2 ಕೊರಿಂಥ್ಯೆರೆಗ್ 6
6
1ಎಂಕುಲು ದೇವೆರೆಡೊಪ್ಪ ಜತೆಸೇವಕೆರಾದುಲ್ಲ. ಅಂಚಾದ್ ನಿಕುಲು ದೇವೆರೆಡ್ದ್ ತಿಕ್ಕ್‌ದಿನ ದಯೊನು ವ್ಯರ್ಥ ಮಲ್ತೊನಡೆ ಅಂದ್‌ದ್ ಎಂಕುಲು ನಟ್ಟೊಂದುಲ್ಲ. 2“ಸರಿ ಸಮಯೊಡು ಯಾನ್ ನಿನ ಲೆಪ್ಪುಗು ಕೆಬಿ ಕೊರಿಯೆ; ರಕ್ಷಣೆದ ದಿನೊಟು ಯಾನ್ ನಿಕ್ಕ್ ಸಹಾಯ ಮಲ್ತೆ.” ಅಂದ್‌ದ್ ದೇವೆರ್ ಪನ್ಪೆ ಅತ್ತಾ. ಇತ್ತೆನೇ ಆ ಸರಿತ್ತ ಸಮಯ; ಇನಿಯೇ ಆ ರಕ್ಷಣೆದ ದಿನ.
3ಎಂಕುಲೆ ಸೇವೆನ್ ದೂರಂದಿಲೆಕ್ಕ ಎಂಕುಲು ಏರೆಗ್ಲಾ ಅಡ್ಡಿ ಮಲ್ಪುಜ. 4ಆಂಡ ಮಾತ ವಿಷಯೊಲೆಡ್ ಎಂಕ್ಲೆನೇ ದೇವೆರೆ ಸೇವಕೆರ್ ಅಂದ್‌ದ್ ಎಂಕುಲು ತೋಜಾವುನವು. ಎಂಕುಲು ದಿಂಜ ಸಹಿಸೊನೆಟ್ಟ್ ಭಂಗೊಲೆಡ್ ಕೊರತೆಲೆಡ್ ಇಕ್ಕಟ್ಟ್‌ಡ್ 5ಪೆಟ್ಟ್‌ಲೆಡ್, ಸೆರೆಮನೆಟ್, ದೊಂಬಿಲೆಡ್, ಭಂಗದ ಕೆಲಸೊಲೆಡ್, ನಿದ್ರೆದಾಂತಿ ಸ್ಥಿತಿಟ್ಟ್, ಉಪವಾಸೊಡ್ಲಾ 6ಎಂಕುಲು ಎಂಕ್ಲೆನ್ ಶುದ್ಧತ್ವೊಡು, ಗೇನೊಡು, ತಾಳ್ಮೆಡ್, ದಯೆಟ್, ಪರಿಶುದ್ಧಾತ್ಮೊಡು, ಕಪಟದಾಂತಿ ಪ್ರೀತಿಡ್, 7ಸತ್ಯ ಪಾತೆರೊಡು, ದೇವೆರೆ ಶಕ್ತಿಡ್ ಎಂಕುಲು ದೇವೆರೆ ಸೇವಕೆರ್ ಅಂದ್‌ದ್ ತೋಜಾವೊನುವ. ದತ್ತ ಬಲತ್ತ ಕೈಟ್‌ ನೀತಿ ಪನ್ಪಿ ಆಯುಧೊಲೆನ್ ಎಂಕುಲು ಪತ್ತೊಂದಿನಾಕುಲಾದುಲ್ಲಾ. 8ಕೆಲೆವೆರ್ ಮಾನ ಕೊರಡ್, ಕೆಲೆವೆರ್ ಹೀನ ಮಲ್ಪಡ್, ಕೆಲೆವೆರ್ ತುಚ್ಚಿಕಾರ ಮಲ್ಪಡ್, ಕೆಲೆವೆರ್ ಪುಗರಡ್, ಎಂಕುಲು ಸತ್ಯ ಪಾತೆರುನಾಕುಲು ಆದಿತ್ತ್‌ಂಡಲಾ ಸುಳ್ಳುಗಾರೆರ್ ಅಂದ್‌ದ್ ಲೆಪ್ಪುವೆರ್. 9ಎಂಕುಲು ಮಾತೆರ್ಲಾ ತೆರಿಯಂದಿನಾಕುಲಾದಿತ್ತ್‌ಂಡಲಾ ತೆರಿದಿನಾಕುಲಾದುಲ್ಲ, ಸೈಪಿನಾಕುಲಾದ್ ತೋಜಿಂಡಲಾ ಬದುಕುನಾಕುಲಾದುಲ್ಲ. ಶಿಕ್ಷೆ ತಿಂದ್‌ಂಡಲಾ ಸೈಯಂದಿನಾಕುಲಾದುಲ್ಲ. 10ದುಃಖ ಮಲ್ತೊಂದಿತ್ತ್‌ಂಡಲಾ ಏಪಲಾ ಸಂತೋಷ ಮಲ್ತೊಂದಿತ್ತಿನಾಕುಲು ಆದುಲ್ಲ. ಬಡವೆರಾಂಡಲಾ ಮಸ್ತ್ ಜನೊಕುಲೆಗ್ ಐಶ್ವರ್ಯವಂತೆರಾದ್ ಮಲ್ಪುನಾಕುಲು ಆದುಲ್ಲ. ದಾಲಾ ದಾಂತಿನಾಕುಲಾಂಡಲಾ ಮಾತಲಾ ಇತ್ತಿನಾಕುಲಾದುಲ್ಲ.
