತವ ಮಾರ್ಗೊನು ತಕ್ಕ ಮಟ್ಟ್‌ಗ್ ತೆರಿದಿನಾಯೆ ಆದಿತ್ತ್‌ಂಡಲಾ ಅಕ್ಲೆಗ್ ಸಹಸ್ರಾಧಿಪತಿ ಲೂಸಿಯೆ ಬತ್ತಿ ಬೊಕ್ಕ “ನಿಕ್ಲೆನ ಕಾರ್ಯೊನು ತೀರ್ಮಾನ ಮಲ್ಪುವೆ,” ಅಂದ್‌ದ್ ವಿಚಾರಣೆ ತಡೆ ಮಲ್ತೆ. 23ಅಪಗ ಆಯೆ ಶತಾಧಿಪತಿಗ್, ಪೌಲು ಸೆರೆಮನೆಟ್ ಉಪ್ಪಡ್. ಆಂಡ ಆಯನ್ ಒಂತೆ ಸಡಿಲ್ ಬುಡ್ಲ. ಬೊಕ್ಕ ಆಯನ ಉಪಚಾರ ಮಲ್ಪೆರೆ ಆಯನ ಸ್ವಂತ ಜನೊಕುಲೆಡ್ ಏರೆಗ್ಲಾ ಅಡ್ಡಿ ಮಲ್ಪೆರೆ ಬಲ್ಲಿ ಅಂದ್‌ದ್ ಅಪ್ಪಣೆ ಕೊರಿಯೆ.
ಪೌಲು ರಡ್ಡ್ ವರ್ಸ ಸೆರೆಮನೆಟ್
24ಕೆಲವು ದಿನೊಡ್ದು ಬೊಕ್ಕ ಫೇಲಿಕ್ಸೆ ಯೆಹೂದ್ಯೆದಿ ಆಯಿ ತನ ಬೊಡೆದಿ ದ್ರುಸಿಲ್ಲಡೊಪ್ಪ ಬತ್ತ್‌ದ್ ಪೌಲುನು ಲೆಪ್ಪುಡ್ದು ಕ್ರಿಸ್ತ ಯೇಸುಡ್ ದೀಪಿ ನಂಬಿಕೆದ ಸಂಗತಿನ್ ಆಯಡ ಕೇಂಡೆ. 25ಆಂಡ ನೀತಿದ ಬಾಳ್ವೆ, ಸ್ವಸ್ಥ ಬುದ್ಧಿ ಬೊಕ್ಕ ದುಂಬಗ್ ಬರಿಯೆರೆ ಇತ್ತಿನ ನ್ಯಾಯ ವಿಚಾರಣೆದ ವಿಷಯೊಲೆನ್ ಪಾತೆರ್‌ನಗ ಫೇಲಿಕ್ಸೆ ಪೋಡಿದ್ ಸದ್ಯೊಗು ಪೋಲ; ಎಂಕ್ ಸಮಯ ತಿಕ್ಕಿನಪಗ ನಿನನ್ ಲೆಪ್ಪುಡಾವೆ ಅಂದ್‌ದ್ ಪಂಡೆ. 26ಉಂದತ್ತಂದೆ ಆಯಗ್ ಪೌಲುಡ್ದು ಕಾಸ್ ತಿಕ್ಕು ಅಂದ್‌ದ್ ನಿರೀಕ್ಷೆ ಇತ್ತ್ಂಡ್, ಅಪಗಪಗ ಲೆಪುಡಾದ್ ಆಯನ ಒಟ್ಟಗು ಸಂಭಾಷಣೆ ಮಲ್ತೊಂದಿತ್ತೆ.
27ರಡ್ಡ್ ವರ್ಸ ದಿಂಜಿ ಬೊಕ್ಕ ಫೇಲಿಕ್ಸನ ಸ್ಥಾನೊಗು ಪೊರ್ಕಿಯ ಫೆಸ್ತೆ ಬತ್ತೆ. ಫೇಲಿಕ್ಸೆ ಯೆಹೂದ್ಯೆರೆನ ಪ್ರೀತಿನ್ ಗೆಂದೊನೊಡು ಪನ್ಪಿ ಆಸೆಡ್ದ್ ಪೌಲುನು ಅಂಚೆನೇ ಸೆರೆಮನೆಟ್ ಬುಡ್ದು ಪೋಯೆ.