11ಕೊರಿಂಥದಾಕುಲೇ, ಎಂಕುಲು ನಿಕ್ಲೆಡ ಸತ್ಯಾದ್ ಪಾತೆರೊಂದೆ ಉಪ್ಪುವ, ಎಂಕುಲೆ ಉಡಲ್ ನಿಕ್ಲೆಗ್ ಜತ್ತ್‌ದ್‌ಂಡ್. 12ಎಂಕುಲು ನಿಕ್ಲೆಗ್ ತೋಜಾವುನ ಪ್ರೀತಿನ್ ಉಂತಾದಿಜ; ಆಂಡ ನಿಕುಲು ನಿಕ್ಲೆ ಉಡಲ್‌ಡ್ ಎಂಕ್ಲೆಗ್ ತೋಜಾವುನ ಪ್ರೀತಿನ್ ಕಡಿಮೆ ಮಲ್ತೊಂಡರ್. 13ಎನ ಜೋಕುಲೆಗ್ ಪಂಡಿಲೆಕ್ಕ ಪನ್ಪೆ, ನಿಕುಲುಲಾ ನಿಕ್ಲೆ ಉಡಲ್‌ನ್ ಜಪ್ಪುಲೆ.
ಜೀವ ಇತ್ತಿ ದೇವೆರೆ ಆಲಯ
14ನಂಬಿಕೆದಾಂತಿನಾಕುಲೆಡೊಪ್ಪ ಒಟ್ಟಾವಡೆ. ದಾಯೆಗಂದ್ಂಡ ನೀತಿಗ್ಲಾ ಅನ್ಯಾಯೊಗ್ಲಾ ಪಾಲ್ ಉಂಡಾ? ಬೊಲ್ಪುಗ್ಲಾ ಕತ್ತೆಲೆಗ್ಲಾ ಸಮ್ಮಂಧ ಉಂಡಾ? 15ಕ್ರಿಸ್ತಗ್ಲಾ ಸೈತಾನಗ್ಲಾ ಒಪ್ಪಂದ ಮಲ್ಪೊಲಿಯಾ? ನಂಬುನಾಯಗ್ಲಾ ನಂಬಂದಿನಾಯಗ್ಲಾ ಪಾಲ್‌ದಾರಿಕೆ ಉಂಡಾ? 16ದೇವೆರೆ ಇಲ್ಲ್‌ಗ್ಲಾ ಮೂರ್ತಿಲೆಗ್ಲಾ ಒಪ್ಪಂದ ದಾನೆ? ದಾಯೆಗಂದ್ಂಡ ನಮ ಜೀವಸ್ವರೂಪೆ ಆದುಪ್ಪು ದೇವೆರೆ ಇಲ್ಲ್ ಆದುಲ್ಲತ್ತಾ.
“ಯಾನ್ ಅಕ್ಲೆಡೊಪ್ಪ ಇತ್ತ್‌ದ್ ಅಕ್ಲೆನ್ ನಡಪಾವೆ.
ಯಾನ್ ಅಕ್ಲೆ ದೇವೆರಾದುಲ್ಲೆ, ಅಕುಲು ಎನ ಜನೊಕುಲಾದುಪ್ಪುವೆರ್,” ಅಂಚ ದೇವೆರ್ ಪನ್ತೆರತ್ತಾ.
17“ಅಂಚಾದ್ ಪಿದಯಿದ ಜನೊಕುಲೆ ಮದ್ಯೊಡ್ದು ಪಿದಾಡ್ದ್ ಅಕ್ಲೆಡ್ದ್ ಪ್ರತ್ಯೇಕಾದುಪ್ಪುಲೆ ಅಂದ್‌ದ್ ಕರ್ತವೆ ಪನ್ಪೆ.
ಅಶುದ್ಧವಾಯಿನೆನ್ ಒವೆನ್ಲಾ ಮುಟ್ಟಡೆ, ಅಪಗ ಯಾನ್ ನಿಕ್ಲೆನ್ ಸೇರಾವೊನ್ವೆ.
18ಬೊಕ್ಕ, ಯಾನ್ ನಿಕ್ಲೆಗ್ ಅಮ್ಮೆ ಆದುಪ್ಪುವೆ; ನಿಕುಲು ಎನ ಮಗೆಲಾ ಮಗಲ್ಲಾ ಆದುಪ್ಪುವರ್ ಅಂದ್‌ದ್ ಸರ್ವತ್ರಾಣಿ ಆದುಪ್ಪು ಕರ್ತವೆ ಪನ್ಪೆ.”
Currently Selected:
2 ಕೊರಿಂಥ್ಯೆರೆಗ್ 6: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