Currently Selected:
ಅಪೊ.ಕ್ರಿ 24: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಅಪೊ.ಕ್ರಿ 24
24
ಫೇಲಿಕ್ಸ್ ದುಂಬು ನಡತಿ ವಿಚಾರಣೆ
1ಐನ್ ದಿನೊಡ್ದು ಬೊಕ್ಕ ಪ್ರಧಾನಯಾಜಕೆ ಅನನೀಯೆ ಸಭೆತ ಹಿರಿಯಾಕುಲೆಡ್ ಕೆಲೆವೆರೆನ್ ಬೊಕ್ಕ ತೆರ್ತುಲೆ ಪನ್ಪಿ ಒರಿ ವಕೀಲನ್ ಲೆತ್ತೊಂದು ಪೋದು ದೇಶಾಧಿಪತಿ ಎದುರುಡು ಪೌಲುನ ಮಿತ್ತ್ ದೋಷರೋಪಣೆ ಮಲ್ಪೆರೆ ಪೋಯೆರ್. 2ಪೌಲುನು ಲೆತ್ತಿ ಬೊಕ್ಕ ತೆರ್ತುಲೆ ಆಯನ ಮಿತ್ತ್ ತಪ್ಪು ಅಪವಾದನೆ ಮಲ್ಪೆರೆ ಸುರು ಮಲ್ತ್‌ದ್ ಇಂಚ ಪಂಡೆ, “ಮಾನ್ಯ ಫೇಲಿಕ್ಸ! ನಿನ ರಾಜ್ಯೊಡು ಎಂಕ್ಲೆಗ್ ಸಮಾಧಾನ ಉಂಡು. ನಿನ ಪರಾಂಬರಿಕೆಡ್ದ್ ಈ ದೇಶದ ಜನೊಕುಲೆಗ್ ಮಾತ ರೀತಿಡ್ಲಾ ಮಾತ ಜಾಗ್‌ಡ್ಲಾ ಸುದಾರ್ನೆಲು ಆಪುಂಡು. 3ಎಂಕುಲು ಮಾತ ಜಾಗೊಲೆಡ್ಲಾ ನಿನ ಉಪಕಾರೊನು ಪುಗರ್‌ದ್ ಒಪ್ಪಿಯೊನ್ವ. 4ಆಂಡ ನಿನನ್ ಹೆಚ್ಚಾದ್ ಬೇಜಾರ್ ಮಲ್ಪುನೆಕ್ಕ್ ಮನಸ್‌ದಾಂತೆ ನಮ ಎಲ್ಯ ರೀತಿಡ್ ಪನ್ಪಿನ ಪಾತೆರೊಲೆನ್ ದಯ ದೀದ್ ಕೇನೊಡು ಅಂದ್‌ದ್ ನಟ್ಟೊನ್ವ; 5ಈ ನರಮಾನಿ ಲೋಕೊಡು ಮಾತ ಕಡೆಟ್ಲಾ ಉಪ್ಪುನ ಮಾತ ಯೆಹೂದ್ಯೆರೆಡ್ ಲಡಯಿ ಲಕ್ಕಾವುನಾಯೆ ಪಂಡ್ದ್‌ಲಾ ನಜರೇತ್‌ದಾಕುಲೆನ ಮತತ ಮುಖ್ಯಸ್ಥೆ ಪಂಡ್ದ್‌ಲಾ ಎಂಕ್ಲೆಗ್ ತೋಜಿದ್ ಬತ್ತ್ಂಡ್. 6ಉಂದತ್ತಂದೆ ಇಂಬೆ ದೇವಾಲಯೊನು ಭ್ರಷ್ಟ ಮಲ್ಪೆರೆ ಪ್ರಯತ್ನ ಮಲ್ತೆ; ಅಂಚಾಯಿನೆಡ್ದ್ ಇಂಬ್ಯನ್ ಎಂಕುಲು ಪತ್ತಿಯ. 7ಆಂಡ ಸಹಸ್ರಾಧಿಪತಿ ಆದಿತ್ತಿನ ಲೂಸಿಯೆ ಬತ್ತ್‌ದ್ ಬಲತ್ಕಾರ ಮಲ್ತ್‌ದ್ ಆಯನ್ ಎಂಕುಲೆ ಕೈತಲ್‌ಡ್ದ್ ಬುಡ್ಪಾದ್ ಕೊನೊಯೆ. 8ಇಂಬ್ಯನ್ ಈಯೇ ವಿಚಾರಣೆ ಮಲ್ತಡ ಎಂಕುಲು ಇಂಬ್ಯನ ಮಿತ್ತ್ ಪನ್ಪಿನ ಈ ತಪ್ಪುಲು ಮಾತ ನಿಜನಾ ಸುಳ್ಳಾ ಅಂದ್‌ದ್ ಇಂಬ್ಯಡ್ದೇ ತೆರಿಯೊನೊಲಿ,” ಅಂದ್‌ದ್ ಪಂಡೆ. 9ಅಪಗ ಯೆಹೂದ್ಯೆರ್ ಈ ಸಂಗತಿಲು ನಿಜ ಅಂದ್‌ದ್ ಅಕುಲುಲಾ ಆ ದೋಷಾರೋಪಣೆ ಮಲ್ಪುನೆಟ್ಟ್ ಸೇರಿಯೆರ್.
ಪೌಲು ಫೆಲಿಕ್ಷನ ಎದುರು ಉತ್ತರ ಕೊರ್ಪಿನವು
10ದೇಶಾಧಿಪತಿ ಫೇಲಿಕ್ಸ್ ಪೌಲುಗು ಕೈಸನ್ನೆ ಮಲ್ತ್‌ದ್ ಪಾತೆರಿಯೆರೆ ಸೂಚನೆ ಕೊರಿಯೆ. ಅಪಗ ಪೌಲು ಇಂಚ ಪಂಡೆ, “ಈ ದಿಂಜ ವರ್ಸೊಡ್ದು ಈ ದೇಶದ ಜನೊಕುಲೆಗ್ ನ್ಯಾಯಾಧಿಪತಿ ಆದುಲ್ಲ ಅಂದ್‌ದ್ ಎಂಕುಲು ತೆರಿದ್ ಯಾನ್ ಧೈರ್ಯೊಡು ಪ್ರತಿವಾದ ಮಲ್ಪುವೆ, 11ಯಾನ್ ದೇವೆರೆನ್ ಆರಾಧನೆ ಮಲ್ಪುನೆಕ್ಕ್ ಯೆರೂಸಲೇಮುಗು ಪೋದು ಪದ್ರಾಡ್ ದಿನ ಮಾತ್ರ ಆಂಡ್ ಅಂದ್‌ದ್ ಈಯೇ ತೆರಿಯುವ; 12ದೇವಾಲಯೊಡು ಯಾನ್ ಏರೆಡಲಾ ವಾದ ವಿವಾದ ಇಜ್ಜಾಂಡ ಸಭಾಮಂದಿರೊಡು ಜನೊಕುಲೆ ಗುಂಪು ಕೂಡಾದಿಜಿ ಅಂಚೆನೆ ಬೇತೆ ಊರುಡ್ಲಾ ಗುಂಪು ಕೂಡಾದಿನ ಮೊಕುಲು ತೂತುಜೆರ್. 13ಉಂದತ್ತಂದೆ ಮೊಕುಲು ಇತ್ತೆ ಎನ ಮಿತ್ತ್ ಪನ್ಪಿನ ತಪ್ಪುಲೆನ್ ನಿಜ ಅಂದ್‌ದ್ ತೋಜಾಯೆರೆ ಆಪುಜಿ. 14ಒಂಜೆನ್ ಮಾತ್ರ ನಿನ ಎದುರು ಒಪ್ಪಿಯೊನ್ವೆ, ಅವು ದಾನೆ ಪಂಡ, ಆ ಮಾರ್ಗದ ಹಿಂಬಾಲಕೆ ಆದ್ ಯಾನ್ ಎಂಕ್ಲೆನ ಪಿತೃ ಆಯಿ ದೇವೆರೆನ್ ಆರಾಧನೆ ಮಲ್ಪುವೆ, ಆ ಮಾರ್ಗ ಸರಿಯತ್ತ್ ಅಂದ್‌ದ್ ಯೆಹೂದ್ಯೆರ್ ಪನ್ಪೆರ್. ಆಂಡ ನ್ಯಾಯಕಟ್ಟ್‌ಡ್ಲಾ ಪ್ರವಾದಿಲೆ ಗ್ರಂಥೊಲೆಡ್ ಬರೆದುಪ್ಪುನ ಮಾತ ವಿಚಾರೊಲೆನ್ ನಂಬುವೆ. 15ಉಂದತ್ತಂದೆ ನೀತಿವಂತೆರೆಗ್ಲಾ ನೀತಿಕೆಟ್ಟಿನಾಕುಲೆಗ್ಲಾ ಸೈತಿನಾಕುಲೆಡ್ದ್ ಲಕ್ಕುವೆರ್ ಅಂದ್‌ದ್ ಮೊಕುಲು ದೇವೆರೆಡ್ ನಿರೀಕ್ಷೆಡುಪ್ಪುಲೆಕ್ಕನೆ ಯಾನ್ಲಾ ದೇವೆರೆ ಮಿತ್ತ್ ಆಸೆ ದೀದ್ ನಿರೀಕ್ಷೆ ಮಲ್ಪುವೆ. 16ಈ ಕಾರಣೊಡ್ದಾವರ, ದೇವೆರೆ ಎದುರುಲಾ ನರಮಾನಿಲೆ ಎದುರುಲಾ ಏಪಲಾ ಕಲೆದಾಂತಿ ಮನಸಾಕ್ಷಿ ಉಪ್ಪುಲೆಕ್ಕ ಪೇಚಾಡುವೆ.
17“ಕೆಲವು ವರ್ಸೊಡ್ದು ಬೊಕ್ಕ ಯಾನ್ ಎನ ಸ್ವಂತ ದೇಶೊಗು ದಾನಧರ್ಮೊನು ಕೊರಿಯೆರೆಲಾ ಕಾಣಿಕೆನ್ ಅರ್ಪಣೆ ಮಲ್ಪೆರೆಲಾ ಯೆರೂಸಲೇಮುಗು ಬತ್ತೆ. 18ಯಾನ್ ಶುದ್ಧ ಮಲ್ತೊಂಡಿನಾಯೆ ಆದ್ ಅವೆನ್ ಒಪ್ಪಿಯಾನಗ ಎನನ್ ದೇವಾಲಯೊಡು ಯೆಹೂದ್ಯೆರ್ ತೂಯೆರ್; ಎನ ಒಟ್ಟುಗು ಜನತ ಗುಂಪು ಇತ್ತ್‌ಜಿ; ಗಲಾಟೆಲಾ ಇತ್ತ್‌ಜಿ, 19ಆಂಡ ಆಸ್ಯ ಪ್ರದೇಶೊಡ್ದು ಬೈದಿನ ಕೆಲವು ಯೆಹೂದ್ಯೆರ್ ತೂದಿತ್ತೆರ್; ಎನ ಮಿತ್ತ್ ದಾಲಾಂಡಲಾ ಇತ್ತ್ಂಡ ಅಕುಲೇ ನಿನ ದುಂಬು ತಪ್ಪು ಪನಿಯೆರೆ ಇಡೆಗ್ ಬರೊಡಿತ್ತ್‌ಂಡ್; 20ಯಾನ್ ಯೆರೂಸಲೇಮುಡು ಹಿರಿಸಭೆತ ಎದುರುಡು ಉಂತಿನಪಗ ಅಕ್ಲೆಗ್ ಎನ ಮಿತ್ತ್ ತಪ್ಪು ತೋಜಿದ್ ಬತ್ತ್ಂಡ ಮೊಕುಲೆ ಪನಡ್. 21ಯಾನ್ ಮೊಕ್ಲೆ ನಡುಟು ಉಂತುದು ಪುನರುತ್ಥಾನದ ಸಂಗತಿಡ್ ನಂಬುವೆ ಅಂದ್‌ದ್ ಸಾರಿನೆಕ್ಕ್ ಎನ ವಿಚಾರಣೆ ಆಪುಂಡು. ಬೇತೆ ದಾಲಾ ಅನ್ಯಾಯ ತೂತೆರ್ಡ ಅಕುಲೇ ಪನಡ್.”
22ಆಂಡ ಫೇಲಿಕ್ಸೆ ಕರ್ತವ ಮಾರ್ಗೊನು ತಕ್ಕ ಮಟ್ಟ್‌ಗ್ ತೆರಿದಿನಾಯೆ ಆದಿತ್ತ್‌ಂಡಲಾ ಅಕ್ಲೆಗ್ ಸಹಸ್ರಾಧಿಪತಿ ಲೂಸಿಯೆ ಬತ್ತಿ ಬೊಕ್ಕ “ನಿಕ್ಲೆನ ಕಾರ್ಯೊನು ತೀರ್ಮಾನ ಮಲ್ಪುವೆ,” ಅಂದ್‌ದ್ ವಿಚಾರಣೆ ತಡೆ ಮಲ್ತೆ. 23ಅಪಗ ಆಯೆ ಶತಾಧಿಪತಿಗ್, ಪೌಲು ಸೆರೆಮನೆಟ್ ಉಪ್ಪಡ್. ಆಂಡ ಆಯನ್ ಒಂತೆ ಸಡಿಲ್ ಬುಡ್ಲ. ಬೊಕ್ಕ ಆಯನ ಉಪಚಾರ ಮಲ್ಪೆರೆ ಆಯನ ಸ್ವಂತ ಜನೊಕುಲೆಡ್ ಏರೆಗ್ಲಾ ಅಡ್ಡಿ ಮಲ್ಪೆರೆ ಬಲ್ಲಿ ಅಂದ್‌ದ್ ಅಪ್ಪಣೆ ಕೊರಿಯೆ.
ಪೌಲು ರಡ್ಡ್ ವರ್ಸ ಸೆರೆಮನೆಟ್
24ಕೆಲವು ದಿನೊಡ್ದು ಬೊಕ್ಕ ಫೇಲಿಕ್ಸೆ ಯೆಹೂದ್ಯೆದಿ ಆಯಿ ತನ ಬೊಡೆದಿ ದ್ರುಸಿಲ್ಲಡೊಪ್ಪ ಬತ್ತ್‌ದ್ ಪೌಲುನು ಲೆಪ್ಪುಡ್ದು ಕ್ರಿಸ್ತ ಯೇಸುಡ್ ದೀಪಿ ನಂಬಿಕೆದ ಸಂಗತಿನ್ ಆಯಡ ಕೇಂಡೆ. 25ಆಂಡ ನೀತಿದ ಬಾಳ್ವೆ, ಸ್ವಸ್ಥ ಬುದ್ಧಿ ಬೊಕ್ಕ ದುಂಬಗ್ ಬರಿಯೆರೆ ಇತ್ತಿನ ನ್ಯಾಯ ವಿಚಾರಣೆದ ವಿಷಯೊಲೆನ್ ಪಾತೆರ್‌ನಗ ಫೇಲಿಕ್ಸೆ ಪೋಡಿದ್ ಸದ್ಯೊಗು ಪೋಲ; ಎಂಕ್ ಸಮಯ ತಿಕ್ಕಿನಪಗ ನಿನನ್ ಲೆಪ್ಪುಡಾವೆ ಅಂದ್‌ದ್ ಪಂಡೆ. 26ಉಂದತ್ತಂದೆ ಆಯಗ್ ಪೌಲುಡ್ದು ಕಾಸ್ ತಿಕ್ಕು ಅಂದ್‌ದ್ ನಿರೀಕ್ಷೆ ಇತ್ತ್ಂಡ್, ಅಪಗಪಗ ಲೆಪುಡಾದ್ ಆಯನ ಒಟ್ಟಗು ಸಂಭಾಷಣೆ ಮಲ್ತೊಂದಿತ್ತೆ.
27ರಡ್ಡ್ ವರ್ಸ ದಿಂಜಿ ಬೊಕ್ಕ ಫೇಲಿಕ್ಸನ ಸ್ಥಾನೊಗು ಪೊರ್ಕಿಯ ಫೆಸ್ತೆ ಬತ್ತೆ. ಫೇಲಿಕ್ಸೆ ಯೆಹೂದ್ಯೆರೆನ ಪ್ರೀತಿನ್ ಗೆಂದೊನೊಡು ಪನ್ಪಿ ಆಸೆಡ್ದ್ ಪೌಲುನು ಅಂಚೆನೇ ಸೆರೆಮನೆಟ್ ಬುಡ್ದು ಪೋಯೆ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature